ما بين سحر الحب وكبرياء الانسان

البارت الثامن(خناقة تانية 😂)

<بسم الله الرحمن الرحيم>
في بيت عيلة الصيرافي
راح يوسف لميرنا و باسها من رأسها و حضنها و هي حضنته جامد فيوسف بالنسبة لميرنا كان دايما الاب و الاخ
يوسف:مبروك يا حبيبتي
ميرنا بابتسامة:الله يبارك فيك يا يوسف و عقبالك اما تفرح قلبي بيك
يوسف:انشاء الله
و بعدين قالها بهمس
يوسف:مالك يا ميرنا لو غيرتي رايك احنا لسة فيها
ميرنا:لا يا يوسف مغيرتهوش انا كويسة
يوسف بشك:متأكدة
هزت رأسها بمعني اه
يوسف:ماشي
راح يوسف لأحمد و باركله وهمسله
يوسف:طبعا مش محتاج افكرك يا صاحبي انك لو اذتها انسي ان احنا اصحاب
احمد بثقة:فاكر يا صاحبي و انا اد كلمتي ان انا عمري ما ههذيها
يوسف:تمام
و بعد كدة بارك الكل لميرنا و احمد و جيه حسن و وقف اودام ميرنا
حسن بحنان:الف مبروك يا بنتي و ربنا يسعدك
ميرنا ببرود:شكر
حسن بحزن:ماشي يا بنتي ربنا يهنيكي
و بعدين بارك لأحمد الا بص لميرنا بعتاب بس هي دورت وشها الناحية التانية و عنيها مليانة دموع هي مابيتكرهاش جدها بس الا عمله زمان بيخليها مش قادرة تتعمل معه الا بالبرود ده
عند يوسف كان واقف مع آسر و جاله تليفون بس ماكنش في شبكة فقال لآسر انه هينزل يرد تحت و سابه و نزل و مشي ناحية البوابة و هو مشغول بالفون و مخدش باله من الواقفة اودامه و فجأة خبطوا الاتنين في بعض و الموبايلات واقعت كل واحد فيهم نزل اخد فونه و بعدين بصوا الاتنين لبعض بغضب واصدموا الاتنين لما شافوا بعض
يوسف و جويرية في نفس الوقت:انت/ي
جويرية بصدمة:انت تاني
يوسف بسخرية:هو انتي تاني لا كدة كتير يعني ما بتشفيش و كمان ماتبصيش اودامك
جويرية بغيظ:احترم نفسك يا اسمك ايه احسنلك انا مش كل مرة هسكتلك
يوسف بسخرية:تسكتيلي ده بآمرة بارد ومغرور لا واضح انك سكتيلي فعلا
جويرية:لا انا كمان ممكن اخليك تدور علي قطع غيار لكرامتك و متلقيش
يوسف بغضب:و انا هقصلك لسانك الطويل الا عايز اقطعه ده
جويرية باستفزاز:هو ما بيبقش طويل الا مع الناس الا زيك
فوق عند مرام و نوران
نوران:البت جويرية راحت فين
ميادة و هي بتتلفت حوليها:نزلت تتكلم في الفون عشان مفيش شبكة
نوران:انتي بتتلفتي حوليكي كدة ليه بتدوري علي حد
مرام:ايوة يوسف بقالي شوية مشفتوش
نوران:انا اخر مرة شوفته مع آسر روحي اسأليه
مرام بتوتر:لا روحي اسأليه انت
نوران بسرعة:خالتو نجوي بتنادي هروح اشوفها عايزة ايه روحي اسأليه يلا
راحت نوران تشوف نجوي عايزة ايه اما مرام اتنهدت و راحت لآسر
مرام بتوتر:احم احم
بصله آسر ببرود
آسر ببرود:خير
مرام بنفس البرود:يوسف كان واقف معاك من شوية راح فين
آسر ببرود:نزل يتكلم في الفون
مرام:اوك
مشيت مرام من غير ولاء كلمة فده الحال ما بين آسر و مرام دايما بيتكلموا سوا ببرود لاسباب هتعرفوها بعدين
راحت نوران لمرام بعد ما خلصت مع نجوي
نوران:سألتيه
مرام:اه اقالي تحت بيتكلم في الفون
نوران:امممم طيب بس البت جويرية اتاخرت اوي
مرام بقلق:معكي حق انا هنزل اشوفها
نوران:اوك
