عبود جوله
البارت الاخير
#طائر بلا تغريد#
نفتح باب المطبخ وسمع الشهكه ههااااااا عبود
كمزنه ثنينه لكينه ساره وام ساره وام خيريه واكفات
ساره عبود شني هاي
ساره تعاي افهمج
شتفهمني تحجي صدك انته
ساره تره انتي فاهمه الموظوع غلط
شلونه الغلط بعد ونتي خيتي الي امنت بيج ليش هيجي يا بت الاصول
سااااااره كافي خلي افهمج ام ساره كالت عبود يمه فهمني ساره اسكتي خلي نفهم وج يمه شنفهم بعد هاي من شوكت علاقتكم يابه وين جنت تروحلهه ماجرلك خيمه يمهم لو بخيمتهم
عبود من سمعت ساره هيج حجت عل خيريه بعد فقدة ظربتهه راشدي وكعت بلكاع
كامت تصيح وتغلط اول مره اشوف ساره متهستره بهل شكل
كامت تصيح اطلعو بره ماريدكم بيتي
اباوع الخيريه مغطيه وجهه بايديهه وتبجي وامه حاظنتهه من وره الصريخ نزلو التوم واجه ابو ساره وابو خيريه
كامو يتصايحون واني واكف ماهامني غير خيريه شلون خليتهه بموقف ظل ابو ساره يغلط وام ساره تصيح واني واكف بلنص اخر شي عطت بيهم سكتو كلهم
كتلهم اسكتو ولا كلمه خلي اسولفلكم الموظوع رادت تطلع خيريه لزمت ايدهه قوي وكتله لتطلعين خلي اسولف اسمعوني كلكم من اخلص حجي راح اطلع من هلبيت وبعد ما ارجع
بديت اسولف والكول منتبهي الى ان خلصت كلامي حاجيت ساره
وهسه ساره شتكولين تستاهل اتركهه لو لا
دنكة ساره وتفرك بديهه
بعدين كلت لبو خيريه عمي اني اطلب ايد بنتك وتمنه تقبل راد يحجي ابو خيريه سكتهه
عمي هسه ما ريد جواب كومو لمو غراظكم خلي نطلع وبعدين عود نسولف بلسالفه هاي
كامت خيريه وامهه جمعن ملابسهم واني صعدة للغرفه طلعت جنطه وبديت اخلي ملابسي بيهه
طبت ساره كعدة عل جربايه اني اخلي ملابسي وهيه عيونهه تجري كالت
عبود لتعوفني والله اموت وراك
انتي عفتيني من طردتيني
عبود بس انته كون بمكاني وتشوف الي تجبه حاظن وحده شراح تسوي
محاجيتهه
عبود الله يخليك والله احبك لتموتني
ظلت تتوسل
كلت والله صح حقهه شافتني بحظني وحده اكيد تنقهر باوعت الهه شفت عيونهه تجري وتفرك بديهه انا 9ث3
اشرت عل كلبهه وكالت عبود اني اتنفسك مو بس احبك انته ث الهوا اليه لتبعد عني هواي
وكفت عل حيلي وتحسرت
رديت قرغصت يمهه ولزمت اديهه
ساره انتي حياتي لتظنين يوم اعوفج بس خليني شويه ابتعد لمن ارتاح
زين ميخالف بس ارجعلي
لا ساره ما راح ارجع لهنا راح ابني بيت واجي اخذج
ميخالف اروح وياك الاخر الدنيه
تمام لعد اروح ابني قطعتي واجي اخذج
اووو خيريه
راح اتزوجهه
براحتك
يلله حبيبتي اني اروح هسه وخابرج
وين راح تروح
للبصره
ها واهل خيريه
اخذهم وياي
طلعت لكيت الكول حاظر اخذتهم وطلعت
بلسياره
عبود ابني
ها عمي احجي
وين مينه
للبصره يم اهلي
شوف عبود الي اريده منك تشوفلنه شغل اني والولد حته ناجر بيت
تدلل عمي اني معارفي هواي اكيد راح احصللكم شغله
اي والله وليدي
وصلنه للبصره تلكانه الوالد سلم علينه ودخلناهم للبيت وطلعت اني رحت للمحل رحت مريت عل ولد صديقي عنده معمل مال نسيج
السلام عليكم
وعليكم السلام عبود شلونك
الحمد لله انته شلونك
اني احمد الله كولشي بخير.
