ما بين سحر الحب وكبرياء الانسان

البارت الخامس

اولا كدة كل سنة و انتوا طيبين و عيد سعيد😘😍
ثانيا انا عارفة اني اتاخرت في التنزيل بس معلش انا بدات دروس و كنت مشغولة بيها بس انشاء الله هحاول احدد معاد للتنزيل
و كفاية كلام بقا😂😂
و يلا نبدا
******************************
<بسم الله الرحمن الرحيم>
واقفنا المرة الا فاتت لما الباب خبط و ام جويرية راحت تفتح و لقت ست في الاربعينات
ام جويرية:مين حضرتك
الست:مش ده بيت جويرية
ام جويرية:ايوة هو
الست:طيب لو سمحتي ممكن اشوفها
ام جويرية باستغراب:طيب اتفضلي
دخلت ام جويرية الست اوضة الصالون
ام جويرية:ثانية هنده لجويرية
الست بابتسامة:اتفضلي
خرجت ام جويرية و راحت لجويرية الاوضة
جويرية:مين يا مامتي
ام جويرية:واحدة بتسال عليكي
جويرية باستغراب:بتسال عليا انا هو انا بقيت حد مهم لدرجة دي😂
ام جويرية:اودمي يا اخرة صبري اما نشوف مين دي
جويرية:طويب متزويقش بس
ام جويرية:امشي لشغل الشبشب عليكي
جويرية:لا علي ايه الطيب احسن انا خارجة اهو
خرجت جويرية و رحت اوضة الصالون و اول ما دخلت و شافت الست جريت عليها و حضنتها
جويرية بسعادة:طنط نجوي (انا محدش يتوقعني 😂😂)
نجوي:ازيك يا جوجو عاملة ايه
جويرية بمرح:انا زي الفل بس ايه المفاجاة الحلوة دي
نجوي:حبيت اجاي اطمن عليكي
جويرية:ربنا يخليكي انا الحمد لله بقيت كويسة لما شوفتك
نجوي بضحك:يسلام يا بكاشة
جويرية:لا لا ده مش بكش هو حد يشوف القمر ده و ميبقاش كويس
نجوي بضحك:ما انتي صاحبة مرام و ميرنا لازم تبقي بكاشة و لمضة
ضحكت جويرية و بعدين بصت لمامتها
جويرية:ماما دي طنط نجوي مامت ميرنا صاحبتي
ام جويرية بابتسامة:بجد اتشرفت بمعرفتك
نجوي بابتسامة:الشرف ليا
ام جويرية:جويرية دايما بتتكلم عنك و بتحبك جدا
نجوي:ربنا عالم و الله انا برده بحب جويرية جدا دخلت قلبي من يوم ما شوفتها ربنا يخليهالك
ام جويرية:يارب و يخليلك ميرنا
نجوي:يارب
ام جويرية:تشربي ايه بقا
نجوي:متتعبيش نفسك يا حبيبتي
ام جويرية:لا و الله ميصحش لازم تشربي حاجة
جويرية بطفولية: لو مشربتيش حاجة هزعل منك لازم تشربي حاجة عشان خاطري
ضحكت نجوي علي طريقتها في الكلام
نجوي بابتسامة:طيب عشان خاطر جوجو يبقا قهوة مظبوطة
ام جويرية:ماشي ثانية و هتكون عندك
خرجت ام جويرية عشان تعمل القهوة و اعدت نجوي و جويرية
نجوي:عاملة ايه دلوتي ميرنا حكتلي علي الا حصل امبارح
جويرية بحزن حاولت تديريه:انا تمام الحمد الله
نجوي:الحمد لله ان ربنا نجاكي من ايد الحقير ده
جويرية:الحمد لله بس الا ليه الفضل بعد ربنا هو بن حضرتك ياريت تشكريه علي الا عمله
نجوي: الشكر لله بس نوية تعملي ايه دلوتي مع الحقير ده هتكملي في المحضر مش كدة
جويرية بثقة:لا انا هتنزل عن المحضر
