عبود جوله
البارت العشرين والاخير
لكيت ابو عبود بلمحل سلمت عليهه وظل رسالتي عل عبود كتله خطيه ل بلكويت يجيب باقي البظاعه
زين ليش موداهه بلتسفيرات
ويكول بلتسفيرات تبطي واني محتاجه
ها خوش بس اني ابد ما مطمن
لا ابو عبود عل بختك اني افدي عبود بروحي
كفو والله ابو ساره
يلله خويه ابو عبود اني اترخص
الله وياك ابو ساره
رجعت للعماره وكبل رحت الظابط
السلام عليكم
هله بابو ساره شلونك
والله كلش قلق عل عبود
لا لتخاف عبود سالفته هينه
الله يبشرك بلخير سولفلي يخوي
بس اشرب جايك ونسولف
جابوا الجاي واني بعد ما تحمل كتله هسه سولفلي شي
شوف ابو ساره عبود اكو واحدمتقصدك انته وهو الي خبر عليه
زين شيريد
والله ما ادري بس الي عرفته يريد يقهرك
زين معرفته منو
لا والله ما اعرفه
جا هسه شلون شنسوي
هسه اتفقت ويه جماعه اطيهم فلوس ويطلعونه بس ميرجع بعد للكويت
لا هاي هيه وشيردون اني حاظر
خوش لعد تجيني باجر نروح للحدود نسلم الفلوس ونطلعه
اي والله يخوي والله ما انسه فظلك
يلله اترخص
رجعت للبيت رحت ركظ الساره فتحت باب غرفتهه لكيتهه نايمه كتله ساره ساره بابا اكعدي عندي اخبار عن عبود
ساره سمعت بابا يحجي سمعته يكلي عندي اخبار عن عبود كعدت عل حيلي كتله صدك بابا شنو الاخبار شفت بابا وجهه يظحك
اي بابا باجر راح اروح اطلعه من السجن
صدك بابا الله عليك
اي والله شبيج
الف حمد وشكر الك يارب
يلله حبيبتي اكعدي واكلي بابا حته من يجي يلكاج منتظرته
اي بابا راح اكل والله اكل
طلع بابا واني الفرحه مواسعتني كمت تريكت وطبيت سبحت وظليت افتر بلبيت من الفرحه ما عرف شسوي اجتي ماما جانت يم بيت خالو لكتني كاعده بلمرجوحه كامت تظحك كالت ها لازم اكو اخبار حلوه
ههههههههههه اي بابا اجه ويكول باجر يطلع عبود
الف الحمد والشكر الك يارب
حظنت ماما وظليت ابجي
ابو ساره ثاني يوم الصبح رحت للظابط وطلعنه للحدود وصلنه تلكونه الظباط الكويتين الي مرهم السالفه وياهم كلولنه اسفين عبود رحلو
شلون يعني رحلو
اي والله بليل اجه الملازم واخذه الظاهر عدهم اخباريه عليه زين وين ودو
محد يعرف وين
رجعنه للعراق واني حالتي حاله رحت للبيت تلكتني ساره فرحانه ها بابا رجع عبود
معرفت شكلهه
لا بابا ملحكنه عليه رحلو قبل لنوصل
شلون وحسيت الدنيه تفتر بيه وكعت من طولي
كعدة لكيت نفسي بلمستشفى وابويه وامي وياي ظليت ابجي وكلهم وين راح بابا
وبابا يهون عليه وماما تبجي طلع بابا كال راح اروح لهله اكلهم لازم يعرفون بلي صار
ابو ساره عفت ساره بلمستشفى ورحت للبصره لازم اخبر اهل عبود
وصلت للبصره رحت للمحل لكيت اصدقاء عبود يعرفوني سلمت عليهم وكتلهم اريد احجي ويه ابو عبود راح واحد منهم صاح لبو عبود كعدت ويا وسولفتله علي صار
ابو عبود يعني شني ابو ساره ابني راح
لا انشالله راح اروح للكويت وما ارجع اذا ما ارجعه وياي
لا ابو ساره رجلي عل رجلك لازم اروح وياك
زين لعد سوي جواز حته نسافر اني وياك
شوف ابو ساره ماريد واحد يدري بلموظوع خطيه امه تموت اذا سمعت خلي المساله بيناتنه
ماشي ابوعبود باجر اخذك من الصبح نطلع الجواز وره ما يطلع الجواز نسافر
وره كم يوم طلع جواز ابو عبود ودع اهله وكللهم اني رايح بعثه ويه الشركه للموصل حته ميقلقون عليه وابو ساره طلع ساره للبيت وكلهه اني رايح ما ارجع اذا ما ارجع عبود وياي
التقوي ابو ساره وابو عبود بلحدود وركبو السياره وسافرو
الى المجهول
طبعا اخوان هاي القصه بعدهه منتهت لان عبود بعده مستقبله مجهول لاكن اوعدكم اي تطور يصير بحياة عبود راح اكتبه الكم
وتمنه اكون وصلت قصته للناس واسفه اذا قصرت بشي ويه القصه او وياكم
طبعا اني اول مره اكتب قصه
اتمنه عجبكم اسلوبي ونتظروني بقصه جديده قصه حقيقيه اسمه
قصة رحلة الم
اختكم طائر بلا تغريد
أنت تقرأ
عبود جوله
ChickLitالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
