اغتصاب شرعي - الكاتبتين إيمان المصري و منار العمدة

الفصل السادس

في امريكا

_ محمد رجع الشقة بعد حوار طويل مع جون وماك

عامر مسح دموعه بسرعة وبابتسامة : يا هلا ليش اتاخرت والله برد الاكل

محمد اخد باله بس ماحبش يضايقه : ههههههه لة اعرف انك عاملنا اكل كنت جيت من زمان

عامر حط الصورة في الدرج وخرج : غير ملابسك والحقني

محمد بتنهيدة : ربنا يصبرك يا عامر

_ غير هدومه وخرج لقى عامر مجهز الاكل

محمد بيحاول يخرجه من اللي هو فيه : تعرف النهاردة كنت مع اتنين امريكان
كنت باكلمهم عن الاسلام احنا فعلا مقصرين قوي في حق ديننا في ناس ماتعرفش حاجة عن الاسلام خالص

عامر بحزن : ايه معك حق

محمد : عامر مش هاتنسى الموضوع ده بقى بقالك 6 سنين تعذب في نفسك

عامر بالم : كيف انسى قولي كيف ورجع بضهره لورى
تعرف اتزوجت وانا عمري 19 سنة كنت احبها كتير لكن اتوفت وهي تولد اياد
رضيت بقضاء الله وقدره وصار اياد هو كل حياتي وفي يوم كنت بفسحه
وقالي بابا رجولي عم يوجعوني وشلته شلته بين ايديني عشان تخترق صدره رصاصة غادرة تعرف كيف يموت ولدك بين ايديك وماتقدر تسوي شي
والله اتمنيت ان هالرصاصه اخترقت قلبي ولا مست شعره من راسه

عامر يكمل بالم وهو بيحاول يمسك دموعه : قولي اي شرع واي دين يسمحلهم انهم يغتصبوا ارضنا ويقتلوا اطفالنا وين راحت حقوق الانسان ليش الكل جي لعندنا وغمض عيونه ليش....... قولي انت شو بتسمي هذا الوضع

محمد بتنهيده : اسميه اغتصاب شرعي colonthree رمز تعبيري

اغتصبوا ارضنا واقنعوا العالم كله ان ده وطنهم وبقينا احنا الغرب وهم اصحاب الارض

ـــــــــــــــــــــــــــــــــــــــــــــــــــــــــــــــــــــ

ادم : مفيش حاجة بس البشمهندس عبدالله تعب شوية ونقلوه المستشفى

محمود : ايه امتى ده حصل لا حول ولا قوة الا بالله

ادم : اطمن ان شاء الله خير انا قولت ابلفكم عشان ماتتخضوش لو سمعتوا من بره

محمود : جزاك الله خيرا اتفضل حضرتك وانا هاجيب والدتي واجي

ادم : لا انا كده كده رايح المستشفى هاوصلكم في طريقي

_ بعد ربع ساعة خرج محمود ووالدته وباين عليها الانهيار

الام بحزن : ادم يابني قولي الحقيقة عبدالله ماله ايه اللي حصله

ادم : مفيش حاجة يا طنط هو كويس ان شاء الله وهاتطمني عليه بمفسك ان شاء الله

ـــــــــــــــــــــــــــــــــــــــــــــــــــــــــــــــــــــــــــــــــــــ

في المستشفى

محمود : طمني يا عمي ايه اللي حصل بابا ماله

عبدالرحمن : مش عارف والله يابني السكرتير كلمني وقالي انه اغمى عليه
ومن ساعة ماجينا والدكاترة معاه جوه محدش خرج

_ بعد نص ساعة خرجوا الدكاترة

عبدالرحمن : طمني يادكتور

الدكتور : واضح انه اتعرض لصدمة شديدة وده سببله جلطة في المخ

محمود : اللهم اجرنا في مصيبتنا واخلفنا خير منها

ام محمود انهارت وقعدت على الكرسي : لا حول ولا قوة الا بالله لا حول ولا قوة الا بالله

