عبوده جوله
البارت الثاني عشر
ظليت منتظر جواب خيريه وره يومين رحت البيت ام ابراهيم جان تكلي
يمه عبوده عدي حجايه وياك
كولي خاله
هاي رساله من خيريه الك
اني كلبي نعصر كتلهه اي خاله جيبيهه
نطتني ام ابراهيم ورقه وطلعت
ظليت مكابل الورقه لابيه افتحهه ولا بيهه اعوفهه بعدين كلت لو موافقه جا مدزتلي رساله بس اكيد رافظه
طبكت الرساله وخليتهه بجيبي وطلعت رجعت للبيت لكيت امي وخواتي يلمن بلغراظ والفرحه مسايعتهن كالت امي تعال ساعدنه لم ويانه الفراشات
صدك التهيت بلفراشات والتعزيله ولميت غراظي كالت امي عكب باجر نرجع للبصره مديت ايدي بجيبي طلعت الرساله ظليت بين افتحه وبين الا اخر شي طبكتهه وخليتهه بكتاب من كتبي وخليتهن بجنطه
ثاني يوم رحت عل ام ابراهيم اودعهه لكيتهه تبجي كالت يمه عبودي شلون راح تعوفني
خاله اجيج والله اجيج
لا خاله هاي هيه مودع بلله بس مو تنساني ولا تنسه العلمتك ياه
شلون انساج خاله ونتي صاحبت فضل عليه
كالت يمه خو ما مقهور من خيريه
لا خاله اني جنت متاكد هيه متحبني
يمه الحب وحد والزواج وحد
اي هم صحيح
ظليت كاعد يمه شويه ودعتهه وطلعت صارت بوجهي خيريه
ها عبودي رايح
اي رايح
ردتهه بس تكلي ظل لتروح جنت ظليت بس هيه ابد ولا حجت
باوعتلهه ومشيت
ثاني يوم طلعنه من الصبح للبصره وصلنه العصر طبعا طلعت من البصره كلبي مقبوظ ورجعت كلبي مقبوظ وصلنه للبصره بس شتميت هواهه حسيت كلبي نفتح ونفسيتي ارتاحت تلكونه ولد عمي واصدقائي باب بيتنه شلون منظر تكول جايين من الحج هههههه طبينه البيتنه
لكيناهم مسويلنه عشه تعشينه وطلعت ويه جماعتي رحنه كعدنه عل شط العرب
دخيل الله شكد ترد الروح الكعده هناك طبعا الممجرب الكعده عل شط العرب مينحسب عايش بهلدنيه
ظلينه نسولف لحد نص اليل بعدين رجعنه للبيت
ثاني يوم طلعت من الصبح كعدة لكيت الوالد يتريك
صباح الخير يابه
صباح الخير وليدي ها عبود سولفلي شراح تسوي شتشتغل
والله يابه جاي افكر افتحلي محل عطاره
خوش توكل بويه والله يسهل عليك
طلعت من البيت رحت للسوك سالت كم واحد عل محل فارغ حته اجره دلوني عل محل بنص السوك رحت عل صاحبه وتفقت وياه واجرته
رجعت للبيت تغديت وطلعت ويه ربعي نتمشه كلتلهم اكلكم شتشتغلون هلايام كالو والله كاعدين بلمطبخ نساعد الحجيه
ههههههههههه زين والي يشغلكم
ياريت والله
شوفو اني اجرت محل بسوك العطاره وراح افتحه شتكولون لو تساعدوني
ونته شمعرفك بلعطاره ولك هاي شغله صعبه
ادري بس اني كلشي اعرف بلعطاره
لا بربك شمعرفك
اكعدو خلي اسولفلكم
سولفتلهم عل كلشي صار بيه
ثاني يوم طلعنه للمحل نظفنا وشكلنه الشيالات
جان اكومحل بصف محلنه صاحبه كل شويه يجي يباوع ويروح كتلهم معليكم بيه
للظهر كملنه ورجعنه للبيت كتلهم باجر اطلع الصبح اتسوك
رحت تعشيت ونمت وره ساعه وسمع الباب يندك حيل فزيت عل صوت عمار
يصيح ولك عبود الحك
شصار يا ستار
بعدين تعرفون علبارت الجاي
أنت تقرأ
عبود جوله
Chick-Litالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
