ما بين سحر الحب وكبرياء الانسان

البارت الخامس عشر(عيد ميلاد)

ايوة بقا و رجعنا مرة تانية بعد ما خلصنا من هم الامتحانات واحشتوني جدا و انا كمان واحشتكوا جدا عارفة و الله من غير ما تقولوا😂😂 و هنرجع  بقا نواظب مرة تانية علي مواعد التنازيل بتاعتنا و الا هي بارت كل يوم احد او اتنين و احتمال يبقوا بارتين في الاسبوع و يكون واحد يوم الاربع او الخميس و يلا بقا و كفاية كلام لحد كدة و خلينا نشوف ابطالنا الحلوين بيعملوا ايه
*********************************
<بسم الله الرحمن الرحيم>
واقفنا المرة الا فاتت لما جويرية كانت بتكلم اهلها و كرم اقالها انا في حد اشتري الشيكات الا علي ابوها و عايزه يسددهم و ان هم مش عارفين هو مين و بعد كدة تقفل معه جويرية و تقعد تفكر مين الا عمل كدة و فجاة يخطر ببالها حد فتقوم بسرعة عشان تتاكد تعالوا بقا نشوف هي هتعمل ايه
*******************************
كانت جويرية اعدة بتفكر مين الا عمل مع باباها و فجأة جيه في بالها حد خلاها تنط من مكانها بسرعة
جويرية بصدمة:معقول الا بفكر فيه يكون صح
و بعدين قالت بغيظ
جويرية بغيظ:و الله لو كان الا في بالي ما هسكتله البارد ده
و راحت بغضب و شدت الحجاب بتاعها و لبسته و فتحت الباب و خرجت و نزلت علي السلم بسرعة و بغضب في نفس الوقت كانت مرام طلعة علي السلم فخبطوا الاتنين في بعض فكانت جويرية هتقع بسبب انها كانت بتنزل السلم بسرعة بس مرام مسكتها بسرعة قبل ما توقع
مرام بفزع:في ايه يا بت نزلة بسرعة كدة ليه كنتي هتقعي
جويرية بغضب:سيبك مني دلوتي و اقوليلي اخوكي فين
مرام بهبل:اخوي مين
جويرية بنفاذ صبر:مرام مش طلبة غباء دلوتي هيكون اخوكي مين يعني
مرام:الله ما هم اتنين اقوليلي مين فيهم و انا اقولك
جويرية بغيظ:هيكون بسأل عن مروان ليه مثلا اكيد بسأل عن اخوكي التاني
مرام:اها يوسف كان لسة جاي دلوتي و دخل المكتب
جويرية:ماشي
و كملت نزول علي السلم بسرعة
مرام:استني بس انتي في ايه انت نزلة بسرعة كدة ليه
جويرية و هي نزلت علي السلم:بعدين هقولك
مرام:مشاء الله ما جمع الا ما وفق هبلة و بارد
و بعدين كملت طلوع علي السلم اما عند جويرية الا راحت عند المكتب و فتحت الباب بتاعه بغضب و دخلت  و كان يوسف اقعد علي كرسي المكتب و هو مرجع راسه لوراء و مغمض عنيه و فتحهم لما سمع صوت الباب فبص لجويرية ببرود استغربته جويرية و حسيت انه متفجش بجيتها دلوتي و بدخولها بالطريقة دي و كانه كان مستنيها تيجي فدخلت جويرية و قفلت الباب وراها جامد و راحت وقفت اودام المكتب و ربعت ايدها و هي بتبص ليوسف بنظرات غيظ و غضب شديد قابلتها نظرات يوسف الباردة و مستفزة و فضلوا كدة ثواني لحد ما اقطع حرب العيون دي صوت يوسف
يوسف ببرود:هو محدش علمك يا شاطرة انك تخبطي الباب قبل ما تدخلي و انك لما تدخلي تقفلي الباب براحة مش ترزعيه كدة علي الاقل من باب الذوق و لاء انتي متعرفيش يعني ايه ذوق
جويرية بغيظ:مش لما تعرفه انت الاول ابقا اعرفه انا
بصله يوسف ببرود و قام من علي الكرسي بهدوء و راح ناحيتها و واقف اقصادها فرجعت جويرية للوراء تلقائي لحد ما خبطت في المكتب فحط يوسف ايده علي المكتب جانبها و نزل لمستوي ودنها و همسلها
يوسف بهدوء مخيف:لسانك الطويل ده يا قطة هقطعهلك لو ملميتهوش
و بعد يوسف عنها بس كان لسة محصرها و بصلها فكانت جويرية مغمضة عنيها و خدودها كانوا الاتنين لونهم احمر من الكسوف بسبب قرب يوسف منها لدرجة دي و كانت بتلعب في ايدها بتوتر فضل يوسف يبصلها و مينكرش ابدا انها كانت جميلة و بريئة جدا بس فاق من افكاره دي و بعد عنها و حط ايده في جيبه
يوسف ببرود:هتفضلي مغمضة عنيكي كدة كتير
فتحت جويرية عنيها لما سمعت صوته و حسيت انه بعد عنها بس كانت لسة بتلعب في ايدها بتوتر
يوسف ببرود:صحيح انتي كنتي جاية هنا ليه و لخصي عشان اقولتلك قبل كدة مبحبش اضيع وقتي مع عيلة زيك
بصتله جويرية بغيظ ورجعلها غضبها منه تاني و افتكرت هي جاية هنا ليه
جويرية بغضب:انت الا عملت كدة في الشركة بتاعة بابا
يوسف ببرود:عملت ايه
جويرية بغضب:متعملش نفسك مش فاهم لاني متاكدة ان مفيش غيرك هيعمل كدة
يوسف ببرود:عملت ايه لو مش هتوضحي كلامك يبقا اطلعي بره
جويرية بغضب:انت الا اشتريت الشيكات الا كانت علي بابا و بطلبه بتسديدها دلوتي صح
يوسف بابتسامة باردة و هو بيسقف بايده :برافو مكنتش اعرف انك زكية و هتفهميها بسرعة كدة
جويرية وهي بتجز علي اسنانها:يعني انت الا عملت كدة
يوسف ببرود:ايوة انا الا عملت كدة
جويرية بغضب:ليه ليه عملت كدة انت عارف بابا تعب في الشركة دي اد ايه
يوسف ببرود:و بسبب غباء بنته تعبه ده هيضيع
جويرية بغضب:ليه انا عملتلك ايه
يوسف ببرود:اظنك عارفة انتي عملتي ايه
جويرية:عشان الا حصل من يومين مش كدة
يوسف ببرود:بالظبط كدة مش انا يا قطة الا عيلة زيك تهددني
جويرية بثقة:و انا مكونتش بهددك انا هعمل الا قولتلك عليه
يوسف :خلاص يبقا ابوكي هيخسر كل حاجة
جويرية بغضب و صوت عالي:انت عايز مني ايه يا اخي ارحمني بقا لا انت عايز تقولي اتجوزتني ليه و لاء عايز تطلقني اقولي عايز مني ايه ايه سبب الا انت بتعمله ده كله
قرب يوسف من جويرية فرجعت هي للوراء
يوسف و هو لسة بيتقدم ناحيتها:اظني اقولتلك قبل كدة صوتك ده ما يعلاش اودامي صح
جويرية و هي لسة بترجع للوراء:صح انت اقولتلي كدة بس بقا هعليه لحد ما اعرف انت عايز مني ايه
يوسف بتحذير:بطلي تعندي معي يا جويرية احسنلك انت لسة متعرفيش انا ممكن اعمل فيكي ايه
جويرية بثقة و هي مش واخدة بالها ان الحيطة بقت وراها بالظبط و انها معدتش تقدر ترجع اكتر من كدة:لا مش هبطل عند لحد ما اعرف الا انا عايزه
يوسف ببرود و هو مربع ايده و واقف اقصاده: و انتي عايزة تعرفي ايه
جويرية:عايزة اعرف اولا انت اتجوزتني ليه و ثانيا ليه مش عايز تطلقني مع اني متاكدة انك بتكرهني زي ما انا بكرهك بالظبط
يوسف:تمام و انا هجوبك علي الا انت عايزه اولا انتي عايزة تعرفي انا اتجوزتك ليه مش كدة
جويرية:ايوة
يوسف بابتسامة باردة:عشان انتقم منك
بصتله جويرية بصدمة و الكلمة بتكرر في ودنها اكتر من مرة
جويرية بصدمة:تنتقم مني طيب و انا عملتلك ايه عشان تنتقم مني انا اذيتك في ايه
يوسف:انتي كنتي عايزة تعرفي انا اتجوزتك ليه و انا جوبتك و اكتر من كدة مش لازم تعرفيه
