اغتصاب شرعي - الكاتبتين إيمان المصري و منار العمدة

الحلقه الحادية عشر

_ ادم فضل ورى اروى لحد ماوصلت البيت

ادم : ايه ده ده بيت عمي عبدالله معقولة تكون هي لا لا اسال البواب عشان اتاكد

ونزل راح للبواب

البواب : اهلا استاذ ادم

ادم : ازيك يا عم علي عامل ايه

البواب : الحمدلله بخير اتفضل

ادم : احم اه ماشي بس هي اروى اللي دخلت دي ولا مين اصلي ماخدتش بالي منها

البواب : ايوه هي

ادم بفرحة : بجد وارتبك احم اصل انا كنت في مشوار قريب وقلت اعدي اسلم على البشمهندس

_ دخل ادم وكان عبدالله في الصالة

عبدالله : هههههههههه انت عايز تعمل الخطوبة قبل الرؤية الشرعية انت مش عايز تشوف العروسة ولا ايه

ادم ( مانا شفتها وايه الرؤية الشرعية دي ) : ها لا بس انا مستعجل عموما يا عمي اللي تشوفه بس ممكن الرؤية الشرعية تكون بكرة

عبدالله : ماشي انا هابلغ اروى وارد عليك بس الخطوبة هانعملها على الضيق كده

ادم بفرحة : مش مشكلة انا اصلا مبحبش الدوشة

وبعد ماتفقوا خرج ادم فرحان : يانهار ابيض نسيت ندى ورن عليها ماردتش

ــــــــــــــــــــــــــــــــــــــــــــــــــــــــــــــــــــــــــــــ
_ محمد وعامر نقلوا للسكن الجديد

محمد راجع من الجامعة وكان في اطفال بيلعبوا في الشارع وخبطوا فيه الكورة

مارتن : اهربواااااااااااا

جو بعصبية : لا ساذهب واحضر منه الكرة

مارتن : ماذا تفعل يا احمق انه الارهابي الذي يسكن في المنزل المجاور اتريد ان يقتلك

جو بعند : لا ساحضر منه الكرة مهما تكلف الامر وراح لمحمد

محمد ماسك الكورة ومبتسم

جو : انت !!! اريد الكرة

محمد بابتسامة : اممم ساعطيها لك لكن بشرط

جو بملل : وما هو

محمد : تخبرني لماذا هرب اصدقاءك

جو : لانهم يعتقدون انك ارهابي

محمد : وماذا عنك ؟ هل تظن اني ارهابي ؟

جو رفع كتفيه : لا اعلم لكني ارى في التلفاز ان كل من لديه مثل هذه ارهابي وشاور على لحية محمد

محمد : ههههههههه وان قلت لك انهم مخطئون هل ستصدقني

جو : اممممم ساصدقك ولكن اعطني الكرة اولا

_ محمد اداله الكرة واخدها جو وجري ومدله لسانه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ

عادل لف ورا وشاف ندى سانده دماغها على الشباك ونايمة

ابتسم وركن العربية

ــــــــــــــــــــــــــــــــــــــــــــــــــــــــــــــــــــــــ

محمود طلع لاروى

محمود : اروى يارورو

اروى : انت كل ماتيجي لازم تعملي دوشة كده

محمود : معلش نستحملك شوية عشان انتي العروسة بس

اروى : رخم

محمود: هههههههه انزلي بابا عايزك تحت

_ نزلت اروى سلمت على والدها

عبدالله : تعالي يا اروى اقعدي جنبي

اروى قعدت جنب والدها : خير يابابا محمود قالي انك عايزني

عبدالله : ادم كان لسه هنا و عايز الرؤية الشرعية تكون بكرة

اروى : بسرعة كده

عبدالله : وايه اللي يخلينا نستنى

اروى : ماشي يابابا اللي تشوفه

_ بعدها طلعت وطلع وراها محمود

محمود : يا اختي اضحكي في عروسة تبقى مكشرة كده

اروى : مش عارفة خايفة وبعدين ايه اللي خلاهم يحددوا الرؤية الشرعية
بسرعة كده

محمود : انتي مش استخرتي

اروى : استخرت وهاستخير تاني ان شاء الله

محمود : خلاص سيبيها على ربنا وان شاء الله خير
ـــــــــــــــــــــــــــــــــــــــــــــــــــــــــــ
في بيت كريم

