اغتصاب شرعي - الكاتبتين إيمان المصري و منار العمدة

الفصل الحادي والعشرون

عادل تليفونه رن

عادل (اوووووووووف ودي عايزة ايه دلوقتي ) ومن غير نفس : الو

نرمين بغيظ : انا تضحك عليا انا يا عادل وفي الاخر تخطب ندى مالقتش غيرها
انا هاوريك انت وهي مش هاخليكم تتهنوا ببعض يوم واحد وقفلت

عادل : يابت المجنونة اهي دلوقتي تبوظ كل حاجة اعمل ايه وبعد تفكير كلمها

نرمين : نعم عايز ايه

عادل : بقى كده انا تكلميني بالطريقة دي وانتي عارفة غلاوتك عندي اد ايه

نرمين : لا ما هو واضح من تصرفاتك مش محتاجة اثبات

عادل بيحاول يمسك نفسه : الموضوع مش زي مانتي فاهمة

نرمين بعصبية : امال ايه ان شاء الله خاطبها تتسلي شوية وبعدين تسيبها

عادل بمكر : اها بالظبط كده انا حاولت معاها كتير ومنفعش ودي مجرد خطوبة وكلها شهرين ازهق منها وارجعلك يا جميل

نرمين مش مصدقة : وانا ايه اللي يضمنلي

عادل جاب اخره وبعصبية : براحتك انا غلطان اصلا اني كلمتك وانا لا بافكر فيكي ولا في غيرك وقولتهالك بدل المرة الف اللي بينا صحوبية وبس اخطب اتجوز حاجة مالكيش دخل فيها وقفل التليفون

نرمين : هههههههههههه ماليش دخل فيها هانشوف يا عادل وحفظت تسجيل المكالمة عندها

ــــــــــــــــــــــــــــــــــــــــــــــــــــــــــــــــــــــــــــــــــــــــــــ

في روما

خرجت اروى مع ادم وبعد ماتمشوا شوية راحوا يتغدوا في مطعم

اروى خايفة وكل حاجة بيقولها ادم بتعملها

ادم عاجبه الوضع

_ بعد مارجعوا اروي صلت ولاحظت ان ادم ماصلاش ولا مرة من اول ماوصلوا

اروى : ادم انت مش هاتصلي

ادم ارتبك : ها اه طبعا هاصلي

اروى مستغربة ( هو ماله ارتبك كده ليه ) ودخلت الاوضة

ــــــــــــــــــــــــــــــــــــــــــــــــــــــــــــــــــــــــــــــــــــــ

محمد قاعد في الكافتريا

جولي : ها هو

جاكلين : تعرف اني لا احب المسلمين

جولي : ومن طلب منك ان تحبيه فقط كل ما نريده هو تشويه سمعته

جاكلين بملل : حسنا سانهي هذا الامر سريعا

جولي بمكر : هذا ما اريده

_ توجهت جاكلين ناحية محمد وقعدت جنبه

جاكلين : مرحبا

محمد بعد شوية وغض بصره : هل استطيع مساعدتك

جاكلين : نعم ولكن هل تقبل اولا ان نتناول الغداء معا

محمد قام : اعتذر فانا مضطر للرحيل

جولي : مرحبا جون

جون : اهلا جولي كيف حالك

جولي بخبث : انا بخير ماذا عن صديقك

جون : اي صديق

جولي وهو يشير الى محمد : هذا الم تخبرني انه لا يصاحب الفتيات

جون : وما شانك بهذا

جولي : لا ولكني اظن ان افعاله تختلف عن كثيرا عن تصرفاته

جون : لكني لا اري هذا فهي من ذهبت اليه وها هو يرحل ويتركها

جاكلين : مهلا لم انهي حديثي بعد

محمد : عفوا ليس بيننا حديث وسابها ومشي

جاكلين خبطت الطربيزة بقوة : تبا الا يعلم هذا الاحمق من اكون انه حتى لم ينظر الي

ـــــــــــــــــــــــــــــــــــــــــــــــــــــــــــــــــــــــــــــــ

عبدالمجيد : لا موضوع كريم ده شيله من دماغك دلوقتي لما نشوفه ناوي على ايه

احمد ( كويس عشان اركز مع ندى ): طيب انا خارج

احمد راح المكتب

...: اتفضل يا فندم ده الرقم اللي طلبته

احمد بابتسامة ( واخيرااا انا اينعم مش طايق اسمع صوتك بس مفيش طريق لندى غيرك ورن على نرمين )