جويرية بغضب:يعني ايه مش لازم اعرف هو انا مش من حقي اعرف انا عملت ايه عشان تنتقم مني
يوسف:لا مش من حقك تعرفي الا لما انا احب اقولك
جويرية بصوت عالي:يعني ايه بقا هو انت فكرني عبدة عندك عشان اسيبك تنتقم مني من غير ما اعرف السبب
مسكها يوسف من دراعتها الاتنين جامد
يوسف:اقولتلك توطي صوتك و انتي بتتكلمي اودامي مفهوم و اما بقي سبب انتقامي منك فزي ما اقولتلك وقت ما احب اقولك هقولك و لو انتي شايفة انك كدة عبدة فاعتبري نفسك كدة من النهاردة
بصتله جويرية بغضب و شدت ايدها من ايده بقوة و رفعتها و كانت هتديله بالقلم بس يوسف كان اسرع و مسك ايدها و لوها وراء ضهرها بغضب و قسوة
يوسف بغضب و صوت عالي:بقا حتة عيلة زيك تحول ترفع ايدها عليا بس انا بقا هدفعك تمن الحركة دي كويس اوي
رفعت جويرية عنيها الا اتملت دموع لعين يوسف الا كان بيبصلها بغضب فنزلت الدموع من عنيها بسبب رعبها من نظرات يوسف ليها و من آلم ايدها الا كان يوسف مسكها
يوسف ببرود:وفري الدموع دي هتحتجيها بعدين
اقطع كلامهم صوت الفون بتاع يوسف
يوسف و هو بيضغط علي ايدها بقسوة اكتر:احمدي ربنا التليفون ده انقذك من الا كنت هعملوه فيكي بس قسما بربي لو قررت الا انتي عملتيه من شوية ده هتشوف مني وش تاني بيتهيليئ انتي مش عايزة تشوفيه
و بعدين زقها يوسف فتخبطت في الحيط جامد في ضهرها بس يوسف مخدش باله لانه دور وشه و كان خارج من باب المكتب بس وقف
يوسف ببرود:اها صحيح كنت هنسي اجوبلك علي ثانيا انا مش عايز اطلقك ليه و انا هقولك لما اخلص الا انا عايزه منك ساعته هطلقك
و سابها يوسف و خرج فانهرت جويرية علي الارض بعد ما كانت ساندة علي الحيط و دموعها نزلت بغزارة دموع كانت جويرية نفسها مش عارفة سببها ايه ياتري سببها كلام يوسف و الا اقالهولها عن سبب جوازه منها و لاء بسبب الآلم الا في ضهرها نتيجة الخبطة الجامدة في الحيط فضلت جويرية تعيط للوقت هي نفسها معرفتش هو اد ايه ثواني و لاء دقائق بس لما حست ان بدا صوت عياطها يعلي اقامت من علي الارض و هي بتسند علي الحيطة لحد ما وقفت و مشيت ببطئ بسبب وجع ضهرها و خرجت من المكتب و طلعت اوضتها و اول ما دخلت و قفلت الباب اعدة علي السرير و حطت ايدها علي وشها و هي بتعيط اكتر من الاول فضلت كدة لمدة طويلة لحد ما هديت شوية فقامت براحة من علي السرير و اتوضت و وفقت تصلي بين ايدين ربها فهو الوحيد الا تقدر تشتكيله و هو الوحيد الا يقدر ريحها و بعد ما خلصت صلاة
جويرية بدموع:يارب انت الا عالم بيا و عارف اني عمري ما اذيته في حاجة و لاء عارفة هو عايز ينتقم مني ايه يارب اهديني لسبب الا مخليه بيكرهني و عايز ينتقم مني يمكن يكون فاهم غلط و انا اقدر اساعده عشان يعرف الصح يارب اهديه و اهديني و خليك معي و وفقني و صبرني علي الايام الجاية دي لحد ما اوصل لحقيقة يارب
و بعد كدة اقامت جويرية و نامت علي السرير و راحت في النوم علي طول بسبب العياط و آلم ضهرها
*********************************
تاني يوم الصبح دخلت مرام اوضة جويرية و اتفجت لما لقت جويرية بتتالم جامد و هي مسكة ضهرها راحت جمبها بسرعة
مرام بقلق:في ايه يا جويرية مالك
جويرية بآلم:ضهري يا مرام وجعني اوي
مرام:طيب الدواء بتاعك فين
جويرية:مجبتوش معي لاني فكرت اني مش هحتاجه
مرام بغيظ:ياربي منك يعني مش هتحتجيه ده الدواء بتاعك مفروض يبقا معكي علي طول
جويرية:ما انا مش بخده من زمان فقولت خلاص مالوش لازمة
مرام بتنهيدة:طيب خلاص سيبك من الكلام ده دلوتي المهم انتي عارفة اسمه ايه
هزت جويرية راسها بمعني اه
مرام:طيب استني
و قامت مرام و جابت ورقة و قلم و قالتلها جويرية علي الاسم
مرام:استني هروح اخلي حد من الا تحت يجبهولك
و قامت مرام و كانت هتخرج بس وقفها صوت جويرية
جويرية:مرام
مرام:نعم
جويرية:لو حد شافك ينفع ما تقوليلوش حاجة عن الدواء
مرام:اوك
و خرجت مرام من الاوضة و نزلت تحت فكانت نجوي زي عادتها بتحضر الفطار بمساعدة الخدم و فاطمة اعدة علي الكرسي بتاعها و في ايدها المسبحةو بتسبح عليها
مرام:صباح الخير
نجوي وفاطمة:صباح النور
نجوي:مرام مروحتيش عند جويرية قبل ما تنزلي
مرام:ليه يا خالتو بتسألي
نجوي:اصلها لسة ماصحيتش و دي مش عادتها هي من ساعة ما جات و هي بتصح كل يوم بدري و تصر انها تحضر معي الفطار بس النهاردة ماصحيتش
مرام:اممم لا انا كنت عندها قبل ما انزل و قالتلي انها صحيت متاخر النهاردة و اني اسبقها علي ما تغير هدومها و تحصليني
نجوي:طيب الحمد لله انا كنت قلقنة عليها تكون تعبانة و لاء حاجة
مرام:لا هي كويسة اطمني
نجوي:ماشي
مرام:خالتو معلش خلي حد يخرج يقول لواحد من الحراس الا بره يجيب الدواء الا في الورقة دي
ومدتلها ايدها بالورقة و قبل ما تسألها نجوي ده دواء ايه سبقها سؤال يوسف الا كان نازل علي السلم
يوسف:و الدواء ده لمين
مرام:ده لي
بس سكتت و افتكرت ان جويرية قالتلها متقولش لحد ان الدواء ده ليها
مرام بتوتر:ده ده بتاعي الدواء ده بتاعي انا خلص و كنت عايزة حد يجبهولي
بصلها يوسف بشك شوية وبعدين شاور لواحدة من الا كانوا بيساعدوا نجوي فجت واقفت اقصاده باحترام
البنت باحترام:اومر يا فندم
يوسف ببرود:خدي الورقة من مرام و روحي اقولي لحد من الا بره يجيب الدواء ده بسرعة
البنت:حاضر يا فندم
و اخدت البنت الورقة من مرام و خرجت  و دقائق و رجعت تاني و ادت الدواء ليوسف فكانت مرام هتاخده هي منها بس يوسف شاورلها انها تستني و اخده منها و طلع الدواء من الكيس و بصله ثواني فغمضت مرام عنيها بتوتر لانها عرفت ان يوسف كشف الكذبة بتاعتها و بعدين فتحتهم و بصت ليوسف الا رفع الدواء اودامها
يوسف:طبعا الدواء ده مش بتاعك لان الدواء بتاعك انا عرفه كويس لان انا علي طول الا بجبهولك لانك اصلا ما بتهتميش اذا كان موجود و لاء لا و كمان الدواء ده مكتوب عليه مسكن للآلم العظام يبقا اكيد مش ليكي
نجوي:اومال ده لمين ده يا مرام
مرام باستسلام:بصراحة ده بتاع جويرية مش بتاعي
نجوي باندهاش:جويرية طيب مقولتيش ليه من الاول
مرام:هي الا قالتلي مقولش لحد
نجوي:ليه
مرام:معرفش
نجوي:طيب هي بتاخد اي مسكن مش يمكن ده غلط عليها
مرام:لا هو الدواء ده بتاعه دكتورها هو الا كتبوهلها
نجوي باستغراب:دكتور ايه
