ما بين سحر الحب وكبرياء الانسان

البارت الثاني عشر (حفل زفاف)

<بسم الله الرحمن الرحيم>
في بيت عيلة الصيرافي و خاصة في الاوضة الا كان فيها يوسف و جويرية
كانوا الاتنين لسة واقفين كل واحد فيهم سرحان في عيون التاني و كانهم مش في عالم الواقع و اخيرا اقطع اللحظة دي صوت الباب فبعد يوسف عن جويرية و هو مستغرب من نفسه ايه الا خلاه يسكت و هو كان ناوي يوريها الزل و يوريها اد ايه هي ضعيفة بس ايه الا حصل لما بص في عنيها بس سيطر علي مشاعره دي و رجع قناع البرود تاني اما جويرية فكان حالها ميختلفش كتير هي كمان كانت مستغربة نفسها ازاي خليته يكون قريب منها لدرجة دي ايه الا في عنيه خلاها منجذبة له و مش عايزة تبعد عنه فاقوا الاتنين من افكارهم علي صوت الباب الا بيخبط للمرة التانية فكان يوسف الاسرع انه يرجع لطبيعته
يوسف ببرود و هدوء:ادخل
دخلت نجوي
نجوي بابتسامة:معلش مضطرة اقولكوا ان استاذ شريف و مدام زينات عايزين يمشوا عشان الوقت اتاخر و عايزين جويرية عشان تمشي معهم
يوسف بهدوء:تمام
نجوي:ماشي احنا مستنيكم بره
و خرجت نجوي و كانت جويرية هتخرج وراها بس ايد يوسف الا مسكت ايدها قبل ما تخرج و همسلها
يوسف بهمس:هسيبك تمشي دلوتي بس هتبقا اخر مرة اسيبك تبعدي عني و بعد كدة هتبقي معي علي طول
جويرية بثقة:صدقني هتكون فترة مؤقتة
ضحك يوسف و بص لجويرية ببرود و ثقة
يوسف ببرود:اكتر حاجة عجباني فيكي هي شرستك دي بس ياتري يا قطة شرستك دي هتفضل لحد امتي
جويرية:اقصدك انت نفسك طويل لحد امتي
يوسف بتحدي:لا متقلقيش طويل و طويل اوي كمان
جويرية بتحدي:هنشوف
و شدت جويرية ايديها من ايد يوسف بقوة رغم انها واجعتها بس ما بينتش و سبته و خرجت فضل يوسف واقف ثواني يبصلها لحد ما خرجت هو ما ينكرش ابدا اعجابه بقوتها و اتاكد ان هو بيلعب مع شخصية بريئة صحيح بس قوية
اما برا بعد ما خرجت جويرية و سلموا العيلتين علي بعض و سلمت جويرية علي ميرنا
جويرية بهمس:مالك شكلك متعصبة
ميرنا:و لا حاجة متشغليش بالك
جويرية:متاكدة
ميرنا:ايوة و بعدين ما عاش و لا كان الا يعصبني انت ما تعرفنيش و لا ايه
جويرية:مهو المصيبة ان انا عارفكي باردة مشاء الله
ميرنا:حبيبتي الله يخليكي
مرام:في ايه انتوا الاتنين انتوا واحشين بعض لدرجة دي
ميرنا:و انتي مالك انتي صحبتي و حبيبتي  مرام:دلوتي بقت صحبتك و حبيبتك مش الصبح كنت بتشتميها
ميرنا:اشتمها و لاء ما اشتمهش هي كانت اشتكتلك
بصت ميرنا لجويرية
مرام:ايه
جويرية بهبل:ايه
مرام:الكلام ده كله عليكي علي فكرة
جويرية:ما انا عارفة بس عملة نفسي من بنها
نوران:مرام يا حبيبتي متتعبيش نفسك مع الاتنين دول لان شكلهم الايام دي عملين حلف سوا و اول ما تلاقي حلف من الاتنين دول بالذات تعرفي ان اكيد اكيد في مصيبة هتحصل قريب ايه هي الله اعلم
جويرية بدهشة مصطنعة:كدة يا ميرنا هتعملي مصيبة لا عيب عليكي
نوران:ايوة اقوليلها يا عاقلة
جويرية: عيب عليكي هتعملي مصيبة من غير ما اكون معكي
ميرنا:لا و الله ما حصل انا اعمل مصيبة من غير ما اقولك ده انتي اول واحدة بتعرفي
مرام:ادعي عليكوا بايه و انتوا فيكوا كل العبر
جويرية:ما تخليكي في نفسك يا اسمك ايه
مرام:ماشي اتفلقوا في بعض
و بعدين بصوا حوليهم لقوا الكل واقفين و بيضحكوا عليهم
نوران:احم هو احنا بقالنا كتير واقفين كدة
مرام:تقريبا
و بعدين بصت لميرنا و جويرية الا كانوا واقفين بكل برود
مرام:ايه
ميرنا:ايه
مرام:المفروض يعني نكسف بقا دلوتي و كدة