اما تحت كانت لسة الحرب مستمرة ما بين يوسف و جويرية
كور يوسف قبضة ايده بغضب و حاول يهدي نفسه
يوسف ببرود مخيف:احترمي نفسك يا شاطرة احسنلك
جويرية صحيح خافت من بروده ده بس مابينتش
جويرية بسخرية:خاف يا عيد يامي يامي يامي
يوسف:انا اصلا غلطان ان واقف اتكلم مع طفلة زيك
جويرية بغضب:انا مش طفلة
اقطع الحرب الا ما بينهم مرام الا بصتلهم باستغراب لوقفتهم سوا و بعدين بصت لجويرية
مرام:في ايه يا بنتي اتاخرتي ليه
جويرية بغيظ:معلش اتاخرت بسبب ناس مستفزة
بصلها يوسف بغضب و هي بصتله بنفس الغضب
مرام باستغراب:ناس مين
و بعدين بصت ليوسف
مرام:في ايه يا يوسف ناس مين الا بتتكلم عليهم
جويرية بصدمة:انتي تعرفيه
مرام:عز المعرفة ده اخوي يا جويرية
يوسف و جويرية في نفس الوقت بصدمة:ده اخوكي /دي صاحبتك
مرام باستغراب:اه في ايه مالكوا اصدمتوا كدة ليه هو انتوا تعرفوا بعض قبل كدة
الاتنين بكره:لا
مرام:يا ساتر و مالكوا بتقولها كدة ليه
جويرية بغيظ:و لاء حاجة كان سوء تفاهم بس و خلاص خلص
مرام:طيب مش يلا نطلع
جويرية:اوك يلا
مرام:و انت يا يوسف
يوسف:اطلعوا و انا شوية و هاجي
مرام:ماشي
مشيت مرام وبص يوسف و جويرية لبعض بغضب و تحدي و مشيت جويرية و طلعت مع مرام
و بعد ساعة انتهت الخطوبة و البنات روحوا و كرم جيه اخد جويرية
و مرام و ميرنا و نوران دخلوا الاوضة و كان يوسف هيدخل اوضته و احمد و آسر كل واحد هيروح شقتهم بس واقفهم حسن
حسن:استنوا تعالوا معي انتوا التلاتة و انت يا عبد الرحيم
بصوا كلهم لبعض و بعدين دخلوا و اعدوا و بدء حسن الكلام و هو بيبص ليوسف بتحدي قابلها يوسف بتحدي اكبر
حسن:طبعا انا المرة الا فاتت لما احمد طلب ايد ميرنا انا وافقت بس اقولت ان عندي شرط
احمد:و ايه هو يا جدي
حسن:شرطي مش انت الا هتفذه يوسف بيه هو الا هينفذه
بص آسر و احمد و عبد الرحيم لبعض و بصوا ليوسف الا كان بيبص لجده ببرود و من غير اي تعبيرات علي وشه
عبد الرحيم:و ايه هو الشرط ده يا حاج
حسن بثقة:ان يوسف يتجوز
كلهم بصدمة:نعععم
يوسف ببرود:اظن موضوع جوازي من عدمه شئ ما يخصكش
حسن بثقة:معك حق ميخصنيش جوازك انا يخصني ان الا هتتجوزها مش هتبقي اي بنت
عبد الرحيم بترقب:انت اقصدك ايه يا حاج مش هتبقا اي بنت
حسن بتحدي:اقصدي ان يوسف هيتجوز بنت عيلة الشرقاوي
الصدمة خليتهم كلهم مش قادرين يتكلموا ماعدا يوسف الا اقام بغضب
يوسف بغصب:انا مستحيل اتجوز واحدة من بنات العيلة دي
حسن:لازم تتجوزها يما انت عارف ايه الا هيحصل و عارف ان ابواب الماضي هتتفتح تاني
عبد الرحيم:ايوة يا حاج بس احنا كدة هنظلم البنت ان احنا نجبها تعيش هنا و اهلها في الصعيد
حسن:بس هم مش عايشين في الصعيد عايشين هنا في اسكندرية
عبد الرحيم:بس الا اعرفه ان عيلة الشرقاوي كلها عايشة في الصعيد يبقا مين الا عايش هنا
حسن:واحد بس و هو شريف جمال الشرقاوي
عبد الرحيم بصدمة:جمال الشرقاوي كبير عيلة الشرقاوي
حسن بثقة:ايوة
سكت احمد و آسر و عبد الرحيم من كمية الصدمات الا نزلت عليهم و بصوا ليوسف الا اعد تاني بكل هدوء و برود و الا قال الا صدمهم اكتر و اكتر
