ادم : انا محتار اوي ياندى مابين عمي عبدالله و جمايله اللي مغرقانا ومابين البنت اللي باحلم اني الاقيها تعبت
ندى : طيب انت عارف هي مين وساكنة فين
ادم : لا
ندى : يبقى ايه اللي محيرك في الحالتين مش هاتقدر توصلها يبقى تسيبك من الاوهام دي وتركز بقى في موضوع اروى وصدقني اروى دي لا يمكن تلاقي زيها اتنين وبعد ماتشوفها هاتنسى البنت اللي شوفتها دي نهائي
ادم باستغراب : ليه انتي تعرفيها
ندى بابتسامة : ايوه يابني ده احنا بقينا اصحاب
ادم : اممم عشان كده واقفة معاها ضدي
ندى : ولا ضدك ولا في صفك بكرة تروح لعمو عبدالله وتتفقوا على ميعاد الخطوبة
_ دخلت والدتهم وقعدت جنب ادم : انا سامعة سيرة خطوبة مين اللي خطب
ندى بحزن : خطوبة ادم يا ماما
الام : امممم مبروك هي مين ومن عيلة مين
ندى بحزن ( يعني ده كل اللي همك )
ادم قام وبلا مبالاه : بنت عبدالله عبدالهادي
الام : كويس ناس من مستوانا
ادم بضيق : بعد اذنكم هادخل انام
ندى : يعني هاتروحي معانا بكرة يا ماما
الام : لا مش فاضية عندي حفلة مهمة وسابتها ومشيت
ندى : ( اوووووووووووووف يعني الحفلة اهم من خطوبة ادم )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محمد بتعب : ااااه من الصبح بالف على رجليا
عامر : ولقيت سكن
محمد ابتسم : الحمدلله بس المشكلة انه بعيد عن الجامعة
عامر : معليش لازم نتتعب شوي
محمد : يلا كلها 6 شهور ونرجع بلادنا
ـــــــــــــــــــــــــــــــــــــــــــــــــــــــــــــــــــــــــــــــــــــــــ
في بيت اروى
محمود : انا مش هاكدب عليكي انا ماعرفتش ادم غير لما بابا تعب وبصراحة موقفه يبين انه انسان شهم ومحترم
اروى : مش عارفة يا محمود بس الموضوع كله مخوفني
محمود بهزار : هههههههه ده طبيعي لانك اول مرة تتخطبي
اروى مسكت المخدة ورمتها عليه : انا غلطانة اني بافضفضلك
محمود : هههههههههه مانا عايزك تفرفشي كده وتبطلي الكابة اللي انتي فيها دي
وادم كلم بابا انه جاي بكرة وهايتفق معاه على كل حاجة وميعاد الخطوبة
اروى : خطوبة !!! خطوبة ايه مفيش خطوبة ولا اي كلام بيني وبينه غير بعد كتب الكتاب لازم نلتزم بالضوابط الشرعية للخطوبة
محمود : امممممممم انا هاحاول اقنع بابا قبل ما ادم يجي بس ماوعدكيش انه يقتنع
_ نزل محمود وكن ابوه في الصالة
الاب : هها كلمتها
محمود : ايوه يابابا بس هي مترددة
الاب : ليه
محمود بيحاول يوصل لحل : احم اصل بصراحة هي عايزة الخطوبة تكون بضوابط شرعية يعني مفيش كلام في التليفون ولا حفلة ولا اي حاجة غير بعد كتب الكتاب
الاب بتنهيدة : انا عارف انها عنيدة ولازم تعمل اللي في دماغها انا هاكلم ادم بس لو رفض هانعمل حفلة على الضيق كده وانت حاول تقنعها
محمود : ان شاء الله
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
في المستشفى
ادم : سلامتك يابطل
كريم ابتسم بتعب : الله يسلمك
ادم :مش ناوي بقى تبطل اللي بتعمله والدتك كانت هاتروح فيها
كريم سحب بوكيه ورد وده لادم : شوفت
ادم سحب الكارت وشاف " المرة دي قرصة ودن بس "
ادم بعصبية : شفت وكمان براتهم في التحقيقات
كريم : لا سيبك منهم انا مجهزلهم حاجة اتقل من القضية دي
ادم : تاني يا كريم تاني
كريم : انا مش هاسيبهم بس في حاجة لازم اعملها الاول
ادم : حاجة ايه
