ما بين سحر الحب وكبرياء الانسان

البارت الرابع عشر(بداية قسوته)

<بسم الله الرحمن الرحيم>
في قصر عيلة الصيرافي
كانت جويرية اعدت مصدومة من آثر كلام يوسف و القسوة الا اول مرة تشفها في عنيه
جويرية بتفكير:ياتري ليه بتعملني كدة انا عملتلك ايه معقول كل ده عشان الخناقة الا اتخنقنها اول مرة مع بعض لا مش معقول تكون القسوة دي كلها و كلامك ده يكون سببه السبب التافه ده انا متاكدة ان في حاجة اكبر من كدة ياتري ايه الا وراك يا بن الصيرافي و ياتري مخبيلي ايه لسة هشوفه معك
اقطع تفكير جويرية دخول مرام
مرام بسرعة:كويس يوسف مش موجود اقومي معي بقا عشان انا مش جيلي مزاج ارتاح و خالتو نجوي قالتلي اعرفك علي القصر و انا عندي حماس عشان اعرفك عليه و
جويرية:بس بس ايه يا حجة اعدمك ان فهمتي حاجة من الا انت اقولتيها
مرام:ياختي بصي انتي وراكي حاجة دلوتي
جويرية:يعني هيكون وراي ايه ما انا اعدة اهو
مرام:طيب عايزة تستريحي
جويرية:لا مش عايزة
مرام:طيب يلا اعرفك علي القصر و لاء مش عاوزة
جويرية بسرعة:لا طبعا عايزة انا المكان ده شغلني من ساعة ما جيت
مرام:اشطا يلا بينا
خرجوا الاتنين من اوضة جويرية و راحوا ناحية السلم و طلعوا لدور الا بعضه و الا هو اخر دور و لما وصلوا فوق راحوا لاخر بابا في الدور
جويرية باستغراب:احنا رايحين فين كدة
مرام:هعرفك علي القصر من بره
فتحت مرام الباب و دخلوا الاتنين من الباب ده و الا كان بابا السطح بتاع القصر و الا اعجبت بيه جويرية جدا لانه كان عبارة عن كنبتين و اكتر من كرسي و تليفزيون و لمبات علي السور للاضاءة و في اخره مرجيحة متوسطة
جويرية بانبهار:واو المكان ده جميل جدا
مرام:ده بقا يا ستي السطح بتاع القصر و احنا دايما بنسهر فيه بس في الصيف بس لكن في الشتاء بنقعد تحت تعالي بقا عشان تشوفي القصر من بره
راحوا الاتنين و واقفوا  اودام السور
جويرية:مرام بالله عليكي تقوليلي ايه الڤيلل الا حولينا الا القصر دي
مرام:هقولك ياستي بصي
و بدات مرام تشاورلها علي الڤيلة الا اودام القصر
مرام:دي ڤيلة عيلة الحصري و الا عايش فيها عمتي و جوزها و احمد ابنهم و حاليا ميرنا
جويرية:يعني ميرنا هتعيش هنا
مرام:ايوة و دي احسن حاجة عشان هتبقا معنا علي طول
جويرية:عشان كدة مزعلتيش لما راحت مع احمد
مرام:ايوة طبعا ازعل ليه مهي هتبقي في وشي علي طول اهي
و بعدين شاورتلها علي الڤيلة الا جمب ڤيلة عيلة الحصري
مرام:دي بقا ڤيلة عيلة السيوفي و الا عايش فيها عمتي التانية و جوزها و ابنهم آسر و اخو جوزها و مراته و بنتهم نوران
و بعدين شاورتلها علي الڤيلة الا جنب القصر
مرام:و دي بقا ڤيلة عيلة الحديدي بس مفيش حد عايش فيها
جويرية:ليه
مرام بحزن:لان الڤيلة دي كان عايش فيها خالتي الله يرحمها هي و جوزها و ولادها التلاتة
جويرية بحزن:الله يرحمها يا حبيبتي و يدخلها فسيح جناته
مرام:يارب
جويرية:طيب و فين جوزها و ولادها
مرام:جوزها مات بعدها بسنة و فضلوا ولادها عايشين معانا بس لما قررنا نسافر اسكندرية قرروا هما كمان يسافروا بره مصر لعمهم و لحد دلوتي منزلوش مصر و لاء مرة يدوبك بنتكلم معهم بالتليفون
جويرية بحيرة:اممم طيب بس انا برده مفهمتش ليه الاربعة عائلات عايشين في مكان واحد يعني ليه مش كل واحد مستقل
مرام بسرعة:عشان الاربعة عائلات دول من اكبر عائلات الصعيد
و بعد ما مرام قالت كدة اخدت بالها من الا هي قالته فغمضت عنيها و شتمت نفسها بغيظ علي غبائها لانها مكنش مفروض تقول كدة لان كدة جويرية هتعرف كل حاجة حصلت زمان
