عبود جوله
البارت السادس عشر
عمي والله اني عبود
بس عمي انته صغير معقوله تدبرهه
هيه شني عمي بس كلي
شوف بعد عمك اني تاجر وعندي خيرات الله وشغلي كله بلكويت بمصر بفلسطين بلسعوديه ماعندي غير هلبنيه والبنيه مدلله حيل عندي وهس صارلهه شهر حالتهه حاله لا تاكل ولا تشرب وماخلت شي ماسوتهه تملخ بروحهه وتصيح هيج لوحدهه ومن نساله شبيج تكول اريد عبود بويه يا عبود تكول عبود العطار روحو اسالو عليه وجيبو وهلجيتك من العماره لهنا ادور صارلي اربع ايام
زين ما عرفتو شتريد مني
لا والله ماندري غير اريدعبود
وهسه المطلوب شنو
والله عمي اني داخل عل الله وعليك اريدك تجي وياي وتشوفهه شتريد منك
اليوم نروح لو باجر
بكيفك يعمي اليوم باجر بكيفك
عمي دنيه ليل هسه تعال وياي لهلي وبات والصبح نغبش للعماره
لا يعمي خاف زحمه عليك اني ابات بلفندق
لا والله هلحجي ميصير تجي وياي والصبح نغبش
الله يرظه عليك يعمي
رحنه البيتنه سوتلنه الوالده مطبك دجاج وتعرف عل ابويه وظلو اليل كوله يسولفون هههه ثبروني بزمن اول
للصبح صلينه وتريكنه وطلعنه وصلنه العماره بلعشره نزلنه يم بستان جبير تلك انا رجال عمره متوسط سلم علينه كتله ها ابو ساره هاذا عبود
اي والله محيسن هاذا كون لكيته بشر شلونهه ساره
عل حطت ايدك مثل ما عفتنه
يلله خوش هسه روح سويلنه مجال خلينه ندطب للبيت
صار ابو ساره
تفظل بويه عبود
يالله دخلنه للبيت اللهم صل على محمد وال محمد شني من بيت يخبل تكول قصر صعدنه الطابق الثاني لكينه غرفه دك الباب ودخل ابو ساره وكلي تفظل عبود
من دخلت لكيت غرفه جبيره واثاثه فاخر ونايمه بيهه بنيه سبحان من صورهه بيظه الشعر تكول ليل والحلك تكول تفاحه حمره
نتبهت عل صوت ابو ساره يصيح
ساره ساره بويه كعدي هاذا عبود جبته الج
طبعا البنيه ولا يمهه بس من سمعت رسمي نتفظت وكعدت عل حيله والسعر مغطيهه
كالت اجه عبود
اي بويه هاذا ويا
تعال عمي عبود حاجيهه
كتلهه ها خيتي اني عبود وجان تخزرني وتغير صوتهه وكالت وين جنت صارلي شهر متانيك
هنا اني نتبهت عل روحي عرفت السالفه كتله اسف ماجنت ادري بيك هنا جا اجيتك من زمان
هسه شتريد مني اني حاظر بس لتاذي البنيه
لا ما اذيه بس انته تساعدني
اي تساعدك بلحلال بس غيره لا
ام ابراهيم تسلم عليك
وعليكم السلام
شلونهه زينه
اي زينه هيه دزتني عليك
شتريد مني
اريد تعلن اسلامي
زين ليش مكلت لم ابراهيم
ام ابراهيم تعبانه وماتكدر تكوم بس نايمه هيه دزتني عليك
انته تعرف لازم تسوي طقوس خاصه وم ابراهيم متكدر عليهه
زين اطيني مجال الباجر اروح اجيب المواد حته اسوي الطقوس واجب
ماشي بس اذا ما اجرت تره ااذيهه
لا يمعود شلون ما اجي اكيد اجي
طلعت من الغرفه والكل مصدوم من الي شافوو
سالني ابو ساره عمي شني السالفه هاذا منو الحاجيته
عمي صلي عل نبي
اللهم صل على محمد وال محمد
شوفو هاذا جني كافر راد يسلم وبعالم الجن اذا راد جني يسلم لازم عراق يسويله طقوس خاصه فراح للحجيه الي علمتني هاي الشغلات الي هيه ام ابراهيم وجانت مريظه فدزته عليه
ها وما لكه غير بتي يدخل بيهه
عمي هاي بعد الي صار
زين هسه انته رايح للبصره
اي عمي رايح وباجر اجي
اني اوصلك
لا عمي خاف اتعبك
لا يمعود شلون حجي هاذا اني اخذك وجيبك
رحنه للبصره وصلت للمحل مالتي فتحته لكيت عمار نايم كال ها عبودي خو ماكو شي
كتله لا بس ردت شغلات اخذهه وروح صدك خذت كم شغله ورجعنه للعماره من وصلنه جان الدنيه ليل كلي نام هنا للصبح
ثاني يوم كعدنه تريكنه وكعدت البنيه كتلهم خلي تتريك لان وراهه تعب فعلا تريكت وطبيت سويت بخور وشغلات وظليت اسولف ويه الجن الان ان كملت وعلنت اسلامه وطلعته من البنيه
طلعت من غرفت البنيه واهلهه يتشكرون مني وصلني ابو ساره للبصره وهناك كلي عمي شتامرني اني حاظر كتله لا عمي ماكو داعي اني مسويت شي لا يعمي ما انسه فظلك عليه لازم اجازيك
كتله ميخالف بس اني ما ريد فلوس
كلي الي تامر بيه
أنت تقرأ
عبود جوله
ChickLitالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
