ﻟﺒﻨﻰ ﻣﺎﺣﺎﻓﻈﺔ ﺗﻠﻔﻮﻥ ﻋﻘﻴﻞ . ﻭﺍﻟﻤﻮﺑﺎﻳﻞ ﻃﺒﻌﺎ ﺑﻘﻰ ﺳﻠﻴﻘﺔ ﺑﺎﻟﺒﺼﻞ .. ﺑﻌﺪ ﻣﺎﻓﺮﻣﻄﺘﻮ ﺭﻓﻴﺪﺓ .. ﻓﻬﻲ
ﻣﻀﻄﺮﺓ ﺗﻤﺸﻲ ﻟﻲ ﻋﻘــﻴﻞ ﺑﻲ ﺑﺪﻭﻥ ﺳﺎﺑﻖ ﺍﻧﺬﺍﺭ .
ﻭﻋﺎﺭﻓﺔ ﻣﻜﺎﻥ ﺗﻮﺍﺟﺪﻭ .. ﻓﻲ ﺍﻟﻌﺼﺮﻳﺎﺕ ﻛﺪﺍ ﺑﻜﻮﻥ ﺟﻢ ﺳﺘﺎﺕ ﺍﻟﺸﺎﻱ ﺍﻟﺒﻲ ﺷﺮﻕ ﺍﻟﺸﺎﺭﻉ .. ﻓﻲ ﻣﺤﻄﺔ
ﺍﻟﺒﻼﺑﻞ .
ﻣﺸﺖ ﻟﻘﺘﻮ ﻗﺎﻋﺪ ﻳﺸﺮﺏ ﻟﻴﻬﻮ ﻗﻬﻮﺓ ﺑﻲ ﻛﺒﺎﻳﺔ .. ﻣﻌﺎﻫﻮ ﻧﻔﺮﻳﻦ ﻛﺪﺍ .. ﻭﺑﺘﻐﺎﻟﻄﻮ ﻓﻲ ﺣﺎﺟﺔ . ﺍﻇﻨﻬﺎ
ﻛﻮﺭﺓ ﻭﻻﺷﻨﻮ ﻣﺎﻋﺎﺭﻑ .. ﻭﻫﻮ ﻗﺎﻋﺪ ﻛﺎﻓﻲ ﺭﺟﻞ ﺍﻟﺒﻨﻄﻠﻮﻥ ﻭﻗﺎﻋﺪ ﻟﻴﻬﻮ ﻓﻲ ﺑﻤﺒﺮ .. ﺍﻭﻝ ﻣﻦ ﺷﺎﻓﻬﺎ
ﻭﺍﻗﻔﺔ ﻓﻲ ﺍﻟﺸﺎﺭﻉ . ﺍﺷﺮﺕ ﻟﻴﻬﻮ ﺑﻲ ﻳﺪﻫﺎ ﻛﺪﺍ .. ﻳﻌﻨﻲ ﺗﻌﺎﻝ .. ﺑﻘﻰ ﻳﺘﻠﻔﺖ . ﻗﺎﻳﻠﻬﺎ ﺑﺘﺘﻜﻠﻢ ﻉ ﺯﻭﻝ
ﺗﺎﻧﻲ .. ﺍﺷﺮﺕ ﻟﻴﻬﻮ ﺗﺎﻧﻲ ﺑﻲ ﺭﺍﺳﻬﺎ .. (ﺍﺍﺍﻱ ﺍﻧﺖ ﺗﻌﺎﻝ) ..