مرام بتنهيدة:بصوا هقولكوا الموضوع باختصار جويرية لما كانت صغيرة وقعت من علي السلم بتاع ڤلتهم علي ضهرها و بسبب الوقعة دي بقا عندها آلم مزمن مبيخفش الا بالدواء بس لما كبرت شوية خف الآلم و معتش بيرجع الا لما تتخبط او تقع علي ضهرها او تشيل حاجةجامدة اوي تاخد ساعتها المسكن ده بس هي من زمان معدتش بتاخده عشان كدة مجبت معها بس كدة
نجوي بحزن:يا حبيبتي طيب ايه حصل امبارح خلاها تتعب
مرام:معرفش انا الصبح لقتها تعبانة كدة لما دخلتلها هاخد بقا الدواء و اطلع ادوهلها
نجوي:طيب استني هطلع معكي عشان اطمن عليها
مرام:ماشي
و بعدين بصت مرام ليوسف الا كان سرحان
مرام:يوسف يوسف
يوسف:نعم
مرام:الدواء
ادلها يوسف الدواء اخدته و طلعت هي و نجوي اما يوسف رجع سرح تاني و هو بيفتكر كلام مرام ان الآلم مبيرجعلهاش الا لما تتخبط او توقع و افتكر لما هو زقها ساعة ما كانوا في المكتب اكيد بسببها تعبت كدة لانه زقها جامد بسبب انه كان متعصب غمض يوسف عنيه لما وصل تفكيره لحد كدة و ميعرفش ليه حس بشعور غريب ناحيتها حس بتانيب ضمير بس ميعرفش ايه سبب الاحساس ده مش هو ده الا هو عاوزه فضل يوسف في تفكيره ده و هو مش اخد باله من نظرات فاطمة الا كانت بتبعه و بتابع سرحانه من ساعة ما مرام قالتله علي جويرية فابتسمت بغموض و هي مازالت بتبعه
اما بقا فوق عند جويرية دخلتلها مرام و نجوي و راحت نجوي و اعدت جمبها علي السرير و ملست علي شعرها
نجوي بحنان:ايه يا حبيبتي سلامتك
جويرية بابتسامة باهتة:الله يسلمك يا ماما
و بعدين بصت لمرام بعتاب
مرام:ايه بتبصلي كدة ليه هم الا كشفوني اعمل ايه
نجوي بعتاب:ليه بقا يا جويرية مش انتي بنتي مكنتيش عايزيني اعرف انك تعبانة
جويرية:لا يا ماما انا مكنش اقصدي كدة بس انا مكنتش عايزة اقلقكوا و الموضوع بسيط مش مستاهل
نجوي:لا انا معنديش حاجة في الصحة اسمها بسيطة متبقيش عاملة زي البت الهبلة دي
مرام:الله و انا اتكلمت دلوتي
نجوي:اخرسي انت و هاتي الدواء
مرام و هي بتديها الدواء:مش عارفة يا نوجي انتي بتعمليني كدة ليه ده انا زي بنت اختك يعني
نجوي:مش انا اقولتلك اخرسي
مرام بغيظ:يووه بقا حاضر هتكتم اهو
نجوي:احسن برده
وبعدين ادت نجوي لجويرية الدواء
نجوي:بس صحيح يا حبيبتي الا حصل خلا ضهرك يوجعك جامد كدة
جويرية بتوتر:اااا ازحلقت في الحمام غصب عني
نجوي بعتاب:مش تاخدي بالك يا بنتي يلا مش مشكلة بس ابقي خدي بالك بعد كدة
جويرية:حاضر
نجوي:طيب انا هقوم دلوتي و انت ارتحي
جويرية:اوك
نجوي لمرام:و انتي يا بت انتي خليكي اعدة معها
مرام:كدة كدة كنت هقعد معها
نجوي:ماشي
و سابتهم نجوي و خرجت راحت مرام و اعدة جمب جويرية و فضلوا ساكتين شوية لحد ما اتكلمت مرام
مرام:عاملة ايه دلوتي
جويرية:الحمد لله الآلم خف
مرام:الحمد لله بس ابقي خالي بالك بعد كدة يا زفتة امبارح برده كنتي هتقعي و انتي نازلة بسرعة من علي السلم
جويرية:انشاء الله
مرام:بس انت امبارح كنت نازلة بسرعة كدة ليه و بتسألي عن يوسف و كان شكلك متعصبة
سكتت جويرية و هي بتفتكر الا حصل امبارح و مفقتش الا علي صوت مرام
مرام بشقاوة:امم مابترديش يعني شكل بقا في اسرار بينك و بين اخي العزيز
بصتلها جويرية بابتسامة سخرية
جويرية لنفسها:اه لو تعرفي يا مرام اخوكي العزيز اتجوزني ليه
مرام:ماشي يا ستي خلاص مش عايزة اعرف المهم بقا اسمعي عشان عايزكي في موضوع مهم
جويرية:ايه هو
مرام:انتي عارفة بكرة ايه
جويرية:اها طبع بكرة التلات
مرام بغيظ:اقصدي التاريخ
جويرية بتفكير:اممم تقريبا 8/31
مرام:اها بقا التاريخ ده ما بيفكركيش بحاجة
جويرية بهبل:اها طبعا بيفكرني عيد تحرير سيناء صح
مسكت مرام المخدة و كانت هتضرب جويرية فمسكت جويرية منها المخدة و هي بتضحك
مرام بغيظ:عيد تحرير سيناء ها
جويرية بضحك:خلاص خلاص عارفة ان بكرة عيد ميلاد ميرنا
مرام:طيب ما انتي عارفة اهو يا حيوانة اومال عملة نفسك مش فكرة ليه
جويرية:بهزر يا رمضان ما بتهزرش
مرام:لا ياختي بهزر
و بعدين ضحكوا الاتنين سوا علي هبلهم هو انا مقولتلكوش ان جويرية من الناس الا بتنسي حزنها بسرعة لما تكون مع حد بتحبه او قريب من قلبها و تقريبا ما بترجعش تفتكره تاني
جويرية بعد ما هديت من الضحك:المهم بقا انت كنت عايزة تقولي ايه
مرام:كنت عايزة اقول ايه كنت عايزة اقول ايه اها افتكرت بص انا بفكر ان بكرة نعمل لميرنا حاجة كدة مفاجاة بس انا خايفة ميرنا تزعل لانها دايما مابتحبش تحتفل بعيد ميلادها
جويرية:مرام ليه ميرنا مابتردش تحتفل بعيد ميلادها
مرام بحزن:عشان عمو الله يرحمه هو دايما الا كان بيعملها عيد ميلادها كل سنة و من بعد ما مات و هي رفضت تماما تحتفل بعيد ميلادها او تقدر تقولي انها بقت بتنسي ان اليوم ده يوم عيد ميلادها الا لما احنا بنفكرها و اديك بتشوفي الابتسامة بتبتسمها بالعافية
جويرية:اممم فهمت طيب و انت دلوتي عايزة تعمللها مفاجاة ليه ايه الا جد
مرام:لان ميرنا دلوتي بدأت حياة جديدة مع احمد بس عشان تبدأها صح لازم تنسي الماضي بكل الا فيه و لازم اول خطوة تكون بكرة بس المشكلة اني مش عارفة اعمل ايه و كمان خايفة انها تزعل
سكتوا الاتنين شوية و هم بيفكروا يعملوا ايه لحد ما جويرية قالت فجأة
جويرية:بس عرفت احنا هنعمل ايه
مرام بحماس:ايه اقوليلي
جويرية:ل ت م
مرام:ايه
جويرية:Listen to me
مرام:اها
نسيب جويرية تقولها علي فكرتها و نروح تحت عند يوسف بعد ما نزلت نجوي من عند جويرية
فاطمة:ها يا نجوي جويرية بقت عاملة ايه
نجوي:الحمد لله بقت تمام دلوتي سيبت مرام تقعد معها
فاطمة:طيب ايه الا حصل معها خلاها تتعب كدة
نجوي:قالتلي انها اتزحلقت في الحمام غصب عنها
فاطمة:اها
نجوي ليوسف:يوسف مالك واقف كدة ليه وسرحان
يوسف:لا و لاء حاجة
نجوي:طيب مش هتطلع تطمن علي مراتك
و اتكت نجوي جامد علي حروف كلمة مرأتك
يوسف ببرود علي عكس الصراع الا جواه:مش انت اطمنتي عليها و مفيش حاجة خطيرة يبقا بيتهيلئ ان انا اروح اطمن عليها من عدمه مش هتفرق
و بعدين باس ايد فاطمة و باس دماغ نجوي و راح ناحية الباب
يوسف:يلا سلام
و خرج يوسف و نظرات نجوي بتبعه
فاطمة:نجوي نجوي
نجوي:ها يا ماما نعم
فاطمة:نعم الله عليكي تعالي عشان عايزة اتكلم معكي شوية
نجوي:حاضر
اخدتها نجوي و راحوا اقعدوا سوا في الانتريه
نجوي:ها يا ماما عايزة تقولي ايه
فاطمة:بتحولي تعملي ايه يا نجوي
نجوي:بعمل ايه في ايه مش فاهمة
فاطمة:لا انتي فاهمة كويس انا اقصدي ايه اقصدي يوسف و جويرية
نجوي:مالهم
