مزاد السعادة

الجزء 17

ﻟﺒﻨﻰ ﺗﺎﻧﻲ ﻳﻮﻡ ﻣﺸﺖ ﺑﻲ ﻧﻔﺲ ﺍﻟﺤﻘﺪ ﻭﺍﻟﻜﺮﺍﻫﻴﺔ ﺍﻟﻤﺎﻋﻨﺪﻫﺎ ﺣﺪ .. ﻣﺸﺖ ﻟﻠﻮﻛﺎﻟﺔ .. ﻭﻟﻘﺖ ﺭﻓﻴﺪﺓ

ﻗﺎﻋﺪﺓ .. ﻭﻣﺤﻤﻮﺩ ﻣﻮﺟﻮﺩ ﻗﺎﻋﺪ ﺟﻮﺓ .. ﺳﻠﻤﺖ ﻭﻗﺎﻟﺖ ﻟﻴﻬﺎ ﺍﻧﺎ ﺟﻴﺖ ﻳﺎ ﺭﻓﻴﺪﺓ .. ﻭﺟﺎﻳﺔ ﺍﻋﻤﻞ ﻓﻴﻚ

ﻋﻤﺎﻳﻞ ..

ﻗﺎﻟﺖ ﻟﻴﻬﺎ .. ﺍﻟﻠﻪ ﻳﺨﻠﻴﻜﻲ ﻳﺎﻟﺒﻨﻰ .. ﻭﺍﻟﻠﻪ ﺍﻧﺎ ﺍﺳﻔﺔ.. ﺍﻧﻲ ﻓﺮﻣﻄﺖ ﻟﻴﻚ ﺍﻟﺘﻠﻔﻮﻥ ﻻﻧﻲ ﻛﻨﺖ ﺧﺎﻳﻔﺔ ..

ﺑﺲ ﺍﻟﻠﻪ ﻳﺨﻠﻴﻚ ﻣﺎﺗﻌﻤﻠﻲ ﻟﻲ ﻓﻀﺎﻳﺢ ﻛﻔﺎﻳﺔ ﻣﺎﺗﻀﺮﻳﻨﻲ .. ﺍﻧﺘﻲ ﻣﺸﻴﺘﻲ ﻛﻠﻤﺘﻲ ﻋﻘﻴﻞ ﺑﻲ ﻛﻞ ﺣﺎﺟﺔ ..

ﻭﻫﺴﻲ ﻋﻘﻴﻞ ﺧﻼﺹ ﻳﺎﻟﺒﻨﻰ ﺧﻼﻧﻲ ﻭﺷﺘﻤﻨﻲ .. ﺍﻧﺎ ﺑﺮﺿﻮ ﻋﺎﻓﻴﺔ ﻟﻴﻚ ﻳﺎ ﻟﺒﻨﻰ .. ﺑﺲ ﻟﻐﺎﻳﺔ ﻫﻨﺎ ﻛﻔﺎﻳﺔ

.. ﻣﺎﺗﻘﻄﻌﻲ ﻋﻴﺸﻲ ﺍﻧﺖ ﻋﺎﺭﻓﺔ ﺍﻟﺸﻐﻞ ﺩﻩ ﻳﺎﻫﻮ ﻣﻌﻴﺸﺔ ﻧﺎﺱ ﺍﻟﺒﻴﺖ ..

ﻗﺎﻟﺖ ﻟﻴﻬﺎ ﻻﻻﻻ .. ﻻﺯﻡ ﻣﺤﻤﻮﺩ ﻳﻌﺮﻑ ﺟﺮﺍﻳﻤﻚ .. ﻭﻳﻌﺮﻑ ﺍﻟﻌﺸﺮﺓ ﻣﻠﻴﻮﻥ ﺑﺮﺿﻮ .. ﻗﺎﻟﺖ ﻟﻴﻬﺎ ﻟﺒﻨﻰ

ﺍﻟﻠﻪ ﻳﺨﻠﻴﻚ ﺍﻧﺎ ﻓﻲ ﺍﻟﺒﻴﺖ ﻋﻨﺪﻱ ﺗﻼﺗﺔ ﻣﻠﻴﻮﻥ .. ﺑﺪﻳﻚ ﻟﻴﻬﻦ.. ﺑﺲ ﺍﻣﺸﻲ ﺑﻌﺪﻳﻦ ﺑﺠﻲ ﻏﺎﺷﻴﺎﻙ ..

