Love is ...

( ၅ )

uni;

'အချစ်​' ဆိုတာ ...
သူပြုံး​နေရင်​​ ကိုယ်​ပါလိုက်​ပြုံး​နေမိတာမျိုး ။

-----------

အ​ရှေ့ကသင်​​နေတဲ့ ဘာသာက AMဘာသာမို့ မြူလွှာ အိပ်ငိုက်ချင်သလိုဖြစ်လာရတယ်။
(AM-Aspect of Myanmar)

မျက်ခွံတွေလေးလံကျလာပေမယ့် မျက်မှန်အပေါ်ကနေ တတန်းလုံးကို စူးစမ်းကြည့်လာတဲ့ ဆရာမရဲ့အကြည့်ရဲရဲကြောင့် အားကြိုးမာန်တက်ပြန်ပြီး မျက်ဝန်းကိုပြူးပြဲထားရတယ်။

စာသင်ရတာ ဘာလို့ ဒီလောက်တောင် ပျင်းဖို့ကောင်းနေရတာလဲ။

" ဆရာမ "

ခွင့်တောင်းလာတဲ့ အသံအက်ရှရှနဲ့အတူ အတန်းထဲဝင်လာတဲ့ တစ်ယောက်သောသူကို မြင်လိုက်ရတဲ့အချိန်မှာတော့ အိပ်ငိုက်ချင်စိတ်တို့က ခပ်ဝေးဝေးသို့ လွင့်ပြယ်သွားပြီပဲဖြစ်တယ်။

" ​အော်​..သမီးစူးရှ ဘာကိစ္စရှိလို့လဲ "

မျက်​နှာမြင်​တာနဲ့​ဆရာမက ကိုကို့နာမည်​ကိုမှတ်​မိ​နေတယ်​ဆို​တော့ ကိုကိုကဆရာမ​တွေကြားထဲ နာမည်ကြီးပြီး ချစ်တပည့်လေးဖြစ်ခဲ့တဲ့ပုံပဲ။

" သမီးတို့ စစ်ကိုင်း​​​တိုင်း welcomeလုပ်ဖို့ ကလေးတွေနာမည်လာကောက်တာပါ ဆရာမ ၊ ၅မိနစ်လောက်ပါပဲ "

" ရတယ်​​လေသမီး... အေး​ဆေးကောက်​ "

ပြုံးပြလိုက်​တဲ့သူ့အပြုံး​အောက်​ စိတ်​ဆန္ဒတစ်​စုံလွတ်​ထွက်
မ​​​လိုဖြစ်​သွားရတယ်။ ပြီး​တော့... သွားစွယ်​​လေးကလည်း သူမနှလုံးသားကို ဆွဲခါ​နေပြန်တယ်။ ဘာပဲဖြစ်​ဖြစ်​... ဆရာမ​ကို​ကျေးဇူး​တော့တင်​မိသား... မသင်​ချင်​တဲ့ဘာသာအစား ကိုကို့မျက်​နှာကို၅မိနစ်​​လေးမြင်​​နေရလို့လေ။

" ဒီက​မောင်​​လေး ညီမ​လေး​တွေထဲမှာ စစ်ကိုင်း​​တိုင်းကလူ​တွေများပါလားမသိဘူး "

ကြည်​လင်​တဲ့အသံ​လေးကအခန်းထဲ ပျံ့လွင့်လာသလို
စိတ်​အားထက်​သန်​စွာနဲ့ ကြည့်နေတဲ့ မြူလွှာဆီကိုလည်း အကြည့်တစ်ချက်ရောက်လာလေတယ်။ တကယ်က ကျောင်းသားတွေကြား ဝေ့ဝဲပြီးကြည့်လိုက်ရာမှ မြူလွှာကို မြင်သွားသလိုမျိုး။