اغتصاب شرعي - الكاتبتين إيمان المصري و منار العمدة

الحلقة التاسع والعشرون

نرمين في اوضتها بتبكي ( اشمعنا ندى الكل بيحبها ليه محدش بيحبني انا ليه كل الناس كارهاني حتى بابا وماما ...... انا خلاص تعبت انا هاموت نفسي اذا كان محدش في الدنيا بيحبني ولا يهمه امري وحاسين اني عبا عليهم يبقى انا هاريحهم مني وانتحر )

ـــــــــــــــــــــــــــــــــــــــــــــــــــــــــــــــــــــــــــــــــ

ندى مصدومة : مستحييييييييييييييل انت اكيد مجنون انا مستحيل اتجوز عرفي ومن ورا اهلي

احمد : ومين قالك اننا هانتجوز عرفي انا هاعملك اكبر فرح في الدنيا بس الورقة دي عشان لما تخرجي من هنا اضمن انك ليا

ندى استجمعت شجاعتها وصرخت في وشه : ومين قال اني عايزة اتجوزك هو الجواز بالعافية

احمد بعصبية : ومش عايزة تتجوزيني ليه .. عشان لسه بتحبيه صح

ندى بانهيار : انا مش باحب حد سيبوني في حالي بقى

احمد : كدابة لسه بتحبيه بعد كل اللي سمعتيه ولسه بتحبيه برضه انا هاقتله لو ماقدرتش اشيله من قلبك يبقى امحيه من الوجود وكان خارج

ندى مسكت رجليه : لاااااااااااا الله يخليك بلاش

احمد رفعها من الارض وابتسم بسخرية : مش قولتلك لسه بتحبيه

ندى بتبكي

احمد بعد عنها وخبط الحيط بكل قوته : خلاص خليكي هنا يا اما تمضي على الورقة اللي جنبك

ندى : حرام عليك انت مش خايف من ربنا

احمد ارتبك : واخاف ليه هو انا اذيتك في حاجة انا كان ممكن اعمل اكتر من كده
بس حبي ليكي هو اللي حاميكي مني

ـــــــــــــــــــــــــــــــــــــــــــــــــــــــــــــــــــــــــــــــــــــــ

عادل لسه راجع من بره

والدته : مفيش اخبار برضه

عادل منزل دماغه : لا

والدته : طب ماتعرفوش هو خطفها ليه يعني عايز فدية مثلا ولا في مشاكل مع اخوها في الشغل

عادل بضيق : ماعرفش يا ماما

والدته : ربنا يحفظها وترجع بالسلامة

عادل : اه بس لو اعرف مكانه اقطعه حتت

ـــــــــــــــــــــــــــــــــــــــــــــــــــــــــــــــــــــــــــــــ

في اميريكا

الظابط : فكرت بتفجير الطائرة انتقاما لمقتل صديقك اليس كذلك

محمد : لا هذه افتراءات

الظابط : اذا فانت مصمم على الانكار

محمد : انا لم افعل شئ لانكره

الظابط : اخبرنا مع اي المنظمات تعمل

محمد : لا اعمل مع اي منظمة

الظابط : غدا محاكمتك وستنال اقصى عقوبة لتكون عبرة لامثالك

محمد : وما الداعي للمحاكمة ان كان حكمكم قد صدر

الظابط : لا شان لك بذلك

ــــــــــــــــــــــــــــــــــــــــــــــــــــــــــــــــــــــــــــــــــــــــــــ
هادي : ماما هو بابا كريم مبقاث يجي عندنا ليه

هناء بعصبية : انا مش قلت مش عايزة اسمع سيرة كريم ده تاني مفيش حد اسمه كريم خلاص

هادي ببراءة : يعني هو مش هايزورنا تاني

هناء : لا
ــــــــــــــــــــــــــــــــــــــــــــــــــــــــــــــــــــــــــــــــــــــــــــ

ندى : لو انت بتحبني بجد مكنتش عملت كده

احمد قام فتح الدولاب وطلع منه صورة كبيرة متبروزة : شوفي

ندى استغربت : دي صورتي انت اللي راسمها ؟

احمد بابتسامة : رسمتها من سنتين كانت اول مرة اشوفك فيها كان شكلك حلو بلبس المدرسة حاولت اقرب منك واتقدملك بس صاحبتك قالتلي انك بتحبي واحد تاني حاولت انساكي بس ماقدرتش عرفت بعدها انها كانت بتكدب والظروف جمعتني بيكي تاني بس انا دلوقتي اتغيرت ومش هاسيبك زي زمان

ندى رفعت عنيها وبتحدي : اتغيرت فعلا بس للاسوا

احمد : ههههههه مانا عارف اني دلوقتي اسوا وسكت شوية وكمل بس محدش يعرف ايه اللي خلاني بقيت كده كل اللي حواليا بيكرهوني بس بيخافو مني انتي فاكرة ان اللي انا فيه ده عاجبني

ندى : وايه اللي جابرك عليه

احمد نزل دماغه في الارض و بالم : عارفة انا كنت رسام وكنت باجهز لاول معرض في حياتي كنت بعيد عن شغل ابويا وحياتي كلها مع والدتي وكنا عايشين على قدنا والدتي رفضت تعيش مع ابويا لان فلوسه حرام هو حاول كتير يدخلني معاه في شغله كنت بارفض عشان كده بعت رجالته قبل الافتتاح بيوم حرقولي المعرض
ماياستش وحاولت زق عليا شله ضايعة اتصاحبت عليهم بداو يجروني من بلوة لمصيبة لحد مادمنت والدتي اتوفت وبقت محتاج فلوس عشان السم اللي باتعاطاه
ورحت لابويا واشتغلت معاه وعرفت بعدها انه سبب كل اللي حصلي حتى الادمان
هو اللي حرضهم يحطولي مخدرات في الشاي لحد مادمنت

,,,,,,,,,,,,