ما بين سحر الحب وكبرياء الانسان

البارت الاول

<بسم الله الرحمن الرحيم>
في بيت هادي في اوضة ليها طابع بناتي كانت بنت بتتقلب علي السرير بانزاعاج بسبب صوت الفون الا عمال يرن قامت و مسكت الفون
جويرية: السلام عليكم
مرام: و عليكم السلام
جويرية: كان لازم اتوقع انه انتي يا كلب البحر يا بني ادمة براس كلبة يا حم
مرام: ايه ايه يا ماما انتي كل الشتايم دي انتي جاية من انهي جنينة حيوانات
جويرية: من نفس جنينة الحيوانات الا انتي جاية منها عايزة ايه يا زفتة و هو الواحد ميعرفش ينام من زانكم ابدا
مرام بصوت عالي: انتي لسة نايمة يا بت اقومي انجزي احنا عندنا درس الساعة عشرة و انتي لسة نايمة
جويرية: ليه هي الساعة كام
مرام: الساعة تسعة يا هانم
جويرية بصدمة يالهوووي انا ايه الا نيمني كل ده
و كانت جويرية بتقوم من علي السرير و لانها نايمة في اخر السرير و قعت علي الارض
جويرية: ياختاااااي اه يا ضهري
و بعدين جابت الفون الا وقع منها
جويرية: الو يا زفتة انتي لسة معي
مرام: ايه يا بت الا وقع عندكوا ده انتوا حصل عندكم زلزال و لاء ايه
جويرية بقرف: ها ها ها ها خفة ياخواتي و بعدين كملت بالم لا انا الا وقعت من علي السرير اه يا اني انا محتاجة اعادة تصنيع
مرام بضحك: معلييش
جويرية بغيظ: غوري يا بت من هنا اه يا ضهري
مرام بقلق: جويرية انتي كويسة ضهرك حصله حاجة
ابتسمت جويرية لقلق مرام عليها
جويرية بابتسامة: متخفيش يا ميرو انا تمام
مرام: ماشي يا حبيبتي بس متنسيش كلام الدكتور ويلا اقومي انجزي بقا يا زفتة
جويرية بغضب: بت انتي خلصتي لبس و صليتي
مرام: لا اقولت ارخم عليكي اول الو الو
مفيش رد لان جويرية اقفلت السكة في وشها
مرام بصت للفون و ضحكت
مرام بضحك: مجنونة
نرجع تاني لبيت جويرية تاني
قامت جويرية و اخدت شور بسرعة و صليت الصبح و لبست هدومها
خرجت جويرية من اوضتها و هي بتنادي علي والدتها
جويرية بصوت عالي: ماما ماما ماما انتي يا ست انتي
جات والدة جويرية و الا اسمها زينات

زينات: ايه ايه في ايه الدوشة الا انتي عاملها دي
جويرية: مصحتنيش ليه اماما
زينات: اصل لقيتك نايمة مرضتش اصحيك
جويرية بضحك: يا شيخة لقيتيني نايمة ازاي حصل ده تصدقي كنت فاكرة اني صاحية
زينات: عوض عليا عوض الصابرين يارب
جويرية: اومال بابا فين
زينات: نزل راح الشغل
جويرية: طيب انا راحة الدرس بقا
زينات: مش هتفطري الاول
جويرية: هفطر مع البنات
زينات بتحذير: عارفة لو مكلتيش انتي حرة و العصفورة هتقولي انتي اكلتي و لاء لا
جويرية بغيظ: عارفها العصفورة دي هقطع لسانها انشاء الله
زينات: طيب يلا غوري بقا
جويرية برخامة: انتي ليه محسسني انك مش امي و انك مرات ابوي يعن عااااااا
جريت جويرية بسرعة و اقفلت وراها الباب لان امها كانت رايحة ناحيتها بغيظ
زينات: هقول ايه للله الامر من قبل و من بعد مخلفة عيلة هبلة
**************************
في مكان تاني بقا مكان فيه ضباط و عساكر كتير  كان واقف ضابط برتبة لواء و ادامه تلاتة ضباط
اللواء حامد: طبعا انا مش هوصيكوا انا المؤتمر ده في وزراء كتير وسفراء اكتر من دولة يعني مينفعش يحصل اي
يوسف بهدوء: متقلقش يا باشا المكان متامن كويس