ميرنا:ايوة يعني نعمل ايه دلوتي
نجوي:يعني بعيد الشر عنكوا يكون عندكوا دم
ميرنا:اديكي اقولت بعيد الشر عننا
نجوي:نفسي اعرف امتي هتبطلوا لماضة
زينات:انا عن نفسي يأست خلاص
نجوي:و الله معكي حق
و سابوهم و راحوا ناحية الباب و فضل البنات و الشباب بس الا واقفين و كانت مرام بتضحك هي و نوران
جويرية:ها ها ها ايه بيضحك
مرام بضحك:ههههه الناس دي بيحبوكوا اوي
ميرنا:اها بيموت فينا
وبعد كدة سلموا علي بعض و سلم يوسف و جويرية علي بعض من غير نفس مع نظرات التحدي الا في عنيهم الاتنين و مشيت جويرية و عيلتها و بعد كدة كل واحد راح علي اوضته لانهم كلهم كانوا تعبنين من التجهيزات بتاعة اليوم ده
**********************************
في بيت جويرية
وصل الكل البيت
جمال بابتسامة:الحمد لله ان الجواز تم بخير الف مبروك يا بنتي
جويرية:الله يبارك فيك يا جدي بس معلش انا هدخل اوضتي لان خلاص معدتش قادرة و اتخنقت من الفستان ده
شريف:ماشي يا اميرتي تصبحي علي خير
جويرية:و انت من اهله يا بابتي
و دخلت جويرية اوضتها و غيرت هدومها وبعد كدة اعدت علي السرير تسترجع احداث اليوم كله بس واقفت عند اللحظة الا كانت فيها في حضن يوسف و كانت بتبص في عنيه
جويرية لنفسها:مش عارفة ايه الحاجة الغريبة الا في عنيه الا خلتني افضل ابصله كدة بس فيها حاجة خلتني منجذبة ليه و مش قادرة اشيل عيني من عينه و كمان هو حلو اوي اوي
و بعدين فاقت للبتقوله
جويرية لنفسها:ايه الهبل الا انا بقوله ده هو صحيح حيلوة اوي و عنيه جميلة جدا بس كل ده مش هيخلني انسي ان هو عدوي و اكتر انسان بكره في حياتي و انا لازم اخليه يندم علي تحديه ليا و اوريه ان انا اقدر اقف اقصاده
و بعد كدة راحت جويرية في النوم و هي بتفكر في حياته مع يوسف هتبقا عاملة ازاي
اما في بيت عيلة الصيرافي في اوضة ميرنا الا غيرت هدومها و كانت رايحة و جاية بعصبية فدي هي عادتها دايما لما بتكون متعصبة
ميرنا لنفسها بعصبية:بقا انت يا بن الحصري تتجرأ و تقرب مني و كمان بتامرني ليه فاكر نفسه مين اما وريتك النجوم في عز الضهر ما بقاش ميرنا هو فكرني عشان وافقت علي كلامه يبقا هو كدة سيطر عليا خلاص بس ميعرفش ان انا عملت كدة عشان الاتفاق الا ما بينا يتم و يبقا يقبلني بعد الفرح ان حاجة من الا قالها انفذت
خلصت ميرنا كلمها مع نفسها و هي واقفة عند المراية فادورت وبصت في المراية عشان تسرح شعرها و فجأة جات عنيها علي شفايفها و افتكرت اللحظة الا باسها احمد فيها و افتكرت هي ازاي كانت مستسلمة له
ميرنا لنفسها:بس برده انا غبية ازاي افضل مستسلمة له كدة ازاي مقاومتش انا مش لازم اخليه يقرب مني تاني و ان حاول لازم اقاومه و ما استسلمش له بسهولة ابدا
و بعد كدة نامت ميرنا و هي كمان بتفكر في حياتها هي واحمد
اما في اوضة يوسف الا كان ساند دماغه علي ضهر السرير و بيفكرفي الا هيعمله بس فجأة جات في باله عنين جويرية و لونها الساحر الا مشفش زيه قبل كدة
يوسف لنفسه:عنيها انهار من الشكولاتة و فيهم سحر يشدك ليه اول ما تبصلها بس للاسف سحر عيونها ده مش هيخليني اوقف انتقامي منها
اما في اوضة احمد فكان نايم علي السرير و هو مغمض عينه و بيفكر و فجأة ابتسم لما افتكر الا حصل ما بينه و ما بين ميرنا و افتكر غضب ميرنا و كسوفها و عنادها
احمد لنفسه:مش عارف ليه عملت كدة ليه اتحديتك و ليه اتجوزتك و ليه عملت كدة النهاردة مع اني مكونتش ناوي اقربلك بس يمكن عشان انتي دايما بتتحدني و بتعنديني بجد مش عارف ليه بعمل كل ده بس الا اعرفه ان لازم اكسب التحدي ده لان انا معدتش هسمحلك تبعدي عني ابدا يا   يا بنت الصيرافي
