عبود جوله

البارت الثامن

عبوده جوله
البارت الثامن
لا ما اطلع واذا حاولتي تطلعيني راح اطلع من عيونهه وعميهه
صفنت ام ابراهيم وكامت طلعت من الغرفه وره شويه رجعت وبيدهه طاسه بيهه مي وقران كامت تقره سورة البقره وتذب عليهه مي  والبنيه بس تصيح وتكطع بروحهه انوبه كامت رادت تنهزم صاحت ام ابراهيم عبود الزمهه
صرت وراهه جتفت اديهه ثنينهن وهيه تصيح ودفر بيه والنسوان الوياهه يصيحن وام ابراهيم تزيد بلقراءه وتذب مي وتصيح اطلع بامر الله اطلع بامر الرسول اطلع بامر سورة البقره ظلت بهل حاله اكثر من ساعه وجان تصيح راح اطلع راح اطلع كافي كافي
كالت ام ابراهيم يلله تطلع منين مدخلت وبدون اذيه لا والله اعزم عليك ملك الجن المسلم وخليه يقيدك بلدرك الاسفل
جان يكلهه لا راح اطلع وبعد ما ارجع
وفجأه سكتت البنيه لا حس ولا خبر
وكعت بين اديه شلتهه نيمتهه علكرويته
وطلعت بس شني جسمي كوله يرجف وره نص ساعه جان تطلع ام ابراهيم والنسوان كامشات البنيه راحن
رجعت ام براهيم وكعدة بلهول كالت ها عبوده شني رايك بشغلنه
والله خالله ماادري شكلج بس شغله كلش خطره
ليش خاله
خاله لو جان الجني طالع من البنيه ودخل بيج شتسوين
ههههههههههه ظحكت ام ابراهيم وكالت
ولك اني الف جني مطلعه وعندي ميت جني تحت امري وتخاف من جني عاشق
لا بربج عندج جني تشوفينه
اي والله اشوفه وحجي وياهه وامره هم
زين شنو يجبرهم يشتغلون وياج
عدلت كعدتهه الحجيه وطلعت تتن كامت تلف جكاير بعدين كالت شوف الجن هم عايشين بمجتمع وعشاير وتصير بيهم مشاكل وحروب ودورات ميكدرون يحلون مشاكلهم فيجوني اني وغيري من العرافين نساعدهم بس بشرط ان يساعدونه فاني حليت هواي مشاكل للجان وهسه عندي ميت جني يساعدني وهم لانهم جن ميحبون اذيت الناس فيساعدوني حته اساعد الناس
وهسه خلص شرطك لو بعد تريد وكت تفكر
باوعت للكاع وحكيت راسي وكلتلهه والله ياخاله هيه موته لو عشره اني وياج
الله يطول عمرك يمه تعيش تتزوج وتبزر انشالله واني وياك راح اعلمك كلشي عن هلشغله وخليك احسن مني
هسه هاك هاي حصتك اليوم وروح ارتاح ما راح احتاجك اليوم
جان تشيل خمس الف دينار هنا اني يمكن عمري كله مشايفهن هههههه ظليت صافن حست عليه الحجيه ظحكت وكالت شعبالك يمه هاي شغلتنه بيه الاف مو الف واحد
طلعت من البيت واني طاير من الفرح اخيرا راح احقق كل احلامي