جويرية بصدمة:هو انتم من الصعيد
مرام بتوتر:ايوة
جويرية:بجد انا اول مرة اعرف انتي عارفة ان انا كمان من الصعيد
مرام بتوتر:لا اول مرة اعرف
جويرية:و عيلتي برده عيلة كبيرة في الصعيد
مرام بتوتر:ههه برده صدفة غريبة
جويرية بابتسامة:اها فعلا بس تفتكري جدي و جدك ميعرفوش
مرام بتوتر:مش عارفة يمكن بصي انا الصراحة معرفش اكتر من الا قولتهولك عشان انا عمري ماروحت الصعيد الا مرة واحدة بس و كنت صغيرة اوي
جويرية بسرحان:و انا كمان مروحتوش الا مرة واحدة بس
و بعدين قالت بهمس :و ياريتني ما روحت
مرام:بتقولي حاجة
جويرية:ها لا ولاء حاجة
مرام:متاكدة اصلي حسيت انك لونك اتغير فجاة لما اتكلمت عن الصعيد و هو انا اقولت حاجة زعلتك
جويرية بابتسامة:لا يا حبي مفيش حاجة بس افتكرت حاجة كدة
مرام:حاجة ايه
سكتت جويرية شوية
جويرية:و لاء حاجة فكك
و بعدين قالت بمرح:و بعدين بقا استني انا لسة عايزة اسالك في سوال
مرام:اقولي يا اوختي انا بقيت حاسة ان انا اعدة في من سيربح المليون
جويرية:مليون ايه انت كلك علي بعضك باربعة جنيه
مرام:طيب و الله منا ردت عليكي ها
جويرية:احسن
سكتوا الاتنين و كل واحدة دورت وشها الناحية التانية عدت ثواني
مرام:لا ايه الملل ده يلا نرجع ننم تاني
جويرية:اشطا يلا
مرام:كنت عايزة تسالي في ايه
جويرية بتفكير:كنت عايزة اسالك في ايه كنتي عايزة تساليها في ايه يا بت يا جويرية اها افتكرت هو انتي و ميرنا و يوسف ازاي اخوات و هو اكبر منكم بست سنين
مرام:اقولك بس تعالي نقعد علي المرجيحة دي
جويرية:اوك
راحوا الاتنين اقعدوا المرجيحة و بدات مرام تقولها
نسيبهم بقا يكملوا نم اقصدي يكملوا كلام 😂و نروح احنا مكان تاني
********************************
تعالوا بقا نروح للسجن تاني
بعد ما عصام راح مع العسكري ناحية المكتب و هو عمال يفكر مين الا جاي يزوره دلوتي فهو من يوم ما دخل السجن محدش بيزوره الا زيارة واحدة كل اخر شهر و لغرض معين اقطع تفكيره زقة العسكري ليه جوه المكتب
عصام بغيظ:ما براحة الله
و بعدين بص لكرسي الا وراء المكتب و الا كان اقعد عليه شخص و عطيه ضهره
عصام باستغراب:انت مين
فضل الا علي الكرسي مديله ضهره و مردش عليه
عصام بغيظ:انت ما سمعتنيش و لاء ايه انت مين و عايز ايه
ادور الشخص الا كان علي الكرسي و هو مبتسم ببرود و ثقة و اول ما شافه عصام
عصام بصدمة:هو انت
يوسف ببرود و ثقة:ايوة انا
عصام بغضب:ايه الا جابك يا بن الصيرافي بعد كل السنين دي و عايز مني ايه اديني اهو في السجن و بفضل اوامر سيادتك عايش في جحيم و شغلي و فلوسي دمرتهم يعني دمرتني علي الاخر ها لسة عايز ايه تاني
يوسف ببرود:كل الا انت اقولته ده شئ يسعدني بس لسة في حاجة بسيطة و تكون ادمرت علي الاخر و انا اكون ارتحت
ربع عصام ايده و بصله ببرود
عصام ببرود:و ياتري ايه هي الحاجة دي انا معنديش عيال اخاف عليهم و بالنسبة لعيلتي فانت عارف الا ما بيني و ما بينهم يعني مش هتستفاد حاجة لو اذيتهم لانهم ما يهمونيش في حاجة  يبقا لسة فاضل ايه متتعبش نفسك علي الفاضي يا يوسف بيه انا معدش عندي نقطة ضعف غير روحي و ياريت تاخدها و تخلصني
اقام يوسف من علي الكرسي و واقف قصاده ببرود
يوسف ببرود:متأكد
عصام ببرود:ايوة
بدا يوسف يلف حوليه بهدوء و برود
يوسف بهدوء:اممم يمكن فعلا ما بقاش عندك غير روحك بس مش دي نقطة ضعفك
و بعدين وقف و بصله في عنيه
يوسف ببرود و ثقة:مش كدة و لاء ايه
اتوتر عصام من كلام يوسف بس حاول يحافظ علي هدوءه لحد ما يعرف هو اقصده ايه بكلامه
عصام بهدوء:انت اقصدك ايه بكلامك ده يا بن الصيرافي و عايز توصل لايه
كان يوسف لسة بيدور حوليه بنفس الهدوء
يوسف بهدوء و ثقة:نقطة ضعفك شخص و روحه اغلي عندك من روحك حتي
بلع عصام ريقه و هو بيسمع كلام يوسف
عصام بتوتر:انا تقصد مين انا اقولتلك معنديش حد اخاف عليه
يوسف بهدوء و ثقة:حتي بنتك اقصدي بنت اخوك جويرية
بصله عصام بصدمة
عصام بصدمة:انت تعرف جويرية منين
راح يوسف و اقعد علي الكرسي الا اودام المكتب بكل برود و حط رجل علي رجل
يوسف ببرود:ليه هو انا مقولتلكش تو تو يخص عليا
عصام بصدمة:مقولتليش ايه
رفع يوسف ايده الا فيها دبلة
يوسف ببرود:اني اتجوزت
عصام بتوتر:و ده و ده ايه علاقته بجويرية بنت اخوي
يوسف:اقصدك مراتي
نزلت الكلمة دي علي عصام زي الصاعقة و مقدرش يفضل واقف فاقعد علي الكرسي الا اقصاد يوسف و هو لسة مش مصدق الا سمعه ان جويرية الانسانة البريئة الوحيدة في حياته الا اعتبرها بنته من يوم ما تولدت و ربها علي ايده تقع في ايد ألد اعداءه
بص عصام ليوسف الا كان بيبصله بابتسامة شماتة و غل
عصام بانكسار:عرفت توصلها ازاي
يوسف ببرود:القدر او حظها النحس زي عمها هما الا واقعهوا في طريقي انا صحيح كنت عارف ان ابوك كان بيجي كل اخر شهر و ياخد اذن بمكلمة بس مكنتش اعرف هي مين الا بتكلمها
عصام بانكسار:سيبها يا يوسف جويرية ملهاش ذنب في الا حصل زمان و حتي ماتعرفش عنه حاجة
يوسف ببرود:ذنبها الوحيد انك عمها
عصام بغضب:عايز منها ايه يا اخي
يوسف ببرود:عايز ادمر حياتها زي ما انت دمرت حياة ناس زمان
عصام بغضب:و هي دخلها ايه مشكلتك معي انا سيبها في حالها و اعمل فيا الا انت عايزه
يوسف ببرود:انت معدش فيك حاجة ادمرها معدتش فيك الا روحك و لو ختها يبقا انا هريحك و ده الا انا مش عايزه لكن لما تشوف الامورة بنت اخوك و هي بتتعذب هتتعذب زيها و هو ده الا انا عايزه
اقام عصام و مسك يوسف من ياقة قميصه و هو بيبصله بغضب قابلته نظرات يوسف الباردة و الا معملش اي رد فعل
عصام بغضب:لو قربت منها يا يوسف او آذيتها انا هقتلك
بعد يوسف ايد عصام ببرود و قوة خلته يرجع كام خطوة للوراء لحد ما اقعد علي الكرسي فقرب يوسف منه و حط ايد علي مسند الكرسي و الايد التانية علي المكتب و بصله في عنيه جامد
يوسف بحدة:مش يوسف الصيرافي الا يتهدد يا بن الشرقاوي و اتعلم لما تهدد هدد علي ادك لانك عارف ان لما احب اقربلها او آذيها انت مش هتعرف توقفني لا انت و لا حد من عيلتك انت ما عليك الا انك هتوقف متفرج مش اكتر علي حياة بنت اخوك و هي بتدمر
و بعد يوسف عنه و راح ناحية الباب بس واقفه صوت عصام
عصام بهدوء:هتندم يا يوسف هتندم انك في يوم موقفتش تسمع الحقيقة و انك هتدمر حياة انسانة بريئة ملهاش ذنب في اي حاجة
واقف يوسف ساكت شوية و بعدين كمل مشي ناحية الباب و اكلم و هو عطيله ضهره
يوسف ببرود:مش انا الا اندم و اذا كان علي الحقيقة فأن عرفها كويس و مش محتاج اسمعها منك
و خرج يوسف و اقفل الباب وراه
عصام بتنهيدة حزن:لا متعرفش الحقيقة يا يوسف يارتني كنت اقولتلك الحقيقة من زمان و مكونتش سمعت كلامهم و خبتها عليك و دلوتي هتكون جويرية هي ضحية الكذبة دي يارب انا عارف ان غلط و عصيتك بس بلاش تعقبني بجويرية و احميها من قسوة يوسف و انتقامه
******************************
في ڤيلة عيلة الشرقاوي 
دخل احمد مع ميرنا و كان في انتظارهم سامر و رانيا الا كانوا سبقهم
رانيا:نورتي يا مراتي ابني
ميرنا:ده نورك يا حماتي
و بعدين بصوا الاتنين لبعض ثواني و انفجروا في الضحك
ميرنا بضحك:ههههه حماتي و مرات ابني احنا مش لايق علينا الدور ده خالص
رانيا بضحك:ههههههه اه و الله احنا اخرنا اتنين اصحاب
ميرنا:طيب ما احنا اصحاب ا رورو و لاء ايه
حطت رانيا ايدها علي كتف ميرنا
رانيا:طبعا يا حبيبتي رورو و بعدين كويس هتبقي معي بقا علي طول عشان نوقف اقصاد الاتنين دول عشان مش بقدر اقف اقصدهم لوحدي
احمد:اها انتوا شكلكوا كدة هتعملوا علينا حلف
رانيا:اها عندك مانع يا واد انت
احمد:لا يا نبع الحنان معنديش
و بعدين بص لسامر
احمد:عجبك كدة يا حاج بيتحلفوا علينا
سامر:لا طبعا مش عجبني بس متقلقش الحلف بتاعنا احنا الا هيبقا اقوي
رانيا بتحدي:اقصدك احنا الا هنبقا اقوي
سامر:بتتحدني يا رانيا
رانيا:اها بتحدك يا سامر و هنشوف مين فينا الا هيكسب
ميرنا:ايه يا جدعان انتوا مالكوا سخنتوا علي بعض كدة ليه
رانيا:انت مش سمعه بيقول ايه
سامر:و انت مش شايفها بتتحدني ازاي
ميرنا:طيب خلاص اهدوا كدة و اصالحوا المرة دي عشان خاطري
سامر:و الله لو عشان خاطرك انتي انا موافق
رانيا:لو عشانك انتي خلاص سماح المرة دي
احمد بدهشة مصطنعة:يعني انا بقعد اصالح فيكوا بالساعات و عشان خاطرها هي اصلحتوا في ثواني
و بعدين بص لميرنا
احمد:لا ده انتي شكلك ليكي نفوذ كبيرة هنا
ميرنا بغرور مصطنع:طبعا يا بني ده انا شخصية مهمة هنا
فشدها احمد من وسطها ناحيته
احمد:طيب متشفويلي وسطة هنا اصل هم محسيسيني انهم لقوني علي باب الجامع و لاء انتي ايه رايك
طبعا ميرنا مردتش عليه لانها كانت مكسوفة جدا بسبب قربه الشديد منها و كمان اودام رانيا و سامر
رانيا بابتسامة:انا من راي تتلم بقا و تسيب البت الا بقت شبه الطماطم دي
سامر:و بعدين راعي ان احنا واقفين
احمد:طيب ما انتوا برده لازم تراعوا ان انا عريس جديد و فرحي كان امبارح
رانيا:يبقا تتلم و تطلع الجناح بتاعكم مش هنا
احمد:تصدقي معكي حق انا فعلا اطلع الجناح بتاعنا انا مش عارف انا ايه الا موقفني معكوا هنا
سامر:انت ما صدقت
احمد:اها و يلا سلام بقا
و بعدين بص للميرنا الا كان وشها لسة احمر
احمد:يلا
ميرنا:احم اها يلا
طلع احمد و ميرنا الجناح بتاعهم و كان رانيا و سامر متبعنهم لحد ما طلعوا
سامر بابتسامة:عارفة الاتنين لقين علي بعض اوي
رانيا بابتسامة ثقة:بس الاتنين بيكذبوا
سامر بنفس الثقة:طيب ما انا عارف ان هم بيكذبوا
رانيا:عرفت ازاي
سامر:احمد ابني و انا اكتر واحد اعرف امتي يكون كذاب و امتي يكون صادق و انتي
رانيا:احمد ابني انا كمان و عارفة امتي يكون بيكذب و امتي يكون ما بيكذبش و كمان ميرنا انت عارف انها اقرب واحدة ليا من ولاد اخواتي و سهل اعرف انها بتكذب بس تفتكر بيكذبوا علينا ليه
سامر:في حاجة الاتنين دول متفقين عليها بس محدش فينا يعرفها بس ايه هي مش عارف
رانيا:عموما هم حرين و هم كبار كفاية عشان يقرروا حياتهم
سامر:يلا ربنا يهديهم
رانيا:يارب
اما فوق في الجناح بتاع احمد و ميرنا و الا كان عبارة عن اوضة نوم رئيسية و حمام و اوضة تانية صغيرة خاصة بالملابس دخلوا الاتنين اوضة النوم الرئيسية و اقعد احمد علي الكنبة الا في الاوضة و مسك فونه و بص فيه دقيقتين و بعدين سابه و بص لقي ميرنا لسة واقفة فبصلها باستغراب
احمد باستغراب:انتي يا بنتي عليكي ذنب كل شوية تفضلي واقفة كدة و لاء محتاجة اذن عشان تقعدي
فضلت ميرنا واقفة ساكتة و هي مربعة ايدها و رافعة حجبها و بصله
احمد:مالك بتبصلي كدة ليه و لاء بتصورني
ميرنا بغيظ:ايه الا انت عملته تحت ده
احمد ببراءة مصطنعة:ايه الا انا عملته
ضربت ميرنا برجليها في الارض بغيظ
ميرنا بغيظ:بطل البراءة دي عشان بتغظني و اقولي ازاي تعمل كدة اودامهم
احمد بنفس البراءة:انا مش عارف انت متعصبة ليه و مش عارف لحد دلوتي انا عملت ايه ده انا حتي كيوت و مبعملش حاجة
ميرنا بغيظ:مين ده الا مبيعملش حاجة
احمد بنفس البراءة المستفزة:انا
ميرنا بغيظ:انت بتتكلم عن حد مجاش اقولك حاجة انا اصلا معدتش ردت عليك عشان انت هتشليني
احمد ببرود:بعد الشر عليكي يا حبيبتي
ميرنا بغضب:متقوليش يا حبيبتي
و بعدين راحت ناحية شنطتهاو اخدت منها هدوم بيتي و دخلت الحمام و رزعت الباب وراها بقوة
احمد بصوت عالي:براحة علي الباب حرام عليكي ادك ده
ميرنا بغيظ:ملكش فيه
ضحك احمد علي ميرنا
احمد بضحك:هههههه اما خليتك تقولي حقي برقبتي و تبطلي عندك ده مبقاش انا احمد الحصري و يا انا يا انتي يا عنيدتي
*********************************
في قصر عيلة الصيرافي
كانت لسة جويرية و مرام اعدين علي السطح
جويرية:انا برده مفهمتش منك حاجة
مرام:و انتي اصلا بتفهمي
زقتها جويرية فكانت هتقع من علي المرجيحة بس مسكت نفسها
مرام بغيظ:ايه يا حيوانة كنتي هتوقعني
جويرية:احسن عشان مش عايزة تفهمني
مرام :الله ما انا اعدة احكيلك ايه الا مش مفهوم في الا انا بقوله
جويرية:انت اعدة تدخليلي المواضيع في بعضها و انا مش فاهمة حاجة اقولي من الاول و براحة
مرام:ماشي انتي الوقتي سألتني احنا ازاي اخوات و يوسف اكبر مننا
جويرية:اها
مرام:طيب اسمعي خالتو نجوي و خالتو الا هي ام يوسف كانوا الاتنين حوامل مع بعض بس خالتو نجوي كانت سابقة خالتي التانية بشهر تمام
جويرية:تمام
مرام:بس لما خالتو نجوي ولدت للاسف ابنها اتولد ميت
جويرية بشهقة:يا حبيبتي يا ماما نجوي اكيد زعلت اوي
مرام:اممم زعلت اوي اوي لانه كان اول ولد ليها و فضلت علي الحال ده شهر لحد ما خالتو الا هي ام يوسف ولدت يوسف بس خالتو بقا بعد ما ولدته كانت تعبانة جدا فمقدرتش ترضع يوسف فطبعا كان لازم يشوفوا ليوسف مرضعة بس خالتو لانها كانت بتحب خالتو نجوي اوي مرضتش تجيب ليوسف مرضعة و اديته لخالتو نجوي ترضعه عشان تهون عليها فقدان ابنها و عشان محدش غريب يرضعه فاخدته خالتو نجوي و رضعته و فعلا وجود يوسف هون عليها كتير و خرجها من زعلها و بعد ستة سنين حملت خالتو نجوي في ميرنا و خلفتها و طبعا هي الا رضعتها فبقوا الاتنين اخوات و بعدها بشهرين جيت انا بس انا بقا كنت مستعجلة شوية فجيت في السابع فطبعا تعبت ماما و مقدرتش ترضعني في الاول فخالتو نجوي هي الا رضعتني بس كدة فبقينا احنا التلاتة اخوات
جويرية:اممم انا كدة فهمت بس مقولتليش هي خالتك التانية دي كان اسمها ايه
مرام:ماليكا
جويرية:ماليكا انت عارفة انا بحب الاسم ده اوي اسم غريب كدة و نادر لما تلقي حد اسمه ماليكا بس هو اسم جميل
مرام بحزن:و هي كمان كانت جميلة اوي و كانت طيبة جدا الله يرحمها
جويرية:يارب بس هي ماتت ازاي
مرام باختناق:كان عندها مرض القلب جالها بعد ما خلفت يوسف عشان كدة معرفتش تخلف غيره
بصتلها جويرية بحزن و هي عارفة سبب اختناقها و الدموع الا في عنيها فاخدتها في حضنها
جويرية:مرام حبيبتي الاعمار دي بيد الله و مش كل الناس الا عندها مرض القلب بتموت بالعكس في ناس بتتعلج منه و بتعيش حياته طبيعي و انتي في ايدك تتعلجي منه بس انتي الا مش عايزة تعملي العملية
قامت مرام من حضن جويرية و مسحت الدموع الا في عنيها
مرام بحزن:اها اروح و اعمل العملية و يا تنجح يا اما اموت بس بعد ما اكون عذبت اهلي معي لا يا جويرية انا اعيش وسطهم و اموت وسطهم احسنلي بكتير من اني اموت علي سرير المستشفي
فضلت جويرية بصلها بحزن بس قررت تقفل الموضوع دلوتي و تخرجها من حزنها
جويرية بمرح:خلاص يا بت يلي قلبتيها دراما انتي يخربيت الا يزعلك طيب خلاص متزعليش و اجبلك شكولاتة
مرام بسرعة:مين العبيط الا قالك ان انا زعلانة ده انا مبسوطة و هموت من الانبساط ها بقا فين الشكولاتة
جويرية بضحك:هههه انت مش كنتي بتعيطي دلوتي
مرام:اعيط ايه هو انا عندي دم اساسا
جويرية:كويسة انك عارفة نفسك
مرام:اها عارفة و بعدين فين بقا الشكولاتة
جويرية باستهبال:انتي مش هتعرفني علي بقية القصر
مرام:بقا كدة ماشي انا كنت عارفة اصلا انك بتشتغلني
جويرية:و لما انتي عارفة اني باشتغلك بتتكلمي كتير
مرام:ماشي ماشي
جويرية:ماشية ليه ما تخليكي اعدت شوية
مرام بغيظ:امشي يا لمضة اودامي
و خرجوا الاتنين من السطح و مشيوا اتجاه السلم و هم مشين وقفوا اودام باب اوضة تانية كانت هي الوحيدة في الدور ده
مرام:دي بقا ياستي اوضة الرياضة
جويرية:اوضة الرياضة
مرام:اها هي من الاخر خاصة بيوسف هو الا بيتمرن فيها دايما كل يوم الصبح
جويرية بهمس:عشان كدة شبه اربعة رجالة في بعض انا قولت برده الطول و العرض ده مش جاي من فراغ
مرام:ها قولتي حاجة
جويرية:لا ماقولتش حاجة
مرام:طيب يلا
و نزلوا الاتنين الدور الا بعده و عرفتها مرام علي كل اوضة بتاعة مين لحد ما واقفوا اودام اوضة جويرية
مرام:و دي طبعا اوضتك مش محتاج اقولك عليها
و بعدين شاورت علي الاوضة الا جمب اوضة جويرية بالظبط
مرام:و دي بقا اوضة يوسف
جويرية:نعععم و انشاء الله مفيش اوضة الا جمب اوضته
مرام:الله مش انتوا متجوزين و اصلا انتي تحمدي ربنا انه سيبك تقعدي في اوضة تانية اتهدي بقا
جويرية:اوف طيب
مرام:بس في حاجة مهمة لازم تعرفيها
جويرية:ايه هي
مرام:مفيش حد فينا بيخوش اوضة يوسف خالص الا  ام ابراهيم عشان التنضيف و بس و ممنوع علي اي حد تاني يخوشها
جويرية:و ليه يعني
مرام:هو كدة فاوعي تخشيها من غير ما تستاذنيه
جويريةبالامبالاه:انا اصلا مش عايزة اخشها
  وبعدين نزلوا تحت للدور الاول و عرفتها مرام علي بقية القصر لحد ما واقفوا اودام اربعة صور لرجلين و اتنين ستات و من الواضح انهم ماتوا بسبب الشريطة السودا الا محطوطة علي الصور
مرام و هي بتشاور علي اول صورة:دي ياستي خالتي ندي الله يرحمها الا اقولتك ان ولادها سافروا بره مصر
و بعدين شاورت علي الصورة الا بعدها
مرام:و ده عمي علي ابو ميرنا
و بعدين شاورت علي صورة بعدها
مرام:و دي
بس اقطعتها و قالت بسرعة
جويرية بسرعة:خالتك ماليكا
مرام:اها صح اكيد عرفتي من الشبه الا ما بينها و ما بين يوسف
جويرية:امممم فعلا شبها جدا و حتي نفس لون العنين
مرام:علي فكرة مفيش حد نفس لون العنين ده الا يوسف و خالتو بس
و بعدين شاورت جويرية علي الصورة الاخيرة
جويرية:طيب و مين ده ده فعلا الا فيه شبه من اخوكي كبير و كمان من طنط ماليكا
ساكتة مرام شوية و بعدين قالتلها
مرام بحزن:ده خالي مالك الله يرحمه و يبقا تؤام خالتو ماليكا
جويرية:الله يرحمه بس هو مات ازاي ده شكله صغير
بصتلها مرام شوية و هي مش عارفة تقول ايه
جويرية:ايه مالك سكتي ليه
مرام بتنهيدة:بصي يا جويرية احسن الا يحكيلك هو مات ازاي يكون يوسف
جويرية باستغراب:اشمعني يوسف
مرام:بعدين هتعرفي ليه بس متسالهوش دلوتي استني شوية و بعدين اساليه
جويرية بشك:ليه حاسة انك مخبية حاجة
مرام بتوتر:حاجة حاجة ايه انا مش مخبية حاجة
جويرية:اومال ليه اقولتيلي اسالي يوسف
مرام بتوتر:عشان هو الا يعرف التفاصيل انا كنت صغيرة معرفش مات ازاي بالظبط
جويرية:طيب
حبت مرام تغير الموضوع
مرام:و بعدين تعالي بقا احنا هنفضل واقفين هنا كتير تعالي نشوف خالتو نجوي فين
و مشيت مرام بس جويرية فضلت واقفة تبص للصورة
جويرية في نفسها:انا مغلطتش لما قولت انا في حاجات كتير انت مخبيها يا يوسف و منها موضوع موت خالك ده ياتري ايه السر وراء موته اكيد لازم اعرفه بس قبل ما اعرفه لازم اعرف سر جوازك مني اول و سبب قسوتك معي و كلامك الا قولته الصبح و لازم اعرف النهاردة
اقطع تفكيرها صوت مرام
مرام:ايه يا بنتي واقفة عندك بتعملي تعالي
جويرية:اوك
و مشيت جويرية مع مرام
جويرية:و دلوتي يا ست المرشدة هنروح فين
مرام:هنروح نشوف خالتو نجوي فين بصي اكيد هنلقيها في المطبخ
جويرية:في المطبخ
مرام:اها اصل خالتو نجوي دي شيف و هي الا لازم تعمل الاكل دايما رغم ان في خدم كتير ممكن يعمله بس هي مابتردش و لازم هي الا تعمله و هم بس ممكن يساعدوها
جويرية:و الله ماما نجوي دي عسل
مرام:طيب يلا بقا نروح نشوفها
جويرية:اوك
و عدي باقي اليوم ده من غير اي احداث تذكر لحد بليل و بعد ما الكل نام ماعدا جويرية الا كانت اعدة في اوضتها مستنية يوسف لانها قررت انها لازم تعرف منه سبب جوازه منها لحد ما سمعت صوت فرامل بيحتك جامد مع الارض فقامت بصت من البلكونة الا في اوضتها فلقت يوسف بيركن عربيته فنزلت بسرعة و واقفت علي الباب لحد ما يدخل ثواني و دخل يوسف فلقي جويرية اودامه
يوسف بسخرية:لا مش معقول استاذة جويرية بنفسها بتستنني
جويرية بسخرية:اكيد مش بستنك عشان خاطر عيونك انا بستنك عشان اسألك علي حاجة مهمة
ربع يوسف ايده
يوسف ببرود:و ايه هي الحاجة المهمة دي انشاء الله بس  لخصي عشان مش هضيع وقتي مع طفلة زيك
جويرية بغيظ:بغض النظر عن كلمة طفلة انا عايزة اعرف انت اتجوزتني ليه و ايه السبب الكلام الا انت قولته الصبح ده معقول كل ده عشان الخناقة الا اتخنقنها قبل كدة
فضل يوسف واقف ساكت
جويرية:ايه سكت ليه
يوسف ببرود:خلصتي
عدي يوسف من جمبها ناحية السلم
يوسف ببرود:اتجوزتك ليه فاظن اقولتلك الصبح ان كل حاجة هتعرفيها في وقتها و بالنسبة للخناقة الا اتخنقنها قبل كدة فانا اكيد تفكيري مش تافه زيك كدة
جويرية بغيظ و غضب: و لما انا تفكيري تافه و طفلة ايه الا مخليك تتجوزني و متقوليش كل حاجة هتعرفيها في وقتها انا عايزة اعرف كل حاجة دلوتي حالا
بصلها يوسف ببرود
يوسف ببرود:و انا اقولت كل حاجة هتعرفيها في وقتها و اقفلي الكلام في الموضوع ده مفهوم
جويرية بعند:لا مش مفهوم و يما تقولي كل حاجة دلوتي يما اول ما اهلي يجوا هنا انا هروحلهم و اقولهم ان انا عايزة اطلق و ان احنا مش هنكمل مع بعض
و كانت جويرية هتعدي من جمبه بس يوسف مسك ايدها جامد و لوها و راء ضهرها بقسوة و وشها في مواجهته صحيح جويرية حست بآلم في ايدها بس مبينتش و فضلت بصاله بنفس العند
يوسف ببرود:انتي بتهددني بقا
جويرية:شوفها زي ما تشوفها
يوسف ببرود:اذا كان علي الطلاق فانا ممكن اطلقك النهاردة قبل بكرة عشان اخلص من القرف ده
جويرية بغيظ:طيب و لما انت عايز تطلقني و تخلص من القرف اجوزتني ليه من الاول
يوسف:و الله لما يجيلي مزاجي هبقا اقولك
فشدت جويرية ايدها من ايده بقوة
جويرية:و انا مش هستني لما سيدتك يجيلك مزاجك و تقولي انا اول ما اهلي يجوا هنا هروحلهم علي طول و مش هقعد في البيت ده ثانية
و راحت ناحية السلم و كانت هتطلع بس واقفها صوت يوسف