و انتهت الليلة دي بنوم ابطالنا و كل واحد فيهم بيتوعد لتاني بحاجة بس ياتري كل واحد فيهم هيقدر ينفذ وعده ده و لاء الايام هيكون ليها راي تاني هنشوف
***********************************
في واحد من سجون مصر
مجهول1:ايه الاخبار
مجهول3بابتسامة:صاحبك كان كتب كتابه امبارح
مجهول1ومجهول2 بصدمة:نععم
مجهول1:انت متاكد من الا انت بتقوله
مجهول3:ايوة طبعا و مش بس هو لا وكمان بن الحصري
مجهول1:و مين دي الا قدرت توقع بن الصيرافي
مجهول3:كل الا قدرت اعرف عنها اسمها
مجهول1:اسمها ايه
مجهول3:جويرية الشرقاوي
مجهول2بصدمة:مييين
مجهول1:انت تعرفها
سكت مجهول2شوية و بعدين قال
مجهول2 بغموض:لا معرفهش بس حسيت ان سمعت اسم الشرقاوي ده قبل كدة
مجهول3:اكيد سمعت عنه لان ابوها صاحب شركة كبيرة في مصر
مجهول1:ابوها اسمه ايه
مجهول3:اسمه شريف الشرقاوي
مجهول1 بابتسامة شر:اهلا ده الحكاية احلوت اوي
مجهول2:انت تعرفه
مجهول1بغل:عز المعرفة ده كان سبب من اسباب الا حصلنا زمان
مجهول2:و تفتكر ايه سبب الجوازة المفاجاة دي مصالح يعني
مجهول3:لا مش مصالح لاني فكرت في كدة بس لقيت مفيش اي تعاملات ما بينهم و لاء حتي هيبقا فيه
مجهول1:اومال ايه سبب الجوازة دي
مجهول3:اهي دي الحاجة الا لسة معرفهش و كمان الصحافة متعرفش اي حاجة عن الموضوع المفروض اتنين زي دول يوم كتب كتابهم تكون الصحافة عارفة حاجة لكن مفيش
مجهول1:يبقا لازم نعرف ايه سبب الجوازة دي لان حاسس انها مش جوازة عادية و ان وراها آن و كمان عايزك تعرفلي كل حاجة عن البت دي و عيلتها
مجهول2:و ليه عايز تعرف عنها كل حاجة
مجهول1 بشر:لان البت دي هتكون السلاح الا هنقضي بيه علي بن الصيرافي و علي ابوها
مجهول3:تمام هعرف عنها كل حاجةو كمان هعرف سبب الجوازة دي ايه
مجهول1:في حاجة تانية الواد بن الحصري و الواد التاني بن السيوفي الاتنين دول لازم نشوفلهم صرفة لانهم بيمثلوا جزء كبير من قوة بن الصيرافي
مجهول2:طيب مستنين ايه ما نخلص منهم
مجهول1:مش بسهولة كدة الاتنين دول داهية زي بعض و ازكياء جدا فمش لازم نستهين بيهم
وبعدين بص مجهول1 لمجهول3 بتساؤل
مجهول1:انت مقولتليش صحيح بن الحصري اتجوز مين
مجهول3 بابتسامة:خد عندك المفاجأة التانية اتجوز البت اخت يوسف الصيرافي ميرنا الصيرافي
مجهول1 بابتسامة:حلو اوي ده هم الا بيدونا الفرص علي طبق من دهب عايزك تخلي البت دي تحت عينك
مجهول3:تمام
مجهول1:نهايتك اقربت اوي يا بن الصيرافي
***********************************
بعد مرور اسبوع من تجهيزات الفرح فكانوا البنات دايما مع ميرنا بيساعدوها في التجهيزات و يوسف و آسر مع احمد وهما كمان بيساعدوه في التجهيزات
و خلال الاسبوع مكنش في اي تواصل او مقبلات ما بين احمد و ميرنا او يوسف و جويرية
و قبل الفرح بيوم و الا هو يوم الحنة
الصبح عند ميرنا الا كانوا البنات بيتين معها لحد يوم الفرح في اوضة ميرنا كانت واقفة لوحدها اودام فستان فرحها الا متعلق اودامها علي دولاب و كان لسة مطلعتهش من الكيس بتاعه و لاء حتي شافته لان احمد هو الا تولي مهمة شراء الفستان و هي الحاجة الا زادت من غيظ ميرنا علي احمد اكتر لانه حتي مخدتش رايها في الفستان
دخلت جويرية اوضة ميرنا الا كانت لسة واقفة سرحانة فقفلت الباب و وقفت جمب ميرنا و حطت ايدها علي كتفها ففاقت ميرنا من سرحانها و بصتلها
