ﺍﻟﻮﺍﻃﻪ ﺻﺒﺎﺡ ﻗﺪﺍﻡ ﻣﺴﺘﺸﻔﻰ ﺑﺤﺮﻱ ﺍﻟﺘﻌﻠﻴﻤﻲ . ﻭﺍﻟﻨﺎﺱ ﺩﺍﺧﻠﺔ ﻭﻣﺎﺭﻗﺔ . ﻭﻓﻲ ﺍﻟﺸﺎﺭﻉ ﻫﻨﺎﻙ ﻳﺎﺩﻭﺏ
ﺳﺘﺎﺕ ﺍﻟﺸﺎﻱ ﻳﺮﻣﻦ ﻓﻲ ﺍﻟﻠﻘﻴﻤﺎﺕ . ﻭﻧﺎﺱ ﺍﻻﻛﻞ ﻏﻴﺮ ﺍﻟﺼﺤﻲ ﺑﺎﻟﻘﺮﺏ ﻣﻦ ﺍﻟﻤﺆﺳﺴﺎﺕ ﺍﻟﺼﺤﻴﺔ .ﻭﻧﺎﺱ
ﻣﺎﺷﺔ ﻭﻧﺎﺱ ﺟﺎﻳﺔ .. ﺑﺲ ﻟﺴﻪ ﺍﻟﻮﻛﺖ ﺑﺪﺭﻱ .
ﻭﺟﻮﺓ ﺍﻟﻤﺴﺘﺸﻔﻰ ﺑﺪﻥ ﺍﻟﻔﺮّﺍﺷﺎﺕ ﻓﻲ ﺣﺮﻛﺔ ﺍﻟﺼﺒﺎﺡ ﺑﺘﺎﻋﺔ ﺍﻟﻨﻀﺎﻓﺔ ﻭﻏﺴﻴﻞ ﺍﻟﺴﺮﺍﻣﻴﻚ . ﻭﺑﻌﺾ
ﻣﺮﺍﻓﻘﻴﻦ ﺍﻟﻤﺮﺿﻰ ﺣﺎﻳﻤﻴﻦ ﻓﻲ ﺣﻮﺵ ﺍﻟﻤﺴﺘﺸﻔﻰ .. ﻭﻭﺍﺣﺪﻳﻦ ﻟﺴﻊ ﻧﺎﻳﻤﻴﻦ ﻓﻲ ﺍﻟﺒﺮﻧﺪﺍﺕ ﻭﺍﻟﺒﻠﻜﻮﻧﺎﺕ .
ﻭﻣﻠﻔﻠﻔﻴﻦ ﺑﺎﻟﻤﻼﻳﺎﺕ .. ﻭﺍﻟﺪﻛﺎﺗﺮﺓ ﺑﺘﺎﻋﻴﻦ ﺍﻻﻣﺘﻴﺎﺯ ﺑﺪﺃﻭ ﻓﻲ ﺗﺒﺪﻳﻞ ﺍﻟﻮﺭﺩﻳﺎﺕ .. ﻓﻲ ﺩﻛﺎﺗﺮﺓ ﺑﻜﻮﻧﻮ ﺑﺎﻳﺘﻴﻦ
ﻓﻲ ﺍﻟﻤﺴﺘﺸﻔﻰ .. ﻭﻓﻲ ﻭﺍﺣﺪﻳﻦ ﺑﺠﻮ ﺍﻟﺼﺒﺎﺡ ﻭﺍﻟﻮﺭﺩﻳﺎﺕ ﺑﺘﺘﻨﺎﻭﺏ ..
ﻓﻲ ﺩﻛﺘﻮﺭ ﺟﺎﺀ ﺍﻟﺼﺒﺎﺡ .. ﺩﻛﺘﻮﺭ ﺟﻤﻴﻞ ﻭﺃﻧﻴﻖ ﻛﺪﺍ ﻭﻧﻀﻴﻒ . ﻭﺷﻮ ﺻﺒﻮﺡ . ﺍﻟﻨﻮﻉ ﺍﻟﺒﺘﻜﻠﻢ ﺑﺮﺍﺣﺔ ﺩﺍﻙ .
ﺍﻫﺎ ﻧﺎﺩﻯ ﻭﺍﺣﺪ ﻣﻦ ﺍﻟﺤﺮﺱ ﺍﻟﺒﺤﺮﺳﻮ ﺍﻻﺑﻮﺍﺏ ﺩﻳﻞ ﻋﻠﻰ ﺟﻤﺐ . ﻭﻗﺎﻝ ﻟﻴﻬﻮ ﻭﺍﻟﻠﻪ ﻳﺎﻗﺎﺳﻢ .. ﺍﻟﻠﻴﻠﺔ ﺑﺲ
ﺍﺳﻒ .. ﺩﻱ ﺗﻼﺗﻴﻦ ﺟﻨﻴﻪ ..
