اغتصاب شرعي - الكاتبتين إيمان المصري و منار العمدة

الفصل الثامنة عشر

في طريقهم للفندم
ادم طول الطريق مبسوط (( هههههه الكل بيوصوني عليها ميعرفوش انها ساكنه جوه قلبي مش محتاجه توصيه ))
اروي طول الطريق مخنوقه (( يارب انا ماليش غيرك ,, يارب انا مش عارفه اعمل ايه ,, واتصرف ازاي ,, يارب وكلت امري اليك ))
بعد ربع ساعه كانو وصلو جناحهم ف الفندق
اروي دخلت الاوضه مخنوقه
ادم كان لسه قاعد ف الصاله بتفكير (( حتي بابا اليوم ده كمان مشغول ومقدرش يكمل معايا لاخر الفرح وماما هي التانيه حتي مقتدرتش تتنازل وتيجي تسلم عليا ))
وبعدين نفض دماغه (( والله انا اجيب النكد لنفسي حد ف يوم فرحه علي الانسانه اللي كان بيحلم بيها وبيتمناها ويفكر بحاجه تانيه تنكد عليه,, انا كفايه عليا اروي دي احلي حاجه حصلتلي ف حياتي ربنا يقدرني واسعدها ))
اروي دخلت الاوضه انهارت (( ولا حاجه من اللي حلمت بيها اتحققت ,ده اكيد انا عملت ذنب وربنا يعاقبني عليه,, بس انا لازم الاقي حل ,, الوضع ده مينفعش يستمر كتير ,,,,
_استغفر الله العظيم يارب انا حصلي ايه بس ,, انا كده بعترض ع قضاء ربنا ,, اكيد ربنا ليه حكمه في كده ))
وقامت بفستانها ودخلت الحمام تغسل وشها
ف الوقت ده
ادم (( ايه ده هي اتاخرت كده ليه خليني ادخل اشوفها ))
خبط ع الباب مردتش عليه فخاف عليها ففتح الباب ودخل
كانت اروي غسلت وشها وخارجه من الحمام
اول ما شفته اتضايقت وراحت قعدت علي الكنبه اللي ف الاوضه
ادم استغرب انها لسه مغيرتش بس ما اهتمش وراح قعد جنبها
ادم :: انتي عارفه يا اروي انا فرحان اوي ان ربنا كرمني بيكي ,دي احلي حصلتلي ف حياتي,انا طول عمري باحلم ان ارتبط بواحده باخلاقك كده والحمدلله ربنا حققلي حلمي
اروي بعصبيه وبصوت عالي:: اه اكيد ليك حق تفرح
ما هو انتم الرجاله كده تصيعو وتعيشو حياتكم وتكلمو دي وتضحكو علي دي وف الاخر لما تفكرو تتجوزو تروحو تدورو علي واحده مكلمتش حد قبل كده
ادم مصدوم من الكلام :: انتي بتقولي ايه يا اروي انا عمري ما عرفت حد غيرك ولا كلمت حد انتي اول انسانه احبها
اروي بانهيار :: كداب , كداب , انا شفتك بعنيا مش محتاجه حد يقولي انت فاكر اني هسكت علي الوضع كتير انا مش هسكت انا وافقت علشان خاطر بس
بانهيار جامد :: اطلع بره اطلع برده مش عاوزه اشوفك
خرج ادم مصدوم من انهيارها وساب الفندق كله وخرج
_______________________________
في المستشفي
الحاج عبد الرحمن بعد ما اجراءات الدفن
راح لنادين يطمن عليها
عبدالرحمن :: نادين يابابا انتي عاملتي ايه دلوقتي يا بنتي
نادين ببكاء :: ماما وماتت اول ما والدتني وخالتو اللي ربتني خلاص سابتني هي التانيه وادم سابني واتجوز
انا ما بقاش حد فاضلي ,, انا بقيت وحيده خلاص خلاص
عبدالرحمن بحزن :: ليه بتقولي كده يا نادين اومال انا رحت فين انتي هتعيشي معايا في بيتنا ف وسط اخواتك