فاطمة:مالهم اقولك انا مالهم من اول يوم جينا فيه هنا طلبتي من يوسف يطلع يوري لجويرية اوضتها مع ان كان ممكن اي حد من الخدم او انتي او مرام يطلع يورهلها و طبعا يوسف مكنش هيقول لا لان الخدم كانوا واقفين فمينفعش يرفضلك طلب اودامهم و خلال اليومين الا فاتوا مع ان كان واضح ان هم الاتنين متجهلين بعض تماما بس انت دايما كنت بتحولي تحطيهم في اي موضع يكونوا فيه اقصاد بعض و النهاردة سألتي يوسف مش هتطلع تطمن علي مرأتك و اتكيتي اوي علي كلمة مرأتك و كانك بتفكريه انها مرأته ها بقا عرفتي مالهم
نجوي بتنهيدة:لا خلاص عرفت
فاطمة:طيب يبقا اقوليلي بقا انتي عايزة توصلي لايه من كل ده
نجوي:عايز اوصل لايه عايزة الاتنين دول يقربوا من بعض مهو ده مش منظر اتنين اقعدين في مكان واحد عشان يتعرفوا علي بعض و يتجوزوا بعد كام شهر طيب جواز ايه ده الا هيتجوزه و هم بيتجهلوا بعض بالطريقة دي و ده مش من ساعة ما جينا هنا ده من ساعة كتب كتابهم و هم بيتجهلوا بعض كدة فيما يقربوا من بعض يما ينفصلوا و كل واحد يبعد عن التاني
فاطمة بابتسامة:بس انتي مسبتهمش يختاروا انتي حبيتي علي طول تقربيهم من بعض صح و لاء لا
نجوي:ايوة صح لان لو سبتهم يختاروا لا هيختاروا يقربوا و لاء هيختاروا يبعدوا هيفضلوا كدة متجهلين بعض و كل واحد فيهم ناسي ان في واحد تاني بقا في حياته و للاسف كمان مفيش واحد فيهم لما التاني بيتجهله بيحاول هو يقرب لان كل واحد فيهم واخد اصلا موقف من التاني جويرية اول مقبلة بينهم و بين يوسف تقريبا مكنتش لطيفة و ده الا كان واضح من شكلها يوم ما يوسف كان رايح يخطبها و يوسف اصلا واخد موقف منها بسبب عمها عشان كدة مفيش واحد فيهم هياخد خطوة لاودام
فاطمة:طيب و انتي اصلا ليه عايزهم يقربوا من بعض و الا انتي اقولتيه ده كله يخليكي تكون عارفة ان هم كارهين بعض
نجوي:لا هم مش كارهين بعض انا كنت متاكدة من جويرية لانها مش بسهولة تكره حد لكن مكنتش متاكدة من يوسف بسبب الا حصل زمان لكن الا حصل النهاردة خلاني اتاكد ان يوسف ما بيكرهاش ابدا
فاطمة:و ايه الا حصل النهاردة خلكي تتاكدي ده حتي اتعمل مع موضوع تعبها ببرود تام و مرداش حتي يطلع يطمن عليها
نجوي بابتسامة:مين الا قال انه اتعمل مع تعبها ببرود بالعكس يوسف كان حزين عشانها
فاطمة:و انتي عرفتي ازاي
نجوي:من عنيه يوسف صحيح بارع انه يخفي مشاعره بقناع البرود بس عنيه لا و انا شوفت في عنيه نظرات حزن اول ما عرف من مرام عن موضوع تعبها و ده معنه ان يوسف مبيكرهاش لانه لو كان بيكرها مكنش ظهرت نظرات الحزن دي في عنيه لان الا بيكره حد ما بيزعلش عشانه يوسف بيكره عمها لكن هي لا
فاطمة:طيب الا انتي اقولتيه ده حلو بس مش معني ان هم مابيكرهش بعض ان هم بيحبوا بعض يبقا ازاي هيقربوا من بعض
نجوي:و مين الا قال ان هم بيحبوا بعض هم لسة ما وصلوش للمرحلة دي خالص و مش معني ان انا عايزهم يقربوا من بعض ان هم بيحبوا بعض انا عايزهم يقربوا عشان كل واحد فيهم يشوف مميزات التاني و يعرف ان هو ده الشخص الا هو محتاجه يكون جمبه و الا يقدر يفتحله قلبه و يكمل معه بقية حياته
فاطمة:و ايه هي بقا المميزات الا عند كل واحد الا تخلي التاني يحبه
نجوي:جويرية مثلا جويرية فيها كتير من ملامح ماليكا الله يرحمها شقاوتها و براءتها و طيبة قلبها و حتي اللماضة شبها فيها
ظهرت ملامح الحزن علي وش فاطمة لما افتكرت بنتها
نجوي بحزن:و انتي عارفة يوسف كان متعلق بماليكا اد ايه و شتان بين شخصية يوسف لما كانت عايشة و شخصيته بعد ما ماتت صحيح طول عمره قوي و صارم و قرراته من دماغه بس كان حنين و بيهزر مع ده و يتشقي علي ده فاكرة يوسف كان شقي اد ايه و كنا دايما نشتكي من شقاوته بس بعد ما ماليكا ماتت معدتش يوسف الشقي لا بقا هادي اوي صحيح كان لسة بيحتفظ بجزء من شقوته بس حتي الجزء ده اختفي بعد موت مالك مبقاش هدوئه ده هدوء ده بقا برود و حتي فين و فين لما بيتعصب تكاد تكون عصبيته معدومة لانه دايما بيتعامل مع الكل بكل برود بس لو اتعصب يبقا الشخص الا عصبه ده لعب في عداد عمره بس من ساعة ما جويرية ظهرت و خليت يوسف يتصرف عكس طبيعته يمكن مش دايما و كانت مرات قليلة اوي بس ده في حد ذاته كويس يعني مثلا يوم ماراح يخطبها كنت اول مرة اشوف يوسف بيتكلم مع حد بغيظ كدة و امبارح انا كنت معدية من اودام المكتب و سمعت يوسف بيزعق جامد و استغربت انا من زمان مسمعتوش بيزعق بالطريقة دي بصراحة كنت هخش عشان عارفة ان جويرية مش قد غضب يوسف بس لقيت ان يوسف خرج و هو متعصب اوي و طلع فوق انا فكرته طلع اوضته لكن ملقوتش في اوضته لقيته في الاوضة بتاعة الرياضة و لما فتحت الباب لقيته بيطلع كل غضبه في الرياضة حتي محسش بيا وده الا فجاني يوسف لما بيتعصب بيفرغ عصبيته كلها في الشخص الا عصبه و مش بسهولة يتحكم في عصبيته او بمعني اصح هو بيحاولش يتحكم فيها و ده معناه ان جويرية قدرة تطلع عصبية يوسف و تطلع من بروده لا و كمان خليته يتحكم في عصبيته
فاطمة:طيب ده بالنسبة لجويرية طيب ايه الا يخلي جويرية تحب يوسف
نجوي:جويرية صحيح جريئة و شجاعة بس كمان بريئة و طيبة اوي و براءتها و طيبتها دول بيتغلبوا علي شجاعتها و جراءتها دول و ده مينفعش في الايام دي فهي محتاجة الا يديها القوة و يعلمها امتي تكون قوية و امتي تكون طيبة و بريئة و يوسف هو الوحيد الا يقدر يعمل كدة
سكتت فاطمة شوية و هي بتفكر في الكلام نجوي
نجوي:ها يا ماما سكتي ليه
فاطمة بتنهيدة:هقول ايه انتي كلامك كله صح
نجوي:يعني
فاطمة بابتسامة:يعني وريني هتعرفي تقربي بينهم ازاي
نجوي:يعني هتساعدني
فاطمة:وقت ما اقدر اساعدك هساعدك
نجوي:تمام
تعالوا بقا نروح لبطلنا نشوف عمل ايه بعد ما خرج من القصر كان يوسف راكب عربيته و سايق بسرعة عالية زي عادته بس مكنش مركز في الطريق لان كان فيه صراع بين عقله و قلبه فلاول مرة يكون فيه صراع بين عقله و قلبه او بالاخص اول مرة قلبه يعارض تصرفاته
وقف يوسف العربية و حط ايده علي جانب راسه و هو بيدعك راسه بضيق
عقله:ايه مالك مضيق ليه مش هو ده الا انت عاوزه و بعدين هي لسة مشفتش حاجة و بعدين مش عمها السبب في الا هي فيه يبقا انت مش لازم تندم
قلبه بغضب:ايه الا انت بتقلهوله ده ازاي يعني ميندمش هو عمها الا كان ممكن ياذيها بسبب غضبه ده لو معتبرناش الزقة دي اذي لولا ان هي رفعت عنيها لعنيه و شاف الدموع الا كانت في عنيها