يوسف ببرود:و انا موافق
آسر بصدمة:موافق انت متاكد
يوسف ببرود:جدا انا برده ميرضينيش ابواب الماضي تتفتح تاني
و اقام بكل هدوء و خرج و سبهم بص آسر و احمد لبعض و اقاموا خرجوا وراء يوسف الا كان دخل اوضته دخلوا الاتنين بغضب
اسر بغضب:ايه الا انت اقولته ده انت بجد موافق
يوسف ببرود:ايوة
احمد بغضب:هو ايه الا ايوة انت واعي للأنت بتقوله ده
يوسف ببرود:جدا
آسر:انت ناوي علي ايه يا يوسف
يوسف:مش ناوي علي حاجة
احمد:موفقتك دي في من وراها هدف انت مستحيل توافق بسهولة كدة و خصوصا علي حاجة اقالها جدي
يوسف ببرود:انا معنديش اي هدف
آسر:انت لو اقولت لناس كلها الكلام ده و صدقوك احنا مستحيل نصدقك مستحيل نصدق ان حقدك و غضبك من عيلة الشرقاوي انتهي
يوسف:و الله انتوا احرار تصدقوا ماتصدقوش انتوا حرين
احمد:ماشي يا يوسف اتمني يكون كلامك صح لان لو غلط و الا في دماغنا هو الا صح هتندم يا صاحبي
يوسف:و انا عمري ما ندمت علي حاجة عملتها او هعملها
آسر:مفيش انسان ما بيندمش
احمد:فكر في كلامنا يا يوسف انت لسة اودامك فرصة ترفض
و سابوه الاتنين و خرجوا
اما في المكتب
عبد الرحيم بغضب:ليه كدة يا بابا ليه انت كدة بتظلم البنت دي انت عارف يوسف بيكره العيلة دي اد ايه
حسن:فاكر يا عبد الرحيم اما اقولتلك ان مفيش حاجة هتغير يوسف الا العشق
عبد الرحيم:و انت تفتكر ان يوسف يوم ما يعشق هيعشق البنت الا بيكره عيلته كره العمي
حسن:انت عارف يا عبد الرحيم ايه الا بيميز بنات عيلة الشرقاوي عن بقية بنات العيل التانية
عبد الرحيم:ايه
حسن:الشجاعة و الكبرياء عندهم شجاعة و كبرياء يخلوهم يوقفوا اقصاد اي حد مهما ان كان يكون وهي دي بالظبط الا هتقدر تقف اقصاد يوسف و تخليه يعشقها
عبد الرحيم بتنهيدة:يارب تكون البنت دي فعلا عندها الشجاعة و الكبرياء دول لان لو ماعندهاش يوسف هيدمرها في قربه و في بعده
حسن بثقة:بكرة تشوف ان الا انا عملته ده هو الصح
و ان مكنش ينفع ابنك ببروده و جبروته ده الا بنت عيلة الشرقاوي
عبد الرحيم :هنشوف
اما في اوضة يوسف بعد ما خرج احمد وآسر فضل يمشي في الاوضة بغضب و جاب الاباجورة الا جمب السرير و كسرها و بعد كدة وقف عند المكتب الا في الاوضة و سند عليه بايده ووهو بيبص اودامه بنظرات غضب و حقد
يوسف بتوعد:انت عايزني اتجوز بنت عيلة الشرقاوي و ماله هتجوزها بس و رحمة امي لاندمها هي و عيلتها علي كل الا حصل زمان
**********************************
في بيت جويرية وصلت هي و كرم بعد مشاكسات كتير ما بينهم طول الطريق  فتح كرم الباب و بعد ما دخلوا
كرم بغيظ:كنت السواق بتاع سيادتك عشان اجيبك و اوديكي
جويرية:هو انت مش اخويا و لاء هم ضحكين عليا
كرم:انا خلاص اتبريت منك
جويرية:بقا كدة
كرم:اها
جويرية:يبقا قلبي و صوابعي غضبنين عليك ليوم الدين
كرم:احسن
جويرية:ماشي يا كرم يا بن ام كرم
و بعدين دخلوا الاتنين لزينات و شريف
جويرية و كرم:سلام عليكم
زينات و شريف:و عليكم السلام
