<بسم الله الرحمن الرحيم>
بعد ما وصل يوسف مرام و ميرنا و نوران لمكان الدرس سمعوا الاربعة صوت سريخ نزل يوسف من العربية و بص للبنات
يوسف: ايه الصوت ده
مرام بقلق: مش عارفة
ركزت ميرنا شوية في الصوت و اصدمت اول ما عرفت ده صوت مين
ميرنا بصدمة: ده صوت جويرية
مرام و نوران بصدمة: جويرية
ميرنا: يوسف خلينا نخش دي صاحبتنا
يوسف: طيب تعالوا وراي انتوا التلاتة
دخلوا كلهم بسرعة
يوسف: الصوت جاي من الاوضة دي
جريوا كلهم ناحية الاوضة و حاولوا يفتحوا الباب بس الباب كان مقفول
يوسف بآمر: ارجعوا انتوا التلاتة وراء بسرعة
نفذوا البنات بسرعة و رجعوا لوراء و يوسف بعد شوية عن الباب و بعد كدة خبطه بقوة و الباب اتفتح دخل يوسف و وراه البنات و اصدموا كلهم لان خالد كان بيحاول يعتدي علي جويرية و هي كانت بتقوم و بتحاول تبعده عنها بكل قوة عندها كلهم فضلوا مصدومين بس يوسف كان الاسرع انه يفوق من صدمته و جري بسرعة ناحيتهم و مسك خالد من هدومه بقوة و بعده عن جويرية و ضربه وقعه و البنات جريوا علي جويرية و ميرنا خدتها في حضنها بسرعة
و يوسف كان بيضرب خالد بقوة الا مكنش قادر يتفدي ضربات يوسف او يردها من قوة الضربات و سرعتها فكان يوسف بيضربوا بسرعة و ببراعة
يوسف للبنات:اخرجوا برا
سمعوا البنات كلامه و خرجوا برا و كانت لسة في حضن ميرنا و كل الا حصل ده يوسف ما شافش وش جويرية و لا عرف انه هي الا اتخانق معها قبل كدة
لانه اول ما دخل خالد كان اودمها فمكنش وشها باين و بعد كدة ميرنا خدتها في حضنها و بعد ما البنات خرجوها برا كانت جويرية بتترعش جامد و مسكة في ميرنا جامد و كانوا البنات بيحاولوا يهدوها
ميرنا: جويرية حبيبتي اهدي انت بخير
مرام: جويرية خلاص الحيوان ده مهوش موجود
نوران: خلاص احنا جامبك و هو مش هيقدر يقربك
اقطع كلامهم دخول نانسي (السكرتيرة)
نانسي بانزعاج: اوف ايه ياربي الناس المتخلفة دي كل شوية مس احنا مش عا
سكتت فجاة اول ما شافت منظر جويرية و البنات رحت ناحيتهم بسرعة
نانسي بقلق: جويرية حبيبتي مالك ايه الا حصل مالها يا بنات
نوران: الحيوان الا اسمه خالد ده كان بيحاول يعتدي عليها
نانسي بصدمة: خالد
علي الناحية التانية يوسف زق خالد علي الارض و خرج من الاوضة و قفل الباب بتاعها و راح ناحية البنات و بص للنانسي ببرود مخيف
يوسف ببرود: فين المدرس الزفت الا هنا
نانسي بتوتر: و حضرتك مين
يوسف ببرود: ميخصكيش انا مين و بعدين سيدتك جاية تسالني انا مين و انتي سايبة شغلك و بسبب اهمالك كانت هتحصل مصيبة
نانسي بتوتر: انت باي حق بتتهمني ان انا مهملة و بعدين ده مكان محترم
يوسف ببرود: لا واضح يا انسة انه مكان محترم بآمرة الا حصل من شوية
نانسي: انت
اقطعها يوسف
يوسف ببرود: انا مش عايز اسمع حاجة اتصلي حالا بالمدرس و تخليه يجي بسرعة لان انا هتصل بالبوليس عشان ياخد الحيوان الا جوه ده يلا اتفضلي اتصلي
قال اخر كلمتين بصوت عالي اترعبت منه نانسي و راحت بسرعة عشان تتصل بالمدرس بس ملحقتش لان المدرس جيه و اول ما شاف جويرية راحلها بسرعة
طارق: ايه الا حصل يا نانسي
سبقها يوسف في الرد
