نادين : يا سلام يبقى تعزمني النهاردة على الغدا
ادم : من عيوني كام نادين عندي انا
ــــــــــــــــــــــــــــــــــــــــــــــــــــــــــــ
عادل : طب خلاص هاقابلك بعد نص ساعة في الكافيه
نرمين بفرحة : اوكشن
_ نرمين لبست وخارجة
الاب : على فين ان شاء الله
نرمين بخوف : بابا!!! حمدالله على السلامة
الاب : باقول على فين
نرمين بارتباك : خارجة مع اصحابي
الاب : واستئذنتي من مين ان شاء الله ولا خلاص مبقاش في كبير في البيت
الام : في ايه يا ناجي البنت استاذنت مني هو كل يوم على الموال ده
خليها تخرج تشم هوا مع اصحابها ولا عايزها تقعد محبوسة بين اربع حيطان
نرمين ( يووووووه هانبدا بقى )
الاب : طبعا وانتي ايه اللي يهمك اهم حاجة حفلاتك وخروجاتك لكن بنتك وبيتك اخر حاجة تفكري فيها
الام : وبعدين معاك انت كل ماترجع من السفر تعكنن علينا كده ولا انت عايز تشتغل وتسافر براحتك وانا اقعد هنا حاطة ايدي على خدي مستنياك ترجع
الاب : على الاقل يا هانم تراعي بيتك وبنتك شوفيها بتروح فين ومع مين
الام : كفاية بقى انت ايه فاكر الدنيا زي زمان الناس اتطورت سيب البنت براحتها
ولا انت فاكر نفسك سي السيد عايز تحبسني انا وبنتك لا نشوف حد ولا نكلم حد
الاب : انتي الكلام معاكي مافيش منه فايدة انا خارج انتي العيشة معاكي تقصر العمر
_ نرمين سابتهم ومشيت
ــــــــــــــــــــــــــــــــــــــــــــــــــــــــــــــــــــــــ
_ محمد وصل البيت
الام : ياحبيبي وحشتني اوي
محمد : وانتي اكتر والله يا امي
الام : تعالى شوف انا عملتلك كل الاكل اللي انت بتحبه
محمد : وليه تاعبة نفسك يا حبيبتي انا كلت في الطيارة
الام : طيارة ايه هو ده اكل اقعد اقعد
محمد : بكرة ان شاء الله عايزين نروح لعمتي ونتفق على كل حاجة انا اجازتي اسبوعين بس
الام : اسبوعين !!! وانا اللي قلت هاتقعد معايا شهر على الاقل
محمد : معلش يا حبيبتي كلها كام شهر وارجعلك على طول
ــــــــــــــــــــــــــــــــــــــــــــــــــــــــــــــــــــــــــــــــــــ
بعد اسبوع في بيت ادم
عبدالرحمن : والله البيت نور النهاردة
عبد الله : منور باصحابه
عبدالرحمن : تصدق انا من زمان نفسي اناسبك بس الواد ادم سبقني
الواد ده مش سهل ابدا وانا اللي كنت فاكره مشغول بالشركة اتاريه حاطط عينه على بنتك وانا مش عارف
عبدالله : هههههههه والله ادم ده في مقام محمود ابني وده اللي خلاني اوافق عليه من غير مافكر
ـــــــــــــــــــــــــــــــــــــــــــــــــــــــــــــــــــــــ
في اوضه ندى
ندى : ايه رايك في اوضتي بقى
اروى بابتسامة : حلوة زي صاحبتها
ندى : تعالي بقى اوريكي حاجة جديدة
اروى : حاجة ايه
ندى : شوفي يا ستي انتي اخر مرة قولتيلي ان الاسبانش مايعتبرش حجاب كامل
صح
اروى : طبعا صح لان ربنا مقلش ان الحجاب لتغطية الشعر بس
قال تعالى : ( وليضربن بخمرهن على جيوبهن ولا يبدين زينتهن )
ندى : اها فانا بقى هاوريكي استايل جديد للحجاب شوفي انا قولت بقى استغل زيارتك دي واخد رايك فيه
اروى :ماشي وريني
ندى : شوفي بتجيبي كام طرحة كده وتلفيهم على شعرك وبعدين بقى تلبسي الطرحة ايه رايك بقى