عقله:مش هي الا اتجرت و حاولت ترفع ايدها عليه اصلا هو مكنش لازم يسبها و يروح يفرغ عصبيته في الرياضة لحد الصبح كان مفروض يدفعها تمن الا هي عملته ده و بعدين حنين اوي انت حضرتك اول ما شوفت الدموع في عنيها سبتها و خرجت
قلبه بغضب:اسكت بقا يا اخي اومال انت كنت عايزها تعمل ايه يعني لما يقولها ان هو عاوز ينتقم منها و كمان من غير ما تعرف السبب تسكتله و تقوله اتفضل انتقم مني و بعدين عيونها دول مش عيون يتملوا دموع ابدا مفروض يتملوا فرحة و بس
عقله بسخرية:و ايه كمان يا حنين
قلبه:خليكي كدة دايما بتسخر من رايي
عقله:انت اصلا من امتي كان ليك راي من امتي بتعترض علي كلامي شكلك كدة بدات تميل ليها
قلبه بتوتر:طيب و فيها ايه هو انا برده مش عندي مشاعر
عقله بغضب:ايه الا انت بتقوله انت اتجننت انت اصلا تعرفه مني امتي عشان تميل ليها و بعدين انت ناسي دي مين و عمها عمل ايه
قلبه:و هي ذنبها ايه في الا عمها عمله هي اصلا متعرفش حاجة
عقله ببرود:ذنبها انه عمها
قلبه:يووه انت كل شوية تقول كدة طيب هو هيستفاد ايه لما ينتقم منها
عقله:هيحرق قلب عمها عليها و بعدين انا عايزك تقولي حاجة لو كانت هي مكانه مكنتش هتنتقم منه
سكت قلبه و مردش
عقله:سكت يعني منتش عارف الاجابة مش كدة يبقا تخرس و معتش اسمع صوتك تاني و اعمل حسابك عيونها الا عجبك اوي دي مش هتشوف فيها الا الدموع و الحزن زي ما شوفتها امبارح كدة
و انتصر كلام عقله علي كلام قلبه بس ياتري لحد امتي هيفضل العقل منتصر علي القلب هنشوف
*******************************
تعالوا بقا نرجع لجويرية و مرام تاني بعد ما قالتلها جويرية علي فكرتها
مرام:حلوة الفكرة اوي بس افرضت زعلت هنعمل ايه
جويرية:سيبي الموضوع ده عليا
مرام:اوك
جويرية:بس احنا كدة محتاجين حد يساعدنا
مرام:عندي الحد ده
جويرية:مين
مرام بابتسامة:الثنائي المرح بتاعنا حازم و مروان
جويرية:طيب هيساعدونا احنا مين بقا هيبعدها عن القصر
مرام:عندي برده
جويرية:مين هو
مرام:مفيش غيره احمد
جويرية:تمام
مرام:خلاص يبقا انا هروح اقول لحازم و مروان
جويرية:اوك و انا هكلم ميادة و آيات و اشوف هيعرفوا يجوا بكرة ولاء لا و هحصلك
مرام:اشطا
و خرجت مرام و راحت لحازم و مروان و دخلت طبعا من غير ما تخبط زي عادتها بس فتحت الباب الاتنين يتخضوا بعد ما كانوا اعدين بيلعبوا بلي استيشن
مروان بغيظ:هو انتي يا حجة انتي شغالة مع الحكومة الايام دي
مرام:ليه
حازم بغيظ:لا و لاء حاجة دخلة علينا بس دخلة ظابط جاي يقبض علي حرامي غسيل
مرام:سيبكوا من الحوارات دي دلوتي انتوا وراكوا حاجة دلوتي
حازم:اها الحقيقة احنا مش فاضين دلوتي
مروان بغرور مصطنع:اها احنا ناس مشغولين اوي فلو عندك حاجة اجليها لبعدين
مرام بسخرية:لا يا راجل طيب تمام و انا الا كنت فكركم ملين فجيت اقولكوا علي حاجة تعملوها معي عشان تسلوا بس يلا بقا انتوا مشغولين
و كانت رايحة ناحية الباب بس مروان مسكها من ايدها قبل ما تخرج و رجعها تاني
مروان:استني بس يا بنتي انتي ما صدقتي
مرام:الله مش انتوا مشغولين
حازم:مين الا قال كدة احنا مورناش اي حاجة
مروان:يلا بقا اقولي كنتي عايزنا نعمل ايه
مرام:كنت عايزكوا تعملوا ايه امممم نسيت كنت عايزة اقول ايه
حازم:مرام بطلي رخامة بقي و اقولي
مرام:ماشي خلاص هشفق عليكوا و اقالكوا
مروان بغيظ:متشكرين للسموك
مرام:لا مفيش حاجة بس يلا بقا نقعد عشان اقولكوا
حازم:ماشي يلا
اقعدوا التلات علي السرير و ربعوا رجليهم مرام في ناحية و حازم و مروان اقصادها
مروان:ها بقا هنعمل ايه
مرام:طبعا انتوا عارفين ان بكرة عيد ميلاد ميرنا
حازم:اها عارفين
مرام:تمام فانا و جويرية قررنا ان احنا نعملها حاجة بكرة نفجاها بيها
حازم:بس انت عارفة ان ميرنا مبتحبش تحتفل بعيد ميلادها و بالا انتوا تعملوه ده ممكن تزعل
مرام:الموضوع ده جويرية هتتصرف فيه المهم هتساعدونا
مروان:ماشي هنساعدكوا بس قولونا انتوا عايزين تعملوا ايه
مرام:طيب اسمعوا
حازم:كلنا آذان صاغية
نسيب مرام تقولهم و نروح عند جويرية الا اتصلت بميادة
ميادة:السلام عليكم
جويرية:و عليكم السلام
ميادة:ازيك ابت عاملة ايه
جويرية:انا زالفل يا باشا
ميادة:كويس انك اتصلتي كنت عايزة اقولك علي حاجة
جويرية:و انا برده كنت عايزة اقولك علي حاجة
ميادة:طيب اقولي
جويرية:لا اقولي انتي الاول
ميادة:لا لا اقولي انتي يلا
جويرية:طيب انا كنت عايزة اقولك ان انا و مرام قررنا بكرة نعمل لميرنا مفجاة عشان عيد ميلادها فكنت عايزة اعرف هتعرفي تيجي بكرة انتي وآيات و لاء لا
ميادة:بجد طيب حلو اوي انا كنت عايزة اقولك ان انا و آيات جينا بكرة عشان عيد ميلاد ميرنا
جويرية:خلاص لما توصلي بكرة انشاء الله ابقي كلمني
ميادة:اوك سلام
جويرية:سلام
و بعد ما خلصت المكالمة مع ميادة راحت الاوضة عند مرام و حازم و مروان
جويرية لمرام:ها اقولتلهم
مرام:اها خلاص اقولتلهم
جويرية:يعني خلاص يا شباب فهمتوا هنعمل ايه
حازم:اها خلاص تمام
جويرية:بس اهم حاجة محدش يعرف حاجة عن الا احنا هنعمله
حازم و مروان:تمام
مرام:خلاص و انا بكرة الصبح هروح اتكلم مع احمد و اقوله علي الخطة
مروان:و انا هاجي معكي
مرام:ماشي
جويرية:يبقا خلاص كدة متفقين
حازم و مروان و مرام:متفقين
و خلص اليوم ده كدة من غير احداث تانية تذكر و مكنش فيه اي لقاء بين يوسف و جويرية
**********************************
تاني يوم الصبح في ڤيلة الحصري و خاصة في الجناح بتاع احمد و ميرنا كان احمد صحي قبل ميرنا و اخد شور و غير هدومه لقميص من اللون  الازرق و بنطلون جينس كحلي فكان طبعا وسيم جدا و بعد كدة بص لميرنا الا كانت نايمة علي السرير و شعرها الطويل مفرود جمبها علي المخدة راح احمد و اقعد جمب ميرنا و ملس علي شعرها و بعدين همسلها في ودنها بهدوء
احمد بهمس:كل سنة وانتي طيبة يا عنيدتي
بص احمد لميرنا بابتسامة و اقام و خرج من الاوضة و بعد ما خرج احمد بدقيقتين بدأت ميرنا تصح من النوم لحد ما اقامت اعدت و بدأت تبص حوليها
ميرنا:الله مهوش هنا اومال ايه الا انا سمعته ده اوف اكيد كنت بحلم بس بجد حسيت ان انا سمعت صوت احمد يووه بقا انا هتعب نفسي ليه انا احسن اقوم اغير هدومي و اروح اشوف ماما و البنات انا بقالي تلات ايام مشفتهومش
و اقامت ميرنا و رتبت السرير و بعد كدة دخلت تاخد شور
تعالوا بقا نسيبها دلوتي و نروح لاحمد بعد ما خرج من باب ڤيلة و كان رايح ناحية الباب الخارجي للڤيلة و فجأة ظهر اودامه مرام و مروان فرجع للوراء خطوة
