انتظر على جال غيمه بيضاء..
عله سيرى النور يشرق من خلفها الآن..
ولكنه تفاجأ بغيوم قاتمه تزيح تلك الغيمه وتحتل مكانها!!
ليشعر بالخذلان مجدداً..!!
.
،
.
،
.
نادا الممرضه وهو يأمرها بأن تخلع المغذي من يد عمه ولكنها سرحت في عينيه مبتسمه ببلاهه، لينهرها بصوت اقل حده/سسترر.. تسمعين؟!!
انتبهت لنفسها وهي تنزع الاسلاك من يد ابو نايف.. ومازالت تتأمل عيني عزام حتى خرجت.. اي سحر تمتلكه عيني ذلك الرجل.اي رموش تلك اي حاجبين؟!! خرجت وهي تراقبه، تباً كم هو وسيم..!!
اخذ في مساعدة عمه في المشي ليخرج معه.. مازال عند رأيه سيقف بجانب عمه حتى يستعيد عافيته فقط ثم لن يروه مجدداً..
ضل يفكر بما يفعله حتى يرد له حقوقه التي حُرم منها اخيه عبدالله.. يجب ان يكفر عن ذنب أبيه فيه.. ولابد أن يربط عزام بهذه العائله بأي وسيله، سكوت عزام وتهربه من اسئلته يجعله يشك في بقائه بجانبه، تحدث معه بابتسامه/بكرا يا ولدي فيه استقبال كبير للاهل والاصدقاء والجيران.. ومالي غيرك ولد استند عليه
حاول التهرب من لقاء تلك العائله/انا آسف يا عمي ماقدر احضر
سكت موجوعاً، فهم الآن ان عزام مُصر على تركه.. طأطأ رأسه/الله كريم
شاهد انكساره في ثواني ليتراجع عن رفضه، ما اقبح كسر قلوب كبار السن/كان عندي موعد لكن بكنسله ..وابشر بروح معك اليوم امرني بس..لا يضيق لك صدر
تهلل وجهه مبتسماً/الله يبشرك بجنة الفردوس يا ولدي
تمالك نفسه ان لايبكي بعد كلمة "يا ولدي"التي افتقدها بعد وفاة خاله/بس طالبك يا عمي لا تنكسر، ولا يضيق لك صدر مهما صار، نايف بيقوم بالسلامه ان شاء الله خل املك بالله قوي..
هز رأسه وهو يشد على يد عزام ويخرجان معاً من الغرفه..
لايعلم ما يخبئ له القدر وماذا يريد منه هذا العم الذي ظهر فجأه، تمنى ان تمضي هذه الفتره سريعاً ليريح رأسه..
.
.
نزلت من الاعلى بعد إلحاح من الشموس.. هنالك زوار كثر ويجب ان تجامل كفاها تقوقعاً وانعزالاً..لطالما اتهمتها اخواتها بأنها مزاجيه في تعاملاتها و لا تحبذ الزيارات..
نزلت لترى زوجات أخوالها البعيدات وخالاتها منيره كبيرة سن ولا تأتي سوى في المناسبات..
وقفت قليلاً لتملأ رئتيها اكسجيناً قبل ان تتجه إليهن،
،
نظرت لساعتها كثيراً سيذهب الزوار واختها لم تنزل بعد..وخالاتها يلحون في رؤيتها هنالك حواجز بينهم فهم بعيدين كل البعد عنهم، خصوصاً بعد رفضها الزواج من أبنها..
تريد الحديث عن عزام واخباره وماذا سيفعل راكان بأمواله وابنه على شفير الموت/الا ماقلتي يالشموس منوين طلع لكم هالعزام، وش يبي ما جاء الا بعد اللي صار غريبه!!
تعرف هذه التلميحات جيداً "هي شماته ولكن مبطنه لن تسمح لأحد بالشماته" ولا استضعاف والدها ووضعه/والله يا زوجة خالي، عزام هذا ولد عمي يعني ماهو غريب ..و هو هنا لانه شريك وابن هالعايله قبل كل شي، مافيه غرابه فالموضوع<<قالت ما قالته لتلمع صورة عائلتها فقط وليس اعترافاً بعزام
جلست هند وهي متعجبه بما تقوله الشموس عن عزام/اللي قالته شموس صحيح
لن تصمت شريفه وهي تكظم غضبها،فهمت ماترمي اليه ولكنها لن تكف/ماخبرت هالولد ولا نعرف ابوه..منين طلع لنا سبحان الله
دخلت ليال وهي تبتسم بخبث، لا تعرف تجامل/مو لازم تكونين تعرفين كل عايلتنا يا شريفه.. ترانا ما نعرف من اهلك غيرك انتي وما تلقفنا بالأسئله!!
وقفت شريفه وهي تستغرب حديثها/وش هالكلام يا ليال، انا ملقووفه!!!
ليال باشمئزاز/هذا اللي انتي لازم تسمعينه علشان تكفين عن السؤال في اللي ما يعنيك
غمزت لها هند/ليال يا قلبي !!