اروى : هههههههه انا باقول امشي احسن تضربيني ولا حاجة
ندى كشرت: ليه
اروى : طب انا اقولك فكرة ايه رايك تلبسي حجاب عادي وسيبك من الاستايلات دي
ندى : اممم موافقة بس ليه
اروى : ههههههه اصل اللي يشوف شكلك كده يحس انك مركبة دماغ تانية فوق دماغك وبعدين الرسول صلى الله عليه وسلم قال : (صنفان من أهل النار لم أرهما تيجان بأيديهن سياط يضربون بها الناس يعني ظلماً ونساء كاسيات عاريات مائلات مميلات رؤوسهن كأسمنة البخت المائلة لا يدخلن الجنة ولا يجدن ريحها، وإن ريحها ليوجد من مسيرة كذا وكذا ) رواه مسلم
ندى سكتت
اروى قعدت جنبها وبابتسامة : يمكن تكوني شايفة اني معقدة او محبكاها شويتين بس اوقفي قدام المرايا وجربي تلبسي الحجاب عادي والله هاتلاقه احلى بكتير من 3 ادوار اللي كنتي لابساها من شوية
ندى : ههههههههه ماشي هاجرب
ــــــــــــــــــــــــــــــــــــــــــــــــــــــــــــــــــــــــــــــــــــــ
عادل مسك تليفون نرمين
نرمين : بتدور على ايه
عادل : ها لا بس الرنة اللي انتي حاطاها عجبتني فهاخدها
نرمين : ماقولتليش ايه رايك في ريحة البرفن الجديد بتاعي
فقد روى النسائي عن أبي موسى الأشعري قال: قال رسول الله صلى الله عليه وسلم: أيما امرأة استعطرت فمرت على قوم ليجدوا من ريحها فهي زانية.
عادل بيقلب في الاسماء ومشغول : حلوة ( اه هو ده اما اتاكد ان معندهاش ارقام تاني وسجل رقم ندى )
عادل قام
نرمين : ايه ده رايح فين
عادل : ماشي
نرمين : لسه بدري
عادل : لا اصل ورايا مشوار
ــــــــــــــــــــــــــــــــــــــــــــــــــــــــــــــــــــــــ
اروى : شوفتي بقى ان كده احسن
ندى : شكله حلو اوي خلاص من هنا ورايح هالبسه كده على طول
عارفة لو مكنش ادم خطبك كنت هازن على دماغه لحد مايخطبك
اروى ابتسمت مجاملة ليها وسكتت
ندى : ماتزعليش انه مش موجود هو والله طول اليوم في الشركة وامبارح رجع بعد الفجر وصحي المغرب وراح على الشركة على طول
اروى ( صحي المغرب ) : ايه ده والصلاة
ندى ارتبكت : ها معلش هو اصله كان تعبان اوي اكيد صلى بعد ماصحي
اروى ( وكمان بيتهاون في الصلاة ياترى لسه في ايه تاني ماعرفوش )
ـــــــــــــــــــــــــــــــــــــــــــــــــــــــــــــــــــــــــــ
عادل : ارن ولا مارنش وبعدين بقى طب هاسمع صوتها بس واقفل
_ رن مرة اتنين
ندى : الو
عادل ( ارد طب هاقولها باكلمها ليه اه كاني باسال عنها عشان اخر مرة كانت تعبانة ) : ندى
ندى : ايوه مين
عادل : انا عادل
ندى استغربت : عادل !!!! (جاب رقمي منين )
عادل : معلش انا اسف على الازعاج بس كنت عايز اطمن عليكي اصلك اخر مرة كنتي تعبانة
ندى : اه لا الحمدلله دلوقتي احسن
عادل : الحمدلله
ندى : طب بعد اذنك لازم افقل وقفلت
عادل : يووووووه انا ليه كل ماكلمها لساني يتربط كده
أنت تقرأ
اغتصاب شرعي - الكاتبتين إيمان المصري و منار العمدة
Lãng mạnجميع حقوق الملكية تخص الكاتبتين إيمان المصري و منار العمدة استيقظت لتجد نفسها كما هي على كنبة في زاوية من الغرفة و بالرغم من جمال المكان ورقي ديكوراته و سعته الا انها تشعر انه اضيق من عنق الزجاجه تشعر ان جدران الغرفه تطبق علي انفاسها لتشعر باختناق ف...