اللواء حامد: و انا واثق من كدة يا سيادة الرائد
ادوا التلاتة التحية العسكرية و مشي اللواء حامد
لف يوسف للعساكر و ضباط و قال بصوت عالي فهو يعتبر القائد و ده نظرا لشخصيته القيادية مقارنة بآسر و احمد
يوسف: طبعا انا مش محتاج اقولك المؤتمر ده مهم ازاي يعني اي حد فيكو هيهمل شغله في حياة ناس ابرياء هضيع و ساعته انا مش هرحمه و اظن كلكوا عرفين انا عقابي عامل ازاي مفهوم
العساكر بخوف: مفهوم يا فندم
يوسف: كل واحد علي مكانه
مشي الكل بسرعة علي شغله فهم كل عارفين مين هو يوسف الصيرفي
احمد:براحة شوية يا باشا
يوسف ببرود: المفروض اعمل ايه يا باشا اطبط عليهم
احمد بهزار: يا باشا انا خايف عليك ليجيلك شوجر وولاء حاجة و الا بيقعوا الايام دي صغيرين
بصله يوسف و اسر بدون ضحك
احمد بضحكة غبية: ايه مش حلوة و لما فضلوا ساكتين قال بامتعاض:هي حلوة بس انتوا عيال نكدية انا رايح اشوف شغلي
و مشي بسرعة
اسر بضحك: عيل اهبل اوووي
بص لقي يوسف بيبصله ببرود
اسر بارتباك:ايه طيب
يوسف ببرود: علي شغلك يا اسر
اسر: انا بقول كدة بردو
ومشي بسرعة
عدت مدة قليلة و هم واقفين يامنوا المكان و فجأة لاحظ يوسف حركة غريبة وراء المبني
يوسف في اللاسلكي: في حركة غريبة وراء المبني احمد هتيجي معي اسر خليك هنا امن المكان
احمد و اسر: تمام يا فندم
احمد راح من ناحية اليمين وراء المبني و يوسف راح من الناحية التانية
وصل احمد وراء المبني و شاف ارهابي بيحول يحط قنبلة
احمد باستهزاء: لا حطها براحة لتنفجر فيك يا ضنايا
لف الاراهابي لقي احمد معه كام عسكري و رافع سلاحه في وشه طبعا الاراهابي خاف من احمد بسبب و خاصة مع نظرات احمد الباردة بس حاول ما يبينش
الاراهابي باستهزاء: روح العب بعيد يا حضرة الضابط احسنلك
احمد بخبث: و ماله يا حبيبي انا هوريك اللعب هيكون ازاي
الاراهابي: ده انا امي دعيالي ان انا هلعب مع حضرة الضابط
....: لا انت امك داعية عليك في ساعة استجابة يا روح امك
لف الاراهابي لمصدر الصوت لقي يوسف الا كان بيبصله بنظرات خليته يترعب اكتر
بص يوسف لاحمد بنظرة فهمها احمد كويس
احمد: ادامي يلا انت لسة هترغي
واخده احمد و يوسف اتصل باللواء حامد و قاله انه في قنبلة و هتنفجر بعد خمسة دقائق و اللواء حامد بعتله خبير متفجرات و ابطلوه مفعول القنبلة و انتهي المؤتمر علي خير و رجع يوسف و احمد و اسر علي مبني القوات الخاصة و اتجهوا لمكتب اللواء حامد
اللواء حامد: كانت ثقتي فيكوا في محلها برفوا عليكوا
يوسف: ده شغلنا يا باشا
اللواء حامد: و دلوقتي عايزكوا انتوا التلاتة تحققوا مع الواد الاراهابي ده و تعرفوا هو تبع مين
يوسف: تمام ياباشا
اللواء حامد: براحة يا سيادة الرائد كله بالحنية بيلين
يوسف ببرود: انت عرفني يا باشا انا طول عمري حنين
اللواء حامد: انت هتقولي
ضحك احمد و اسر و ابتسم يوسف وخرجوا من مكتب اللواء حامد و راحوا علي اوضة التحقيق و دخلوا هم التلاتة طبعا الاراهابي اترعب من دخلتهم هم التلاتة و كان اعد علي كرسي و ادامه تربيزة و من ناحية التانية كرسي تاني اعد عليه يوسف و احمد واسر كل واحد واقف من ناحية
اسر: اسمك ايه يلا
الاراهابي: اسمي فتحي يا باشا
احمد: ماشي يا فتحي اقولنا كدة بقا بهدوء انت تبع مين