يوسف ببرود: لا محصلش حاجة كل الا حصل انه في طالب عند سيادتك حاول يعتدي علي زميلته بسبب اهمالك و اهمال الانسة حاجة بسيطة يعني
قال اخر جملة بسخرية
طارق بصدمة: انت بتقول ايه و مين حضرتك
بصله يوسف ببرود و طلع بطاقته و فتحه و حطها اودام عينه و طارق اول ما شافها بصله بخوف و توتر
طارق: اسف يا باشا بس انا دلوتي هتصل باهله و مش هخليه يحضر هنا تاني
ابتسمله يوسف بسخرية و بعدين بصله ببرود خلاه يتوتر اكتر
يوسف ببرود: انت فعلا هتتصل باهله بس تقولهم يحصلوه علي القسم
طارق بتوتر: يا باشا مفيش داعي للقسم
يوسف ببرود: لا بجد مفيش داعي حياة بنت كانت هتروح و تقولي مفيش داعي
طارق: يا باشا
اقطع كلامه دخول شاب و معه عساكر و راح اودام يوسف و ادي التحية العسكرية فمين ميعرفش يوسف الصيرفي و يوسف هزله راسه ببرود
الشاب: امرني يا باشا
يوسف ببرود: عايزك تاخد الواد الا جوه ده و طبعا انا اقولتلك عمل ايه و تعمله محضر بالا عمله
الشاب : تمام يا باشا
و بعدين وجه كلامه لطارق
الشاب بصرامة: و انت تتصلي باهله و هتيجي معنا
طارق بتوتر: يا فندم مفيش داعي للقسم
الشاب بغضب: انت هتفهمنا شغلنا دي جريمة اعتداء يا استاذ فاهم يعني ايه
طارق بتوتر: فاهم يا باشا بس
اقطعهم صريخ البنات بص يوسف ناحيتهم لقي مرام و ميرنا بيسندوا جويرية الا فقدت واعيها راح ناحيتهم بسرعة
يوسف: ميرنا اسنديها انت و مرام و تعالوا معي بسرعة
سندوها بسرعة و راحوا معه و هو فتحلهم باب العربية من وراء دخلت نوران و اعدت و مرام و ميرنا دخلوا جويرية و نوران خدتها في حضنها و مرام اعدت جمبها و ميرنا ركبت جمب يوسف ادام و راحوا بسرعة علي المستشفي و لما وصلوا نزل يوسف بسرعة و دخل الاستقبال و قالهم يجيبوا تروالي بسرعة و جابوه و خرجوا و البنات سندوها بس يوسف ماشفش جويرية لانه بعد عنهم عشان يرد علي فونه الا كان بيرن و كان احمد هو الا بيتصل
احمد: السلام عليكم
يوسف: و عليكم السلام
احمد: ايه يا بني انت فين ده انت مكلمني من زمان و قولتلي انك بتوصل البنات و هتيجي علي طول كل ده علي الطريق
يوسف بهدوء: انا لسة مطلعتش علي الطريق لسة في اسكندرية
احمد بقلق: ليه انت و البنات كويسين
يوسف بهدوء: احنا الحمد لله تمام بس حصلت مشكلة صغيرة هحلها و هاجي
احمد: تمام تيجي بالسلامة
يوسف: انشاء الله سلام
احمد: سلام
قفل يوسف مع احمد و دخل جوه لقي البنات بيزعقوا مع بتاع الاستقبال
يوسف: ايه الا بيحصل هنا
ميرنا: شوف يا يوسف مش عايزين يدخلوها الا اما نملئ الاستمارة الاول و ندفع الف جنيه
بص يوسف لبتاع الاستقبال و الدكتور الا معه
بتاع الاستقبال بصوت عالي: انا اقولت الفلوس اول و بعدين ندخلها
راح يوسف ناحيته و بصله ببرود مخيف و فجأة مسكه من ياقة قميصه
يوسف ببرود: انت بتزعقلها كدة ليه يا روح امك ما تتكلم عدل
بتاع الاستقبال بخوف و توتر: و انت مين
يوسف بهمس خطير:ميخصكش يا روح خالتك و احسنلك دلوتي تدخلها بدل ما تلقي مستشفي الزفت دي مطربقة علي داغكوا و انا مبحظرش مرتين
الدكتوى بتوتر و خوف من يوسف فكفاية نبرته الا ترعب اشد الرجال: حاضر حاضر يا باشا انت تؤمر هندخل الانسة حالا
يوسف بآمر: اخلص
هز الدكتور راسه خوفا من يوسف الا من الواضح جدا انه مش بالراجل السهل ابدا