نجوي بصدمة:نعم هتتنزلي هو انتي مش عايزة تاخدي حقك منه
جويرية:اكيد عايز اخد حقي بس مش بالمحضر
نجوي بحيرة:انا مش فاهمة انتي عايزة تعملي ايه
جويرية:بصي يا طنط انا عايزة اخد حقي منه و في نفس الوقت مش عايزة ارد السئية بالسئية لانها مش من مبادئ انا مبدئ ان انا ارد السئية بالحسنة هو كان هيضيع مستقبلي بس انا مش هنزل لمستوه و اكون زيه و اضيع مستقبله و كمان اهله ملهومش ذنب في حقارة ابنهم فعشان كدة انا هتنزل عن القضية بس ده برده مش معناه ان انا هسيب حقي لان انا مش من النوع الا يسيب حقه و انا عارفة هاخد حقي ازاي
نجوي باعجاب:رغم ان انا مش عارفة انت هتاخدي حقك ازاي بس انت كبيرتي في نظري جدا لان معتش في حد قلبه طيب و بيفكر في غيره كدة بجد يا بنتي انتي قلبك كبير اقوي
جويرية بكسوف:شكر يا طنط ده من زوقك
بعد كدة دخلت ام جويرية بالقهوة و ادمتها لنجوي و بعدين نجوي سلمت عليهم و مشيت
ام جويرية:ست لطيفة اوي
جويرية:فعلا انا بحبها اوي
و بعد كدة فطرت جويرية مع مامتها و دخلت تزاكر و بعدين ساعدت مامتها في الغداء لحد ما بابها و كرم جم و اعدوا يتغدوا بس جويرية مكنتش بتاكل كانت بتفكر ازاي هتقولهم ان هي هتتنزل عن القضية
نسيب بقا جويرية تفكر هتقولهم ازاي و نروح مكان تاني
**********************************
في القاهرة تحديدا في الفرع الرئيسي لشركات الصيرافي دخل بخطواته الواثقة و نظراته الباردة اوضة الاجتماعات و اعد علي راس التربيزة و كان اقصده ابوه الا كان بيبصله بنظرات فخر ممزوج بحزن بس هو كالعادة مهتمش بنظرات ابوه و بص لكل الا موجودين ببرود ففي منهم الا كان خايف و الا كان متوتر من هالة البرود الا محوطاه و من نظراته الهادية و الباردة و من جبروته الا سمعوا عنه فمفيش حد او شركة واقفت اقصاده الا و بعد كام يوم يسمعوا عن خبر افلاسها شاورلهم بايده انهم يقعدوا اقعدوا كلهم بتوتر بص يوسف لمندوب الا طلب يقابله
يوسف ببرود: طلبت تقبلني لان في حاجات في العقد محتاجة تتغير ايه هي بس باختصار لان واقتكوا معي عشر دقايق بس
المندوب بتوتر:بصراحة يا يوسف بيه الشرط الجزائي عالي جدا شركتنا متقدرش عليه
يوسف ببرود: و المطلوب
المندوب بتوتر اشد:احنا بنطلب من حضرتك ان تقلل الشرط الجزائي
يوسف ببرود:طلبك مرفوض
المندوب:يعني ايه يا يوسف بيه
يوسف :يعني لو مش عجبك الشرط الجزائي بتاعنا تقدر تروح تشتغل مع شركة تانية
المندوب:يا يوسف بيه احنا لو كنا عايزين نشتغل مع اي شركة كنا رحنا من الاول بس جينا لشركتكم لانها اكبر شركات في الشرق الاوسط كله
يوسف ببرود:كويس انك عارف ان شركاتنا اكبر شركات في الشرق الاوسط كله يبقا ليه اتفجيت من الشرط الجزائي
كان المندوب هيتكلم بس يوسف شاور بايده انه يسكت