الحمد لله
اكلك ابو حسين اريد اطلب طلب منك
أأمر عبودالله يعزك خيي بس عندي نسابتي شردو من الفلوجه وهسه كاعدين يمنه ويريدون يشتغلون
ها تدلل خلي يجون يشتغلون بلمعمل
صدك الف شكر الك
ولو تدلل عبود من باجر جيبهم
انشالله
طلعت منه رجعت للبيت
السلام عليكم
وعليكم السلام
كعدت عمي ابو خيريه لكيتلكم شغل
لابلله
اي والله بمعمل مال نسيج باجر اخذكم اله
الله يحفظك وليدي
يلله اني اترخص باجر اجي الصبح اخذكم
طلعت رحت البيت محمد نمت عنده مترهم بعد انام اني وخيريه بنفس البيت
ثاني يوم خذتهم دليتهم عل معمل وصيت صاحبي عليهم ورجعت للبيت سولفت لبويه علي راح اسويه كلي كيفك انته شتشوف صح سويه
طلعت للعماره رحت الولد صديقي بنه كتله اريدك تبنيلي بيت
اخذته للقطعه راويتهيا كتله اريد طابقين نفس الديكور راواني كم خريطه عجبتني وحده فصالهه غربي كتله مثل هاي بس اريدك بشهرين تخلص
كال تدلل اقل من شهرين انشالله
رجعت للمحل ظليت بين المحل وبين البنيان اخابر عل ساره كول يوم دورات نتلاكه بلمطعم واهلي اروحلهم كول اسبوع ابو خيريه اجر بيت وشال اله وره شهرين خلص البيت رحت الساره نطيتهه مفتاح البيت وكتلهه تروح تفرشه بكيفهه لان البيت اله مدخل وحده بلحديقه بعدين رحت عل خيريه اخذت اهلي ورحت خطبتهه سوينه عقد سيد بيت اهلهه بيوم العقد جنت طاير من الفرح وره العقد دخلت سلمت عليهم اباوع الخيريه لابسه ثوب ابيظ بسيط بس يخبل عليهه سلمت عليهه وكعدت شاورته كرصيني خاف اني بحلم
ظحكت كالت حته لو بلحلم اني قابله تدري شكد حلمت بيك
ههههههههههه شلون بلله شجنه نسوي بلحلم
ههههههههههه بعدين اكلك
خلصت الحفله وره كم يوم سوينه حفله صغيره وتزوجنه مكلت الساره لان كلت خطيه تنقهر لمن اجيبه واجي لىبيت يالله اكلهه
وره الحفله اخذت خيريه وطلعنه للفندق من طبينه لزمت ايدهه جريتهه للجربايه كتلهه تعاي اليوم نسولف بس اريدج تسولفيلي كول حلم حلمتيه بيه
ههههههههههه صدك تحجي اي والله
ظلينه نسولف للصبح صلينه ونمنه خليتهه بحظني ونمت
ثاني يوم رجعنه للبيت لكينه اهلي محظرينه حفله صغيره ذبحو جوه رجلين خيريه ذبيحه ثاني يوم اخذتهه ورحنه للعماره طلبته وكتله اروح اجيب ساره وجي فعلا جبتهه وجيت بلطريق كتلهه ساره تره اني تزوجت خيريه حسيتهه نقهرة بعدين كالت علخير عشته بيت واحد بس كلمن وحدهه مرات اسمع المكافش ههههههههههه اسوي روحي ما اسمع شويه ويهدن
خلصت قصتي اتمنه ستمتعتو بيهه
اختكم#طائربلا تغريد#
أنت تقرأ
عبود جوله
Literatura Femininaالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
