Maghihintay Na Lang Yata Sa Iyo?
Marami na ang nagsabi
Wala nang ibang mapipili
Nakakahiya man na sabihin
Ang hirap talagang umamin
Pakiramdam ay biglang sumisikip
Sa tuwing ako'y maiidlip
Dahil sa naaalala kita
Paglapit sa'yo, di magawa
Kailan pa kaya
Mapagbibigyan ng tadhana
Ang isang pagkakataon
Maiparamdam kong mahinahon
Ikaw lamang, walang iba
Di magsasawang ulitin sinta
Hanggang sa madama mo ito
Pag-ibig na alay ko sa'yo
Ngunit mananatili lang sa panaginip ko
Kahit ang damdamin ko ay totoo
Mahihirapan kasi ako na ito'y gawin
Marahil, kinakabahan sa iyong mga sasabihin
Subalit, madami na rin pala
Ang mga nabubuhay sa pag-asa
Patuloy lang sa mga pangarap
Kahit ang pag-abot nito'y mahirap
(May 5, 2012)
BINABASA MO ANG
Bouquet of Words #YourChoice2018
PoetryBouquet of Words (a collection of poems) by: Ano ni Muse? Highest Rank #001 in Poetry Collection Category [07/23/2018] #007 in Book of Poems Category [05/21/2018] #009 in Poet Category [07/25/2018] #096 in Poem Collection Category [05/10/20...