ادم : انا هاروح الشركة اشوف ايه اللي حصل واتابع الشغل هناك

محمود : استنى يا بشمهندس انا جاي معاك

ادم : لا خليك انت مع والدتك هي محتاجاك

عبدالرحمن : خليك انت يامحمود وادم ادرى منك بالشغل

محمود : ربنا يجازيك خير يابشمهندس

ام محمود : محمود اختك محدش قالها روح تلاقيها رجعت البيت دلوقتي هاتها وتعالى

محمود : حاضر

_ خرج محمود واخد كل الفلوس اللي في جيبه واتصدق بيهم
وصل البيت وكانت اروى لسه مارجعتش صلى ركعتين وفضل يدعي لوالده بالشفاء العاجل

عن أبي أمامة الباهلي رضي الله عنه قال : قال رسول الله صلى الله عليه وسلم : " داووا مرضاكم بالصدقة " – صحيح الجامع

_بعد شوية وصلت اروى ومحمود قلها وراحوا المستشفى

ــــــــــــــــــــــــــــــــــــــــــــــــــــــــــــــــــــــــــــــــــــ

ندى مستنية ادم بره الجامعة : الله بقى هو اتاخر النهاردة كده ليه

عادل : دكتورة ندى ازيك عاملة ايه

ندى بارتباك : الحمدلله كويسه وطلعت التليفون ورنت على ادم

عادل لنفسه : ( وبعدين بقى مانا لازم اشوفلي حل )

ندى بعدت شوية : ايوه يا ادم اتاخرت ليه ....... ايه امتى ده حصل ....... طيب انا هاروح ازاي دلوقتي ..... طيب كلم بابا يبعتلي السواق

عادل سمع المحادثة لانها مكنتش بعيد اوي : احم اتفضلي حضرتك اوصلك احنا زملا ومفيهاش حاجة

ندى : لا شكرا اخويا هايبعتلي السواق بعد اذنك وسابته ومشيت

عادل بصدمة : ( اخوها يعني ادم ده يبقى اخوها لا لا يمكن بتستهبل تستهبل ازاي هي كانت بتكلمه عادي وانا سمعت المكالمة كلها الله طب نرمين هاتكدب عليا ليه
لاااااااااااااا الموضوع ده فيه ان وانا لازم اعرفها )
ــــــــــــــــــــــــــــــــــــــــــــــــــــــــــــــــــــــــــــــــــ

كريم : يعني ايه الموضوع مش هايتنشر

رئيس التحرير : انت عارف اللي انت بتهاجمه ده ليه اعلانات عندنا بتجيب اراح للمجلة بنسبه 50 %

كريم بسخرية : اه والمفروض اننا نقدم فروض الولاء والطاعة ونقولهم احنا اسفين كملوا نشر الفساد زي مانتوا عايزين عشان اعلانتكم بتجيب ارباح للمجلة

رئيس التحرير بعصبية : كريم واضح انك اتعديت حدودك وانا بانبهك دي اول واخر مرة اتفضل على مكتبك
ــــــــــــــــــــــــــــــــــــــــــــــــــــــــــــــــــــ
ادم راح لشركه المهندس عبدالله عشان يشوف ايه الاخبار
السكرتير اول ماشافه جاله بسرعه : ها يابشمهندس اخبار البشمهندس عبدالله ايه
ادم : الحمدلله ادعيله هو حاليا لسه ف العنايه بس هو ايه اللي حصل
السكرتير : كان جاله فاكس بخصوص الصفقه اللي كان داخلها واول ما قري الفاكس اغمي عليه
ادم : طيب هو فين الفاكس
السكرتير : لسه مكانه ع مكتبه
ادم : خلاص تمام انا هدخل اشوفه
ودخل وشاف الفاكس عرف انه خسر الصفقة وكل فلوسه في السوق
ادم بتاثر : لا حول ولا قوه الا بالله ليه حق يدخل ف الغيبوبه

ادم : كل رؤساء الاقسام يكونوا عندي بعد ربع ساعة هانضاعف فترة الشغل واول مالشركة توقف على رجليها من جديد هنصرف مكافئات لكل العمال

السكرتير : حاضر يافندم