جويرية:ايه ميرو واقفة كدة ليه
ميرنا بحزن:و لاء حاجة عادي
جويرية بابتسامة:بصي يا ميرو انا عارفة انك زعلانة لان جوازك هيبقا مجرد تحدي ما بينكم انتوا الاتنين بس مينفعش تفضلي زعلانة كدة يوم فرحك لان ده يوم مبيجيش في العمر الا مرة واحدة و لو جيه مرة تانية مش هيبقا بنفس جمال و شغف الاولي عشان كدة لازم تتمتعي بيه علي اد ما تقدري و تنسي كل حاجة لحد ما اليوم ده يخلص و كمان تتمتعي بحنتك النهاردة لانه يوم ما بيتعوضش هو كمان اتفقنا
ميرنا بابتسامة:اتفقنا ربنا يخليكي ليا يا جويرية دايما بتتخفي عني كتير
جويرية:بس يا بت يا هبلة انتي هو احنا مش اخوات و لاء ايه
ميرنا:اكيد طبعا اخوات
جويرية بمرح:طيب سيبك بقا من جو الدراما ده و تعالي بالله عليكي نفتح الفستان و نشوفه لان انا الفضول هيموتني
ميرنا بضحك:ههههههه و الله فضولك ده هيوديكي في داهية
جويرية:يعني هنفتحه و لاء ايه
ميرنا بضحك:ههههه يلا ياختي
و بعدوا الاتنين الكيس عن الفستان و الا شهقوا الاتنين بإعجاب  اول ما شافه
جويرية باعجاب:بسم الله مشاء و لا حول و لا قوة الا بالله جميل اوي يا ميرنا طيب و الله انت الهبلة ده الواد زوقه تحفة
ميرنا:اها شكله عادي يعني
جويرية:و الله انتي كاذبة ده عجبك و عجبك اوي كمان
ميرنا بابتسامة:بصراحة ايوة عجبني اوي و مكنتش اعرف ان زوقه هيبقا حلو اوي كدة
جويرية:ايوة بقا  يا عم الله يسهله
ميرنا:بس يا بت انتي اخرسي
جويرية:و ماله ياختي بس زوقه حلو ها
ميرنا:بس بقا يا رخمة
و فجاة دخلوا البنات
مرام:خوانة بتشوفه من غيرنا
بعدتهم مرام من اودام الفستان و اول ما شافه بصله كلهم باعجاب
نوران:واو يا ميرنا الفستان تحفة بجد
ميادة:معكي حق و الله ده جميل جدا
آيات:و تصميمه رقيق اوي
بصت ميرنا لمرام الا كانت ساكتة
ميرنا:ايه يا مرام مقولتليش رايك
بصتلها مرام و عنيها مليانة دموع وراحت لميرنا و حضنتها و عيطت و هي حضنها
ميرنا باستغراب:ايه يا مرام في ايه بتعيط ليه
مرام بعيط:مكنتش مصدقة ان هيجي اليوم الا اشوف فيه فستان فرحك و البسهلك بايدي و اشوف اختي حبيبتي و تؤامتي احلي عروسة
ميرنا بحنان:حبيبتي يا احلي اخت في الدنيا بس عشان خاطري بطلي عياط
مسحت مرام دموعها
مرام:خلاص اهو مابعيطش
جويرية بابتسامة:ايوة كدة و يلا بقا انتوا نسين ان احنا عندنا حاجات كتير هنعملها النهاردة
مرام:ايوة صح و كمان خالتو اقالتلي اقولك ان احمد  بعتلك واحدة هتيجي كمان شوية عشان لو الفستان عايز تظبيط فيلا عشان تفطري قبل ما تيجي
ميرنا:ماشي يلا
خرجوا البنات و فطروا و بعد كدة جات واحدة و ظبطت لميرنا الفستان و بعدين بدأوا البنات يجهزوا عشان حفلة الحنة
**********************************
علي الجانب التاني عند احمد الا كان مع يوسف و آسر في ادارة آمن الدولة
احمد ليوسف بغيظ:حسبي الله و نعم الوكيل فيك يا شيخ بقا في عريس يروح مهمة قبل فرحه بيوم
بصله يوسف الا كان بيجهز سلاحه و بيحط في المكان المخصص ليه في الحزام
يوسف ببرود:لو خلصت رغي فيلا عشان معندنش وقت
احمد بهمس:بارد
يوسف ببرود:بتقول ايه يا احمد سمعني
احمد:لا و لاء حاجة بقول يلا عشان اتاخرنا
يوسف ببرود:اه بحسب
و خرج من المكتب و سابهم بص احمد لآسر الا مكنش قادر يبطل ضحك
احمد بغيظ:بتضحك علي ايه يا زفت
آسر بضحك:معلش يا حبيبي بتحصل في احسن العائلات
احمد:اخرس يلا هو انا هلقيها منك و لاء من البارد التاني و يلا اودامي خلينا نخلص.
