ابو نرمين رجع من السفر
الام : حمدالله على السلامة اخيرا افتكرت ان لك بيت
الاب : انا مش فاضي لخنقاتك على الصبح
الام : ومن امتى اصلا كنت فاضي ده احنا بنشوفك في السنة مرة
الاب : خلاص انا بقى هاريحك ومش هاتشوفي وشي تاني انا جاي اخد بنتي وهاسيبلك البلد باللي فيها
سامية ارتبكت : ايه اللي بتقوله ده انت
منصور وهو طالع السلم : اللي سمعتيه واه بالمرة مفيش حاجة تشغلك عن حفلاتك
_ وطلع لنرمين اوضتها واول مافتح الباب اتفاجا : نرمييييييييييييييييييييييييييين
سامية سمعت الصوت طلعت جري وشافت نرمين والدم مغرق السرير : نرمين ردي عليا يا حبيبتي
منصور شالها وراحوا للمستشفى
ـــــــــــــــــــــــــــــــــــــــــــــــــــــــــــــــــــــــ
ادم دخل بسرعة اخد المسدس من الدرج وهو خارج قابلته اروى
اروى : ادم انت بتعمل ايه انت اتجننت
ادم : انا ابقى مجنون لو سبت الكلب ده يعيش ثانية واحدة
اروى مسكت ايده : مش هاسيبك تخرج بالمسدس ده استهدى بالله وان شاء الله ندى هاتكون بخير
ادم بعصبية : ابعدي عن طريقي يا اروى احسنلك
اروى بعند : مش هابعد انت عايز تقضي باقي حياتك في السجن
ادم سحب ايده منها وخرج
ـــــــــــــــــــــــــــــــــــــــــــــــــــــــــــــــــــــــــــــ
عادل خارج بسرعة والدته قبلته : خير يابني طمني
عادل بفرحة : لقينا ندى
الام : بجد وهي فين
عادل : في اسكندرية اشارات المرور مسجلة رقم العربية وقدروا يوصلوله
ـــــــــــــــــــــــــــــــــــــــــــــــــــــــــــــــــــــــــــــــــ
ندى مصدومة : معقولة ..... مستحيل اب يعمل في ابنه كده
احمد ابتسم بسخرية : عالم البيزنس مبيعترفش بمشاعر مبالك بقى لو واحد كل شغله حرام في حرام وهو اكبر تجار مافيا الادوية
ندى : طب ليه يعمل فيك كده
احمد : عشان يلوي دراعي وميبقاش حد احسن من حد هو بيتاجر بارواح الناس وانا مدمن مخدرات
ندى : بس ده مش مبرر ليك مش كل واحد تقابله صعوبات في حياته يستسلم ويغلط ويقول انا كنت مضطر
احمد بعصبية :انتي بتقولي كده لانك ماحستيش باللي انا عشته عارفة يعني ايه المعرض اللي كان حلم حياتي بين يوم وليله يبقى رماد عارفة يعني ايه تفقدي شخص غالي وهو اللي بيهون عليكي كل اللي انتي فيه الكلام سهل بس الفعل صعب
ندى بشفقة : مهما كان اللي حصل ايه بس تقدر ترجع زي الاول واحسن لان احمد الاولاني لسه جواك
احمد : ههههههههه ارجع زي الاول مبقاش ينفع انتي ماتعرفيش انا عملت ايه انا ماسبتش ذنب ماعملتوش
ندى : مهما كان اللي عملته ربنا غفور رحيم
احمد : تفتكري ربنا ممكن يغفر لواحد زيي
ندى : لا مافتكرش انا واثقة بس تكون توبة نصوحة
احمد : يعني لو رجعت زي الاول ممكن تحبيني
ندى ابتسمت : ربنا هو اللي هايحبك وده المهم
احمد : انتي بتحبي عادل صح
ندى : حب من طرف واحد مالوش معنى
احمد طلع المفتاح من جيبه ورماه لندى : امشي
ندى:,,,,,,,,,,
احمد : يلا بسرعة قبل مارجع في رايي
ندى قامت بسرعة اخدت المفتاح وقبل ماتخرج : هاستنى دعوة منك لمعرضك الجديد انا واثقة انك تقدر ترجع احمد الاولاني واحسن كمان
احمد : خدي التليفون ده خليه معاكي لانك هاتحتاجيه
ــــــــــــــــــــــــــــــــــــــــــــــــــــــــــــــــــــــــــــــــــ
في المستشفى
الدكتور خارج من عند نرمين
الاب : طمني يا دكتور
الدكتور : حضرتك والدها
الاب : ايوه
الدكتور : طيب اتفضلوا معايا المكتب