احمد:بسم الله الرحمن الرحيم
مرام بغيظ:ايه شوفت عفريت
احمد:لا العن شوفتكوا انتوا الاتنين
مرام:مش هرد عليك دلوتي عشان في حاجة اهم دلوتي
احمد:ايه هي الحاجة دي
مروان:تعالي بس يا ابيه نتكلم بعيد عن الباب عشان محدش يشوفنا
و راحوا واقفوا في الجنينة بعيد
احمد:في ايه بقا انتوا الاتنين و ايه الا موقفكوا هنا مدخلتوش جوه ليه و ايه هي الحاجة الا انت عايزني فيها
مرام:هنقولك
و بعد ما حكوله علي الا هم عايزين يعملوه
احمد:كل الا انتوا قولتوه ده حلو انا بقا مطلوب مني ايه
مرام:مطلوب منك انك تبعد ميرنا عن القصر خالص
احمد:امم انا اصلا كدة كدة كنت هاخد ميرنا بعد ما اخلص الشغل و هنتغد بره
مروان:طيب حلو اوي كدة
مرام:بس انت بتقول بعد ما ترجع من الشغل يعني طول الفترة الا انت هتكون فيها بره ممكن ميرنا تيجي القصر
سكت احمد شوية و هو بيفكر
احمد:خلاص انا هتصرف
مرام:ماشي
احمد:بس بعد ما تخلصوا لازم ترنولي عشان نرجع
مروان:تمام
مرام:تمام احنا هنمشي دلوتي يلا سلام
احمد:سلام
و مشي مرام و مروان و مسك احمد فونه و اتصل برقم ميرنا
عند ميرنا بعدوما اخدت شور كانت واقفة بتنشف شعرها اودام المرية سمعت صوت فونها فراحت ميرنا و اخدته من علي الكميدينو و بصت للرقم
ميرنا باستغراب:احمد خير في ايه
ردت ميرنا علي احمد
ميرنا:السلام عليكم
احمد:عليكم السلام صباح الخير
ميرنا:صباح النور احم نزلت من بدري
احمد:لا لسة من شوية بس حبيت اقولك انك تعملي حسابك ان احنا هنخرج النهاردة بعد ما خلص الشغل الا وراي
ميرنا باستغراب:هنخرج فين
احمد:لما اجي هتعرفي
ميرنا:اوك
احمد:ميرنا
ميرنا:نعم
احمد:لو سمحتي متروحيش القصر النهاردة
ميرنا:ليه
احمد:لان انا مش عارف هخلص شغل امتي فممكن في اي وقت اقولك تجهزي عشان نخرج و كمان مينفعش اول مرة بعد الجواز تورحليهم لوحدك فاستني بعد ما نرجع هنروحلهم سوا تمام
ميرنا بتنهيدة:اوك تمام
احمد:ماشي انا لازم اقفل دلوتي و اول ما اخلص شغل هاتصل بيكي عشان تجهزي
ميرنا:اوك
احمد:سلام
ميرنا:سلام
و بعد ما اقفل احمد ضربت ميرنا الارض برجليها بضيق
ميرنا بضيق:اوف بقا بس انا كنت عايزة اشوف ماما و البنات بس هو برده معه حق مينفعش اروح اول يوم بعد الجواز لوحدي يلا بقا مش مشكلة ما انا هروحلهم بليل
و بعد كدة اقامت ميرنا تكمل تنشيف شعرها و تغير هدومها عشان تنزل تشوف عمتها بتعمل ايه و تقعد معها
نروح بقا للقصر بعد ما خلصت مرام ومروان كلام مع احمد رجعوا تاني القصر و كانوا جويرية و حازم بيستنوهم في الجنينة الخلفيةللقصر الا قرروا ان مفجاتهم تكون فيها
جويرية:ها عملتوا ايه
مرام:خلاص اقولنله و وافق و هيخرج ميرنا و يبعدها عن القصر
جويرية:تمام خلاص يلا خلينا نبدأ عشان نخلص بسرعة
حازم:يلا استعنا علي الشقي بالله
*********************************
في مكان تاني في القاهرة و خصوصا عند ڤيلة سوزان الالفي عمتي ميادة و قفت عربية و كان فيها ميادة و آيات و الا كان بيوصلهم سواق بابا آيات
آيات:ادينا وصلنا يلا ياختي يكش يطمر
ضربتها ميادة بهزار
ميادة بضحك:ماشي يا جزمة
آيات:هههههه يلا بقا نتقابل بليل
ميادة:اوك
آيات:اول ما هنزل هتصل بيكي عشان تعرفي ان انا جيلك
ميادة:يا بنتي مفيش داعي
آيات:بس يا بت انتي مفيش نقاش في الموضوع هعدي عليكي بليل
ميادة:خلاص ماشي هستناكي يلا سلام مؤقت
آيات:سلام
نزلت ميادة من العربية و دخلت الڤيلة و وصلت عند الباب و فضلت تضرب الجرس جامد لحد ما سمعت صوت عمتها
سوزان بضيق:طيب طيب مش عارفة مين الاهبل الا بيرن الجرس كدة
و فتحت سوزان الباب فدخلت ميادة علي طول و حضنتها
ميادة بضحك:بقي انا مجنونة برده يا سوسو
سوزان و هي بتحضنها:لا انتي مجنونة يا حبيبتي مش هبلة
ميادة:كدة طيب انا زعلانة منك
سوزان بابتسامة:خلاص متزعليش انا مقدرش علي زعل القمر
ميادة:حبيبتي انتي يا سوسو
سوزان:ها بقا اكيد هتقعدي معنا لحد الكلية متقولليش انك هتسافري و ترجعي تاني
ميادة:للاسف يا سوسو انا هقعد معكوا اسبوع واحد بس لان انتي عارفة بقا الست الوالدة مش عايزني ابعد عنها ابدا دي سمحالي بالاسبوع ده بالعافية و تقولي مش كفاية هتقعدي طول فترة الكلية هناك كمان عايزة تقعدي هناك دلوتي لا مستحيل
سوزان:هههههه معلش ما انتي بنتها الوحيدة برده و انا حاسة بيها انا كمان ما بقاش عايزة ايهاب يبعد عن حضني بس بضطر استحمل بسبب شغله
ميادة:اها صحيح هو فين حضرة الضابط
سوزان:في شغله اطلعي انتي استريحي علي ما الغداء يجهز يكون هو جيه نتغد سوا و بعد كدة تروحي عيد ميلاد صاحبتك الا قولتيلي عليه
ميادة:اوك
و طلعت ميادة الاوضة الا مخصصهلها سوزان عشان تقعد فيها كل ما تيجي تزورها و غيرت هدومها و اتوضت و صليت الضهر و بعد كدة كلمت مامتها تطمنها انها وصلت و بعد كدة كلمت جويرية و قالتلها انها وصلت و بعدين قررت تستريح شوية
نسيبها بقا و نروح لميرنا بعد ما عدت تقريبا فترة النهار كلها و الا قضتها ميرنا مع عمتها جتلها مسج من احمد انه خلص شغل و في الطريق فقامت ميرنا واستذنت من عمتها و قالتلها انها خارجة مع احمد و طلعت الجناح بتاعهم و غيرت هدومها لفستان بسيط و رقيق لونه بينك و من تحت ورد باللون الكحلي و لبست حجاب مزيج من اللونين و محطتش اي ميك اب فهي مش محتجاه لان جمالها الطبيعي كفاية و اخدت شنطتها و فونها و سلمت علي عمتها و خرجت و كان احمد مستنيها في العربية ركبت ميرنا العربية جمب احمد
ميرنا:اتاخرت عليك
احمد:لا انا لسة واصل
ميرنا:هنروح فين بقا
احمد:لما نوصل هتعرفي
ميرنا بغيظ:لا بقا انت اقولتلي لما اجي هقولك و دلوتي بتقولي لما نوصل هقولك لا بقا مليش دعوة اقولي دلوتي
احمد:لا لما نوصل
ميرنا بهمس:رخم
احمد:سمعتك علي فكرة
ميرنا بعند:ما تسمع
احمد:يعني انا رخم
ميرنا:ايوة
احمد:بقا كدة طيب
و قرب احمد من ميرنا  و حط ايده علي ضهر الكرسي بتاعها و الايد التانية علي الباب جمبها فرجعت ميرنا في الكرسي لوراء اكتر
ميرنا بتوتر:احمد انت بتعمل ايه
احمد:انا رخم مش كدة
ميرنا بتوتر اكبر:احمد ابعد عني
احمد:الله مش انا رخم برده بوريكي الرخامة
ميرنا بتوتر و سرعة:لا خلاص مش رخم
ابتسم احمد بانتصار بس فضل قريب منها
ميرنا بتوتر:ابعد بقا اقولتلك انك مش رخم
بس احمد فضل قريب منها و مبعدش
ميرنا بتوتر و كسوف:احمد ابعد بقا احنا في العربية