وقف الجميع مستغرباً بمن فيهن خالتها منيره/استهدوا بالله يا جماعه.. هلا بنتي ليال تعالي سلمي
اتجهت اليها ليال لتسلم عليها/هلابك خالتي.. حياك الله
اااه من ليال لا تعرف مجاملة احد ما يغضبها/معليش يا شريفه
غضبت من تلك المتعجرفه، ألا يكفيها ان اختها رفضت ابن اختها فياض، لتجعله يهلوس بها، من يظنن أنفسهن بنات راكان/على العموم مافي شرهه على كلام الصغار
ليال بابتسامه جانبيه/حلو انك محترمه سنك يالعجوز
امسكت بيدها شموس وهي تضغط عليها وتهمس/لياال!!
قررت الانسحاب والخروج وهي غاضبه/ماقصرتوا.. عن اذنكم
لحقت بها ام رواد وهي تودعها عند الباب.. لتلتفت خالتها منيره لها وهي غاضبه/ماهو عيب عليك تطولين لسانك وتراددين حرمه كبيره؟!! ليه ماتحشمين وجودي انتي هااه
ليال وهي تتجه اليها وتمسك بيدها بابتسامه/انتي محشومه يا ريحة أمي.. لكن ماعرف اجامل أنا.. اعتبروه عيب فيني
الشموس بغضب/ومبسووطه بعد!! قلت لك مليون مره اذا ماتعرفين تجاملين اسسكتي، الصراحه لها حدود وانتي تجاوزتيها
جلست وهي تبتسم/هاللحين بجلس معكم مرتاحه كنت شايله هم شريفه و راحت والباقيات ما حضروا الحمدلله
جلست منيره وهي تهز رأسها بعدم رضا/مافيك فايده.. الله يعين من بياخذك، لكن متى توافقين ع الخطاب و تروحين عنا
ليال بابتسامتها، تعرف ان خالتها منيره بمثابة الأم ولا تقصد سوا ممازحتها/شووفي اذا تزوجت شموستي بتزوج ..بس هااه واحد احبه ومالي عيني ويخطبني مني مو من ابوي
نظرت اليها منيره بنظره ناقده/هاااه وش تقولين؟ يا عيبااااه!!
ابتسمت الشموس باستهزاء فهي تعرف انها تمزح ولتلغي تفكيرهم يزواجها/واحد تحبينه؟! يعني نفهم انك مستحيل تتزوجين!
ضحكت وهي تشير اليها/والله محد فاهم علي غيرك، الحمدلله عشنا مع بعض عزابيات حلوات وبنموت مع بعض عوانس سعيدات.
ضحكت ام رواد وهي تجلس/ليال ترووق اذا فضفضت وهذا هي بدت تنكت.. البنات يخافون من العنوسه وانتي مبسووطه وتخططين لها!
الشموس بابتسامه يائسه/للاسف مانخطط لنصيبنا يا ام رواد حتى لو بغينا.. اما العنوسه اعتقد انها نسبيه يعني عند ناس تبدأ من البنت توصل سته وعشرين وفيه ناس لاربعه وعشرين سنه... يعني عندهم انا وليال معنسات من سنة جدي ههه
سمع ما قالته وهو يدخل، اضمر بقلبه وهو يسمع نبرتها، كم من الخطاب والرجال الجيدين رفضهم بسبب انانيته،وهي كم كانت مطيعه له ولم تعترض ،شعر بوجعها وهي تتكلم عن العنوسه.. وانها تعدت مرحلتها/السلام عليكم
الجميع التفت اليه ومن ضمنهم الشموس التي استغربت خروجه بدون ان يخبرها.. هو حقاً بدأ يستغني عنها ولا يخبرها بشيء، اتجهت اليه/هلا يبه توو مانور البيت يا الغالي.. ..ليه ما قلت لي انك بتطلع
ابتسم وهو يراها متفاجأه/سلمي بالاول وبعدين حاسبيني يا بنت راكان
اتجهت اليه وهي تقبل رأسه بابتسامه/محشوم يا حبيبي تعال ارتاح
تسائلت هند بفضول/راكان وين عزام؟
جلس وهو يسترخي في جلسته/راح عنده اشغال بيسويها لكن بيجي ينام هنا.. جهزوا له فراش بالمجلس
تحدثت باستغراب/وليش ينام هنا؟
التفت اليها/انا اللي طلبته يقعد عندي يالشموس ويااله وافق بعد..
لبست نقابها منيره لتأتي وتسلم/قرت عينك يابو نايف بولدك عزام
ابتسم/بشوفت نبيك يام طراد
جلست ليال بجانب والدها وهي تتأمل وجهه وتقبل يده/يازين هالوجه يا ناس ..اليوم منوووور لبى قلبك، عسى ربي يقوم لنا نايف بالسلامه قول امين وتكمل فرحتي
بادلها الابتسامه/الله كريم.. وين نيفا ماشوفها معكم
ام رواد بضيق/نيفا ياقلبي عليها مدري شصابها تغيرت ماهي بنتنا الاوليه اللي ضحكتها شاقه الدنيا، صارت من المدرسه لغرفتها لا تطلع ولا شي بالغصب انزلها تاكل معنا واحيان ماتنزل مره وحده، ماتنلام ضايق صدرها على أخوها
عم صمت في الجلسه وهم يتذكرون ذلك الغائب الحاضر.. الجميع يؤمنون ان لا عوده له ولكن لا يتحدثون عن اليأس منه.. مازالوا يتنفسون أملاً بعودته..!!
.
