اغتصاب شرعي - الكاتبتين إيمان المصري و منار العمدة

الفصل الحادى وثلاثون

في قسم الشرطة
الظابط بارتباك : انا اسف جدا يا احمد بيه مكناش نعرف مين حضرتك
احمد : يعني اقدر امشي
الظابط : تحب ابعت حد يوصلك
احمد : لا مفيش داعي
وخرج احمد و كلام ندى بتردد في دماغه ( انا واثقة انك تقدر ترجع احمد الاولاني
انا واثقة انك تقدر ترجع احمد الاولاني
انا واثقة انك تقدر ترجع احمد الاولاني )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ادم : مقالتش ايه اللي حصل
اروى : لا هي نامت خليها ترتاح شوية وبعدين تبقى تحكيلنا
ادم : وفين نادين
اروى : اصرت تنام معاها كانت خايفة عليها اوي
سلمى دخلت بسرعة : ادم فين ندى صحيح اللي سمعته
ادم : سمعتيه واخرتها يا ماما بقيتي تسمعي اخبارنا من الناس
سلمى والدموع ماليه عنيها : فين ندى باقولك
ادم اخد نفس : ندى فوق اطمني هي بخير
سلمى طلعت اوضه ندى تطمن عليها وكانت نادين ننايمة جنبها : ندى حبيبتي انتي بخير
ندى بتعب : انا كويسة يا ماما متقلقيش
سلمى حاسة بالندم : انا اسفة يا حبيبتي انا فعلا مقصرة في حقكم اوي بس خلاص من هنا ورايح مفيش اهم منكم عندي وحضنت ندى
نادين حست بالاحراج وكانت خارجة
سلمى مسحت دموعها وبابتسامة : نادين رايحة فين مش عايزة تقعدي مع ماما شوية
نادين ابتسمت وراحتلهم وسلمى حضنتهم هم الاتنين
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
احمد واقف قدام المسجد ومتردد
الشيخ : مستني حاجة يابني
احمد ارتبك : ها لا وسابه وكان ماشي
الشيخ مسك ايده : على فين مش هاتصلي
احمد اتوتر : اه لا اقصد يعني انا عندي مشوار مهم
الشيخ قاطعه وبابتسامة : هو المشوار ده اهم من الصلاة
احمد : لا بس
الشيخ : مبسش ادخل صلي وبعدين روح مكان مانت عايز
احمد بندم : لا سبني انا ماستهلش ادخل المكان ده
الشيخ : المكان ده مفتوح لكل مسلم مهما كان اللي عملته خلي بينك وبين ربنا باب مفتوح تعالى معايا ومش هاتندم
دخل احمد وجواه احساس بخوف ندم فرحة مش عارف هو حاسس بايه
ـــــــــــــــــــــــــــــــــــــــــــــــــــــــــــــــــــــ
هناء بتتفرج على التليفزيون
وهادي بيلعب جنبها
هناء : هادي بطل الدوشة اللي انت عاملها دي ادخل العب جوه
هادي : طب انا عاوذ عثير
هناء : هو كل شوية عصير مفيش عصير ادخل العب جوه يلا
هادي استنى شوية واتسحب للمطبخ يدور على عصير شاف علبة كلوريكس على الارض اخدها
هادي فرحان : هع عثير
ــــــــــــــــــــــــــــــــــــــــــــــــــــــــــــــــــــــــــــــــــــــــ
تاني يوم
نزلت ندى تقعد مع اخواتها يمكن تنسى اللي هي فيه
كانت نادين واروى في الجنينة ونادين بتسقي الزرع
سلمى سمعت اصواتهم بره خرجت لهم : صباح الخير ياولاد
سلمى : هههههه والله اللي يشفكم يقول انكم لسه عيال وراحت قعدت جنب اروى
نادين : خلااااااااااااص حرمت كفاية غرقتيني
ندى : تستاهلي انتي اللي ابتديتي والبادي اظلم
نادين راحت جابت خرطوم تاني : هع هع هع انها الحرب