و بعدين سمعت ميرنا صوت
ميرنا باستغراب:انت بتعمل ايه
احمد ببراءة:بربطلك حزام الامان اصلك ماربطهيوش
و بعد احمد عنها و ربط حزام الامان لنفسه و بعدين بص للميرنا الا كانت بتبصله بصدمة
ميرنا:هو انت من ساعته كنت بتربط حزام الامان
احمد بابتسامة مقدرش يمنعها:ايوة اومال انت كنت فكرني هعمل ايه و بتقوليلي احنا في العربية ها
بصتله ميرنا بغيظ شديد و بعدين بصت ناحية الشباك
احمد بضحك:ههههههه مش عارف ليه دماغك عطية معي شمال
ميرنا بغيظ:احمد سوق و انت ساكت
ضحك احمد عليها و ساق العربية و كان الصمت سيد الموقف لحد ما وصلوا لمطعم جميل علي النيل اعجبت ميرنا بيه لانه كان هادي و ميرنا من عشاق الهدوء ده غير المنظر الجميل الا كان بيطل عليه المطعم اعدوا الاتنين علي تربيزة علي النيل و كانوا شوية يتكلموا و شوية يتفرجوا علي المنظر الجميل الا اودمهم بس احمد مكنش مركز مع المنظر لا كان مركز مع ميرنا و هي بتبص للمنظر الا اودمها بابتسامة جميلة فهو مش عارف ايه الا حصله لما بعد عنها النهاردة بعد تلات ايام مبعدتش ميرنا من اودام عينه ياتري هي واحشته و لاء بس لانه اتعود عليها في الكام يوم دول اقطع تفكير احمد ان جرسون جيه عشان يقدملهم الغداء الا طلبه فبدأوا الاتنين يكلوا بصمت
*********************************
عند ميادة بعد ما ارتحت شوية ندهتلها عمتها عشان يتغدوا سوا و قالتلها ان ايهاب جيه كمان فلبست ميادة الحجاب بتاعها و نزلت و كان ايهاب و سوزان منتظرنها
ايهاب بهزار:اخيرا سمو الاميرة نزلت
ميادة بغرور مصطنع:اها اقولت اتكرم عليك و انزل بقا
ايها بسخرية:و انتي مين يا ماما انتي عشان تتكرمي عليا
ميادة بغرور مصطنع:ايه ده انت متعرفش انا مين
ايهاب:لا محصليش الارف اقصدي محصليش الشرف
ميادة:انا اصلا مش هرد عليك
ايهاب:احسن
سوزان:بس بقا انتوا الاتنين اول لما تشوفه بعض لازم تنقروا في بعض
ميادة:ايه يا سوسو هو الا بدأ
ايهاب:هو حد قالك تردي
سوزان:بس خلاص انت ا الاتنين اقعدوا يلا عشان تتغدوا
اعدوا كلهم يتغدوا وسط مشكسات ايهاب و ميادة لبعض و بعد ما خلصوا غداء طلعت ميادة تغيرهدومها عشان تروح القصر بعد ما اتصلت بيها جويرية و قالتلها انهم خلصوا كل حاجة و في انتظار ميرنا خلصت ميادة لبس و نزلت تحت عند عمتها و ايهاب
سوزان:بسم الله مشاء الله قمر يا ميادة
ميادة:طول عمري قمر يا سوسو
ايهاب بهمس:قمر بالستر
ميادة بغيظ:سمعتك
ايهاب:عادي ما تسمعي
ميادة:مش ردت عليك
سوزان:خلاص بقا انتوا الاتنين
سوزان لميادة:يلا ميادة خلي ايهاب يوصلك
ميادة:لا يا عمتو شكرين خدماته
ايهاب:انت اصلا حد خد رايك امشي يا بت اودامي
ميادة بهمس:بت اما تبقا تبتك
ايهاب:بتقولي ايه
ميادة:ما بقولش
ايهاب:اها بحسب
و شاورلها ايهاب انها تتقدمه فمشيت ميادة و خرجت و خرج ايهاب وراها و ركبوا الاتنين العربية بس ما اتحركوش وفضل كدة ثواني بصت ميادة للايهاب
ميادة:ايه ما اتحركتش ليه و لاء انت ما بتعرفش تسوق
ايهاب:لا يا ظريفة بعرف بس هو انتي ادتني عنوان امشي عليه و لاء امشي كدة ببركة ربنا
ميادة:احم اها صح العنوان****
ايهاب:اوك
و اتحركوا الاتنين بالعربية
اما بقا عند ميرنا و احمد كانوا الاتنين في العربية رجعين البيت بعد طبعا ما وصلت لاحمد مسج من حازم ان كل حاجة تمام فكانوا الاتنين ساكتين لحد ما اقطع سكوتهم ده صوت فون ميرنا الا اعلن عن وصول مسج ففتحته ميرنا
ميرنا باستغراب:ايه ده
احمد:ايه
ميرنا:ده مسج من مرام بتقولي ان احنا نروح القصر علي طول عشان فيه حاجة مهمة لازم الكل يعرفها
احمد بعدم فهم مصطنع:حاجة ايه
ميرنا:مش عارفة
احمد:خلاص ادينا ريحين اهو و هنعرف
ميرنا:ماشي
و سكتوا الاتنين مرة تانية
اما بقا في القصر الا كان الكل اتجمع فيه و كانت مرام و جويرية معهم
نجوي:انا عايزة اعرف انتوا الاتنين مجمعنا كدة ليه و ايه الحاجة الا انتوا عايزين تقولها
مرام:استني بس يا خالتو لسة بس حد كمان هيجي و هتعرفوا كل حاجة
نوران:يا مسهل مش عارفة ليه مش مرتحلكوا
جويرية:ليه ده احنا طيبين خالص
نوران:اهو شوفتي بدالك اقولتي كدة يبقا انتوا عملين مصيبة ربنا يستر منكوا
اقطع كلامهم وصول احمد و ميرنا
مرام:بس كدة تمام
فاطمة:يعني خلاص نويتوا تقوللنا انتوا مجمعنا ليه
مرام:هنقولك بس انا عايزة ميرنا بس هقولها علي حاجة في الجنينة خمس دقائق و هرجع اقولكوا
نجوي:طيب ما تقوللها بعدين و اقوللنا الاول مجمعنا ليه
مرام:خمس دقائق بس و هنرجع
فاطمة:روحي اما نشوف اخرتها
شدت مرام ميرنا من ايدها و خرجوا للجنينة الخلفية و بعد ما خرجوا بصت جويرية للبقين
جويرية بسرعة:يلا اقوموا معي بسرعة
نوران:نقوم معكي فين
جويرية:اقوموا بس و انتوا هتعرفوا
وقبل ما اي حد يتكلم كانت آيات و ميادة وصلوا
نوران بصدمة:ميادة و آيات هو في ايه بالظبط
جويرية:مهو لو جيتوا معي هتفهموا
بص كلهم لبعض بعدم فهم معدا احمد و ميادة و آيات طبعا و في الاخر اقاموا الكل معها
عند مرام و ميرنا بعد ما خرجوا الجنينة لقوها ضلمة خالص
ميرنا:ايه ده محدش شغل الاضاءة هنا ليه
مرام:استني انا هروح اشغلها
ميرنا:طيب انا هاجي معكي
مرام:يا بنتي خليكي انا ثواني و هرجع
ميرنا:طيب روحي
بعدت مرام عن ميرنا و فضلت ميرنا واقفة لوحدها لحد ما فجأة اشتغلت الاضاءة بس اصدمت ميرنا من الا شفته فكانت الجنينة كلها متزينة بالبلالين و زينة بالوان مختلفة و كان ساعتها الكل دخل الجنينة و انبهروا بشكلها و نزل علي ميرنا فجأة ورد كتير و بالوان جميلة و مختلفة فضلت ميرنا واقفة مكانها بصدمة فاتقدمت جويرية و مرام منها
جويرية بابتسامة:كل سنة و انتي طيبة يا ميرو
مرام:عقبال 100 سنة يا قلبي
بصتلهم ميرنا بحزن
ميرنا:انتوا الاتنين الا عملتوا كدة
حازم و مروان:و احنا الاتنين
ميرنا:و عملتوه ليه و انتوا عارفين انه علي الفاضي
جويرية:ليه بقا انشاء الله
ميرنا:اظنها قالتلك ليه انا مش محتاجة اقولك
و كانت ميرنا هتخرج بس مسكتها جويرية من دراعها
جويرية:و لحد امتي بقا
ميرنا:لحد امتي ايه
جويرية:لحد امتي هتفضلي تفكري في الماضي لحد امتي مش نوية تنسي
ميرنا بحزن:و انتي عايزاني انسي اغلي شخص في حياتي