يوسف ببرود و قوة:الكلام خلص لحد كدة و بعدين بص في ساعته و قال ببرود:يؤسفنا ان اقولكوا time out العشر دقايق خلصوا و زي ما انا اقولت الشرط الجزائي مش هيتغير و الله عجبكوا تقدروا تيجوا بكرة تمضوا العقد و لو مش عجبكوا فشغلكم مع شركتنا من عدمه مش هيفرق معنا حاجة
كان المندوب هيتكلم بس يوسف اقطعه
يوسف ببرود: اظنكم عارفين طريق الباب
خرجوا المندوبين و يوسف سند ضهره علي كرسي ببرود و بعد ما خرجوا قام عبد الرحيم بغضب و هو بيبص ليوسف الا بيبصله ببرود
عبد الرحيم بغضب:ايه الا انت عملته ده ازاي تتكلم مع الناس بالشكل ده و انت عارف ان دي ثقفة مهمة
يوسف ببرود و ثقة:خلصت كلامك بكرة الصبح هتلقيهم عندك و بيمضوا العقد
عبد الرحيم:انت ايه الا مخليك واثق كدة
يوسف بثقة:انت الا يهمك ان الثفقة تكون لينا و هتكون لينا
عبد الرحيم: اما نشوف
بصله يوسف ببرود و قام و راح ناحية الباب و اقفه صوت ابوه
عبد الرحيم :يوسف
بصله يوسف ببرود و حط ايده في جيبه
يوسف:نعم
عبد الرحيم:لحد امتي هتفضل تتعمل معي كدة
يوسف ببرود:كدة الا هو ازاي يا عبد الرحيم بيه
عبد الرحيم:بالبرود و القسوة دي ده انت حتي ماعتش بتقولي بابا ده انا نسيت اخر مرة اقولتلي فيها بابا كانت امتي ايه نسيت ان انا ابوك
يوسف ببرود:و دي حاجة تتنسي عارف انك ابوي
عبد الرحيم :كويس يبقا ليه كل القسوة دي
يوسف ببرود:من شبه اباه فما ظلم
عبد الرحيم :انا عمري ما كنت بقسوتك دي مش هنكر ان جات فترة كنت فيه قاسي و دفعت تمن قسوتي دي و لسة لحد دلوتي انت بدفعوهولي مش كفاية كدة بقا ده ربنا بيسامح انت مش هتسامح
يوسف بقسوة و كبرياء: اديك اقولت ربنا و انا مش ربنا عشان اسامح و انت هتفضل ابوي بس ابوي علي الورق بس متتوقعش مني اكتر من كدة يا يا عبد الرحيم بيه
و خرج من غير ما يسمع رد عبد الرحيم
اما عبد الرحيم اقعد و حط راسه ما بين ايده
عبد الرحيم بضعف: يارب انا عارف ان انا غلط زمان بس ندمت معقول هفضل ادفع تمن الغلطة دي طول عمري يارب اهديلي ابني انت عارف ان مليش غيره
هو عندي اغلي من اي حاجة
و بعدين اتنهد تنهيدة آلم ممزوج بحزن و بعدين راح مكتبه
عند يوسف بعد ما دخل مكتبه واقف عند شباك ازاز كبير بطول الحيطة بيطل علي الشارع و سند ايده جمب الشباك و سرح في زكريات الماضي اقطع سرحانه صوت الفون مسكه و رد
المتصل:السلام عليكم يا يوسف بيه
يوسف:و عليكم السلام ايه اخر الاخبار عندك
المتصل:في حاچة مهمة جوي سمعته النهاردة
يوسف :ايه هي
المتصل :هي*******
يوسف ببرود:انت متاكد من الا انت بتقوله ده
المتصل:ايوه يا يوسف بيه
يوسف:تمام اوي اقفل انت دلوتي و استمر في الا انت بتعمله و فلوسك هتوصلك بليل
المتصل:تشكر يا يوسف بيه
يوسف:ماشي يلا سلام
المتصل:مع السلامة يا بيه
