البارت الاول
عبود جوله
السلام عليكم طبعا اشكر اخويه حسين الي ساعدني بلقصه القصه شكرا جزيلا اله
وتمنه تستمتعون لاحداث القصه
اختكم طائر بلا تغريد
الجزء الثاني
البارت الاول
وصلنه للحدود قدمنه جوازاتنه وعبرنه من وصلنه الكويت جانت ليل
بتنه بلفندق
ابو ساره شوف ابو عبود عندي صديقي ظابط هنا باجر نروحله ونشوف شنسوي وشني الاجرائات الي نتخذهه
اي والله بلكت الله يسهل علينه ونلكاه
انشاء الله هسه نام ورتاح خويه
تصبح عل خير
تلاكي خير
رحنه الصبح للظابط
دخلنه المركز الشرطه
سالته عل ظابط اسمه نايف وصلونه الغرفته طب الولد فد شويه طلع كال ظابط نايف ينتظركم
قبل لندخل كلي ابو ساره عبود زوج بنتي ودخلنه
السلام عليكم
ياهله بابو ساره كيف حالك
ليه تكطع بينه متمر بينه
والله يابو نواف اني قبل كم يوم جنت هنا بس صارت شغله ومكدرت امر بيك بس هسه صار لازم اجيك
اشر النه الظابط بمعنى اسكت
بلول نتريك وبعدين نحجي
لا ابو نواف والله متريكين
عفه صدك ابو ساره لا ابد اشو تتريكون او تتغدون وياي
يلله كومو وياي
اخذ سويج سيارته وطلعنه كل للشرطي الي بلباب
يولد اني طالع اذا اجه الملازم كله راح يتريك ويجي
حاظر سيدي
يلله امشونه
طلعنه فتح سيارته دخلنه مش بينه وظل يسولف ويه ابو ساره
ابو ساره اعرفك بابو عبود صديجي وخوي ونسيبي
التفت عليه الظابط وكلي ياهله بابو عبود
وبيك اكثر اخي
وصلنه المطعم جبير صف السياره وكمنه يلله تفظلو
نزلنه دخلنه للمطعم تلكانه العامل رحب بينه ودخلنه الغرفه خاصه مبين هاي الغرفه خاصه بابو نواف
دخلنه للغرفه كال ابو نواف تفظلو استريحو هسه يجيبولنه الريوك ونسوالف
دخل العامل شايل اشكالةخلاهن كدامنه
وراح
تفظلو يلربع والله يابو عبود هاذا ابو ساره ما عرف شلون اجازيه كل ما اجي للعراق اروح البيته ويقوم بينه يعني يحطنه عل راسه
يسلم راسك خيي
وهسه سولفلي شني السالفه
ابو نواف قبل شهرين سافرت اني ونسيبي عبود
لا بربك ساره تزوجت ومكتلي
ههههههههههه لا والله شلون ما اكلك بس هيه بس خطوبه
ها زين عبالي تزوجت
ههههههههههه لا بعدهه المهم سافرنه وبطريق الرجعه بلحدود الكويتيه لزمو عبود لان ما جان عنده جواز ومقبلو يهدو وره كم يوم رجعت الهم كالو سفرو بس وين محد يكلي
ها زين ليش تخليه يسافر اذا ما عنده جواز
والله ياخيي كله صوجي اني جنت محتاجه يروح وياي وملحكنه نسوي جواز
بصيطه لتخاف هسه اخابر وشوف
اي والله خيي همتك ويانه تره ساره خليتهه بلمستشفى عليه
اني ظليت صافن عل ابو ساره معقوله عبود خاطب واني ماادري يلله المهم يرجع بلسلامه
طلع ابونواف يخابر
ابو ساره خيي تره مال خاطب عبود جذب بس ردت اخلي ابو نواف يستعجل بلموظوع
والله خيي حته لو متزوج وين نلكه احسن منكم احنه
الله يسلمك والله النه الشرف ناسبكم
خلي يرجع عبود والله كريم
شويه اجه ابو نواف
يلله كومو وياي
ها بشر
لكيته محجوز بلسجن العسكري
الله يبشرك بلخير
هسه خلي نروح نشوفه وبعدين نشوف شنسوي
اي والله نروح الف رحمه عل والديك
لا ابو عبود احنه اهل لتكول هيج
نتشرف والله
يلله كومويعني يدزونهطلعنه من المطعم صعدنه بلسياره اخذنه للسجن
اول ما وصلنه منعونه ندخل بعدين طلع باجه ابو نواف كلولنه بس انته تدخل
كال يلله ميخالف راح ادخل وشوفه وبعدين احاول ادخلكم
ظلينه باب السجن ساعتين وراهه طلع ابو نواف
ها ابو نواف بشر
والله يخيي نسيبك راح يسفرونه بلتسفيرات للعراق
يعني شنو يعني يدزونه لسجن ابو غريب ومناك نستلمه
ها خوش انته شفته
اي شفته وهوه زين ويسلم عليكم ونطيته فلوس بس منكدر نشوفه
زين شوكت يسفرونه
بعد اسبوع
ها خوش اهم شي ميبقه هنا ومن يوصل لبو غريب عود نحاول نطلعه
اي انشالله بعد سبوع يرحلونه بلطياره البغداد ومناك روحو شوفو
واني هم وره كم يوم هم اجي اشوفه
والله تعبناك ويانه ابو نواف
لا والله عيب هيج تحجي وياي صدك انته خوي ابو ساره وهسه نروح للبيت حته ترتاحون
لا والله انريد نرجع للعراق نطمن اهله
والله العظيم اذا ما اجيتو وياي فلا اعرفكم بعد
ههههههههههه لا يمعود كلشي ولا زعلك
رحنه ويا للبيت تغدينه وسبحنه ونمنه وظلينه الثاني يوم بيت ابو نواف
وثاني يوم رجعنه للبصره
ابو ساره من رجعت للعراق جنت فرحان كلت لازم افرح ساره طبيت البيت لكيت ام ساره كاعده بلصاله من شافتني ركظت عليه وشبكتني وهيه تبجي
كتلهه شلونج يلغاليه
شلوني بعد وهاي بنك ناصبتهه مناحه تكول امهه ماتت
اششش الله ليكولهه
تعاي كعديهه عندي اخبار حلوه اله
رحنه الغرفة ساره صحت ساره
ساره سمعت صوت بابا كعدت كتله بابا اجيت
اي بابا جيت شلونج باباتي
زينه اني بابا عبود
هههه لتخافين لكينا
صدك بابا اجه وياك
لا بابا راح يودونه بلتسفيرات
شوكت يجي
بابا انشالله كم يوم يخابرنه ابو نواف من يوصل البغداد
يلله باباتي اني جوعان اريد اكل وياج
صار بابا راح اسوي احله اكل
ابو عبود وصلت البصره رحت البيت لكيت ام عبود تبجي كتلهه خيرج ام عبود
ابو عبود خايفه عل عبود صارله هواي مسافر
لتخافين عيني كم يوم ويجي
صدك شمدريك
ها مو ابو ساره مر عليه وكلي
الف حمد وشكر الك يارب
ظلينه يومين ننتظر مخابرت ابو نواف الا ان كاعد بلمحل وجان بوكتهه تو نزل الموبايل جان يدك ابو ساره.
تتوقعون اجه عبود للعراق خلي نشوف بلبارت الجاي
أنت تقرأ
عبود جوله
Chick-Litالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