آسر بضحك:هههههه يلا
و خرجوا الاتنين وراء يوسف
***********************************
بليل في بيت عيلة الصيرافي كان البيت مقسوم نصين فكان الستات كلها في بيت ميرنا و الرجالة في بيت احمد الا جيه هو يوسف و آسر بعد ما خلصت المهمة بفوز فريقهم كالعادة و طبعا كان ممنوع ان احمد يشوف ميرنا الا ساعة الفرح و ده طبعا بأومر من نجوي و رانيا واستمرت الحفلة لحد الساعة 11 بليل و بعد كدة مشي كل الضيوف الا كانوا موجودين و ناموا البنات مع ميرنا و آسر و يوسف مع احمد
***********************************
يوم الفرح الصبح عند ميرنا كانت لسة نايمة و كانوا البنات بيحاولوا يصحوها
مرام:بت يا ميرنا اقومي يلا
ميرنا بنوم:يوه بقا في ايه عايزة انام
جويرية:في محشي ياختي اغرفلك
ميرنا بنوم:لا شكر عاملة دايت
ميادة:طيب اقومي يا ظريفة
آيات:ما تقومي بقا يا زفتة انتي ناسية ان فرحك النهاردة
ميرنا:ايوة يعني اعمل ايه
نوران:تعملي ايه تقومي عشان اتاخرنا
ميرنا:ليه يعني هي الساعة كام
ميادة:الساعة عشرة
ميرنا:طيب الفرح الساعة سبعة اقوم الساعة عشرة اعمل ايه
جويرية:تقومي عشان لسة تاخدي شاور و تصلي و تفطري و علي اما نروح و الماسكات الا لسة هتعمليها
ميرنا:يا باي خلاص اديني اقومت اهو
مرام :روح  بقاخدي شاور و صلي لحد ما نخلص الفطار
ميرنا:ماشي
اقامت ميرنا و دخلت اخدت شاور و صليت و بعدين خرجت فطرت مع البنات و بعدين دخلوا لبسوا
مرام:يلا بقا يا ميرنا كل ده بتعملي ايه
ميرنا:الله مش بظبط الطرحة
نوران:طيب يلا ياختي عشان يوسف و آسر مستنين تحت عشان يوصلونا و احمد سبقهم علي هناك بسبب اوامر خالتو نجوي و خالتو رنيا انكوا متشفوش بعض
ميرنا:طيب يلا انا خلصت
وكانوا هيخرجوا بس دخلت نجوي الاوضة و هي مبتسمة
نجوي بابتسامة:استني يا ميرنا في اتنين مهمين عايزين يشوفكي
ميرنا باستغراب:اتنين مين
......... :احنا مبروك يا عروسة
بصت ميرنا لمصدر الصوت
ميرنا بصدمة و فرحة:حازم و مروان
و راحتلهم بسرعة و حضنتهم الاتنين
ميرنا بفرحة:واحشتوني اوي انتوا الاتنين
حازم بابتسامة:انت اكتر يا ميرو(حازم الصيرافي الاخ الاصغر لميرنا عمره 16سنة و هو بيدرس في لندن بقاله سنتين)
ميرنا:بس انتوا وصلتوا امتي
مروان:لسة واصلين دلوتي لان ابيه يوسف اتصل بينا امبارح و قالنا ان احنا نجهز عشان هنرجع مصر النهاردة عشان نحضر الفرح(مروان الصيرافي الاخ الاصغر لمرام و هو نفس سن حازم و بيدرس معه في لندن)
مرام:طيب كويس بس هو مفيش حد تسلموا عليه الا ميرنا و لاء ايه
راحولها الاتنين و حضنها
مروان:لا ازاي يا ام لسان طويل
ضربت مرام علي كتفة
مرام:احترم نفسك يا ياض متنساش ان انا اختكوا الكبيرة
حازم:لا يا حبيبتي بس احنا الاطول
مرام:ايوة طوال و هبل
نجوي:خلاص مش وقت الخناق بتاعكوا ده و يلا يا بنات عشان ما تتتاخروش
حازم:لا ثانية واحدة بس انا لحد الوقت مشفتش مرات ابيه يوسف
مروان:ايوة صح هي فين الا خلت ابيه يودع حياة العزوبية
شدت ميرنا ايد جويرية و وقفتها جمبها