بعد ما خلصت المكالمة بص يوسف من الشباك تاني
يوسف بتوعد: و رحمة امي المرة دي ما هسيبك تعمل الا انت عايزه و يا انا يا انت
بعد ما قال كدة سرح مرة تانية يفكر في حل للمشكلة الا هتفتح ابواب الماضي مرة تانية
*********************************
عند جويرية بعد ما خلصوا غداء و اعدوا كلهم يشربوا شاي اقامت جويرية فجاة
جويرية بتوتر:بابا انا عايزة اقولك حاجة
شريف بحنان:ايه يا اميرتي اقولي
جويرية بسرعة:بابا انا عايزة اتنزل عن القضية
كرم بغضب:نععععم قضية ايه الا تتنزلي عنه انشاء الله انتي اتجننتي
شريف بهدوء:استني يا كرم ليه يا بنتي عايزة تتنزلي انتي عمرك ما اتنزلتي عن حقك عايزة تتنزلي دلوتي ليه
جويرية :لا يا بابا انا مش هتنزل عن حقي بس مش بالقضية
شريف:طيب فهميني منين مش هتسيبي حقك و منين عايزة تتنزلي
جويرية:يا بابا حقي انا هاخده بطريقتي و عايزة اتنزل عشان انا مش عايزة انزل لمستوي الحقير ده و اضيع مستقبله زي ما كان عايز يضيع مستقبلي
شريف:يعني ده اخر كلام عندك
جويرية:ايوة يا بابا صدقني هو ده صح
شريف :خلاص روحي مع كرم بكرة و اتنزلي بس عايز اشوف هتاخدي حقك ازاي
جويرية بثقة:هتشوف يا بابا
شريف:ماشي
ام جويرية:ماشي ايه يا شريف انت موافق علي الا هي بتقوله ده
شريف:انا واثق في بنتي و واثق في اختياراتها
جويرية بثقة:و انا هبقي اد الثقة دي
خلصت جويرية كلامها مع بابها و دخلت اوضتها تفكر في الا هي هتعمله و اقطع تفكيرها صوت الفون و كانت مكالمة جماعية مع البنات
جويرية :السلام عليكم
البنات:و عليكم السلام
ميرنا:عاملة ايه يا جوجو
جويرية:تومام الحمد لله
مرام:المفروض تروحي بكرة تقولي اقوالك في القضية صح
جويرية:يا بنات انا عايزة اقولكوا علي حاجة
ميادة:شكلك متوترة عملتي ايه يا بت
جويرية:لا معملتش حاجة بس هعمل بكرة
نوران:هتعملي ايه
جويرية:احم هتنزل عن القضية
البنات في نفس واحد:نعععم ياختي
جويرية:اهدوا بس هفهمكوا
آيات بغضب:هتفهمينا ايه يا زفتة انت اتهبلتي
جويرية:ممكن تسمعوا هقول ايه
ميرنا:استنوا يا بنات اتنيلي اقولي
جويرية:الوقتي انا اما هكمل القضية هيبقا موال و محاكم و الامتحانات علي الابواب و بعدين انا الحمد لله كويسة يعني اما هيتحكم عليه هيتحكم عليه بتلاتة او اربعة سنين و هيبقا مستقبله ضاع
مرام:طيب ما يولع
جويرية:لا كدة انا هنزل لمستوه و هبقا حقيرة زيه و بعدين انا هيفدني ايه اما يسجن لكن الا انا هعمله هو ده الا هيطفي ناري
ميادة:و انتي هتعملي ايه
جويرية بغموض:هتعرفوا بكرة
نوران:يبقا احنا هنيجي معكي بكرة
جويرية:لا طبعا مفيش داعي
ميرنا :بس يا بت انتي انت حد خد رايك
مرام:انا عارفة متخليكي في نفسك
جويرية بدهشة:الله مش المفروض ان انا صاحبة القضية
ميرنا:لما نبقي نسألك ابقي اتكلمي
جويرية:حاضر يا بوس