نادين بانهيار :: بعد ايه ها ,, اذا كان ندي اللي هي اختي مش عارفاني ,,جاي دلوقتي تعرفني عليهم
عبدالرحمن بندم :: معلش يابنتي انا غلطت بس سامحيني
ويلا انا عملتك اذن خروج وهنروح البيت تلمي حاجتك وتروحي معايا
وهما ف الطريق لشقه نادين علشان تلم حاجتها
عبدالرحمن ((( ياربي المشكله دلوقتي ابلغهم ازاي ,, خايف عليها من رد فعلهم وخصوصا سلمي (( ام ادم ))
خايف لتجرحها بالكلام والبت مش ناقص , انا ايه بس ))
وبمجرد ما وصلو الشقه
عبدالرحمن بحنيه :: بصي يا بابا خودي راحتك وجهزي حاجتك وانا رايح مشوار بسرعه كده وجاي تكوني خلصتي
نادين باستسلام :: حاضر
وركب عربيته وراح علي بيته
اروي بعد ادم خرج انهارت علي الكنبه و نامت من التعب وهي قاعده
ادم نزل مخنوق وراح قعد في حديقه االفندق باستهزاء
(( ها حتي الانسانه اللي حبيتها وفرحت انها بقت من نصيبي طلعت مغصوبه ومش طايقاني طب انا اعمل ايه دلوقتي ؟؟ اتعامل معاها ازاي ؟؟؟ دي حتي مش طايقه تبص ف وشي وشاكلها كده ناويه علي انفصال
__ ايه يا ادم انت عمرك ما استسلمت وسبت حاجه بالسهل
هتيجي عند الانسانه اللي حبيتها وتتنازل
__ يعني اعمل ايه طيب مش بحب اجبر حد عليا وما بالك بأروي
لا كرامتي ولا رجولتي تسمحلي اني اجبرها عليا
__ خلي كرامتك ورجولتك تنفعك لما تطير منك
وبعدبن مين قالك اجبرها ,, انت خدها بالسياسه
__ اخدها بالسياسه ازاي مش فاهم
__ انا اللي هقولك ازاي برده
__ صح عند حق انا مش لازم استسلم
بص في ساعه ايده (( ايه ده الساعه بقت 3 انا يدوب اروح اتكلم معاها ونجهز نفسنا علشان يدوب نلحق الطياره))
وبعدين بص لنفسه بالبدله باستهزاء (( في عريس يوم فرحه يبقي قاعد لقبل الفجر بالبدله ,, بس اصبري عليا اما خليتك تحبي زي ما حبيتك))
_________________________
في بيت الحاج عبدالرحمن
اول مادخل كانت ام ادم مستنياه
ام ادم بعصبيه:: كنت فين يا حاج عبدالرحمن لحد الفجر
مش كفايه فرح ابنك اللي ستنا الشيخه اروي بتفكريها الرجعي ده عملته قال ايه اسلامي
كسفتني قدام اصحابي مكنتش عارفه اقول ايه وهما مقعدين الستات في قاعه والرجاله ف قاعه
ابو ادم بعصبيه :: بقولك ايه انا مش فاضي لمواضيعك التافه دي
انا جاي اقولكم علي حاجه وماشي بس نادي علي ندي الاول بسرعه
ام ادم بزعيق :: من امتي اساسا في حاجه بتخصنا بتهمك
ابو ادم بصوت اعلي :: الزمي حدودك معايا
وبعدين يا هانم قبل ما تكلميني كلمي نفسك
وندي بصوت عالي :: ندي خدي بسرعه
ندي جت بسرعه من فوق علي صوت زعيقهم العالي (( اووووف يعني يوم ما يشوفو بعض لازم يتخانقو ايه القرف ده ))
ندي :: نعم يابابا علي حاجه
عبدالرحمن :: بصوانتو الاتنين من الاخركده انا متجوز وعندي بنت عندها 19 سنه وهجيبها تعيش معانا انهارده
واديني بقولكم من الاول كده