ﺧﺖ ﻛﺒﺎﻳﺔ ﺍﻟﻘﻬﻮﺓ ﺑﻲ ﺑﺎﻗﻴﻬﺎ ﻭﻗﺎﻡ ﻋﻠﻴﻬﺎ .. ﺟﺎﻫﺎ .. ﺑﺪﻭﻥ ﻣﺎﻳﺴﻠﻢ ﻋﻠﻴﻬﺎ ﻗﺎﻝ ﻟﻴﻬﺎ .. ﺍﻫﺎ ﻟﻴﻬﺎ ﻣﺎﻟﻚ ؟
ﻓﻲ ﺷﻨﻮ؟
ﻗﺎﻟﺖ ﻟﻴﻬﻮ ﻃﺒﻌﺎ " ﺑﺘﻌﺮﻓﻨﻲ . ﺍﻧﺎ ﻟﺒﻨﻰ .. ﻗﺎﻝ ﻟﻴﻬﺎ ﺍﻧﺘﻲ ﻓﻲ ﺯﻭﻝ ﻓﻲ ﺍﻟﺨﺮﻃﻮﻡ ﺩﻱ ﻣﺎﺑﻌﺮﻓﻚ؟ ﻗﻮﻟﻲ
ﺧﻠﺼﻴﻨﻲ ﺩﺍﻳﺮﺓ ﺷﻨﻮ؟
ﻗﺎﻟﺖ ﻟﻴﻬﻮ ﻋﺎﻳﺰﺓ ﺍﺣﻜﻲ ﻟﻴﻚ ﻣﻮﺿﻮﻉ .. ﻓﻲ ﻣﺼﻠﺤﺘﻚ ﻭﻧﺼﻴﺤﺔ ﻟﻠﻪ .. ﻗﻌﺪ ﻳﻀﺤﻚ .. ﻗﺎﻝ ﻟﻴﻬﺎ ﺍﻧﺘﻲ
ﻣﺘﻴﻦ ﻋﺮﻓﺘﻲ ﺍﻟﻠﻪ؟ .. ﺍﻟﻤﻮﺿﻮﻉ ﺷﻨﻮ ؟؟ ﻗﻮﻟﻲ . ﻗﻮﻟﻲ ﺳﺮﻋﺔ ﺑﺲ ..
ﻗﺎﻟﺖ ﻟﻴﻬﻮ ﻃﺒﻌﺎ ﺯﻱ ﻣﺎﻋﺎﺭﻑ ﺍﻧﻮ ﺭﻓﻴﺪﺓ ﺻﺎﺣﺒﺘﻲ .. ﻭﺍﻧﺖ ﻗﺎﻋﺪ ﺗﺤﺬﺭﻫﺎ ﻣﻨﻲ . ﻭﻫﻲ ﺍﻟﺒﺘﺠﻴﻨﻲ ﻣﻮﺵ
ﺍﻧﺎ ﺍﻟﺒﻤﺸﻲ ﻟﻴﻬﺎ .. ﻭﺍﺻﻼ" ﻣﺎ ﺍﻧﻘﻄﻌﺖ ﻣﻨﻲ .. ﺣﺬﺭﺗﻬﺎ ﻭﻻ ﺧﻠﻴﺘﻬﺎ .. ﺍﻧﺖ ﺍﻟﻤﻔﺮﻭﺽ ﺗﺤﺬﺭﻧﻲ ﺍﻧﺎ ﻣﻨﻬﺎ
.. ﻣﻮﺵ ﺗﺤﺬﺭﻫﺎ ﻫﻲ ﻣﻨﻲ .. ﻋﺎﺭﻑ ﻟﻴﻪ ؟؟
ﻻﻧﻮ ﻟﻮ ﺍﻧﺎ ﺳﻴﺌﺔ ﻫﻲ ﺍﺳﻮﺃ ﻣﻨﻲ ..
ﺭﻓﻴﺪﻩ ﻏﺎﺷﺎﻙ ﻳﺎ ﻋﻘﻴﻞ . ﺭﻓﻴﺪﺓ ﺑﺘﺤﺐ ﻟﻴﻬﺎ ﺩﻛﺘﻮﺭ ﺷﻐﺎﻝ ﻓﻲ ﻣﺴﺘﺸﻔﻰ ﺑﺤﺮﻱ .. ﺍﺳﻤﻮ ﻣﺪﺛﺮ ﻋﺒﺎﺱ .
ﺍﺧﻮ ﺯﻭﺟﺔ ﻣﺤﻤﻮﺩ .. ﺍﻟﺸﻐﺎﻟﺔ ﻣﻌﺎﻫﻮ ﺭﻓﻴﺪﺓ .. ﻭﺑﺎﺭﻳﺎﻫﻮ ﻭﺳﺎﻛﺎﻫﻮ . ﻣﻜﺎﻟﻤﺎﺕ. ﻭﺭﺳﺎﻳﻞ . ﻭﻟﻘﺎﺀﺍﺕ ..
ﺣﺘﻲ ﻛﻤﺎﻥ ﺑﻘﻰ ﻳﺪﻓﻊ ﻟﻴﻬﺎ ﻗﺮﻭﺵ. ﻣﺎﻋﺎﺭﻓﺔ ﺍﻟﺒﻴﻨﺎﺗﻬﻢ ﺷﻨﻮ . ﻻﻧﻬﺎ ﺑﺘﺸﻴﻞ ﻣﻨﻮ ﺑﺎﻟﻤﻼﻳﻴﻦ .. ﺍﻧﺎ ﺷﺎﻫﺪﻩ