جويرية:لا متنسيش اغلي شخص في حياتك بس ياريت و انتي بتفتكريه انك تفتكري كمان كام شخص معه تفتكري انك عندك احسن اخوات اي حد يتمنهم و عندك ام بتحبك جدا و بتتمني سعادتك دايما و عندك اصحاب غيركم مش عارف يلقي زيهم و عندك عيلة بتحبك جدا ياتري بقا يا ست ميرنا بتفكري في كل دول بتفكري قد ايه هم هيبقوا فرحنين لما يشوفوا فرحتك و يلقوكي بدات تنسي الماضي و تعيشي حياتك طيب بلاش كل دول خلينا في اغلي انسان في حياتك تفتكري هو مبسوط بالا انتي بتعمليه مبسوط لما يلقي بنته علي طول عايشة في الماضي و مش عايزة تنسي و تعيش حياتها ها اقوليلي هيبقا مبسوط
هزت ميرنا راسها بمعني لا
جويرية بحنان:خلاص يبقا اوعدني يا ميرنا انك هتنسي اي حاجة حصلت زمان و تدعي للعمو بالرحمة و تبداي تكوني زكريات جديدة في اليوم ده و مدتلها جويرية ايدها
جويرية:ها هتوعدني
بصتلها ميرنا و بعدين بصت ليوسف الا هزلها راسه بمعني اها و بعدين بصت لنجوي الا ابتسمتلها بتشجيع و بعدين و لسبب هي نفسها متعرفهوش بصت لاحمد كمان و الا شاورلها بعينه بمعني يلا
و رجعت بصت تاني جويرية و حطت ايدها في ايد جويرية
ميرنا:اوعدك
و بعد كدة حضنتها جويرية
ميرنا بهمس:شكرا
جويرية بهمس:بس يا بت يا هبلة انتي مفيش شكر ما بين الاخوات
بصتلها ميرنا بابتسامة و بعدين حضنت مرام
مرام بهمس:كدة احسن صدقني
هزت ميرنا راسها بمعني ماشي بابتسامة و بعدين حضنت نجوي و بعدين حضنت يوسف و همستله
ميرنا بهمس:يا بختك
بصلها يوسف بتساؤل عن اقصدها فبصت ناحية جويرية الا كانت بتضحك مع مرام فبص يوسف ناحية ما ميرنا بتبص فسرح شوية في ضحكتها و بعدين فاق من سرحانه و بص بعيد
اما ميرنا راحت عند ميادة و آيات
ميرنا:انتوا الاتنين اكيد كنتوا عارفين
ميادة:اها الصراحة كنا عارفين
آيات:اها كنا عارفين ان هم هيعملوا حاجة بس ايه هي مكناش نعرف
ميادة:خلاص بقا قلبك ابيض
آيات:خلاص بقا يا ابو صلاح
ضحكت ميرنا و حضنتهم الاتنين و بعد كتير من التهئنات للميرنا و كل واحد اده للميرنا هديته طبعا هم كلهم كانوا فاكرين عيد ميلادها و كل واحد كان مجهزلها هدية بس مكنوش يعرفوا بالا جويرية و مرام هيعملوه و بعد ما كل واحد ادها هديته و طفيت ميرنا الشمع لحظيت ميرنا ان في شخص واحد لا هنئها بعيد ميلادها و لاء حتي ادها هدية و الشخص ده كان احمد بصتلها فكان مشغول بالفون بتاعه و مبصش ناحيتها بصتله ميرنا بغيظ و بعدين بصت تاني لميادة الا كانت بتتكلم معها و بعد شوية بصت ناحية احمد تاني بس ما لقتهوش استغربت ميرنا و فضلت تبص حوليها بس مالقتهوش في اي حتة
ميرنا لنفسها:راح فين ده
مرام:ميرنا
ميرنا:نعم
مرام:مالك في ايه بتبصي حوليكي كدة ليه بتدوري علي حد
ميرنا:ها لا ابدا بقولك ايه
مرام:ها
ميرنا:انا همشي انا
مرام:ليه
ميرنا:مش عارفة حسيت فجأة ان دماغي صدعت
مرام:طيب خلاص روحي سلامتك
ميرنا:الله يسلمك
و بعد كدة سلمت ميرنا علي الكل و راحت ڤيلة الحصري و طلعت الجناح بتاعها هي و احمد و خلعت الحجاب بضيق فنزل شعرها الطويل علي ضهرها و فضلت ميرنا رايحة و جاية بعصبية
ميرنا لنفسها:انا اصلا مضيقة ليه هو اصلا من امتي اهتم بعيد ميلادي
اقطع كلامها مع نفسها انها شافت كرت شكلها رقيق محطوط علي الكميدينو راحت و اخدته و قريت الا فيه باستغراب فكان مضمونه تلات كلمات ( انزلي عند البسين)فكرت ميرنا شوية و بعدين قررت تنزل تشوف في ايه تحت نزلت ميرنا و خرجت من الباب الا بيودي ناحية البسين فاسمرت ميرنا مكانها من منظر البسين و الجنينة الا حوليه فكان البسين مليان شموع كتير متشكلين علي اسمها و الجنينة من حوليه مليانة بشموع كتير ادتلها منظر خلاب و اودامها ممر من الشمع علي الجانبين و في النص كتير من الورد مشيت ميرنا في الممر الا وصلها اودام البسين فضلت ميرنا واقفة مزهولة و هي مش مصدقة الا شيفاه اودامها و فجأة حسيت بحد حضنها من ضهرها و مكنتش محتاجة تدور عشان تعرف هو مين فهي عارفة ريحة البرفيوم ده كويس اوي غمضت ميرنا عنيها ثواني تستشعر الدفئ الغريب الا حسيته لما احمد حضنها و بعديها حسيت باحمد الا جاب شعرها الطويل الا كان مفرود علي ضهرها و خلاه علي جنب واحد و قرب من ودنها و همسلها بصوته الرجولي الهادي الا خلي قشعريرة غريبة تيسري في جسمها كله
احمد بهمس:عجبك
ادورت ميرنا و بصت في عنيه و ايدها علي كتفه بسبب احمد الا كان حاطط ايده علي وسطها و مقربها منه فكانت المسافة ما بينهم شبه معدومة و ده الا خلي ميرنا تبعد عنيها من عنيه و وشها بدأ يحمر من الكسوف فحبت تداري علي كسوفها ده
ميرنا:احم هو انت عملت كل ده عشاني
احمد و هو بيلعب بخصلة من شعر ميرنا بهدوء:اكيد عشانك
ميرنا:ليه
بصلها احمد ثواني و بعدين بعد عنها  و راح ناحية التربيزة الا قريبة منهم و كان بيعمل عليها حاجة بس ميرنا مكنتش عارفة ايه هي و ثواني و اشتغلت موسيقي هادية قرب احمد من ميرنا و مدلها ايده فبصت ميرنا لايده و بعدين بصت لاحمد فشاورلها بعينه علي ايده فرفعت ميرنا ايدها بتوتر و حطتها في ايده فشدها احمد ناحيته و حط ايده علي وسطها و هي حطت ايدها التانية علي كتفه و بداوا الاتنين  يرقصوا سوا و كان الصمت سيد الموقف لفترة لحد ما قطعته ميرنا بسؤالها
ميرنا:ليه
احمد بهدوء:ليه ايه
ميرنا:ليه عملت عشاني كل ده
احمد:تفتكري ليه
ميرنا:عشان تكسب التحدي مثلا
لف احمد ميرنا و بعدين رجعها ناحيته تاني بحيث ضهرها بقا موجه لصدره و همسلها
احمد:اذا كان علي التحدي فاكيد هكسبه بس مش هو ده السبب
و بعدين لفها و خلاها ترجع زي ما كانت مرة تانية
ميرنا:اومال ايه السبب
احمد بهدوء:لاني عايز اول عيد ميلاد ليكي معي يكون مميز و متنسيهوش ابدا
ميرنا بابتسامة:عشان لما تخسر التحدي و نبعد عن بعض افضل فكرك بالليلة دي
احمد بابتسامة ثقة:لا عشان تبقي تحكيها لاولادنا يا روحي
ميرنا بابتسامة غيظ:واثق من نفسك اوي اني هكون ام ولادك
احمد بابتسامة ثقة:و مش بس كدة و هتفضلي معي طول عمرك
ميرنا بتحدي:انت بتحلم يا احمد
احمد و هو بيمشي ايده علي وش ميرنا برقة:و الاحلام اتعملت عشان نحققها يا عنيدتي و انت بالنسبة لي حلم صعب بس قؤيب اوي هخليه ملكي انا و بس
بقلم/امنية اشرف
***********************************
انتهي البارت
يارب البارت ده يعجبكوا لانه بجد اطول بارت كتبته لحد دلوتي و اكتر واحد تعبت فيه فعايز بقا تفعول حلو عليه و عايزة رايكوا فيه
و كمان عايزة رايكوا في الابطال بعد 15 بارت من الرواية ايه رايكوا في كل واحد فيهم
و شكر علي التعليقات الحلوة الا جت علي البارت الا فات و الاقتباس كمان
دمتم سالمين😍