عبود جوله

البارت السابع

عبود جوله
البارت السابع
كله موافق بس بشرط
كالت شنو شرطك
اشوف شغلج اول شي وبعدين تقرر اظل وياج لو لا
يعني شلون
يعني اطلع وياج فتره اذا عجبني الشغل اكمل اذا لا والله تبطل
ميخالف والله مراح تعوفه هسه تشوف
الله كريم هسه شلون نبدي الشغل
شوف يمه اليوم راح تجينه حاله ونته الله وشوف شراح اسوي
يلله خوش
امشي وياي للبيت
رحنه اني وم ابراهيم البيته وره شويه ودكت الباب طلعت الحجيه فتحت الباب جان يطبن ثنين نسوان وياهن وحده مبوشه
ام ابراهيم هله خيه هله طبن طبن زارتنه البركه
اشكرك خاله والله احنه دزتنه عليج ام عثمان وكالت سلمولي عليهه
كل الهله بيجن وبم عثمان اي احجيلي يمه شعدجن
ام ابراهيم هاي باي سليمه بعده عروس وكل ميوصلهه رجلهه تكوم تملخ بروحه وتصيح
وينج يمه سليمه شيلي البوشيه خلي ام ابراهيم تشوفج
طبعا اني كاعد بلهول وهنه كاعدات بل غرفه وسمع الحجي
شالت البوشيه وسمع الحجيه صلت عل محمد وظلت تقره المعوذات وكامت تسولف ويه البنيه سالته انتي شسمج
احلام
الله يحفظج يمه ليش متردين زوجج
والله خاله اني اريده بس من اشوفه احس نفسي مخنوكه وكلبي ينعصر وكوم اصيح بعدين ما ادري شنو يصير بس هوه يكول تكومين تغلطين وتفشرين وحته ظرب اظربه
زين يمه انتي متدرين شنو تسوين
لا والله خاله همه يسولفولي من اصحه
صاحت ام ابراهيم يمه عبوده تعال شويه
وكالت للبنيه يمه هاذا ابن ابني يساعدني لازم يوكف وياي من اقره عل راسج
اي خاله خليه ايفوت اهم شي تطيب بتنه
دخلت للغرفه
جان تكلي الحجيه يمه عبود اريدك توكف بلباب من تشرد البنيه الزمهه ابد لتخليهه تطلع
كلتلهه ليش خاله تشرد غير هيه تريد تطيب
اي يمه بس هيه متحس عل روحه تره والجني البيهه راح يحاول يشرد
اني هنا صحت جني جني شني
اي يمه هاي البنيه متلبس بيهه جني ومخليهه تكرهه رجلهه
ونتي شراح تسوين
اطلعه غير
شلون
هسه تشوف بس ابد لتخليهه تطلع حته لو تربطهه
خوش
كامت الحجيه وجابت قواطي زغار وشعلت نار بلمنقله وكامت تذب بخور وتقره اياة وتنفخ عل بنيه وترجع تقره اياة
اباوع للبنيه كامت تذب عرك وصارت طماطايه وتتصرف بشكل عجيب وتكوم وتكعد كول شويه تكوم وترد تكعد والحجيه ام ابراهيم تقره اياة اخر شي طلعت عظم جبير وحمته علنار وصاحت وينك طلعت لو بعدك
ههههههههههه اني عبالي تحجي وياي كلتلهه وين اطلع
خزرتني وصاحت اشششششششش انته منو حاجي وياك
عاد اني سكتت وكمت ابلعم
جان تعيد مره ثانيه والبنيه تريد تكوم وامهاتهه كامشاتهه الا ان طلعت العظم من النار وقربتهه يم البنيه وصاحت تطلع لو اجويك بعظم الناكه العرجه
اباوع للبنيه راسن خرت روحهه وره شويه كعدت مخنزره وصاحت بصوت عالي وقبيح اول مره اسمع هيج صوت شتردين انتي مني
هنا الحجيه كعدت بلكاع وكامت تسولف وياه وتاشر بلعظم
انته منو
اني جني العاشك
وشجابك علبنيه
شفتهه بلحمام المغرب وعجبتني
وشلون تلبست بيهه
دخلت من ظفرهه جانت تنظف بيه بلحمام
زين شتريد منهه
اريدهه اني احبهه
بس البنيه تزوجت
اطلكهه منه
بس مو حرام انته متعرف الله ميقبل بهلشي
اي اعرف بس اني مو مسلم
زين هسه متطلع منهه
لا ما اطلع واذا حاولتي تطلعيني

شراح يسوي الجني شتكولون
يتبع

لتنسوون تصويت وتعليق