ميرنا:اهي دي مرات يوسف
حازم:انا اقولت برده لازم تكون واحدة مميزة الا تخلي اخوي يتجوز
مروان:لا اختر صح الصراحة قمر
مرام:طيب احترموا نفسكوا بقا انتوا الاتنين بدل ما انزل اقوله انكوا بتقول كدة علي مراته
حازم:احم لا علي ايه انا عايز احضر الفرح النهاردة
مروان:اها و انا كمان
حازم:بس علي العموم اتشرفنا يا قمر
جويرية بضحك:الشرف ليا
و بعد كدة نزلوا البنات و حازم و مروان و كان يوسف و آسر مستنينهم تحت ركبت ميرنا و مرام و جويرية مع يوسف و طبعا اتجهلت جويرية يوسف تماما و هو كمان اتجهلها و مفيش واحد فيهم بص لتاني و نوران و ميادة و آيات مع آسر و حازم و مروان ركبوا مع السواق في عربية تانية
و وصلوا كلهم عند الفندق الا هيكون فيه الفرح و الا كان احمد حاجز فيه اوضتين اوضة لميرنا عشان تجهز فيها و اوضة ليه نزلوا البنات و طلعوا الاوضة بتاعة ميرنا و آسر و يوسف و حازم و مروان طلعوا احمد الاوضة بتاعته
و بليل عند ميرنا بعد ما خلصت كل حاجة و لبست الفستان و الطرحة
رانيا:بسم الله مشاء يا حبيتي طلعة زي القمر الواد احمد ده طول عمره محظوظ
ميرنا بكسوف:ربنا يخليكي يا عمتو
جويرية:لا البت بتتكسف اوي
ميرنا بغيظ:خليكي في نفسك يا رخمة
ضحكت جويرية فهي من الصبح بتحاول تخفف من توتر ميرنا بالهزار
رانيا:لا بس انتوا كمان يا بنات طلعين كلكوا جمال مشاء الله
البنات:ربنا يخليكي يا طنط
فرانيا في وصفها للبنات مكذبتش ابدا فكل واحدة فيهم كان ليها جمال خاص بيميزها عن الباقين و كانوا كلهم لبسين فساتين من نفس اللون و هو اللون الفضي علي حسب اتفاقهم مع ميرنا ماعدا جويرية الا اصرت ميرنا انها تلبس فستان من لون تاني و اخترتلها ان لون الفستان يكون اسود استغربت جويرية من طلب ميرنا بس مردتش تزعلها و وافقت انها تلبس فستان باللون الاسود و هي ما تعرفش ان ميرنا اخترت اللون المفضل عند يوسف و هو الاسود
ميرنا:ايه يا ماما مقولتيش حاجة
راحت نجوي ناحية ميرنا و حضنتها و عيطت
ميرنا:بتعيط ليه يا ماما
نجوي ببكاء:مش مصدقة انك كبرتي اوي كدة و ان فرحك النهاردة و ان هسلمك لراجل بجد زي احمد هيحفظ عليكي
ميرنا:طيب خلاص بقا لحسن و الله هعيط معكي
نجوي:لا اوعي لحسن الكحل بتاعك يبوظ و انا خلاص معتش بعيط اهو
مرام:سيبكوا بقا من جو الدراما عشان ننفذ الا احنا اقولنا عليه
نجوي:انا مش فاهمة حاجة هتنفذوا ايه
مرام بسرعة:خلي جويرية تقولك انا هاخد نوران و ننزل
و خرجت هي و نوران بسرعة
رانيا:هي البت دي هتعمل ايه
حكت جويرية لنجوي و رانيا الا مرام هتعمله
نجوي بضحك:هههههه والله البت دي مجنونة
عند مرام و نوران بعد ما خرجوا قبلوا يوسف و هو طالع
يوسف باستغراب:انتوا رايحين فين انتوا الاتنين
مرام بسرعة:هقولك بس اقولي الاول احمد فين
يوسف:تحت اهو بس انت عايزنه ليه
مرام:هقوله حاجة بس عشان خاطري يا يوسف متنزلش انت و ميرنا الا لما اقولكوا عشان خاطري عشان خاطري
يوسف:طيب خلاص
مرام:هيييه شكر
و نزلت بسرعة هي و نوران اما يوسف فابتسم علي جنان مرام و طلع واقف علي اول السلم و ربع ايده عشان يشوف هي هتعمل ايه