فتحي: انا تبع ربنا يا باشا
اسر: و نعمة بالله يا سيدي احنا اقصدنا مين الا بعتك تحط القنبلة
فتحي: مفيش حد
احمد بعصبية: ما تخلص ياض انت
قام يوسف وقف و حط ايده علي كتف احمد بصله احمد و فهمه فابتسم بخبث و كذلك اسر
يوسف بهدوء: لا لا عيب كدة يا احمد ده حتي ضيف عندنا و انا بحب اكرم ضيوفي اوي يا فتحي
فتحي بتوتر: ابن اصول يا باشا
يوسف: تسلم يا فتحي ها اقولنا بقا مين الا وراك
فتحي بتوتر و خوف: محدش انا لوحدي
يوسف بهدوء: اممممم لوحدك
و فجاة وقع فتحي من علي الكرسي بسبب القلم الا نزل علي وشه من يوسف
يوسف ببرود: انا اقولتلك بحب اكرم ضيوفي بس شكلك مش عايزيني اكرمك فانا بقا هسيبك لاحمد بيه و اسر بيه يكرموك هم
اسر بخبث و هو بيرفع كم القميص الا هو لبسه: غالي و الطلب رخيص يا باشا
كان يوسف هيخرج لكن منعته ايد فتحي الا مسكت ايده
فتحي بخوف: يا باشا انا مقدرش اقولكوا هم مين
يوسف: ليه
فتحي: هددوني بامي و اخواتي
يوسف: اوعدك لو اعترفت محدش هيقدر يهوب ناحيتهم وهيكون تحت حمايتنا
فتحي: بجد يا باشا
يوسف: عيب عليك يا فتحي و عد الحر دين
فتحي: و انا هقولكوا علي كل حاجة
واعترف فتحي علي الناس الا كانوا وراه و يوسف سجل كل الا اقاله
و خرجوا التلاتة و راحوا علي مكتبهم و كل اعد علي مكتبه
يوسف: احمد عايزك تبعت قوة تامن بيت فتحي الدبان الازرق ميدخلش الا ما يتفتش
احمد: تمام
يوسف: اسر عايزك تامنلي فتحي طول مهو موجود هنا
اسر: ماشي
احمد: انت هتسافر اسكندرية دلوقتي صح
يوسف: هروح البيت اول و بعد كدة هسافر
اسر: تمام بس براحة و انت سايق بلاش السرعة بتاعتك دي
يوسف ببرود: خليها علي الله
احمد: ما كل علي الله اكيد بس خلي بالك
يوسف: ماشي
احمد: تمام روح انت و احنا شوية و هنحصلك
يوسف: ماشي
قام يوسف و اخد فونه و سلاحه و
و نزل ركب عربيته الا كانت من النوع الJeep باللون الاسود فهو ده اللون المفضل ليه او خلينا نكون ادق اللون الا اتفرض علي حياته
******************************
نرجع تاني للبنات وصلت جويرية لسنتر الا بيخدوا فيه الدرس و البنات كانوا مستنينها برا واول ماوصلت
جويرية: سالخير
ميرنا: سالنور يا ختي
مرام: ما لسة بدري
ميادة: ما كنتي اتاخري شوية
ايات: كل ده بتعملي ايه
نوران: بتخترعي الذرة يا ختي
جويرية: ماشاء الله مقبلتكوا تفتح النفس اوي انتوا لسة هترغوا يلا خلينا ندخل
ميرنا: يلا يا ختي
و دخلوا البنات و كان المدرس لسة مجاش بصلتهم جويرية بغيظ
جويرية: اهو لسة ياختي انتي و هي مجاش كان لازمته ايه التهزيق ده و لاء فالحين لسانكوا طويل علي الفاضي
نوران: سيبك من الكلام ده دلوقتي و شوفوا المصيبة بتاعة كل يوم دي
بص البنات للمكان الا نوران بتبصله لقوا سيرين و شلتها اعدين علي الدسك بتاعهم و بتبصلهم باستفزاز و حقد فسيرين و شلتها تعتبر العدو الاول و الوحيد للعصابة دي و ده بسبب كرهها لجويرية و شلتها لانهم متفوقين عنها دراسيا و ده غير قوتهم و سيطرتهم علي الباقين و دي الحاجة الا استفزت غرور سيرين
ميادة: يا ختاااااي هو كل يوم بقا
اتجهوا البنات ناحية الدسك الا معروف انه يخصهم و مفيش حد يتجرأ ياخد مكانهم غير سيرين طبعا