ميادة:و بعدين انتي عايزنا نسيبك انتي تروحي كدة من غير ما احنا نيجي معكي هو انتي حد يضمن هتعملي ايه يا مصيبة
جويرية:كل خير انشاء الله
آيات:انا مش مرتحالك ربنا يستر
جويرية:ههههه اقولي يارب
ميرنا:ماشي ياختي اما نشوف
جويرية:هتشوفي تصبحوا علي خير
البنات:و انتي من اهله
بعد ما اقفلت جويرية مع البنات اعدت تفكر و بعد كدة راحت في نوم عميق
********************************
عند ميرنا و مرام و نوران
مرام:و دلوقتي بقا هنعمل ايه
نوران:في ايه
مرام:انتي غبية يا بت هنروح مع جويرية ازاي احنا دلوقتي اقدمنا عقبة
نوران:ايه هي
ميرنا:اتنين مش واحدة
مرام:اتنين لييييه مهي كانت واحدة
ميرنا بغيظ:بقا هي الا غبية برده و الله انتوا الاتنين اغبي من بعض
مرام:لييييه
ميرنا:ياربي مش الوقتي البت نوران جاية معنا
مرام:اها
ميرنا:و عشان تيجي معنا المفروض اسر يعرف
مرام:اها
ميرنا :يبقا الوقتي المفروض نقنع يوسف و اسر يبقوا كام عقبة
مرام و هي بتخبط دمغها بايدها :اها صح يبقوا اتنين انا نسيت اسر سوري سوري
نوران:طيب و دلوتي هنعمل ايه
مرام:احنا نقنع يوسف و هو يقنع اسر
ميرنا :ها ها ها ها مهي دي المصيبة هتقنعي يوسف ازاي
مرام:هقنع مين و انا مالي مش انتي البوس بتاعنا يبقا انتي الا هتقنعيه
ميرنا:نعم حد قالك اني مستغنية عن عمري
مرام:بليز بليز يا ميرو اقنعيه انتي عشان خاطري عشان خاطري
ميرنا بغيظ:خلاص اخرصي هتنيل اقنعه
مرام:هييييييه يلا كلميه
ميرنا بتوتر:ما تستنوا شوية
نوران:يلا يا ميرنا اخلصي
ميرنا :اها مهو الا ايده في المياة مش زي الا ايده في النار
مرام:يلا يا ميرو
ميرنا:احم طيب ربنا يستر
اتصلت ميرنا بيوسف
ميرنا:السلام عليكم
يوسف:و عليكم السلام
ميرنا:حبيبي قلبي ازيك عامل ايه
يوسف:اخلصي يا ميرنا عايزة ايه
ميرنا:حبيبي دايما فهمني
حكت ميرنا ليوسف ان هم عايزين يروحوا مع جويرية القسم
ميرنا :بس كدة
يوسف ببرود:خلصتي
ميرنا بتوتر:ايوة
يوسف ببرود:طيب اقفلي يا ميرنا بدل ما اجي اكسر الموبايل ده فوق دماغك
ميرنا بتوتر:اسمعني بس هقول ايه
يوسف :اتنيلي اقولي
ميرنا:يوسف خلينا عشان خاطري نروح معها جويرية دايما بتوقف جمبنا في اي مشكلة و من يوم ما عرفناها و هي ولا مرة اتخلت عننا في اي وقت و لو تفتكر انا اتعرفت عليها ازاي يوم ما انقذت حياتي من العربية و لولاها بعد ربنا مكنش زمني بكلمك دلوقتي و بعد كل ده مش عايزنا نروح معها
يوسف بتنهيدة:ماشي بس بشرط
ميرنا:ايه
يوسف :خالتو هتروح معكوا و هتروحوا مع السواق و مفيش نزول من العربية
ميرنا:موافقة
يوسف:ماشي خلاص روحوا
ميرنا:احم طيب ممكن طلب اخير
يوسف:هممم
ميرنا:ممكن تقول لاسر عشان نوران تيجي معنا
يوسف:ماشي سلام
ميرنا:سلام
مرام:ها اقالك ايه
