ام محمد : مش معقول هو كلمني امبارح وقالي انه جاي ازاي مكنش في الطيارة
ابو محمد : والله ده اللي حصل استنيت لما الناس كلها نزلت وهو مكنش معاهم
ام محمد : انا قلبي مش متطمن اكيد حصله حاجة
ابو محمد : يمكن الطيارة فاتته او غير ميعاد سفره اتفائلي خير
ام محمد : انا حاسة بابني ابني فيه حاجة انا قلبي حاسس
_ التليفون رن وقام ابو محمد رد وكانت السفارة المصرية باتبلغهم باللي حصل
ام محمد : في ايه
ابو محمد ساكت وبعدها بشوية قام فتح التليفزيون
_ هذا وقد وكلت السفارة المصرية اكبر محاميها للدفاع عن الشاب المصري المعتقل خلف القضبان الامريكية ووردت انباء باحتشاد عدد كبير من المواطنين الامريكان والعرب حول المحكمة في مظاهرة سلمية تنديدا بالاضطهاد الامريكي ومطالبه بالافراج عن محمد
ام محمد : ابنيييييييييييي واغمى عليها
ـــــــــــــــــــــــــــــــــــــــــــــــــــــــــــــــــــــــــــــ
ايات راحت تزور كريم في السجن
كريم : انا اسف يا يا ايات بهدلتك معايا كنت فاكر اني هاقدر اكشف الفساد اللي في البلد بس الظاهر انهم اقوى مما كنت متخيل
ايات : مش عايزة اسمع منك الكلام ده تاني مهما كانت قوتهم فربنا اقوى من الكل وان شاء الله ربنا قادر يظهر براءتك عشان تكمل مشوراك
كريم : اكمل !!! اكمل ايه ده انا حتى لو خرجت مفيش جريدة هاتقبل تشغلني
ايات : خلي عندك حسن ظن بالله لو كل واحد فينا قابلته صعوبات ياس واستسلم مكناش عرفنا حاجة اسمها نجاح انا مصدقاك والناس كلها في صفك وانا عندي يقين اننا هانلاقي اللي اسمها هناء دي وهاتشهد معاك بس انت استغفر وادعي ربنا يخرجك من المحنة دي
كريم بابتسامة : ربنا يخليكي ليا وميحرمنيش منك ابدا
ـــــــــــــــــــــــــــــــــــــــــــــــــــــــــــــــــــــــــــــــــ
نرمين كلمت ندى واتقابلوا وراحوا المطعم اللي احمد مستنيهم فيه
نرمين : روحي انتي كلمي انا هاستناكي هنا مش حابة اشوفه وخايفه منه
ندى : خايفة من ايه انا معاكي
نرمين بتمثيل ودموع التماسيح : ندى قدري مشاعري اني اقعد مع واحد يبتزني عشان وثقت فيه
ندى باستسلام : طب انا هاقوله ايه
نرمين : حاولي تاخدي منه الصور ولو عايز فلوس انا مستعدة ادفعله اللي هو عايزه
راحت ندى لاحمد
ونرمين كلمت عادل : انت فين قربت توصل طيب تمام انا مستنياك بره
وصل عادل وبقرف : عايزة ايه ايه الحاجة المهمة اللي ماتتاجلش
نرمين بخبث عايزة اوريك حقيقة خطيبتك المصون
عادل بغيظ شدها من ايدها : اياك اسمعك تتكلمي نص كلمة عن ندى فاهمة
نرمين : طيب هدي نفسك وادخل شوفها قاعدة جوه مع مين مع حبيبها احمد اللي قلتلك عنه قبل كده
عادل دخل المطعم وشاف ندى قاعدة مع احمد
عادل بعصبية : انتي بتعملي ايه هنا
ندى بارتباك : عااادل
عادل بزعيق : ايوه عادل يا هانم لا يا عادل ماينفعش نخرج مع بعض لا ماينفعش تكلمني قبل كتب الكتاب قولي انك عايزة تعيشي حياتك مع حبيب القلب وافقتي عليا ليه لما انتي لسه على علاقة بيه ردي
ندى بخوف : عادل انت فاهم غلط
عادل : انا فعلا كنت فلهم غلط لما فكرت انك محترمة وقلع الدبلة رماها وسابها ومشي
احمد مبسوط من اللي حصل
ندى خرجت ورا عادل عشان تفهمه : والله يا اعادل انا مظلومة اسمعني بس
عادل بغيظ : مش عايزة اسمع حاجة ابعدي عني
ندى عنيها اتملت دموع وكانت راجعة تجيب شنطتها بس اتفاجات بحد بيكممها ثواني وغابت عن الوعي
نرمين : انت بتهبب ايه احنا ماتفقناش على كده
احمد زق نرمين بعيد ودخل ندى في العربية قبل ماحد يشوفه
ـــــــــــــــــــــــــــــــــــــــــــــــــــــــــــــــــــــــــــــــ
ادم رجع البيت بالليل وكانت اروى بتتابع الاخبار
اروى لما شافت ادم مسحت دموعها بس هو اخد باله
ادم قعد جنبها : ممكن اعرف الدموع دي سببها ايه