_ بعد ماخلصت المكالمة
نرمين : اهو كده اللعب يبقى على كبير اما نشوف بقى يا سي عادل هاتعمل ايه مع احمد عبدالمجيد

ــــــــــــــــــــــــــــــــــــــــــــــــــــ

نادين قاعدة في اوضتها وماسكة الاجندة
ورسمت صورة لشخص بدون ملامح

دخلت ندى : بتعملي ايه

نادين قفلت الاجندة : ولا حاجة

ندى جت جنبها وبحزن : اقولك حاجة

نادين : مالك

ندى : حاسة ان قلبي مقبوض وخايفة

نادين بابتسامة : انتي بس متوترة شوية عشان الخطوبة

ندى : تفتكري

نادين : اها

ــــــــــــــــــــــــــــــــــــــــــــــــــــــــــــ

بالليل في روما

اروى ماسكة التليفون وبتتفرج على صورها مع اصحابها ( افاتح ادم في وضوع النقاب
امممممم تفتكري هايوافق جربي مش هاتخسري حاجة )

ادم : اروى

اروى خرجت : نعم

ادم : ليه حابسة نفسك في الاوضة على الاقل اتفرحي على التليفزيون مش احنا اتفقنا نبقى اصحاب ولا اخرج عشان تاخدي راحتك

اروى باحراج : لا بس اصل انا مش باحب اتفرج على التليفزيون

ادم باستغراب : غريبة انا اعرف ان البنات بيموتوا في المسلسلات التركي

اروى ابتسمت : بس المسلسلات حرام

ادم رفع حواجبه وباستفهام : حرام !! ليه بقى

اروى قعدت على الكنبه قصاده : مش ربنا امرنا بغض البصر

ادم ( غض البصر !!!) : اه اكيد

اروي : والناس اللي بتتفرج على التليفزيون سواء بنت او ولد بيغض بصره عن الممثلة اللي بشعرها ولبسها الغير محتشم او الممثل

ادم : ههههههههههه لا طبعا

اروى : يبقى المسلسلات بقى حرام ولا حلال

ادم بابتسامة : اممممممم وجهة نظر برضه و ادي التليفزيون طفيناه

اروى مترددة

ادم حس بيها : عايزة تقولي حاجة

اروى : بصراحة انا كنت عايزة اخد رايك في حاجة

ادم مبسوط : ايه هي

اروى : احم انا انا عايزة البس النقاب

ادم ( انا عمري ماكنت باحب النقاب ولا الملتزمين بس بجد فرحان انها هاتلبسه
لان محدش هايشوفها غيري حاسس انها حاجة غالية مش اي حد يشوفها )
ادم حب يحرجها : بتساليني بصفتي زوج ولا صديق

اروى ارتبكت : ها!!!! الاتنين

ادم ابتسم : خلاص انا عن نفسي موافق طالما دي رغبتك

اروى بفرحة : بجد ....... انا متشكرة اوي مش عارفة اقولك ايه وقامت بسرعة رايحة الاوضة

ادم : هههههههه رايحة فين

اروى : هالبسه

ادم : دلوقتي !! اصبري لما نرجع مصر احسن

اروى : امممم طيب هاجربه بس

ادم : ههههه وانتي جايباه معاكي

اروى مبسوطة : انا باخده معايا في كل مكان باروحه

_ لبست اروى النقاب وخرجت لادم

اروى : حلو

ادم مبسوط لانها فرحانة : حلو اوي