ميرنا ببرود: احنا مش هنخلص بقا يا سرين من مشكلة كل يوم دي
سرين باستفزاز: هو انا جيت ناحيتكوا
جويرية: لا اقعدة علي الدسك بتاعنا بس
سرين: و الله مش شايفة عليه اسمكوا
مرام: و انتي من امتي بتشوفي
سرين: احترمي نفسك يا مرام احسنلك
ايات: هاتعمللها ايه يعني ياختي
ميرنا: سيبك منها دي بق علي الفاضي
سرين بغضب: ما تحترمي نفسك يا زبالة انتي
جويرية بغضب: ما تحترمي نفسك يا سرين بدل ما نعلمك معني الاحترام
مرام: اهدي يا جويرية مترديش علي الاشكال دي
جويرية: ماهي سردين اقصدي سيرين هي الا بتعصبني
ضحك كل الا كانوا موجودين في الاوضة بما فيهم البنات و اصحاب سرين
ميرنا بضحك: ايه ده هي طلعت من الاسماك مش من البني آدمين
مرام بضحك: و انا اقول الريحة دي بتيجي منين
.....: ايه الا بيحصل هنا
لفول كلهم لمصدر الصوت لقوا بنت واقفة و مربعة ايديه و بتبصلهم بتساؤل و دي تبقا نانسي سكرتيرة
سرين ببكاء مصطنع: شوفتي يا مس جويرية قالت عليا سردين خلتهم كلهم يضحكواعليا بصت نانسي لجويرية لقتها بتبص للسقف و بتصفر
نانسي: يا شيخة
نانسي لسرين: خلاص يا سرين اقومي روحي مكانك و انا هتصرف قامت سيرين و هي بتبص للبنات بكره و البنات طنشوها و اعدوا مكانهم
نانسي بهمس للبنات: عملتوا ايه في البت يخربيت الا يزعلكوا و بصت لجويرية  و قالت بضحك:و خاصة انتي يا حرباية
جويرية بضحك:هم الا بيخرجوني عن شعوري و انا جوايا ست مؤدبة
نانسي بهمس:  انا سامعة من الاولةو لما لقيت الموضوع هيكبر اقولت اخش انقذ ما يمكن انقاذه
ميرنا: هههههه يا واد يا مضحي
ضحكت نانسيو بعدين اقالت بصوت عالي
نانسي: اخر مرة يحصل الكلام ده يا جويرية
جويرية ببراءة: حاضر يا مس
غمزت نانسي للبنات و هم رضولها الغمزة و بعدين خرجت اعدوا البنات يتكلموا مع بعض لحد ما المدري يجي و هم اعدين جيه عليهم شاب اكبر منهم بسنتين نوعا ما وسيم و هو خالد الشناوي ولد مستهتر و عيد تالتة ثانوي مرتين و بتاع بنات بس معجب بجويرية بس هي مبطقهوش
خالد وهو بيبص للجويرية: صباح الخير يا بنات
ميرنا: و انت مين عشان تصبح علينا
خالد بضيق: عادي يعني يا ميرنا احنا زمايل
جويرية: و احنا مش عايزين نبقا زمايل ليك و اتفضل امشي من هنا
خالد بابتسامة: ليه بس يا جميل
جويرية بغضب: اتقي الله يا بني ادم انت و احترم نفسك
ميرنا: تصدق انك واحد زبالة
خالد بغضب و غرور: احترمي نفسك يا شاطرة انتي وهي انتوا ما تعرفوش انا مين
و كان هيمشي بص ميرنا وجويرية لبعض و راحوا حطين رجلهم و راحوا مكعبلينه
ضحك كل الا كانوا موجدين عليه
البنات: هههههههه عرفن كدة انت مين
دخل الاستاذ طارق مدرس الجغرافية كلهم سكتوا و خالد اقام و بص للبنات بغضب و غيظ و راح مكانه و البنات اعدوا مكانهم بكل براءة و لاء اكنهم عاملوا حاجة وبدا الاستاذ طارق الشرح
طارق: اسيا و افريقيا و اوربا دو ل قارات
جويرية: يا رااااجل
طارق: في ايه يا بت
جويرية: اسيا و افريقيا و اوربا دول قارات تصدق كنت فاكرهم انواع تلاجات
الجميع: ههههههههههههههه
مرام: انا عن نفسي كنت فاكرهم انواع غسلات
الجميع: ههههههههههههههههه
طارق: يا مصبر الصبر علي الصابر قادر يا كريم
و كان هيكمل شرح بس نوران قالت
نوران: مستر مستر مستر