اروى : متضايقة عشان اميرة وايات واحدة خطيبها معتقل في اميريكا والتانية جوزها مسجون هنا
ادم باستغراب : هو محمد ده يبقى خطيب صاحبتك
اروى هزت دماغها بايوه
رن نليفون ادم وكانت نادين
ادم : ايه ... ازاي يعني مارجعتش لدلوقتي ...... مين نرمين دي ..... خلاص خلاص انا هاكلم عادل يمكن يعرفها وقفل ورن على عادل
ـــــــــــــــــــــــــــــــــــــــــــــــــــــــــــــــــــــــــــــــــــــــ
عادل بيفكر ( شفت عشان تبقى تسمع الكلام من الاول قولتلك انها زي غيرها مصدقتش ..... انت ايه اللي عملته ده مش كنت تسمعها الاول ..... بس هي ليه ماقالتليش انها خارجة .... انت ناسي ان نرمين هي اللي كلمتك يبقى اكيد الموضوع فيه ان ..... ااااه ياربي تعبت ....بكرة هاكلمها وافهم منها الموضوع ... تكلمها !!! وانت فاكر انها هاتبص في وشك بعد اللي عملته ..... لا لا ندى طيبة وهاتسامحني .... بس عايز اعرف من الحيوان ده وكانت قاعدة معاه ليه )
( وده عايز ايه ده كمان ) : الو .... ايوه يا استاذ ادم ...ايه مارجعتش لدلوقتي
اه اعرف بيتها خلاص انا هاروح اشوفها
وطلع بسرعة على بيت نرمين
عادل قال للشغالة تناديله نرمين وهو على اعصابه ( غبي غبي طالما فيها نرمين كان لازم تفكر انها بتدبر مصيبة )
نزلت نرمين وهي خايفة
عادل بعصبية وماسك نفسه : فين ندى
نرمين بارتباك : وانا انا ايه اللي عرفني
عادل بغيظ : هي مارجعتش البيت لدلوقتي انطقي قولي هيا فين
نرمي بحقد : وانت عايز منها ايه خليها تروح في ستين داهية انا يا عادل اللي بحبك انا
عادل لوى دراعها : وانا باكرهك عارفة باكرهك قد حبي لندى قولي هيا فين ومين اللي كان معاها قبل مارتكب فيكي جريمة
نرمين بخوف ماعرفش والله ماعرف
عادل : خلاص اخوها بلغ البوليس وانا هاتهمك انك المسئولة عن اختفاءها انطقي احسنلك
نرمين : انا ماليش دعوة انا اتفقت معاه اننا نقولها انه بيهددني بصور وهي تروح تجبهم عشان تشوفها معاه ونوقع بينكم ماكنتش اعرف انه هايخطفها
عادل خلاص اتجنن رماها على الارض وشدها من شعرها : هو مين يا حيوانة انطقي
نرمين : احمد عبدالمجيد والله انا ماليش ذنب مكنتش اعرف انه هايعمل كده
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
رجع ادم البيت بعد الفجر
اروى بقلق : طمني وصلتوا لايه
ادم قعد وحط ايديه على وشه : مفيش لو وصلوا لحاجة هايبلغوني
اروى : طب ادخل ارتاح شوية انت تعبت اوي النهاردة
ادم : ارتاح ازاي وانا مش عارف اختي فين
اروى : ان شاء الله هاتكون بخير وهايقدروا يوصلوله قبل ماياذيها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ندى فاقت استغربت المكان اللي هي فيه وقامت مفزوعة ملقتش حد حواليها
بعد شوية دخل احمد : كل ده نوم صباح الخير
ندى بخوف : انت مين وعايز مني ايه
احمد : انا احمد عايز منك ايه بقى عايز اتجوزك
ندى مصدومة : انت مجنون انا مخطوبة وبحب خطيبي
احمد ضحك بصوت عالي : ههههههههههه بتحبيه !!! وقرب منها ورفع وشها لفوق بس هو مايستهلش حبك انا باحبك اكتر منه
ندى : ............
احمد : مش مصدقاني ها اسمعي بنفسك وشوفي وسمعها مكالمة عادل اللي سجلتها نرمين
ندى عنيها اتملت دموع مش مستوعبة اللي بيحصل
احمد قرب ومسح دموعها قبل ماتنزل : هو مايستهلش دموعك دي
ندى بعدت عنه بخوف
احمد : ماتخافيش انا مش هاذيكي انا ماقدرش اذيكي اصلا
ندى بتردد : طيب سيبني امشي
احمد ابتسم : موافق بس بشرط
ندى : ايه هو
احمد : تمضيلي على الورقة دي
أنت تقرأ
اغتصاب شرعي - الكاتبتين إيمان المصري و منار العمدة
Romansجميع حقوق الملكية تخص الكاتبتين إيمان المصري و منار العمدة استيقظت لتجد نفسها كما هي على كنبة في زاوية من الغرفة و بالرغم من جمال المكان ورقي ديكوراته و سعته الا انها تشعر انه اضيق من عنق الزجاجه تشعر ان جدران الغرفه تطبق علي انفاسها لتشعر باختناق ف...