ﺍﺗﻘﺴﻤﻮﻫﺎ ﺍﻧﺖ ﻭﺑﺎﺑﻜﺮ . ﻟﻜﻦ ﺍﻟﻤﺮﺓ ﺍﻟﺠﺎﻳﺔ ﺍﻥ ﺷﺎﺀ ﺍﻟﻠﻪ ﺍﺗﻤﻬﺎ ﻟﻴﻜﻢ ﺍﻻﺭﺑﻌﻴﻦ .. ﻗﺎﻝ ﻟﻴﻬﻮ ﻣﺎﺑﺘﻘﺼﺮ
ﻭﺍﻟﻠﻪ ﻳﺎﺩﻛﺘﻮﺭ .. ﻫﺴﻲ ﻭﺍﻟﻠﻪ ﺍﻭﻻﺩﻱ ﺍﻟﺘﻼﺗﺔ ﺑﻌﺮﻓﻮﻙ .. ﻭﻃﻮﺍﻟﻲ ﻗﺎﻋﺪ ﺍﻗﻮﻝ ﻟﻴﻬﻢ ﺩﻱ ﻣﻦ ﻋﻤﻜﻢ
ﺩﻛﺘﻮﺭ ﻣﺪﺛﺮ . ﺑﺲ ﺍﻟﻠﻪ ﻳﺨﻠﻴﻚ ﻣﺎ ﺗﺘﺤﺴﺲ .. ﺍﻟﺒﺠﻲ ﻣﻨﻚ ﻛﻠﻮ ﺧﻴﺮ .. ﻭﻛﺘﺮ ﺧﻴﺮﻙ ﻭﺭﺑﻨﺎ ﻳﺒﺎﺭﻙ ﻟﻚ
ﻭﻳﻮﻓﻘﻚ .. ﻗﺎﻟﻴﻬﻮ ﺗﺴﻠﻢ ﻳﺎﻗﺎﺳﻢ .. ﻭﺍﻟﻠﻪ ﺍﻧﺎ ﺑﺤﺮﺹ ﻋﻠﻰ ﺍﻟﻤﻮﺿﻮﻉ .. ﺩﻩ ﻻﻧﻮ ﺣﺎﺳﻲ ﻓﻴﻬﻮ ﺑﺮﻛﺔ ..
ﻃﻴﺐ ﺍﻟﻠﻪ ﻳﺪﻳﻚ ﺍﻟﻌﺎﻓﻴﺔ ﺍﻟﻨﻤﺸﻲ ﻧﺸﻮﻑ ﺍﻟﺸﻐﻞ ﻭﺩﺧﻞ ﻃﻮﺍﻟﻲ ﻋﻠﻰ ﺍﻟﻤﺴﺘﺸﻔﻰ ..
ﺍﻟﺪﻛﺘﻮﺭ ﺩﻩ ﻭﺭﺩﻳﺘﻮ ﺍﻟﻠﻴﻠﺔ ﺑﺎﻟﻨﻬﺎﺭ .. ﻭﻟﻴﻞ ﺍﻟﻠﻴﻠﺔ .. ﻟﻲ ﺑﻜﺮﺓ ﺍﻟﺼﺒﺎﺡ .. ﻭﻛﺪﺍ ﻳﻌﻨﻲ ﺍﻟﻮﺭﺩﻳﺎﺕ ..
ﺩ .ﻣﺪﺛﺮ ﺍﺳﺎﺳﺎ" ﻣﻦ ﻣﻨﻄﻘﺔ ﻗﺮﻳﺒﺔ ﻟﻠﺪﻭﻳﻢ ﻋﻠﻰ ﺍﻟﻨﻴﻞ ﺍﻻﺑﻴﺾ . ﺍﺳﺮﺗﻪ ﺍﻧﺘﻘﻠﺖ ﺍﻟﻰ ﺍﻟﺨﺮﻃﻮﻡ ﻣﻦ
ﺍﻟﺴﺒﻌﻴﻨﺎﺕ .. ﻭﺍﺑﻮﻫﻮ ﺗﺎﺟﺮ ﻛﺒﻴﺮ ﻓﻲ ﺍﻟﺴﻮﻕ . ﻭﺻﺎﺣﺐ ﺍﻋﻤﺎﻝ ﻭﺍﻣﻼﻙ .
ﻣﺪﺛﺮﻋﻨﺪﻭ ﺍﺭﺑﻌﺔ ﺍﺧﻮﺍﻥ ﻭﻫﻮ ﺍﻟﺨﺎﻣﺲ ﻭﻭﺍﻟﺪﺗﻪ .. ﻭﺍﺧﺖ ﻭﺍﺣﺪﺓ .
ﺍﻧﺎ ﻏﺎﻳﺘﻮ ﺍﻟﺪﻛﺘﻮﺭ ﺩﻩ ﺍﺛﺎﺭ ﻓﻀﻮﻟﻲ ﺑﺎﻟﺠﺪ .. ﺯﻭﻝ ﻣﺒﺎﻟﻐﺔ ﺗﺨﺠﻞ ﻣﻦ ﺗﻌﺎﻣﻠﻮ ﻣﻌﺎﻙ .. ﺭﻗﻴﻖ ﻟﺪﺭﺟﺔ