اتنهد يوسف بضيق بعد ما دخلوها فهو النهاردة افصح عن هويته للناس كتير و ده غلط لانه مش مفروض حد يعرف انه ظابط بسبب حساسية المكان الا بيشتغل فيه بس كان لازم يعمل كدة عشان يساعد البنت دي فهو متعودتش يسيب حد محتاج مساعدته
يوسف بهدوء: لازم نتصل بحد من اهلها
ميرنا: بلاش بابها و مامتها هيتخضوا عليها اوي
مرام: صح خلينا نتصل باخوها الكبير احسن
نوران: و هنجيب نمرته منين
ميرنا: من فون جويرية فين حاجتها
مرام: اهم
فتحت مرام شنطة جويرية و طلعت فونها
مرام: عليه باسورد
ميرنا: انا عارفه
فتحت ميرنا الفون و جابت رقم كرم اخد يوسف منها الفون و اخد منه الرقم علي فونه و اتصل بكرم
يوسف: السلام عليكم
كرم: و عليكم السلام
يوسف: حضرتك استاذ كرم اخو انسة جويرية
كرم: علي حسب المصيبة الا هي عاملها😂احم اقصدي ايوة انا
ابتسم يوسف علي كلامه
يوسف بهدوء: انا بس ببلغك ان اختك تعبت شوية في الدرس و جبنها علي المستشفي
كرم بخضة: ايييييه طيب لو سمحت انتوا في مستشفي ايه
يوسف بهدوء: مستشفي*****
كرم بسرعة: انا جاي حالا
يوسف: تمام
قفل يوسف مع كرم و عدت فترة صغيرة و دخل عليهم كرم و كان جاي جري
يوسف: حضرتك استاذ كرم
كرم بقلق: ايوة انا جويرية فين و حصلها ايه
يوسف بهدوء: ممكن تهدي عشان احكيلك ايه الا حصل
كرم بهدوء: تمام ممكن تحكيلي ايه الا حصل لاختي
حكاله يوسف الا حصل
كرم بغضب: الحيوان الواطي هو فين الوقتي انا لازم اربيه الزبالة
يوسف: هو دلوتي في القسم و هيتعمله محضر و لازم الانسة جويرية تروح عشان ياخدوا اقوالها ده طبعا لو عايزين تكملوا في المحضر
كرم بتاكيد: اكيد هنكمله انا مش هاسيب حق اختي
و كمل في سره (مش كفاية سيبنا حقها زمان)
يوسف: تمام
كرم: و متشكر اوي علي الا انت عاملته مع اختي
يوسف بهدوء: الشكر لله و بعدين انا معملتش حاجة اي حد مكاني كان هيعمل كدة
كرم: لا مش كل الناس كانت هتعمل زيك لانهم هيخافوا يقعوا في مشاكل
اقطع كلامهم خروج الدكتور
كرم بقلق: هي عاملة ايه دلوتي
الدكتور: و حضرتك مين
يوسف ببرود: ميخصكش قولنا عاملة ايه
الدكتور بتوتر: الاغماء كان نتيجة لصدمة عصبية بس هي دلوتي كويسة بس لازمها راحة تامة مينفعش تتوتر او حد يضغط علي اعصابها لانها ممكن يحصلها انهيار عصبي
كرم: طيب هي فاقت و لاء لسة
الدكتور: ايوة فاقت
كرم: يعني ممكن نشوفها
الدكتور: ايوة تقدروا
كرم: شكر
الدكتور: بعد اذنكوا
يوسف ببرود: اتفضل
مشي الدكتور و دخلوا البنات و كرم و يوسف استني برا و اول مادخلوا كرم راحلها بسرعة و خدها في حضنه
كرم:حمد الله علي سلامتك يا جوجو
جويرية بابتسامة: الله يسلمك يا حبيبي
ميرنا: الف سلامة عليكي يا جوجو
جويرية: الله يسلمك يا ميرو
مرام و نوران: سلامتك يا حبيبتي
جويرية: الله يسلمكم و كفاية سلامات بقا عشان انا زهقت😂
أنت تقرأ
ما بين سحر الحب وكبرياء الانسان
Romanceهي تلك العنيدة الشقية التي تعشق الحياة صاحبة القلب الطيب و لكن هذا لا يعني انها ليس لديها عقل خبيث و تصرفات مجنونة و كبرياء لا يليق الا بها وهو ذلك الرجل البارد العملي المعروف بحزمه و قسوته و لكن هذا لا يغير من...