الام : نورت بيتك يا حبيبي

كريم : منور بيكي يا ست الكل

ام ايات : ثواني والغدا يكون جاهز

كريم : لا يا خالتي ماتتعبيش نفسك انا هاطلب دليفري

ام ايات : انا جهزت الغدا وخلاص ولا انت بقى مش عايز تاكل من ايدين خالتك

كريم : هههههه هو انا اطول انا بس مش عايز اتعبك

ام ايات : مفيش تعب ولا حاجة دي قومتك بالسلامة عندنا بالدنيا تعالي يا ايات سلمي على ابن خالتك

ايات في اوضتها : مفيش حد في البيت ده مراعي اني منتقبة ايه الغلب ده ياربي انا احسن اعمل نفسي ماسمعتش

ام ايات : يا ايااااات

ايات : حاضر جاية ولبست نقابها وخرجت

ايات : ازيك يا استاذ كريم

كريم ( استاذ ماشي يا ايات ) : الحمدلله ازيك انتي يا ايات عاملتي ايه في الامتحانات

ايات : الحمدلله والف سلامة لحضرتك شفاك الله وعافاك

كريم : الله يسلمك

ــــــــــــــــــــــــــــــــــــــــــــــــــــــــــــــــــــــــــــــ

احمد : ها عملت اللي قولتلك عليه

....: تمام يا باشا هو ماسك شركات الهادي حاليا وخاطب بنته
ونقطة ضعفه اخته الصغيرة ندى

احمد : اممممممم كويس طيب عايزك تجبلي صورة ليها

...: وانا تفوتني حاجة زي دي اتفضل الظرف ده فيه صور ليه ولاخته بس خطيبته مالحقتش اجبلها صور

احمد : طيب روح انت
طيب يا سي كريم لما نشوف اخرتها معاك انت وااللي اسمه ادم ده
وفتح الظرف
وفجاة قام وهو ماسك صورة : مش معقوووول ندى عبدالرحمن
ـــــــــــــــــــــــــــــــــــــــــــــــــــــــــــــــــــــــــــ
ندى حست ان العربية وقفت ورفعت دماغها لقت عادل بيبصلها ومبتسم

ندى باحراج : وقفت ليه في حاجة

عادل ارتبك : ها لا شكل العربية عطلت

ندى : طب انا هاكلم ادم

عادل : لا لا هي على طول تعملها معايا انا هانزل اشوفها

نزل عادل ومعملش حاجة لان مكنش في حاجة في العربية اصلا بس بيداري احراجه من ندى اللي شافته وهو بيبصلها وهي نايمة

ندى : اتصلحت

عادل : هه اه ومشي

وبعد شوية عادل : خلاص وصلنا

نزلت ندى وشكرته

عادل : ندى

لفت ندى : نعم

عادل ممكن اطلب منك طلب

ندى باستغراب : اتفضل

عادل : خلي بالك من نفسك ومتثقيش في حد بسهولة كده

_ ندى مستغربة ( يمكن بيقول كده لاني ركبت معاه وانا ماعرفوش فعلا انا ازاي باثق في الناس بسرعة كده )

عادل حس انها بتفكر في كلامه وقاطعها : هههههه مش ناوية تدخلي

ندى : ها لا داخله اهه

_ عادل اطمن انها دخلت ومشي ورجع الجامعة

ــــــــــــــــــــــــــــــــــــــــــــــــــــــــــــــــــــــــــــ
نرمين : ايه ده يابني انت كنت فين كل ده

عادل : لا كنت في مشوار كده

نرمين : ماشوفتش ندى

عادل : ها لا بتسالي ليه

نرمين بفرحة : اصلها خرجت بدري اكيد ماعرفتش تحل

عادل : انتي ليه بتكرهيها كده

نرمين بارتباك : انا مين قال بالعكس دي هي اللي بتكرهني وانا باعاملها بنفس طريقتها

عادل ( انا مش عارف هي ايه اللي وقعها في الحية دي بس انا مش هاسمحلك تاذيها )