كريم بندم : انا اتشغلت بالناس و الفساد اللي في البلد ونسيت حق ربنا انا كنت خايف اموت واقابل ربنا كده انا مقصر قوي ولازم افوق لنفسي واتغير عشان لو ربنا كتب اني اموت اقابله وانا مرتاح
ادم : ماتقولش كده انت بس ابعد عن الناس دي وكل حاجة هاتبقى كويسة
ــــــــــــــــــــــــــــــــــــــــــــــــــــــــــــــــــــــــــــــــ
احمد : وايه هي الطريقة دي
عبدالمجيد : صاحب المجلة عنده ازمة ماليه وانا عرضت عليه اشاركه في المجلة ووافق
احمد : الله عليك يا بابا ونرفده بقى ونخلص منه
عبدالمجيد : لا بالعكس لما يبقى تحت ايدينا هانقدر نسيطر عليه
احمد : اها
عبدالمجيد : المشكلة انه مصاحب ادم ابن عبدالرحمن المنصوري وده اللي مخليه نافش ريشه
احمد : ولا يهمك نقصقصله ريشه
ـــــــــــــــــــــــــــــــــــــــــــــــــــــــــــــــــــــــــــ
عبدالله : بصراحة يا ادم يابني انا مش عارف اقولك ايه بس اروى حابة تاجل حفلة الخطوبة وتكون مع كتب الكتاب يعني تكون خطوبة شرعية
ادم ( كويس انها جت منها ) وبابتسامة : خلاص ياعمي اللي يريحها
_وبعد ما ادم مشي طلع محمود وبلغ اروى باللي حصل
اروى ( وافق معقولة اكون كل اللي حاسة بيه غلط ويكون انساان ملتزم )
ــــــــــــــــــــــــــــــــــــــــــــــــــــــــــــــــــــــــــ
مرت الايام بسرعة وبدات الامتحانات وفي اخر يوم قبل الامتحان
ندى تليفونها رن : الو ايوه يانرمين عاملة ايه
نرمين بكدب : ندى الحقيني انا مذاكرتيش حاجة ومخنوقة مش عارفة اعمل ايه
ندى :ليه بس كده طيب انا هاراجع معاكي اللي ذاكرته واحاول اسهر شوية عشان اخلص الجزء اللي فاضلي
نرمي ابتسمت ( وده المطلوب ) : مش عارفة اقولك ايه يا حبيبتي بس خايفة اعطلك
_ قفلت ندى من نرمين واضطرت تسهر عشان تكمل مذاكرة ومنامتش غير ساعتين
_ لكن نرمين كلمت عادل : هههههههههه يابني دي كل مرة تخرج مقفلة الامتحان مرة من نفسها ماتحلش وتحس بالناس اللي زينا
عادل نفسه يقتلها : وهتستفادي ايه يعني
نرمين : اممممم مزاج
_ دخلت ندى الامتحان وحلت وحست انها تعبانة وخرجت
عادل واقف بره اللجنة : ( غريبة دي عمرها ماخرجت قبل الوقت ) وشاف ندى راحت للكافتريا وراحلها
_ ندى كلمت ادم يجيلها لانها تعبانة ومنامتش كويس وحطت دماغها على الطربيزة ترتاح شوية
عادل : ندى
ندى رفعت دماغها : همم
عادل : مالك انتي تعبانة
ندى : لا بس مانمتش كويس امبارح
عادل : طيب قومي اوصلك
ندى : لا لا انا هاستنى نرمين لما تخرج اطمن عليها امبارح مذاكرتش كويس
عادل مصدوم : ( معقولة ياندى لسه في ناس قلبها ابيض زيك كده ) : طيب لما تخرج هابقى اخليها تكلمك تطمنك
ندى : انا كلمت ادم وهو جاي
ــــــــــــــــــــــــــــــــــــــــــــــــــــــــــــــــ
وصل ادم ولسه هايرن على ندى لكن شاف اروى خارجة مع اميرة وايات وراح وراها ونسي ندى
عادل : ندى ادم اتاخر اوي يمكن مشغول قومي اوصلك متخافيش اعتبريني السواق
والله ماهاضايقك
ندى رفعت دماغها : وعد
عادل ابتسم : وعد ( ياربي البنت دي هاتجنني )
أنت تقرأ
اغتصاب شرعي - الكاتبتين إيمان المصري و منار العمدة
Romanceجميع حقوق الملكية تخص الكاتبتين إيمان المصري و منار العمدة استيقظت لتجد نفسها كما هي على كنبة في زاوية من الغرفة و بالرغم من جمال المكان ورقي ديكوراته و سعته الا انها تشعر انه اضيق من عنق الزجاجه تشعر ان جدران الغرفه تطبق علي انفاسها لتشعر باختناق ف...