جويرية:شوف يا بابتي ابنك اعد يسوق عليا الرخامة و يقولي هو انا كنت السواق بتاعك يرضيك كدهون
شريف بابتسامة حزينة:لا يا اميرتي ميرضنيش هو بيهزر معكي
بصت جويرية لابوها الا كان باين عليه الزعل
جويرية:مالك يا بابتي انت كويس
شريف بابتسامة:انا كويس يا حبيبتي
جويرية:بس شكلك زعلان اقولي بس مين الا مزعلك و شوف هعملك في ايه
شريف بابتسامة:محدش مزعلني يا اميرتي بس حصلت شوية مشاكل في الشغل و انا بفكر فيها بس
جويرية بعدم اقتناع:طيب
شريف بحنان:يلا اقومي نامي عشان ترتاحي اكيد تعبتي النهاردة
جويرية:اها و الله كان يوم متعب يلا تصبح علي خير يا بابتي
شريف:و انتي من اهله يا حبيبتي
جويرية:تصبحي علي خير يا مامتي
زينات:و انت من اهله يا عيوني
جويرية :تصبح علي خير يا سواق
كرم:و انت من اهله يا رخمة
دخلت جويرية اوضته و اقام كرم و اعد جمب ابوه
كرم:في ايه يا بابا في ايه يا امي
زينات:و الله ما اعرف يا بني من ساعة ما جيه من الشغل و هو علي الحال ده
كرم بقلق:في ايه يا بابا مالك
شريف بحزن:تعالوا معي انتوا الاتنين الاوضة عشان مش عايز جويرية و معاز يسمعوا حاجة
اقاموا التلاتة و دخلوا الاوضة
في اوضة جويرية
غيرت جويرية هدومها وبعدين اعدت علي السرير تفكر في الخناقة الا حصلت بينها و ما بين يوسف
جويرية لنفسها:يعني من بين كل الناس يطلع البارد ده اخو ميرنا و مرام و الا انقذني من خالد بس برده بارد و مغرور ومستفز و يا انا يا هو
و بعد كدة راحت في النوم
في اوضة شريف و زينات
كرم:ها يا بابا ايه الا حصل
شريف بحزن:جدك كلمني النهاردة
زينات:عمي كلمك طيب و ايه الا يزعلك في كدة
كرم:ايوة يا بابا ايه الا مزعلك في كدة و جدي كان عايز ايه
اتنهد شريف بحزن
شريف:هقولكوا
Flash back
الصبح في شركة الشرقاوي رن موبايل شريف
شريف:السلام عليكم
جمال:و عليكم السلام ازيك يا شريف يا ابني
شريف:الحمد علي كل شئ و انت يا حاج عامل ايه
جمال:الحمد لله و ولادك عاملين ايه و زينات
شريف:كويسين يا حاج الحمد لله
جمال:انا كنت عايزك في موضوع مهم
شريف:خير يا حاج امر
جمال:الامر لله الموضوع ده بخصوص بنتك جويرية
شريف باستغراب:جويرية بنتي مالها يا حاج
جمال:احم متقدملها عريس
شريف:عريس ايوة يا حاج بس جويرية لسة صغيرة علي الجواز و لسة اودامها كلية
جمال:بس هي لازم تتجوز العريس ده
شريف:و ليه لازم و مين اصلا العريس ده
جمال:العريس ده يبقا بن عيلة الصيرافي
شريف بصدمة:الصيرافي
وبعدين كمل بغضب
شريف بغضب:لا يا حاج انا اقولتلك بنتي بره العادات و التقاليد دي من زمان و انا مستحيل اجوز بنتي لواحد من عيلة الصيرافي
جمال بغضب:يعني انت بتعصي اومري يا شريف
شريف:لا يا حاج انا مقدرش اعصي اومرك بس دي بنتي عايزني اوديها بايدي لعيلة الصيرافي و انا عارف كويس الا حصل بينا و بينهم زمان
جمال:و عشان كدة جويرية لازم تتجوز بن عيلة الصيرافي عشان ابواب الماضي متتفتحش تاني
شريف:ايوة يا حاج بس
جمال بصرامة:مفيش بس يا شريف يا كدة يما لا انت ابني و لا اعرفك اقولت ايه
شريف بحزن:ماشي يا حاج و انا موافق بس عندي شرط
جمال:ايه هو