ميرنا:وافق الحمد لله بس ماما تيجي معنا و السواق
مرام:ليه كل ده
ميرنا:خلاص بقا المهم انه وافق و هيقول لاسر
نوران:كويس
ميرنا:يلا بقا نروح نقول لنوجي
مرام:يلا
خرجوا البنات من الاوضة و اقالوا لنجوي ان هي تروح معهم بكرة
********************************
في القاهرة في مكان زي جبل او تلة مفيش فيها اي حد واقف يوسف و هو ساند ضهره علي عربيته و مربع ايده و مفيش علي وشه اي تعبيرات عكس الا جواه
سمع يوسف صوت عربية واقفت جمبه بس ما بصش لانه عارف هو مين
يوسف:ايه الا جابك يا احمد
احمد :لان سيدتك اقفل موبايلك و محدش عارف انت فين
يوسف ببرود:هو انا عيل
احمد:لا مش عيل بس انت عارف ان اعدائك كتير يعني مينفعش تقفل موبايلك و تبقا لوحدك انا عارف ان ميتخفش عليك بس الا حتياط واجب
يوسف:كنت بتتصل ليه
سند احمد ضهره علي العربية جمب يوسف و بص ادامه
احمد:في ان صاحب عمري و بن خالي متغير بقاله اكتر من اسبوع و انا مش عارف ماله
يوسف ببرود:هيكون مالي يعني انا تمام
احمد:لا مش تمام بقيت بتسرح كتير و كمان انت ما بتجيش هنا الا ما يكون في حاجة شغلك
سكت يوسف و ماردش
احمد بتنهيدة:براحتك يا يوسف بس لازم تعرف ان لما تخبي جواك كل حاجة دي مش حاجة كويسة خصوصا علي اقرب الناس ليك
سكتوا الاتنين ثواني
يوسف ببرود:المشكلة في الصعيد
بصله احمد و بعدين بص ادامه تاني
احمد بهدوء :جدك عمل ايه تاني
يوسف بسخرية:جدي المصون عايز يلوي دراعي بان ياخد ميرنا عنده
جذب اسم ميرنا اهتمام احمد اكتر
احمد باستغراب:ياخدها ازاي مش فاهم مش المفروض ميرنا تحت وصيتك لحد اما يبقا عندها واحد و عشرين سنة هي و حسام حسب وصية خالي الله يرحمه
يوسف:املاكها تحت وصيتي لحد واحد و عشرين سنة لكن هي لو اتجوزت قبل واحد و عشرين مش هبقا واصي عليها
احمد بصدمة:قصدك ان هو عايز يجوزها
يوسف ببرود:ايوة
احمد بسخرية :لا بجد و ياتري العريس من عيلة مين بقا
يوسف ببرود و شر:الشرقاوي
احمد:لا مش معقول عيلة الشرقاوي هم لسة لحد دلوتي ماشيين علي نفس العادة الا بقالها سنين دي
يوسف:امممم
احمد:طيب انت ناوي تعمل ايه
يوسف ببرود:اكيد مش هسيبه يعمل الا هو عاوزه و يضيع ميرنا زي ما ضيع ناس اقبلها هو عايز يعمل معي حرب جديد بما انه خسر الحرب بتاعة زمان
سكت احمد شوية و فجأة جاءت في باله فكرة بص ليوسف
احمد:غلط انك تخوش معه الحرب دي رغم اني متاكد انك هتكسب الحرب دي بس في المقابل هتفتح النار علي الكل و الماضي هيرجع تاني و احتمال يبقا في دم
يوسف ببرود:عندك حل تاني
احمد بغموض:عندي
بصله يوسف
يوسف:الا هو
احمد:هو
بقلم/امنية اشرف
*******************************
كدة البارت انتهي
عايزة رايكوا فيه
و تفتكروا جويرية هتعمل ايه عشان تاخد حقها من خالد؟
و ايه الحل الا عند احمد؟
دمتم سالمين😘😍