ندى : هاخد برد يامجنونة وجريت تستخبى في اروى
اروى اتفاجات بشلال الميه اللي نزل عليها : هيييييييييي كده طب استني عليا
وعملت هيا وندى جبهة ضد نادين
نادين : لا بقى اتنين على واحد حرام
سلمى : وانا مع نادين
نادين : قشطه كده الفريق اكتمل وابتدوا حرب الميه
ادم راجع من الشغل والارض كلها ماية اتزحلق ووقع في الارض
كلهم : هههههههههههههههه
ادم مبسوط انهم كلهم متجمعين : بتعملوا ايه يا مجانين
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفى
هناء : طمني يادكتور
الدكتور : ابنك شرب كمية كبيرة
هناء بخوف : يعني ايه
الدكتور : ادعيله
ــــــــــــــــــــــــــــــــــــــــــــــــــــــــــــــــــــــــ
الشيخ : انت ماروحتش من امبارح ؟
احمد : خايف اخرج ماقدرش ارجع تاني
الشيخ : ايه اللي يمنعك ترجع
احمد بندم : ذنوبي
الشيخ : ربنا غفور رحيم ارجع لربك وهو عمره ماهايخذلك
احمد : الا قولي يا شيخ انا ليا واحد صاحبي الظروف اضطرته انه يقتل تفتكر ربنا ممكن يغفرله
الشيخ : قال الله تعالى: (وَالَّذِينَ لا يَدْعُونَ مَعَ اللَّهِ إِلَهاً آخَرَ وَلا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلا يَزْنُونَ وَمَنْ يَفْعَلْ ذَلِكَ يَلْقَ أَثَاماً يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَاناً إِلَّا مَنْ تَابَ وَآمَنَ وَعَمِلَ عَمَلاً صَالِحاً فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَحِيماً) [الفرقان:68-69-70].
احمد بفرحة : يعني ممكن ربنا يغفرلي قصدي يغفرله
الشيخ ابتسم : شوف كفارة القتل عتق رقبة مؤمنة فان لم تجد تصوم شهرين متتابعين وتدفع الدية اللي يطلبها اهل القتيل ده في حالة لو اهل القتيل وافقوا انما لو طلبوا القصاص تسقط الكفارة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هناء قاعدة جنب ابنها وبتبكي : يارب انا ماليش غيره في الدنيا يارب احفظهولي
ده اكيد ذنب كريم انا السبب في اللي هو فيه لازم اشهد واخرجه هو برئ ومايستهلش كل اللي بيجراله
ـــــــــــــــــــــــــــــــــــــــــــــــــــــــــــــــــ
ادم : لعبنا وهزرنا افتكر دلوقتي تقدري تحكيلي كل اللي حصل
ندى حكتله كل اللي حصل بس مقالتلوش على موضوع عادل
ادم مستغرب : انا مش مستوعب اللي انتي بتقوليه ده مش احمد عبدالمجيد ده اللي كان كريم بيكتب عنهم
ندى : ايوه هو
ادم : ربنا يهديه هو وابوه
ندى : يارب
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هناء راحت قدمت شهادتها من غير ماتجيب سيرة عبدالمجيد في التحقيق
وافرجوا عن كريم
ــــــــــــــــــــــــــــــــــــــــــــــــــــــــــــــــــــــــــــــــــــــ
اروى : ادم انا هاروح ازور اميرة نص ساعة وارجع مش هاطول
ادم : لا استني هاوصلك مفيش جديد في موضوع خطيبها
اروى : للاسف لا
ادم : خلاص بكرة ان شاء الله هاروح السفارة ونشوف نقدر نساعدة بايه
اروى بفرحة : بجد انا والله مش عارفة اقولك ايه
ادم ابتسم : ماتقوليش حاجة يلا قدامي عشان منتاخرش