نزلت مرام عند احمد
احمد:ايه في ايه مالكوا انتوا الاتنين نزلين كدة ليه
مرام:نزلين عشان عايزنك في موضوع مهم
احمد:موضوع ايه الا انتوا عايزني فيه قبل الفرح بدقيقة ده
نوران:لا مهو لو مقولنلكش الموضوع ده مش هيبقا في فرح
احمد:ليه انشاء الله
مرام:مهو لومفيش عروسة يبقا مفيش فرح و عشان يبقا في عروسة لازم تسمع الا احنا هنقوله
احمد بغيظ:اتفضلوا اقولوا
مرام:طبعا كل حاجة و ليها مقابل زي ما انت عارف
احمد:همم وبعدين مش فاهم برده عايزين ايه
مرام:يعني عشان اسلمك اختي لازم تدفع يا بابا
آسر:ليه انشاء الله الافتراء ده
نوران:اهو ده الا عندنا و متبقش قطع ارزاق بقا يا آسر
حازم:ما يبقاش اقطع ارزاق ايه يعني تقلبوا الراجل عيني عينك كدة
مرام:و الله هو ده الا موجود عندنا يا كدة يا اما مفيش عروسة بقا ها اقولت ايه
احمد بغيظ:ماشي
و طلع من جيبه فلوس و ادهملها اخدتهم مرام منه
احمد:تمام يا انسة مرام
مرام:اها تمام
و بصت ليوسف الا كان واقف فوق و شاورت بمعني اوكي فراح يوسف ناحية اوضة ميرنا و خبط فتحتله نجوي و دخل و كانت ميرنا واقفة اودامه واقف يوسف يبص لميرنا شوية و بعد كدة راح و اخدها في حضنه و هي حضنته جامد
يوسف بحنان:الف مبروك يا حبيبتي
ميرنا:الله يبارك فيك يا يوسف و بعدين بصت ناحية جويرية وغمزت ليوسف
ميرنا:عقبال فرحك بقا انشاء الله
بص يوسف لجويرية و اصدم من جمالها فكان اللون الاسود ليق عليها جدا و كمان الفستان كان جميل عليها اوي فكان فستان ضيق من عند الصدر و واسع من بعده و كان معمول من عند الصدر و الاكمام بقماش الدانتيل وعليه تطريزات باللون الفضي و باقي الفستان من الحرير و علي الوسط حزام من اللون الفضي و كانت جويرية لبسة حجاب مزيج من اللونين الاسود و الفضي و جزمة من اللون الفضي و محطتش اي ميك اب غير كحل حددت بيه عنيها فبرز لون عنيها البني اكتر فزاد جمالهم الساحر اكتر
اما جويرية لما شافت نظراته ليها اتكسفت و وشها احمر و بصت في الارض
ميادة بهمس:هو الانتاج ده انتاج مصري
آيات بهمس:هيييح ايوة
ميادة:اومال ليه بيقولوا الانتاج التركي احسن ما المصري اهو يديه بالجزمة
جويرية باستغراب:انتوا بتتكلموا عن ايه
ميادة:هنكون يعني بنتكلم عن ايه عن المز ده طبعا
آيات:و الله يا بت جويرية انتي هبلة بقا في حد يكون متجوز القمر ده و يفضل واقف زيك كدة ده لو جوزي اروح اقف جمبه وافضل متتبتة فيه
جويرية:طيب اتلموا بقا انتوا الاتنين
ميادة:و الله يا جويرية بحاول اتلم بس فيه ناس كدة اول ما تشوفيهم كدة تحسي انك مش عايزة تتلمي و عايزة تنحرفي
جويرية بضحك مكتوم:يا بت اخرسي
ميادة:اها و الله طيب جويرية عايزة اسالك سوال بما انه جوزك يعني هو العنين دي طبيعية و لاء لانسيز
مقدرتش جويرية تمسك نفسها من الضحك و ضحكت غصب عنها بصوت عالي نسبيا و الا خلي الكل يبصلهم فاكسفت جويرية و سكتت و بصت لميادة بغيظ
ميادة:بتبصلي كدة ليه و انا مالي انت الا ضحكتي
جويرية:اخرسي
