فصليه وعشق

فصليه وعشق جزء السادس

ابوية جان كاعد ومخلي راسة ع ايدة ويفكر كال بالليل احاول اطلع من القرية خفية واروح لعمامي وشيخ عشيرتنة انخاهم واحتمال اتأخر يومين 3 بس مااكدر امن عليكم وحدكم هنا
امي كالت روح ابو حسين احنة ندبر نفسنا لتخاف علينة عدنا اقارب هنا والله ميخلي
ابوي كال غير لو بعد احد يستقبلنا بيتة من ورة بلية ابنج الله لا يرضى عنة
امي كالت روح هسة انت ولتخلي بالك الله الحافظ
ودانة ابوية عند اقاربنة حسينة خاطرهم ثكيل كاللهم يومين واخذهم ونطلع من القرية
ماارتاحينة ابد يمهم والنسوان يظلون يسمعون بينة حتى نطلع من يمهم
ورة اسبوع ع موت الشيخ صارت كعدة شيوخ وعشاير وشيخ عشيرتنة اجة بنفسة وعمامنا واهلنا
جنة نسمع من جهال اقاربنا الي كاعدين يمهم انو سيارات كومة وعالية ومظللة جاي تجي لمضيف الشيخ
بس منعرف شنو راح يصير وجنة ندعي يارب تعدي على خير
عباس ،،،شيوخ كومة اجوي وجنت مامطلع على هالامور والفصل العشائري لذلك تصدر بالكلام عمي الي اصغر من ابوي وتقريبا احكم وافهم عمامي
ابو حسين قدم كفن حسين وخنجر للشيخ يعني تبرت منة عشيرتة وانهدر دمة
وصار الفصل العشائري الي اتفقوا عليه الشيوخ انه مايبقون اهل حسين بالقرية وينطون فصلية مرة
ووافقوا الشيوخ بالاجماع وكان حل معقول بس انحرجت اعترض على المرة كدام الشيوخ باوعت لعمي اشرلي اسكت وسكتت
عباس،،، هداني بنتة ابوحسين وهو مدنك ومقهور حسيت بي لو ماخذ روحة ميكون هيج
وجنت اكول بنفسي شنو هالبلية مكدرت احجي واعترض ع حجي الشيوخ والكبار
تأكدت انوتأكدت انو كل احلامي تبخرت ومستقبلي فعلا ضاع وحب حياتي هم راح اخسرة
فاطمة،،،اجة ابوية اخذنة وهو مخنوك ومعصور كلبة والهم راكبة جانت امي تسألة انفضت ان شاء الله
ابوية مدنك اي الحمدلله
بعدين من وصلنة البيت ورحت لغرفتي وشفت غترة الشيخ ورجعت شميتها وتذكرتة جان اجمل شخص اقابلة بحياتي جنت سارحة
واسمع فجأة صراخ امي وبجيها
رحت عليهم لكت ابوية كاعد وامي واكفة وتبجي
خفت كتلهم شكو يمة حسين بي شي
امي حضنتني وكالت حسين هاي هية مات بعد ماكو حسين هدروا دمة اني بجيت وانقهرت
ابوية كلي حضري نفسج فاطمة لمي اغراضج انتظركم برة وطلع مفهمت شي كتلها يمة وين راح نروح
كعدت بالكاع امي وكالت فطومة يمة سودة علية وعلى حضج ابوج نطاج فصلية للشيخ وراح تروحون العصر تعقدون
فاطمة،،انصدمت مجنت مستوعبة الموقف عزة شلون اعيش وياهم وهمة يكرهوني ومدهم يشربون من دمي
امي ،،،فطومة ارفعي راسنا يمة املنا بيج وعكال ابوج الي انهان بس انتي تكدرين ترفعي اتحملي يمة شيصير بيج وتوقعي كلشي منهم اصبري يمة واكسبيهم واكسبي الشيخ هو مااعتقد يظل عليج اكيد راح يتزوج ويشوف حياتة مستحيل يبقى عليج وهو الشيخ اصبري واحتسبي لله ورب العالمين وياج
حضنتني وكالت احتمال راح نشيل منا الله اعلم اذا راح نلتقي بعد ديري بالج على نفسج يمة ربي يرضى عنج
فاطمة ،،،بجيت بحركة بجيت من كل كلبي وكلمات امي اثرت بية اويلي عليج يمة اويلي عليك يابة ان شاء الله دوم راسكم مرفوع
لميت اغراضي وودعت امي وطلعت شفت ابوية ينتظرني بالمزرعة ويبجي اول مرة اشوف دمعة ابوي نزلت على رجلة وايدة وبستها كتلة دمعتك غالية يابة
ابو حسين ،،،سامحيني بنتي ماكدرت اسويلج شي بس والله هذا احسن حل ماراح يتركونة واحتمال حتى ع عرضنا يدوسون فمن تكونين علة ذمة الشيخ تصيرين عرضة ويخاف عليج ويداريج ومحد راح يكدر يتعرضلج بعد حتى وان معاملتهم جانت قاسية وياج اتحملي بنتي ربي يرضى عنج حضنتة وكتلة لتشيل همي يابة ان شاء الله ارفع راسك
ودعت بيتنة ومزرعتنة وعيوني غركانة بدمعها
ورحنة على بيت الشيخ جنت اسمع بي بس اول مرة اوصلة جان يخبل جبير ووكت الغروب وكلة كلوبات وانارات ومزارعهم جبيرة كلش وهواي سيارات وناس بيها جانوا كلهم يخزرون بينة وعيونهم تجدح نار علينة 
عباس،،،محتار بوضعي وصافن بدنياي شلون انكلبت حياتي 180 درجة وهيلين من نزلت للقرية ماكلفت نفسها واتصلت بية
اتصلت بيها شونج هيلين
هيلين ،،حبيبي مشتاقتلك عظم الله اجركم
عباس ،،،امين اشكرج ....وينج شو متصلتي ولا سألتي عني ؟؟
هيلين،،حقك والله مقصرة لكن تعرف امتحانات وماكو وكت وانت لازم ترجع هلاسبوع حتى تلحك بالي فاتك انت ناسي انك اخر سنة وعلى وجه تخرج
عباس ،،،لا مو ناسي بس عندي ظروف مكدر ارجع هالاسبوعين وراح اسوي اجازة
هيلين ،،،اي ظروف عباس والدك توفى الله يرحمة لتخسر كلشي
عباس ،،،،،اووووووف بكلبي اكول اجيتي على الجرح اني خسرت كلشي بعد ...شلون افهمج هيلين وشلون اوصلج الفكرة عن ظروفي اكيد مراح تتفهمين عاداتنا ولا تتقبلين وضعي الجديد
دك الباب حطيت ايدي ع سماعة تفضل منو
شيخ اجة ابو حسين وبنتة وينتظروك العمام جوة مع الشيخ الي يعقد
عباس ،،،اشرتلة ديطلع ويسد الباب
اخذت نفس وتنهدت ورجعت احجي مع هيلين
الوو ...هيلين محتاجج اكثر من اي وكت ياريتج يمي
هيلين ،،،الله يعينك عباس انت قوي لتستلم هذا امر الله الله يرحمة كلنا ع هالحال
عباس،،،، ان شاء الله يلا اني اترخص مع السلامة
هيلين ،،،الله وياك

...............................................................
أسہ🙏 ـف لان تأخرت😔
لاتنسو تابعو حسابي😍
لاتنسو التصويت😘
لاتنسو التعليق😍
...................................................................
احب اعتذر من بنيه
لان نتظرتني هواي
ع القصه هي تعرف نفسهه بس تقره القصه
...................................................................