اياكم ثم اياكم اسمع بس عن ان حد فيكم ضايقاها بكلمه واحده
وخصوصا انتي يا سلمي
وبهدوء :: وانتي ياندي يابابا عاوزك تخلي بالك منها هي نفس سنك تقريبا عاوزكم تبقو اصحاب ماشي
وسابهم وخرج يجيب نادين
ندي بصدمه :: انا عندي اخت ؟؟ وكمان نفس عمري ؟
______________________
ف الفندق
اروي صحت لقت نفسها زي ما هي علي الكنبه في زاويه الاوضه وع الرغم من جمال المكان وديكوراته وسعته الا انها حاسه انه اضيق من عنق الزجاجه وحاسه ان جدران الغرفه تطبق علي نفسها وحاسه باختناق
تمنت ان كل ماحدث يبقي مجرد كابوس لا اكثر وتعود مرة اخرى لغرفتها
البسيطة التي كانت شاهدا على طفولتها واحلامها وانهمرت في البكاء وهي تتذكر كل ماحدث وقلبها يزداد كرها لهذا المغتصب الذي قضى على كل احلامها
وافتكرت اللي حصل واللي قالته لادم (( انا ايه اللي عملته ده بس
انا مش عارفه انهارده اعصابي فلتانه كده ليه
برده مهما كان عمر لا تربيتي ولا ديني يخليني اعامله كده
وبعدين مهما كان ظروفي (( والكاظمين الغيظ والعافين عن الناس))
¬¬_انا لازم اعتذرله لازم
ف اللحظه دي دخل ادم وهو مقرر يتكلم معاها بالراحه
اتصدم انها لسه بفستانها رغم ان الفجر قرب ياذن
ادم :: احم احم اروي ممكن نتكلم مع بعض شويه
اروي :: اتفضل انا برده كنت عاوزه اتكلم معاك
ادم خاف لاحسن تكون عاوزه تتطلق فبسرعه :: بصي بغض النظر عن اي حاجه انا مقدر موقفك انك ممكن تكوني مغصوبه بس تاكدي اني عمري ما هجبرك عليا وهنفذلك اللي انت عاوزاه
بس خلينا ناخد فتره مع بعض علشان خايف علي صحه الحاج عبد الله والناس هتقول عليكي ايه انك اتطلقتي من اول يوم وكده
فخلينا اصحاب الفتره دي وبعدها نبقي ابقي انفذلك اللي انتي عاوزاه علي الاقل نبقي نبرر وقتها اننا ما اتفقناش وكده
اروي فضلت ساكته
ادم ::ها اتفقنا
اروي :: اتفقنا وانا بعتذر علي طريقتي الوحشه اللي كلمتك بيها,, انا بجد اسفه
ادم :: لا ولا يهمك يلا بقي جهزي نفسك علشان ميعاد الطياره الفجر
اروي :: طياره ؟؟؟؟!!!!!
ادم بابتسامه :: اه احنا مسافرين شهر العسل بتاعنا
اروي :: طب مالوش لازمه بما اننا اتفقنا نبقي اصحاب بس
ادم :: علشان محدش يلاحظ وبعدين صح
احنا عاوزين ده يبقي سر بينا احنا الاتنين بس مش عاوز حد من اهالينا يلاحظ غير اننا زي زوجين
اروي بابتسامه :: خلاص تمام
وجهزو وصلت الفجر وسافرو الي روما
¬¬______________________________
ف امريكا
يدخل محمد الشقه يلاقي جو مع عامر
محمد بهزار:: ايه ياعامر احنا عندنا ضيوف انهارده ولا ايه؟؟
عامر بالم :: ده جو ,,لو اياد لساته عايش كان راح يكون بنفس عمره
محمد حس بحزن عامر فبهزار :: اسم البطل الصغير بتاعنا ايه ؟؟
جو :: انا بطل اه ,, ولكني لست صغير ,فهمت
محمد :: هههههههههه فهمت فهمت لا تغضب انت اكبر مني ومن عامر
جو :: نعم انا اكبر منكم