يوسف ببرود و ثقة:هتندمي علي كلامك ده و هتيجي لحد عندي بنفسك و هتقوليلي انك هتفضلي هنا
جويرية بعند و كبرياء:انت بتحلم انا عمري ما هاجي لحد عندك و لاء اقولك كدة
يوسف بثقة:هنشوف
سابته جويرية و طلعت تحت نظراته الواثقة
*********************************
و بعد مرور يومين محصلش فيهم اي حاجة جديدة غير تجاهل يوسف لجويرية و الا استغربته جويرية فهي فكرت ان بعد الا حصل ما بينهم هيحاول يضيقها بس حصل العكس و كان بيتجهلها تماما و اما ميرنا و احمد ما بين مضايقة احمد لميرنا و غيظ ميرنا منه
********************************
في قصر عيلة الصيرافي كانت جويرية في اوضتها  بتكلم اهلها علي النت صوت و صورة
زينات بحنان:و انتي عاملة ايه يا حبيبتي اهم حاجة بتكلي كويس
جويرية بابتسامة:ايوة و الله يا مامتي ده ماما نجوي معندهاش تهاون في الموضوع ده خالص
زينات:ايوة كدة احسن عشان تخليكي تاكلي عدل
جويرية بضحك:بقا كدة يا مامتي شمتانة فيا ماشي ماشي
زينات بضحك:ايوة شمتانة فيكي عشان كنتي بتغلبيني لحد ما تاكلي
جويرية بحزن مصطنع:يرضيك كدة يا بابتي مراتك شمتانة فيا
شريف بضحك:اها يرضيني عشان الصراحة انتي كنتي بتغلبيها لحد ما تاكلي
جويرية بغيظ:حتي انت يا بابا واقف معها
شريف بضحك:الله اكذب يعني
جويرية:ماشي يا بابتي بس بجد انتوا واحشتوني اوي انتوا لسة اودامكوا كتير
شريف بحزن بيحاول يخفيه:انشاء الله يا اميرتي هانت خلاص يلا انا هقوم عشان اصلي المغرب قبل ما العشاء تآذن
زينات:خدني معك انا كمان مصلتهاش لسة
و اقاموا الاتنين و بعد ما اقوموا
جويرية:كرم كرم عايزة اسالك علي حاجة
كرم:ايه
جويرية:بابا ماله حاسه زعلان
كرم:لا و لاء زعلان و لاء حاجة
جويرية:يا شيخ صدقتك بابا ماله يا كرم
كرم:يا بنتي مفيش حاجة
و بعد كتير من زن جويرية علي كرم
كرم:خلاص يخربيت زنك هقولك بس متقوليش لابوكي ان انا اقولتلك و متقوليش اودام امك حاجة عشان متعرفش حاجة
جويرية:اشطا اقول بقا
و بعد ما حكلها كرم
جويرية بصدمة:انت بتتكلم جد و هيكون مين الا اشتري الشبكات دي من الناس
كرم:لحد دلوتي لسة معرفناش مين ومفيش حد عايز يقولنا هو مين بس هو حد كبير في البلد لان الناس الا اخد منهم الشيكات ناس كبيرة اوي في البلد و عشام ياخد منهم شيكات زي دي فلازم يكون واصل اوي
جويرية:طيب هو بيعمل كدة ليه و عايز ايه
كرم بتنهيدة:مش عارف بس ما تشغليش بالك انتي احنا اكيد انشاء الل هنوصله و نتفاوض معه ان يستني شوية لحد ما يبقا معانا سيولة نسدد بيها الشيكات
جويرية بحزن:ماشي يا كرم ربنا معكوا
كرم:يارب يا حبيبتي يلا خلي بالك من نفسك و انا هكلمك بكرة انشاء الله
جويرية:ماشي يا حبيبي و انت كمان خلي بالك من نفسك سلام
كرم:سلام
و بعد ما اقفلت جويرية مع كرم فضلت اعدت شوية تفكر مين الا بيعمل كدة في ابوها و عايز ايه و فجاة افتكرت حاجة خليتها تقوم تقف مرة واحدة
جويرية بصدمة:معقول الا بفكر فيه يكون صح
بقلم/امنية اشرف
**********************************
انتهي البارت
طبعا انا عارفة ان فيه ناس نفسها تضربني دلوتي علي التاخير ده بس انا اسفة خالص علي التاخير ده بس لاني مشغولة جدا بالدروس و المذاكرة لان امتحاناتي بعد اسبوع فمش عايزكوا تكونوا زعلانين مني بس انا كمان زعلانة منكوا لان تفاعل البارت الا فات مكنش عجبني خالص بس انتوا حبابيبي و انا مقدرش ازعل منكوا و عارفة انكوا هتعوضوني في البارت ده صح و الله انا عارفة من غير ما تحلفوا😂
دمتم سالمين😘