عبود جوله
البارت السابع عشر
كتله اريد اطلب منك طلب
ابشر شتريد
اريد اسافر وياك
وين
وين متروح تعرف اني عطار وريد اجيب اعشاب واني ماعندي امكانيه اسافر
تدلل الشهر الجاي عندي سفره البلاد الشام تروح وياي
اي والله
هاي هيه حظر نفسك
رجعت للبيت واني تعبان نمت شويه وطلعت للمحل
مرت الايام واني مشغول بين المحل والتحظير للسفر قبل السفر بكم يوم اجاني ابو ساره
السلام عليكم عمي
وعليكم السلام
شلونك عبود
الحمد لله شلون الاهل المحروسه ساره شلونهه
تسلم عليك وعازمتك عدنه قبل السفر تكول اريد اشكره علي سواه
لا عمي هاذا شغلي ماكو داعي
شوف احنه الاسبوع الجاي نسافر قبل السفر بيومين اجيك اخذك البيتنه نبقه هناك يومين وبعدين نسافر شتكول
بكيفك بعد انته قررت هههههه
لا والله هاذا قرار ساره وبعد ساره اذا قررت ماكو تراجع
كلت بكلبي فدوه هم جمال او هم شخصيه
يلله عمي اني اودعك
الله وياك
رجعت للبيت سولفت الابوي كلي والله بويه انته شتريد
اني اريد اسافر
هاي هيه ماريد اعرظلك بويه الله يسهل عليك ويردك بلسلامه
وراهه خلص الوقت بين تحظيري للسفر وبين تجهيز المحل
قبل السفر بيومين اجاني ابو ساره للبيت واخذني للعماره بلطريق كتله ابو ساره تره اني ماعندي جواز
اكلك بويه انته بعدك متعرفني اني اكبر تاجر بلعماره حته الحكومه تحسبلي حساب يعني لا اهتم للجواز ولا للهويه
لتهتم انته وياي
هنا اني رتاحيت من حجي ابو ساره
وصلنه البيت ابوساره تلكتنه ساره وامهه اباوع الساره بلا حجاب والشعر فاتحته والمكياج يخبل من شافتني كامت تظحك
انته عبود
بلي اني
ههههههههههه خبصني خبص الجني بيك
ههههههههههه اي مو هوه عرف
ههههههههههه تفظل
دخلنه للبيت لكين صابين العشه تعشينه وشربنه جاي
بويه عبود البيت بيتك اني عندي كم شغله راح اخلصه وجي ونته بعد من اهل البيت اخذ راحتك
تفظل عمي اني هم راح انام
اجتني الحجيه ودتني الغرفه من الغرف كالت نام هنا
دخلت نزعت قميصي ولبست بجامه وتيشيرت وتمددت عل جربايه بعدني منمت اندك الباب
كعدت كلت منو
اني ساره
بعدني ماكعدت طبت للغرفه
شفته طبت كعدت علجربايه
كالت شني تريد تنام
ها لا بس متمدد شويه
تطلع شويه نتمشه بلحديقه
يلله
طلعت كدامي لابسه تراك وردي والشعر ليل والجسم يخبل ظليت اجر نفس كوه
وصلنه للحديقه بطلاع الروح
كعدت علمرجوحه وكالت تعال ادفعني
ههههههههههه ونتي جايبتني حته تلعبين بلمرجوحه
ههههههههههه لا بس اني احب اكعد هنا واني لوحدي النهار كوله اظوج
ظليت ادفع بلمرجوحه وهيه فرحانه كامت تسولفلي عل حياته شلون ظايجه لان لوحدهه
اكلك انته شتتمنه بحياتك
اجيت كعدت يمه وكتلهه اني اتمنه اعرف شريد
ههههههههههه ليش انته فاقد الذاكره
لا بس اني حياتي كوله صدف يعني كلشي صار بحياتي جان صدفه
شلون يعني
سولفتلهه شلون انتقلنه للفلوجه وشلون تعرفت عل ام ابراهيم وشلون رجعنه وفتحت محل وهواي شغلات ظلت هيه بس تباوعلي وتهز راسهه
وهسه حته سفري هم صدفه بعد ما اعرف شنو ظاملي الزمان
طبعا انته قصتك تنفع اتصير مسلسل هههههه
اي صح
زين اكدر اسالج سؤال
اكيد
انتي ليش متلبسين حجاب
ههههههههههه ههههههههههه ههههههههههه ههههههههههه
ليش هلظحكه
ليش انته متدري اني مسيحيه
لا بربج
ههههههههههه اي والله ليش ابويه مكلك
لا والله واني اكول ليش هيجي تلبسين
شبيه لبسي
لا هيج
لا الله عليك كلي شبيه لبسي
متزعلين
لا ماازعل
لبسج كلش مفظوح
لا موكولش
لا اشو كلش شايفه هاذا التراك شلون ظيك
كامت وظلت تفتر عل روحه وتباوع عل روحهه وتباوع عليه وهيه متعجبه اني لبسي مبيه شي عادي يعني
لا مو عادي كلشي مبين منه ميصير هيجي تلبسين كدام الغربه
بس انته مو غريب
لا اني غريب شتعرفين مني انتي
اعرف عنك انسان مؤدب وتخاف الله
صح بس ميصير تكعدين وياي هيج
ليش
وج يا ليش غير شتعل ابو ابوي هسه
ليش
وجعيش شو انجبي
ههههههههههه شبيك ليش صرت عصبي
اكلج شو كومي طبي للبيت
يو شبيك تظوج انته
اي اظوج بتل.......
ههههههههههه يلله باي عود اشوفك الصبح
انشالله راحت وصلت الباب الصاله رجعت كالت عبود
درت وجهي الهه
كالت تدري اني احبك
شراح يسوي عبود شتكولون
فديتكم تصويت
أنت تقرأ
عبود جوله
ChickLitالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
