عبود جوله
البارت التاسع
طلعت فخريه لابسه ثوب اخظر وعبايه وكذلتهه طالعه من العبايه لان هيه متعرف تلبس العباءة من شافتني عرفتني كالت امهه منو هاذا ابراهيم
مراح تصدكين منو
راسن كالت فخريه
عبود
شوفي خيريه عرفته واني ما عرفته
يا عبود
عبود الي جان يشتغل ويه المرحومه امي
يا صدك شلونك عبود والله معرفتك
الله يسلمج خاله شلون دنيه وتلاكينه احجي وعيوني عل خيريه
كالت خيريه اي صح دواره الدنيه
تفظل يمه ادخل شفت وين صرنه
الله كريم خاله انشالله ترجعون لبيوتكم
اي والله ذلينه يمه
ونته شجابك لهنا
والله جبنه مساعدات للنازحين وشفت الولد وعرفتهم
والله وفي يمه ما نسيتنه
شلون انساكم ونتو عايشين بكلبي باوعت الخيريه واشر علكلبي
لا مبين
شكلتي خيريه
لا هيج ماكو شي
صفنت عل حجي خيريه هاي شبيهه مو هيه الي عافتني لعد ليش هيج تحجي
المهم عمي اني راح اروح هسه وباجر ارجعلكم
هله بيك عمي
يلله مع السلامه شفت خيريه مدنكه مسحت عيونهه
هاي شني معقوله تبجي زين عليمن
رجعت للبيت سبحت ورحت للغرفه ردت انام مكدرت ظليت افكر بخيريه وهلهه شلون اخليهم كاعدين بلخيمه لا والله لو اعرف ااجر الهم بيت هم ما اعوفهم اجتي ساره يمي كالت ها عبود شبيك
لا مابيه شي
لا عبود اني اعرفك اذا عندك شي متنام
والله ساره انتي فاهمتني
شلون ما فهمك ونتي روحي
الله يسلم روحج
ساره تذكرين المره الي سولفتلج عليهه ام ابراهيم الي علمتني شغلت الجن
اي اتذكرهه
اليوم من رحت ودينه المعونه للاجئين لكيت ابنهه ابراهيم او عائلته هناك خطيه شاردين من داعش
لا والله خطيه لعد ليش مجبتهم وياك
صدك تقبلين
هاذا شلون حجي طبعا اقبل خطيه ذوله شردو من الظيم وبعدين الهم فظل عل حبيبي احطهم بعيني
تسلم عينج حبيبه صدك انتي دره يلله هسه خلي انام وباجر اروح اجيبهم
انشالله واني راح احظر الهم غرفتين حته ياخذون راحتهم
تسلمين يروحي
ثاني يوم اخذت سيارتي ورحت للمخيم وصلنه للمخيم لكيت ابو خيريه كاعد باب الخيمه من شافني وكف سلمت عليه
السلام عليكم
وعليكم السلام
شلونكم اليوم
والله نحمد الله
شوف ابو خيريه اني جاي اليوم حته اخذكم وياي
وين عمي تاخذنه
عندي بلبيت شلون اقبل تكعدون هنا واني بيتي موجود
والله عمي خاف تصير زحمه عليك وحنه منعرف السالفه شوكت تفظ ونرجع البيتنه
عمي اولا اني بيتي كلش جبير ثانيا السالفه شكد متطول تطول بس مال اعوفكم هنا مستحيل يلله فوت لمو غراظكم ومشو وياي
الله يرحمك وليدي ويحفظك
تسلم عمي
دخل ابو خيريه للخيمه وسمعه يحجي ويه خيريه ومهه
ام خيريه هاذا عبود جاي ياخذنه البيته
الله عليك الف الحمد والشكر احسن من هاي العيشه
شلون يابه وين نروح
البيت عبود
وهوه عبود متزوج
اكيد شيخلي لهسه
اكلك كله منروح احنه وحد عن هاي الناس
اسمع التوم صاحو
لا بلله ليش متخلينه نروح عاجبج هاي الكعده عل تراب تذكرين البارحه من طلعتلج عكربه
انجبو انتو معليكم اني ما اروح