ميادة:طيب سكت اهو خلاص بس كنت بسال سوال برئ يعني
بصتلها جويرية بسخرية و بعدين بصت ناحية ميرنا فاصدمت بنظرات يوسف الجامدة والباردة ليها و الا خلتها تترعب و تتوتر بس اصرت انها ما تبينش انها آثرت فيها النظرات دي فبصتله بقوة بس كانت نظراته دي بتزيد توترها و مكنتش عارفة سببها ايه فبصت الناحية التانية و يوسف بص لميرنا
يوسف:يلا يا حبيبتي جاهزة
اخدت ميرنا نفس عميق
ميرنا بتوتر:جاهزة
راحت جويرية ناحية ميرنا قبل ما تخرج لما حست انها بدات تتوتر
جويرية بمرح:استني عندك
ميرنا:ايه يا بت خضيتني
جويرية:استني نزلي الطرحة اول و لاء عايزة مرام تقتلني
و نزلت جويرية الطرحة علي وش ميرنا
جويرية:بس كدة ياختي بيضة كبرتي و بقيتي عروسة
ميرنا بغيظ:انتي يا بت بدلع بنت اختك
جويرية:الحق عليا خلاص غوري
ميرنا:جزمة
و حطت ميرنا ايدها في ايد يوسف و اخدها و نزل
عند احمد
احمد:مادية حقيرة
مرام:مش هرد عليك عشان انا مودبة
احمد:لا مهو واضح
مرام:اصدقك ايه
بس احمد ماردش عليها فبصتله مرام لقيته بيبص فوق فبصت مكان ما هو بيبص فلقت ميرنا نزلة و هي و يوسف فابتسمت مرام و بعدت عن الطريق
عند احمد كان واقف مزهول بجمال ميرنا فكان الفستان كأنه متصمم عشانها وصل يوسف و ميرنا عند احمد فسلم يوسف علي احمد و حضنوا بعض
يوسف:الف مبروك يا صاحبي
احمد بابتسامة:الله يبارك فيك يا صاحبي
يوسف بتحذير:مش هوصيك عليها يا احمد
احمد بصدق:في عنيا يا يوسف
فسلمه يوسف ايد ميرنا فمسكها احمد و اقرب من ميرنا و رفع الطرحة عن وشها فاصدم اكتر من من جمالها فبرغم ان ميرنا مكنتش حطت اي ميك اب الا كحل حددت بيه عنيها فزاد من جمال لون عنيها الاخضر و ملمع شفايف فكانت بسيطة جدا بجمالها الطبيعي فباس احمد راسها و اخد ايدها و راحوا الاتنين و دخلوا قاعة وسط تصقيف الكل و بدوا الفرح برقصة السلو
احمد:الف مبروك يا مدام ميرنا الحصري
ميرنا:الله يبارك فيك  بس اقصدك ميرنا الصيرافي
احمد بهمس:من النهاردة هتنسي انك ميرنا الصيرافي انت من النهاردة ميرنا الحصري
ميرنا:و هنسيه ليه بما اني هرجعله تاني لان كل ده هيكون فترة مؤقتة مش اكتر
فلفها احمد بحيث انها بقت في حضنه
احمد:في احلامك يا حبيبتي
ميرنا:هنشوف مين فينا الا بيحلم
و استمرت الرقصة فترة و بعدين خلصت واقعدوا الاتنين يستقبلوا التهاني من الكل
عند جويرية الا كانت واقفة مع البنات و بعدين فونها رن فاخدته و راحت ناحية بابا القاعة و خرجت عشان ترد عليه بعيد عن الدوشة و بعد ما خلصت و كانت هتدخل فجأة حد مسك ايدها و شدها بعيد عن الباب و وقفها علي الحيط و كل ده كانت لسة ما تعرفش هو مين و اول لما شافت وشه
جويرية بصدمة:انت
بقلم/امنية اشرف
**********************************
انتهي البارت
و عايزة بقا رايكوا في البارت ده
و طبعا مفيش داعي اتكلم عن تفاعل البارت الا فات لانه كان قليل جدا
فعايزة تفاعل حلو علي البارت ده
و تفتكروا من هم التلاتة المجهولين دول
و مين الا شد جويرية و خلاها تصدم اول ما شافته
دمتم سالمين😍