عبود جوله

البارت الأول

عبودي جوله
البارت الاول
السلام عليكم
قصتنه اليوم الاصل حقيقي ميه بل ميه بس الاسماء لا مستعاره وبعض الاحداث هم من خيالي لازم شويه نخلي بهارات زايده حته تشعوطون هههههه تدور احداثه قبل السقوط
قصتنه حلوه عن شاب عاش حياته بتعب حقق هواي شغلات ايحب ايساعد بس بزمانه الي يساعد الناس يسمونه لوكي اكيد تريد شي بلمقابل. مو صحيح
تمشي احداث قصتنه بعدد من المناطق هيه البصره الزبير الفلوجه مصر قطر راح تسالون شلون خليط راح اكلكم تجيكم السالفه اسم بطلنه عبود جوله ليش سميته هيج اني اكلكم لان لاعب جوله بحياته ممخلي شي ممسويهه ممخلي شغله مشتغلهه
وهسه هوه راح يعرفكم عل نفسه
فد دقيقه خلي اصيحه
عبود ولك عبود
ها ها شبيج تصيحين خزيتينه منا العالم
ولك جا ليش مترد عليهه
غير بلحمام
ديلله تعال صارلي ساعه اكتب متت
اجيت شتردين خبصتينه
يا هاي فوكاهه مو زين اكتب قصتك
لا بلله غصبا عليج
ها هاي ويامن عبوده
ها لا مو وياج اسف اسف لتروح تزعل وتنلاص مو عليج خيتي
عبالي يلاه تعال احجي
مرحبا اسمي عبود وهاي سمتني عبود جوله مدري منين جابت هلاسم
غير من سوالفك
اي صح يلا وخري خلي اكمل
اني شكلي حلو مرتب طولي متوسط جسمي حلو مرتب اعيش ويه عائلتي متكونه من ابويه الله يخليه موظف محاسب بشركه والدتي خريجة كلية العلوم بس ما متوظفة فضلت تكعد تربي جهالهه احسن عندي خمس اخوان واني السادس واحد من اخواني توفه واني صغير وعندي خمس خوات كولهم مكملين دراسه ومتزوجين اعيش بل زبير الله عليج يل زبير اعشقها الله ياريحتهه وصلت للثالث متوسط وبطلت من جنت صغير جان حلمي اكون فد شي بلحياة وهذا حلمي
كافي الخاطر ربك شكد تلغي
هاي شبيج غير احجيلهم
هوه انته شخليتلي لعد اني شكتب بعد
والله حرت وياج ساعت السوده الي خليتج تكتبين قصتي
يلا روح حباب اني اكمل
يلا باي بس ها ما اوصيج كون صدك توصلين قصتي بحقيقتهه للناس
اكيد خيي ماراح اقصر وياك
اودعناكم
نبدي قصتنه من بيت ابو عبود

عبود عبود وينك عبود
يا هاي بعدك نايم
ها يمة شبيج
ولك عبود اكعد روح للمدرسه
اهو يمه خليني نايم
ولك شلون اخليك كوم روح للمدرسه
يمه رحمه لهلج ماريد اروح للمدرسه اجيبهة من الاخير اريد ابطل
ولك ليش مو ذوله اخوتك كلهم يدرسون
اي بعد شتردين هاي هيه اله كلنا نكمل دراسه
شوف اني مابيه حيل اجادل من الصبح ودري بيك ماراح احصل منك شي اروح اصيح لبوك هوه يحاجيك
اهو استغفر الله
حسين حسين شو تعال خلصني
شبيج يامره من الصبح
هذا ابنك راح يجلطني ايريد يبطل
صدك تحجين
اي والله تعال حاجيه
عبودي
ها بويه
تعال بويه تعال
اجيت
عبوي شني سالفتك ليش تريد تبطل
بويه والله ما احب الدراسه
بويهه هوه الانسان شعنده غير دراسته هسه اني لو ما هل وظيفه شلون جان حالنه
بويه اكو هوايه شغل غير الوظيفه
موذوله خوتك كلهم بلمدارس والي كمل
اي هاي هيه الا اني اكمل خلي واحد منة يبطل
ولك ومستقبلك يا مستقبل يابه خليني عل راحتي
اوف ربي شالع كلبي انته زين اخذ شهادة الثالث عاد
يعني اذا اخذتهه ابطل
ولك لا اله الا الله ميخالف بس كمل والله كريم
خوش لعد راح اخذ شهادة الثالث وبطل خوش
خوش بويه جا شسويلك بعد
يلا بويه الله وياك اروح للمدرسه

يتبع