طارق: استغفر الله نعم
نوران هو الحصان عنده اربع ايدين
طارق باستغراب: اه ليه
نوران: و مستحملهم ازاي ده انا عندي اتنين و تعبني
طارق: طيب ما انتي عندك لسان و قرفني
نوران: احم احم اخجلت تواضعي و المصحف
ضحك الكل و كمل طارق شرح وخلص الدرس و خرجوا البنات
و راحوا المسجد صلوا الضهر و بعدين خرجوا
مرام: يلا بقا نروح نفطر علي ما معاد الدرس التاني يجي انا هموت من الجوع
نوران: me to
ميادة: اه يلا بينا
جويرية راحت مسكت ميادة من هدومها
جويرية: عرفت كدهون و الله اعلم ان في عصفورة بتقول امي انا باكل و لاء لا وخدة بالك انتي يا ميادة
ميادة عملت نفسها من بنها و لا كانها تعرف حاجة
ميادة: يسلام مين العصفورة دي
جويرية: استعبطي يختي لسانك ده هقطهوهلك
ميادة و هي بتشيل ايد جويرية: اوعي كدة ايدك لكسرهاك مش اقطعهالك و اكلمي علي ادك
جويرية: بت عارفة لو رحتي اقولتي حاجة تاني لامي مش عارفة انا هعمل فيكي ايه
ميادة: ههه هتعملي ايه يعني
جويرية: انتي غبية ما انا بقولك مش عارفة هعمل فيكي ايه
ميادة بغيظ: يخربيت لمضتك يا شيخة
جويرية طلعت لها لسانها بطفولية و البنات ضحكوا عليها و بعدين راحوا جابوا اكل و فطروا و بعدين راحوا الدرس التاني و بعد ما خلص و خرجوا
ميرنا: تعالوا نقعد عندي شوية نذاكر سو
جويرية بضحك: بذمتك هنذاكر و لا هنم علي الناس
ميرنا: انتي ازاي تقولي كدة هنم طبعا
ضحكوا البنات و بعدين كل واحدة اتصلت بمامتها عشان يستذنوا منهم و بعدين راحوا بيت ميرنا الاه هو نفسه بيت مرام و نوران الا عبارة عن عمارة من افخم عمارات المدينة فهو بالنهاية ملك ليوسف الصيرفي كبير عائلة الصيرفي فازاي مبيقش منوافخر وافخم المنازل فهو ده بيت العائلة في اسكندرية و بما انهم ولاد عمة فهم سكانين التلاتة فيه بس مرام و ميرنا في شقة و نوران في شقة دخلوا البنات بيت ميرنا
ميرنا: مامام ماما يا نوجي
نجوي(ام ميرنا): ايه فية يا بنت الهبلة
ميرنا: بتشتمي نفسك علي فكرة
نجوي: ارحمني يارب ازيكوا يا بنات
البنات: الحمد لله يا قمر
ميرنا: احنا هنخش جو نذاكر شوية يا مامتي
نجوي: ماشي ربنا معكوا و انا هجبلكوا عصير
ميرنا: تسلمي يا مامتي
و دخلوا البنات اوضة ميرنا و اعدوا ذاكروا شوية و بعدين اعدوا يكلموا مع بعض ة بعدين مامت جويرية اتصلت بيها و قالتلها تيجي عشان خالتها جلت و عايزة تشوفها قامت جويرية و قالت انها هتمشي
ميرنا: ليه يا بت ما تخليكي اعدة لسة بدري
جويرية بغيظ: اصل خالتي و ولادها عندنا و عايزة تشوفني
ميادة: ههههههه منجليكيش في حاجة واحشة
ايات: ههههههه شدة و تزول
جويرية بغيظ: بس يا شوز منك ليها
ضحكوا البنات عليها جويرية مكنتش بتحب تروح عند خالتها بسبب بن خالتها الا اكبر منها بسنة لانه بيحبها و عايز يخطبها بس هي شايفه زي اخوها
سلمت جويرية علي البنات و علي نجوي و نزلت و هي ماشية و بتغدي السكة فونها رن فبصيت ووفجاة جاءت عربية بسرعة و كانت هتخبطها بس السواق اقدر يوقف العربية قبل ما توصل لجويرية نزل صاحب العربية و اول ما جويرية شافته اتصدمت

قلم/امنية اشرف

********************************
كدة البارت الاول خلص عايزة رايكم فيه
ووتفتكروا جويرية اصدمت ليه
دومتم سالمين😘😘😍