بابا خيريه جاينه شته وامج تعرفينهه مريظه وكلياتهه تعبانات والحمامات كولش بعيده هنا وراح تتعب هنا ادري بيج كلبج ملجوم منه بس بابا ماعدنه غير حل
بس بابا
ماكو بس انروح كم يوم الكدرنه نعيش وياهم زين ماكو ناجر بيت ونكعد مال نظل هنا لا
اي خلي ناجر بيت هسه
بابا تدرين اني ماعندي فلوس فلوسنه حتركت ويه بيتنه زين من طلعنه برواحنه لمن نحصل شغل ناجر بيت
يلله بابا لمي غراظكم
عبود سمعت حجي خيريه تفاجات هاي شبيهه ليش هلكد كارهتني هيه الي ختارت لعد اني شسويلهه
اوف خلي تولي علمود عمي ابراهيم مو علمودهه
طلعو جايبين جنطتين كبار
عدكم بعد غراظ
لا والله زين من طلعنه بهذني حركو بيتنه علينه
الله اكبر عليهم الله يحركهم بنار جهنم
وصلنه للبيت نزلت فتحت الباب طببت السياره للكراج وفتحت باب السياره اباوع الخيريه ظايجه حيل كلت حكه ممتعلمه عل بهذله نزلو طبيت للمطبخ صحت ساره اجتي هيه وام ساره تلكونه
يا اهلا وسهلا نورتو تفظلو البيت بيتكم
عمه اعرفج ام خيريه وخيريه وذوله توم ليث وقيس وابو خيريه
لعد عمي ماكو
عمك راح يجيبلنه غده من المطعم
ها خوش
اعرفكم عمتي ام ساره وهاذي ساره زوجتي نورتو خيتي
البيت منور بيكم والله خيتي ما عرف شلون اتشكر منكم الي سويتو محد مسوي
لتكولين هيج خيتي الكم البيت والنه الشارع اذا ماشالتكم الكاع يشيلكم راسي
يسلم راسج خيتي
تفظلو جوه بلصاله
خلي نرجع الخيريه شويه ونشوف ليش متغيره
من سمعت اخوتي يصيحون علابويه كلت ايجوز جايبين مساعدات بعدين صاحلي ابويه من طلعت صار بوجهي عبود اول مشفته عرفته بس محجيت عبود الي خلاني انتظره سنيت وهوه ولا سال ولا رجع عبود الي علموده ميت فرصه اجتني للزواج واني رفظتهه علموده كال ابويه متعرفون هاذا منو كتله هاذا عبود
عبود انصدم عباله ما اعرفه بس شلون اظيعه وهوه
عايش بروحي كل يوم مر عليه بسنه ما انسه يوم تخله عني ابد بس شسوي الكلبي الي مينسا ابد
من اجه وكال ترحون وياي البيتي حسيته غرس سجينه بكلبي بس ماعندي اي خيار ثاني
رحنه البيته وشفت زوجته شلون حلوه وشلون قدمهه النه كرهته اكثر
اخذتنه ساره للغرفه مفرغتلنه غرفتين وحده اني والتوم وحده امي وابويه من كعدة بلغرفه حسيت حيطان الغرفه نطبكت عليه متحملت ظليت ابجي بحركه الا ان سمعت صوت الباب يندك
ماما خيريه نزلي تغدي
اي ماما راح انزل بدلت ملابسي لبست تراك طويل وغسلت وجهي وشلت شعري ذيل حصان لان اني بلاصل مو محجبه ونزلت للمطبخ اساعدهم لكيت ام ساره وساره دينقلون الاكل فرحت ساعدتهم
لا يمه خيريه ارتاحي احنه نصب
لا خاله اني متعوده ما اكعد احب اشتغل اذا راح نعيش وياكم لا زم اساعدكم
عفيه والله مبين عليج نادره
الله يخليج خاله
يلله لعد تعاي صبي الزلاطه والطرشي واني او ساره ننقل المواعين
بديت اصب وساره ومهه ينقلون للصاله دايره وجهي عن الباب حسيت واحد دخل للمطبخ باوعت شفت
منو الاجه يم خيريه
أنت تقرأ
عبود جوله
ChickLitالدنيا تحب اللوتي الي يلعب بلبيضه والحجر عل كولت اخوانه المصريين مثل عبود بكلشي يفوت ههههههههههه لتفوتكم القصه
