سمعت صوت نايف يناديها بأسمها فابتسمت لطالما احببته و دللته، بينها وبينه سبعة اعوام هو العضيد الذي تذخره لقادم الأيام هو السند الذي تستند عليه.. هو فخرها الذي ترجوه/ناايف انا هنا بالمكتب
كان يهم بالدخول فإذا بها تناديه/الشمووس.. ادوورك من خمس دقايق وانتي هنا
ابتسمت/وش اسوي يا نايف اسوي شغلي وشغلك.. مدري متى بتتكرم وتساعدني
جلس على طرف المكتب واخذ بيده مجسم الكره الارضيه المصغر وهو يعبث بابتسامه/شمووووسه.. بعدددين بدري على الالتزامات والعمل، بعدين هذا انتي ماشاء الله عليك
امتعضت من تهربه وعقدت حاجبيها/ناايف صحيح انا قايمه بشغلي بس أنا بنت وانت الرجال وعزوتنا كلنا انت ذخرنا اللي لازم تساعد ابوي يا حبيب اختك.
ابتسم وهو مستغرباً/هاللحين اغلب البنات يبون الحريه يصيرون مثلك يشتغلون وسيدات اعمال وانتي تبين اخوك يمسك الشغل علشان تجلسين بالبيت!
عبست/كل واحد وله احلامه، انا حلمي اشوفك ناجح مثل ابوي ..وانا بالبيت انتظركم ترجعون لي،واهتم فيكم وبس.
اعاد مجسم الكره الارضيه مكانه ثم اتجه اليها من خلف المكتب ليدير كرسيها نحوه/شموستي ابشري بسوي اللي تبينه ومن الشهر الجاي اوعدك اداوم بس، انا جايك بطلب
اتسعت ابتسامتها، هذه عادته اذا رفض والدها شيئاً يتوسط بها/امررني.. وش بغيت من ابوي هالمره؟
اعتدل واقفاً وقالها بثقه/ابي لمبورغيني..
ذبلت ابتسامتها لترفع حاجبها بعدم رضا وهي تقف، وتتجاوزه خارجه/كنت اظن عندك شي مهم
لحق بها وهو يرجوها/شووشوو حبيبتي
نظرت للخادمه التي تمر بجانبها وهي تأمرها/لحد يدخل الأوفيس اووكي.. انا رايحه انام
تجاوزتها لتدخل المصعد وهو يدخل خلفها ..انزعجت من صوت رجائه لتلتفت/ناااايف وبعدددين.. لين متى؟ ابي اعرف
مسح على وجهه بتوتر ، حاول ان يسيطر على ألم رأسه الذي داهمه، ليبتسم لها/انا قلت لمبورغيني وصدقيني احلف لك معاد اطلب شي.. و بداوم معكم في المجموعه... هااه انبسطتي؟
حاولت التهدأه ليتضح الخوف في نبرتها/وش فيه راسك حبيبي يوجعك؟ اشوفك تمسكه
ابتسم لنقاء قلبها وحنانها عليه رغم قسوتها، فهي نائبة مجلس الاداره و تسير فرعاً نسائياً كاملاً تحت ادارتها وناجحه في ذلك، لكنها ضعيفه امامه كوالدته المرحومه/لا يالحبيبه مافيّ شي ..بس توسطي لي عند ابوي علشان السياره طلبتك
خافت ان ترده، فيشعر بالخذلان، لا تريد لقلبه الحزن/تو قبل شهرين شاري لك ابوي بنتلي بفوق الثمانمية الف ما امداك تمل منها يانايف!