منصور : خير يا دكتور في ايه
الدكتور : الحمدلله انتوا جيبتوها في الوقت المناسب بس هي عندها اكتئاب شديد
وده اللي خلاها تنتحر ولازم تتابع مع دكتور نفسي
سامية : ايه اللي بتقوله ده انا بنتي مش مجنونة
الدكتور : يا هانم بنتك عندها اكتئاب والفرق بين الاكتئاب والجنون شعره
منصور : جهزلي كشف بحالتها يا دكتور انا هاخدها معايا وانا مسافر وتتعالج هناك
سامية بانفعال : انت بتقول ايه انت كمان الناس تقول علينا ايه
منصور اتجاهل كلامها : انا طيارتي الساعة 9 بالليل هي تقدر تسافر
الدكتور: هي تعبها نفسي مش جسدي وياريت تبعدوها عن اي مشاكل الفترة اللي جاية
خرجوا من عند الدكتور
سامية : انت مش سامعني ولا متعمد تتجاهلني قدام الدكتور بنتي مش هتسافر معاك ولا هاتروح لدكاترة هي زي الفل
منصور بصلها بقرف : انتي طالق
ــــــــــــــــــــــــــــــــــــــــــــــــــــــــــــــــــــــــــــــــــــــــ
ندى كلمت ادم في التليفون
ادم : يعني انتي بخير ...... ازاي يعني في الشارع وفين اللي اسمه احمد عبدالمجيد
ندى : لما تيجي هافهمك كل حاجة بس تعالى بسرعة
ادم : انا في الطريق انا وعادل نص ساعة ونكون عندك
ــــــــــــــــــــــــــــــــــــــــــــــــــــــــــــــــــ
احمد لسه قاعد مكانه بيفكر في كلام ندى وفجاة قوات الشرطة ملت المكان
الظابط : انت احمد عبدالمجيد
احمد : اه في ايه انتوا ازاي تدخلوا كده
الظابط : اتفضل معانا انت متهم بخطف ندى عبدالرحمن
احمد بانكار : انا مخطفتش حد والمكان قدامك اهه فتشه
الظابط : الكلام ده قوله في التحقيقات اتفضل معايا
ـــــــــــــــــــــــــــــــــــــــــــــــــــــــــــــــــــــــــــــــ
في اميريكا
بعد المحاكمة و الدفاع صدر الحكم على المتهم بالسجن مدى الحياة
محمد : اللهم اجرني في مصيبتي واخلفني خيرا منها
ــــــــــــــــــــــــــــــــــــــــــــــــــــــــــــــــــــــــــــــــــــــــــ
ادم وعادل وصلوا لندى
ادم بانفعال : انتي كويسه هو عمل فيكي حاجة
ندى : اهدى محصلش حاجة وهو سابني اهه
ادم : وكان خاطفك ليه يهزر معاكي شوية ويسيبك
عادل : خلاص يا بشمهندس المهم انها بخير خليها ترتاح وتبقى تحكيلنا كل حاجة
ندى بصت لعادل من فوق لتحت ولفت لادم : هانمشي ولا نفضل واقفين في الشارع
ادم : انا مش هامشي قبل ماعلمه الادب
ندى : كفاية بقى خلينا نمشي احمد معمليش حاجة هو فتح عنيا على حقيقة ناس كنت مخدوعة فيهم
عادل حس انها تقصده بالكلام بس فضل انه يسكت عشان ادم موجود
ــــــــــــــــــــــــــــــــــــــــــــــــــــــــــــــــــــــــــــــــــــــــ
عبدالمجيد : يا فندم ابني ده مثال للاخلاق ازاي يعمل حاجة زي كده
عبدالمجيد : ياريت والله تنهيلي الموضوع ده اكون شاكر افضالك
ـــــــــــــــــــــــــــــــــــــــــــــــــــــــــــــــــــــــــــــــــ
اميرة من اول ماعرفت الحكم وهي تعبانة ورافضة تاكل او تشرب
ام محمد في العناية المركزة والكل بيدعيله
كريم لسه فس السجن والتحقيقات شغالة
أنت تقرأ
اغتصاب شرعي - الكاتبتين إيمان المصري و منار العمدة
Romanceجميع حقوق الملكية تخص الكاتبتين إيمان المصري و منار العمدة استيقظت لتجد نفسها كما هي على كنبة في زاوية من الغرفة و بالرغم من جمال المكان ورقي ديكوراته و سعته الا انها تشعر انه اضيق من عنق الزجاجه تشعر ان جدران الغرفه تطبق علي انفاسها لتشعر باختناق ف...