ﻗﺎﻟﺖ ﻟﻴﻬﺎ ﺍﻧﺎ ﻣﻨﺘﻈﺮﺍﻙ ﻫﻨﺎ ﺩﻩ .. ﻟﻤﻦ ﺗﻄﻠﻌﻲ ﺑﻤﺸﻲ ﻣﻌﺎﻙ ﺍﻟﺒﻴﺖ ﺗﺴﻠﻤﻴﻨﻲ ﻟﻴﻬﺎ .. ﺍﻧﺘﻲ ﺷﻴﻄﺎﻧﺔ

ﻭﻣﺎﻣﻀﻤﻮﻧﺔ .. ﻛﺪﻱ ﺍﻥ ﺷﺎﺀ ﺍﻟﻠﻪ ﺗﻜﻮﻧﻲ ﺑﺘﻜﻀﺒﻲ .. ﻋﺸﺎﻥ ﺍﻃﻠﻊ ﻗﺼﺼﻚ ﻓﻲ ﺟﺮﻳﺪﺓ ﺍﻟﺪﺍﺭ ..

ﻗﺎﻟﺖ ﻟﻴﻬﺎ ﺑﻮﻋﺪﻙ ﺍﻟﻠﻴﻠﺔ ﺍﺟﻲ ﻏﺎﺷﻴﺎﻙ ﻓﻲ ﺍﻟﺒﻴﺖ .. ﻭﺍﺳﻮﻗﻚ ﻣﻌﺎﻱ ﺑﻴﺘﻨﺎ .. ﻭﺍﺩﻳﻚ ﻟﻴﻬﺎ ﺍﻟﻠﻴﻠﺔ ﻓﻲ

ﺍﻟﻠﻴﻞ ﺩﻩ ..

ﻭﻓﻌﻼ .. ﻣﺸﺖ ﻟﺒﻨﻰ .. ﻭﺭﻓﻴﺪﺓ ﻏﺸﺘﻬﺎ ﻓﻲ ﺍﻟﺒﻴﺖ ﻭﻃﻠﻌﺖ ﻣﻌﺎﻫﺎ ﻣﺸﺖ ﻣﻌﺎﻫﺎ ﺍﻟﺴﻠﻤﺔ ﻭﺍﺳﺘﻠﻤﺖ

ﺍﻟﺘﻼﺗﺔ ﻣﻠﻴﻮﻥ ﻭﺭﺟﻌﺖ ﺑﻲ ﺍﻣﺠﺎﺩ ..

ﻭﺑﻲ ﻛﺪﺍ ﻳﻜﻮﻥ ﻧﺼﻴﺐ ﻟﺒﻨﻰ 6 ﻣﻠﻴﻮﻥ ﻭﺭﻓﻴﺪﺓ ﻣﺎ ﺍﺗﺤﺼﻠﺖ ﺍﻻ ﻋﻠﻰ 4 .. ﻭﻓﻘﺪﺕ ﻣﺪﺛﺮ ﻭﻓﻘﺪﺕ ﻋﻘﻴﻞ ..

ﻭﻣﺪﺛﺮ ﻗﻄﻊ ﺍﻟﻈﻠﻢ ﻓﻲ ﻗﻠﺒﻮ ﻭﺳﻜﺖ ..

ﻳﻮﻡ ﻓﻲ ﺍﻟﻤﺴﺘﺸﻔﻰ .. ﻣﺤﻤﺪﻳﻮﺳﻒ ﻗﺎﻝ ﻟﻴﻬﻮ ﻳﺎﻣﺪﺛﺮ ﺍﺗﻜﻠﻤﺖ ﻣﻊ ﻏﺎﺩﺓ؟؟ .. ﻗﺎﻝ ﻟﻴﻬﻮ ﻭﺍﻟﻠﻪ ﻳﺎ ﻣﺤﻤﺪ

ﻣﻔﻜﺮ ﺍﺗﻜﻠﻢ ﻣﻌﺎﻫﺎ .. ﺑﺲ ﻓﻲ ﻣﺸﻜﻠﺔ ﺍﻧﺖ ﻣﺎﻋﺎﺭﻓﻬﺎ ..

ﻗﺒﻞ ﻛﺪﺍ ﻧﺴﺮﻳﻦ ﻛﻠﻤﺖ ﺯﻭﺟﺔ ﻣﺰﻣﻞ ﺍﺧﻮﻱ.. ﻗﺎﻟﺖ ﻟﻴﻬﺎ ﻣﺪﺛﺮ ﻓﺮﻕ ﺑﻴﻦ ﺯﻣﻴﻠﻮ ﻭﺧﻄﻴﺒﺘﻮ .. ﻭﺍﻟﻜﻼﻡ

ﻭﺻﻞ ﺍﺑﻮﻱ .. ﻭﺍﻧﺎ ﻗﻠﺖ ﻻﺑﻮﻱ ﺍﻧﺎ ﻋﺎﻳﺰ ﻭﺍﺣﺪﺓ ﺍﺳﻤﻬﺎ ﺭﻓﻴﺪﺓ .. ﻭﻫﺴﻲ ﻣﺎﻋﺎﺭﻑ ﺍﻋﺪﻝ ﺍﻟﻤﻌﻠﻮﻣﺔ ﺩﻱ