SCHOOL OF DEATH

CHAPTER 6: LIVING LIKE A HELL

Kyla's POV:

Nagising ako dahil sa malakas na tunog galing sa baba. Tinignan ko yung alarm clock saka tinapon sa kama.

"Aiiish ano ba yan! 3:15am?"

Bumalik ako sa pagkakahiga pero isang malakas na tunog ulit ang nanggaling sa baba.

"Sino yan?" Sigaw ko pero walang sumasagot.

H..Hindi kaya, yung t..taong sumaksak sa akin ang nandito?

Natatakot ako. Ako lang mag isa sa bahay kaya sobrang takot ang nararamdaman ko ngayon.

Dali dali kong kinuha ang gunting ko sa bag. Saka bumaba ng kwarto ko.

"Sino yan?!" Sigaw ko ulit pero wala pa ring sumasagot

Dahan dahan akong pumunta sa kusina dahil doon nanggagaling ang kakaibang tunog.

"Ooouch!"

Aray ang sakit -_- nadulas kasi ako. Pero teka.. Kinapa ko yung basa na nasa sahig na dahilan kung bakit ako nadulas. Tinignan ko ng mabuti ang mga kamay ko.

Nabitawan ko agad ang gunting dahil sa sobrang takot ko.

"A..ano to? B..bakit may d..dugo"

Nakakatakot. Kinakabahan ako. Paanong nagkadugo dito?

Napansin ko rin ang mga dugong yapak sa sahig. Sinundan ko ang mga ito hanggang sa nakapunta ako sa kwarto ni Keisha. Ang aking kapatid.

Huminto ang mga dugong yapak sa malaking salamin ng kapatid ko.

Dahan dahan kung inangat ang mga tingin ko papuntang salamin saka..

"AHHHHHHHHHHHHHHHH!!!!!!"

Sigaw ko. Nanginginig ako sa takot. Sobrang takot. Pagharap ko sa salamin ay may nakita ako sa likod ko.

Si Ayen. Duguan siya. Sobrang dami ng dugo sa katawan niya. Yung mukha niya, nababalutan ng napakaraming dugo. Umiiyak din siya ng dugo. Yung leeg niya... Mayroong hiwa. Napakalaking hiwa.

Hindi ako makagalaw. Parang naparalize ata yung katawan ko. Hindi ko alam ang gagawin ko. Nakatingin siya sa akin. Wari'y humihingi ng tulong.

Nasa ganun akong sitwasyon ng bigla akong natumba dahil may humila sa mga paa ko.

"AHHHHHHH!!!! TULOOOOONG!!!" Sigaw ko.

Hinihila ako ng babaeng mahaba ang buhok palabas ng kwarto ni Keisha. Duguan din ang mga kamay niya. Nakakatakot siya.

Iyak ako ng iyak. Sumisigaw ng tulong pero wala atang nakakarinig sa akin.

Hila siya ng hila sa akin pero agad naman akong nakakapit sa may lamesa ng kapatid ko.

Nag pupumiglas ako sa pagkakahawak niya sa mga paa ko.

"TULOOOOOONG!!!!" Sigaw ko

Nagulat din ulit ako ng hinawakan ni Ayen ang Kamay ko. Tulad ng babaeng mahaba ang buhok, duguan din ang kamay ni Ayen kaya nagkaroon din ng mga dugo ang mga kamay ko.

Ayoko na! Please! Tulungan niyo ako!

Pagmamakaawa ko sa aking isip.

Biglang pumatay sindi ang ilaw. Hanggang sa tuluyan na itong pumatay, kasabay ng pagkawala ko ng malay.

********

Nagising ako sa sinag ng araw na nag mumula sa bintana ng kapatid ko.

"Anong nangyari?"