اغتصاب شرعي - الكاتبتين إيمان المصري و منار العمدة

الفصل الثاني والثلاثون

دخل احمد البيت اللي كان عايش فيه مع والدته ووقف قدام صوتها

احمد : انا عارف انك زعلانة مني بس اوعدك مش هارجع للي كنت فيه تاني

ـــــــــــــــــــــــــــــــــــــــــــــــــــــــــــــــــــــــــــــ

ايات بفرحة : الحمدلله انا مش مصدقة انك معانا دلوقتي

كريم : الحمدلله ربنا كريم وخلاص توبة

ايات : توبة ازاي يعني

كريم : يعني خلاص انا اقتنعت اني مش هاقدر اغير الكون لوحدي طول ما الخوف مالي قلوب الناس طول مابنحارب الحق وبنصقف للباطل هانتقدم خطوة ونرجع عشرة لو راح عبدالمجيد في غيره والناس شايفة وساكته

ايات : يمكن معاك حق بس ده مش معناه انك تتخلى عن قضيتك الناس اللي ساكته دي انت صوتهم انت القلم الحر اللي بيدافع عنهم هم معاك بقلوبهم وده واجبك لو انت استسلمت يبقى ايه الفرق بينك وبين الناس اللي بتتكلم عنهم

كريم : كنت متوقع ان انتي هاتفرحي لما ابعد عن المشاكل دي

ايات : مانكرش اني خايفة عليك بس اللي كاتبه ربنا هو اللي هايكون والانسان لازم يناضل ويحاول يحقق هدفه عشان يكون للحياة معنى

ـــــــــــــــــــــــــــــــــــــــــــــــــــــــــــــــــــــــــــ

المحامي : انت عارف يا بشمهندس ان النوع ده من القضايا صعب جدا

ادم : يعني مفيش امل

المحامي : احنا قدمنا نقض وفي اخبار ان مجموعة اصحابه هايعملو مسيرات ووقفات احتجاجية

ادم : وده ممكن يفيدنا

المحامي : اكيد طبعا لان ده هايعمل ضغط على الحكومة

ادم : خلاص ربنا يقدم اللي فيه الخير وحضرتك بلغني باخر الاخبار

ـــــــــــــــــــــــــــــــــــــــــــــــــــــــــــ

عادل كل مايرن على ندى مغلق او مبتردش
فرحلها البيت

عادل منتظر ندى بعد ربع ساعة نزلت

عادل : ندى في ايه كل مارن عليكي ماترديش

ندى : وعايزني ارد ليه مش انت خلاص رميت الدبلة ونهيت الخطوبة

عادل بندم : ندى انا اسف بس لما شفتك قاعدة مع واحد تاني اتجننت

ندى : خلاص اللي حصل حصل

عادل بفرحة يعني خلاص سامحتيني

ندى بتحاول تمسك دموعها : لا خلاص كل واحد فينا من طريق

عادل بترجي : ندى انا بحبك انا عارف اني غلطان بس اديني فرصة

ندى بتقاطعه : انت لسه مازهقتش من اللعبة اللي بتلعبها

عادل باستغراب : لعبة !! لعبة ايه انا مش فاهم حاجة

ندى خلاص دموعها نزلت : اللعبة اللي خطتلها انت ونرمين انا عملتلك ايه عشان تعمل فيا كده كل ده عشان رفضت اصاحبك قبل الخطوبة هو ده جزائي اني بحافظ على نفسي

عادل مصدوم : ندى اسمعيني انا هافهمك كل حاجة

ندى : اللي فهمته كفاية دبلتك اهي وسابته ومشيت

ـــــــــــــــــــــــــــــــــــــــــــــــــــــــــــــــــــــــــــــــــــــــ

