للكاتبه //ندى الحساني
جاسم هدى..... هدى بضيق نعم...... جاسم ان شاء الله😇🙏👼 بهل الاسبوعين احمد يعقد على شمس ويسافرون بدون عرس..... هدى بعصبيه شنو يعني بنتي ما راح يكون الها عرس حالها من الحال البنات ليش شنو ناقصه فهمني........ جاسم ما ناقصها بس البنت توا اتوفت ومايصير انسوي عرس...... هدى عادي ينتظرون منا لمن تخلص الاربعينيه مالتها ويعرسون..... جاسم وهو يحاول يهدي هدى احمد عنده دوام ومايكدر ينتظر..... هدى بعصبيه... شوف ابو والدي اني ما احجيت وياك لما اجبرت شمس عليه وگلت انت اعرف بمصلحتها وميخالف ماكو خطوبه ووافقت بس مال ياخذها بدون عرس هاي واگفه وما اقبل بيها بنتي لا هاي بايره ولا اني منطيتها فصليه خاطر تنطيها بهل الطريقه..... والي عندي انو بنتي ماراح تطلع من البيت الا بعرس واختار يا اما اني يا اما تنطيها بهل الطريقه...... طبعا بهذا النقاش الي صار كل العائلة موجوده وسمعو هل الكلام..... محمد ماما شنو هل الكلام احنا لازم نعذر الولد...
هدى اي ميخالف عذرته بهواي شغلات ترى اني منطيه بنت مثل الورده وما مفصخوه ووافقت بدون حفلة مهر بس مال بلا عرس هذا الشي الا يصير على موتي بنتي حالها من حال البنات وهذا اليوم ما راح ينعاد مره ثانيه....... بهل الاثناء جان احمد واكف بالباب وسمع كل الكلام...... احمد جنت راجع لبيت عمي على مود الببرونه مالت حسن بس وسمعت النقاش واعرف مرت عمي مو قصدها تجرحني لانو العرس من حق كل ابنيه بس مع هذا انجرحت من الكلام فاگمت ودكيت الباب وفتحلي محمد الباب ..... محمد هلا تفضل..... هدى... لما دخل احمد استحيت منه بس مع هذا ما اسكتت
هدى شوف ابني الله😇🙏👼 يشهد معزتك من معزة اولادي واضن سمعت كل الحجي.. وراح احجي كدامك وكدام عمك.... اني ما الكا بخلاقك واصلك بس مع هذا ما اقبل بنتي تطلع مني بدون عرس كانو فصليه لو مسويه غلط.... احمد طيب الي مطلوب مني..... هدى تسويلها عرس وبما انو تگولن على مود زوجتك الله😇🙏👼 يرحمها فانتظرت فد شهر لما اصير الاربيعينه وتعال ازوج..... احمد بس اني عندي دوام وما اكدر... هدى سافر وبنته اضل عدنا ولما تجي عرسو واخذها.... احمد بس حسن مايسكت الا عدها واني ما اكدر اله لوحدي..... هدى عادي قبل لا اسافر خليه عند شمس هيه الي تعتني بيه.....احمد الي تردونه يصير وحفلة عرس اسويلها وحسن راح يبقى عدها وهسا اني اترخص وطلعت منهم واني هم الدنيا فوك راسي ........ جاسم هسا رتاحيتي.... هدى اي اكيد وخليت وتركتهم.....
شمس جنت بغرفتي وسمعت كلشي بس ماعندي طاقه اطلع ليهم فاعفتهم ونمت...... احمد ثاني يوم رحت لبيت عمي .... احمد السلام عليكم... الكل وعليكم السلام.... احمد عمي اني اجيت حتى اخذ شمس نشتري الحلقات وباجر اجيب السيد خاطر يعقد النا....... جاسم الي تشوفه ابني... جاسم هدى اخذي شمس ورحو اشترو الي تردوه..... هدى ان شاء الله😇🙏👼.... هدى دخلت لغرفة شمس واندهتها كعدي شموسه..... شمس نعم.... هدى كوني لبسي خاطر تشترين الحلقه وي احمد.... شمس بضحكة استهزاء هههههه انتو شنو عايشين الدور اني لا اريده ولا اريد اشوف شكله وانتو ما الكم علاقه بيها انتو بعتوني واما اذا الحلقه انتو اشتروها مثل ما اخذتو قراركم تكدرون تتصرفون بكيفكم..... هدى ماما شنو هل الكلأم تعوذي من الشيطان وكومي صلي ولبسي خل انروح.... شمس بغضب كلت ماني رايحه لا تجبرني والا اموت روحي عوفيني انتي ما وكفتي بصفي وما منعتي ابوي وصرتي بصفه انتو احسبوني متت عوفيني..... هدى اتجمعن الدموع بعيوني وگتلها يمه الله يهديج وتركتها..
احمد لما اجت مرت عمي للصاله جانت ضايجه.... هدى شمس مريضه وكالت خل يروح هوا يختارهن...... احمد افهمت من الكلام مو مريضه وانما ما تريد اشوفني....... احمد طيب براحتها......