شريف:جويرية متعرفش حاجة عن الا حصل زمان عشان كدة انا هقولها انه هو عريس زي اي عريس عادي و هم كمان لازم يقولوا كدة
جمال:و انا موافق
End flash back
اقام كرم بغضب
كرم بغضب:يعني ايه موافق يا بابا انت عايز جويرية تتجوز بن عيلة الصيرافي انت عايزنا نرميها في الجحيم ده بايدنا
شريف:اهدي يا كرم انت شايف كان في ايدي ايه اعمله اخسر رضا جدك
كرم بغضب:لا يا بابا ما تخسرش رضا جدي اخسر بنتك اسهل
شريف بغضب:اخرس يا كرم انت عارف جويرية دي بالنسبة لي ايه
كرم:عارف يا بابا بس للاسف انت كدة بتخسرها
شريف:لا انا عندي ثقة في ربنا انه هو هيحفظلي بنتي و عندي ثقة في بنتي ان هي تقدر توقف في وش اي حد
كرم بغضب:ماشي يا بابا بس خليك عارف ان انا عمري ما هكون راضي عن الجوازة دي ابدا
و اقام كرم و كان هيخرج بس واقفه صوت ابوه
شريف:استني يا كرم
كرم:نعم
شريف:جويرية مش لازم تعرف حاجة احنا هنقولها علي انه متقدملها عريس عادي
كرم بغيظ:ماشي
و خرج و اقفل الباب بغضب
بص شريف لزينات الا كانت ساكتة و دموعها نزلت
شريف:ساكتة ليه يا زينات
زينات بحزن:و عايزني اقول ايه
شريف:رايك ايه في الا حصل
زينات:مقدرش اقولك اخسر رضا ابوك بس بنتي
شريف حضنها
شريف:انشاء الله ربنا هيحفظها و بعدين جويرية قوية و انشاء الله هتقدر توقف اقصاد اي حد يحاول يذيها
زينات:انشاء الله
و خلصت اخيرا الليلة دي و الا كانت مليئة بكتير من الصدمات علي معظم ابطالنا و طلعت شمس يوم جديد
في بيت جويرية كانت جويرية بتساعد مامتها بس كانت اخدة بالها ان كل شوية زينات بتبصلها بحزن و عنيها مليانة دموع بس مكنتش عارفة ايه السبب و علي الغداء كانوا الكل اعدين علي طربيزة السفر و كان شريف و زينات كل شوية يبصوا لبعض و جويرية كانت اخدة بالها اما كرم فكان ملتزم الصمت تمام علي غير العادة و ده خلي جويرية تستغرب اكتر و اتاكدت ان فيه حاجة حصلت هي متعرفهاس و فضلوا كدة شوية لحد ما اتكلم شريف
شريف:جويرية حبيبتي
جويرية:نعم يا بابا
شريف:انا عايز اقولك علي حاجة
جويرية:اتفضل
كرم:طيب عن اذنكم انا شبعت
و اقام دخل اوضته
جويرية باستغراب:ماله كرم
زينات:تلقيه تعبان من الشغل و مقدرش ياكل
جويرية:طيب و بعدين بصت لشريف:ها يا بابتي كنت عايز تقولي ايه
شريف بتنهيدة:جويرية انت جيلك عريس
جويرية بصدمة:عريس
نسيب بقا جويرية في صدمتها و نروح حتة تانية
***********************************
في بيت عيلة الصيرافي كان الكل متجمعين بعد ما طلب منهم حسن كدة
عادل:خير يا حاج طلبتنا ليه
حسن:عشان عايز اقولكوا علي حاجة مهمة
نجوي:ايه هي يا عمي
حسن:ان يوسف هيتجوز
مرام بفرحة:بجد
نجوي بفرحة:الف مبروك يا يوسف اخير هتفرح قلبي بيك
ميرنا بفرحة:و مين بقا العروسة
حسن:اسمها جويرية الشرقاوي
مرام و ميرنا و نوران بصدمة:مييين
بقلم/امنية اشرف
***********************************
انتهي البارت
ده كدة كانت البارت التامن عايز بقا رايكوا في شخصية يوسف و جويرية من خلال التمن بارتات دول
و رايكوا في البارت ده
دامتم سالمين😘