احمد دور على عنوان على وراح يسال عن اهله ومن جواه بيدعي ان اهله يقبلو
الدية

جار على : والله يا استاذ هو مالوش حد غير ابنه ولسه عمره سنة

احمد : وابنه ده فين

جار على : ولاد الحلال ودوه دار الايتام بعد ابوه ماتوفى

احمد حس بندم : وفين دار الايتام ده

جار على : ثواني اكتبلك العنوان هو انت قريبه

احمد : حاجة زي كده

اخد احمد العنوان واسم الولد وراح يشوفه
ــــــــــــــــــــــــــــــــــــــــــــــــــــــــــــــــــــــــــــــــ
عادل قافل على نفسه من ساعة مارجع من عند ندى : تستاهل كل اللي انت فيه
...... بس انا بحبها بجد يعني يوم ماحب اتعذب بالشكل ده ...... دوق شوية من اللي عملته في كل اللي عرفتهم اهم حاجة انك تسلي نفسك وبس ومافكرتش البنات اللي بتعلقها بيك بتتعب اد ايه لما تسيبهم اهه ربنا حب يدوقك من نفس الكاس .... انا عارف اني غلط بس كله الا ندى انا مش متخيل حياتي من غيرها
....... انت هاتكدب على نفسك ده انت كنت خاطبها ومصاحب اتنين غيرها ... بس والله محبتش غيرها ..... الحب اخلاص ووفاء مش كلام

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

احمد اتبنى الطفل واخده معاه ( الحمدلله يارب ان مالوش قرايب ومش هاتحاكم بس انا مش هسامح نفسي اني يتمت طفل زي ده )

اسلام : هو احنا هانلوح فين

احمد : المكان اللي انت عايزه

اسلام : امممم انا عايز اثوف بابا

احمد عنيه اتملت دموع : بابا عند ربنا ماينفعش نرحله

اسلام نزل راسه في الارض : بث هو وحثني خالث

احمد : ايه رايك نروح الملاهي

اسلام بفرحة : وهاتجبلي مثاثة

احمد: هههههههه وهاجبلك مصاصة

ـــــــــــــــــــــــــــــــــــــــــــــــــــــــــــــــــــــــــــــــ

في اميريكا النقض اتقبل نتيجة للضغط على الحكومة من الشعب ومن الحكومة المصرية واتقدم جون وجاك بالشهادة لصالح محمد وجاري اعادة التحقيق في القضية

في المحكمة

المحامي : وحسب الادلة فموكلي ترك حقائبه في المطار ليتم تفتيشها فان كان ينوي تفجير الطائرة فكان من الاولى ان يضع المتفجرات حول جسده حتى لا يتم اكتشاف الامر وهذا مايؤكد ان هذه التهمة تم تلفيقها لموكلي

القاضي : هذا كلام غير منطقي فمن المستفيد من ادانة موكلك كما تزعم

المحامي : لقد تعرض موكلي لكثير من الاضطهاد خلال الثلاث سنوات الماضية
وهناك شاهد على انه تم تلفيق العديد من التهم اليه والتي تم اكتشافها

القاضي : لنرى اذا ما لديك

المحامي : سيد جاك اخبرني هل حدث ان قام محمد بشغب خلال دراسته او احدث مشكلة مع زملاءه

جاك : لا لم يحدث ابدا

المحامي : هل قام احد من زملاء محمد بالتعرض له

جاك : لقد قام احدهم باتهامه بسرقة مواد متفاعلة من المعمل ولكن هو من رتب هذا الامر

المحامي : اشكرك كثيرا

المحامي : سيد انطوان اخبرتني ان لديك معلومات تفيد القضية

انطوان : نعم فانا اعلم ان محمد قد نعرض للاذى كثيرا فقد اتهمه صديقي بسرقة مواد متفاعلة من المعمل كما تسبب في اخراجه هو وصديقه من منزلهم

المحامي : شكرا لك ... وهكذا سيدي القاضي وضحت الصورة امام سيادتكم فموكلي تعرض للكثير من الاذى وليس هناك شك ان تكون هذه التهمة مدبرة من احد الحاقدين عليه كما حدث في السابق

_ بعد محاكمة طويله اضطرت المحكمة تبرئة محمد نتيجة للضغط السياسي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نرمين : بابا احنا فين

الاب : يااااااااااه اخيرا صحيتي احنا في روسيا بعيد عن مصر وكل اللي فيها

نرمين ودموعها على خدها : انا تعبانة اوي انا عملت حاجات كتير غلط

الاب بحنان : ارتاحي يا حبيبتي دلوقتي وبعدين نبقى نتكلم

نرمين : لا خليك معايا انا محتجالك متسبنيش

الاب : انا جمبك اهه مش هاسيبك