فصليه وعشق

فصليه وعشق الجزء11

فاطمة،،،فتحت الجنطة وجانت ملابس حلوة وعطورات ومكياج فرحت بيها كلش كمت البس وانزع الليل كلة وكلها جانت قياسي
مانمت الليل من الفرحة والتفكير جنت اكول هسة شنو ديسوي نايم كاعد بشنو ديفكر شديسوي ماظل بية صبر مااحبة اني اعشقة تذكرت من طبيت وسلمت عليه وباوعلي نظراتة جانت تموت معقولة هو نفسة الي كتلني بذيج الليل وحبسني شنو صارلة بذيج الليلة وهيج عاملني والله شكلة طيب وحنون ومع ذلك هم على كلبي مثل العسل عالساس اخوي حسين مامشبعني كتل قبل اوووف الله يذكرك بالخير ياحسين وين صفت بيك الدنيا
جنت العب بشعري واني ممدة بفراشي وافكر غفيت واني مااحس بروحي
ثاني يوم كشخت بفستان وردي فاتح وخليت مكياج بسيط وشلت شعري نصين طبت ام عدنان وكالت الحجية تريدج حتى تنزلون تتريكون رحت لغرفة الحجية
فاطمة ،،،صباح الخير يمة
الحجية ،،صباح الورد صلوات شطالعة دك الباب وطب عباس لابس دشداشة نيلي وغترة وعكال كلبي يدك من اشوفة مااعرف شيصير بية عبر من يمي وعطرة خلاني بعالم ثاني غمضت ياربي شلون بية احبك ياشيخ شوكت تحس بية
عباس،،،صباح الخير حجية
الحجية ،،،يسعد صباحك شيخنا زين بعدك تكعد من الصبح ماغيرت طباعك المدينة
عباس ،،،ضحك وين حجية بالمدينة اكعد قبل هالوكت دوام لو نسيتي
باوعلي وكال شونج فاطمة
فاطمة،،،همست الحمدلله
الحجية ،،،ذوقك حلو لو القالب غالب
ضحك ودنك كال بكيفج حجية بعدين حاول يغير الموضوع تنزلين حجية تتريكين ويانة سوة
الحجية ،،اي يمة
فاطمة،،،تقدمت ولزمت ايدها وهو يباوعلي كلي اني اسندها فاطمة خلي عنج متكدرين تنزليها الدرج
كالت الحجية فاطمة هية الي جانت تنزلني وتصعدني احسن منك وضحكت
عباس،،، ها حجية كمتي تبيعين وضحك واني مثل التمثال بس صافنة عليه وعيوني تتحرك ويا وين متحرك تريكنة واجوي عمامة واني اول مرة التقي بيهم بعد ماعقدنا رحت صعدت بسرعة فوك لغرفتي
عباس ،،،،عيوني عليها ليش صعدت
دكيت الباب
فاطمة ،،اتفضل
عباس،،،اكو شي ليش صعدتي بهل طريقة ومسلمتي ع عمامي
فاطمة،،،جنت اريد اجيب شال البسة وانزل اسلم عليهم
عباس ،،،رفعت حاجبي استغربت وبداخلي عجبني الموقف
فاطمة،،،ليش استغربت مو هو هذا الصح لو اني غلطانة ؟؟
عباس،،لا طبعا انتي صح وصح الصح يلا البسي وخلي ننزل
فاطمة لبست ونزلنا سلمت وعرفني عليهم كرار ابن عمة سلم من ورة خشمة
فاطمة ،،،ماحبيتة وماارتاحيتلة كعدت شوي وكمت للمطبخ
كرار،،،عباس شلون تجيب هاي وتكعدها بينة
عباس ،،كرار من تحجي عنها احجي بأسلوب محترم هاي المعاجبتك تكون زوجتي بغض النظر هي بنت منو واخت منو
كرار ،،،شوكت غسلوا عقلك ياشيخ وسفة
الحجية،،،صلو على النبي ياشباب شبيكم ...كرار وليدي لتفتح دفاتر قديمة البنية صارت بنتنة (ولاتزر وازرة وزرة اخرى )
فاطمة،،،جنت اسمعهم وقلبي معصور اختنكت وطلعت كعدت بالحديقة وظليت حوالي ساعة وكمت اتمشى بالمزرعة وبعدت اتذكرت هذا نفس الطريق الي جان يجرني بي بذيج الليلة وحبسني بالسرداب ضجت اكثر فجأة سمعت صوت بظهري يكلي شدتسوين هنا فزيت وحطيت ايدي ع كلبي
عباس،،،لتخافين مني شبيج
فاطمة،،،ماخفت منك بس المكان خوفني واشرت للمطبخ مال المضيف
دنك وكال تعاي هناك لتجين بعد هنا هذا مضيف وميفضى دائما بي رياجيل
فاطمة،،،مشينة وكلي بعدج تذكرين ذيج الليلة
فاطمة،،،مااكدر انساها عندي فوبيا من الظلام من اني وصغيرة وهاي عقدة بحياتي
عباس ،،،وليش ماكلتي
فاطمة ،،،كتلك ولزمت رجلك وتوسلتك طلعني وماقبلت
عباس ،،،لومني الج اصارخ والم الدنيا
فاطمة ،،،مااسويها وعكالك
عباس ،،،ليش متسويها
فاطمة ،،،ويكولون الشيخ يمد ايدة ع حرمة و حابس زوجتة بسرداب لا والله مااخلي احد يجيب معدلك بكلمة
عباس ،،،هم رفعت حاجبي مصدوم بنت 18 وتصرفاتها وحكمتها حكمة شيوخ وترباة اصايل وبنت حمولة
عباس ،،،اني اسف وتنكسر ايد الي تنمد بعد عليج
فاطمة ،،،غمضت وكلبي راح يوكف كتلة شيخ عندي طالبتك لاتردني
عباس ،،،سمي والي تريدي يجرالج
فاطمة ،،،بالبداية انطيني الامان
عباس ،،،خفت من طلبها خليت ايدي ع عكالي وكتلها الج الامان بس يابنت الناس كون طلبتج معقولة
فاطمة ،،،اريد اشوف اهلي اتصل بيهم اعرف اخبارهم ميتين بالحياة كلبي ياشيخ ياكلني عليهم
عباس،،، منو من اهلج تقصدين؟؟
فاطمة،،،امي وابوية غير هو اني عندي بدنيا غيرهم
عباس،،،تنهد وكال تامرين راح اكلف جماعة يسألون عنهم وين صاروا واخذج الهم براسي
فاطمة ،،،يسلم راسك يارب
نادوا على الشيخ بالمضيف واترخص وراح صعدت لغرفتي والفرحة مسايعتني حسيت بنفسي فراشة حمدت ربي على السعادة الي اني بيها ودعيت ربي يكملها علية ويتمم سعادتي واملك قلب الشيخ مثل ماملك كل عقلي وقلبي وتفكيري

.......................................................................
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم