عباس،،،،من نزلت للمدينة ورجعت لبيتي استاحشت بالبداية وكمت افكر نوب بفاطمة واليومين الحلوة الي عيشتني بيها ونوب بهيلين الي كمت اشوفها كبالي وين مااروح بالكلية واكثر شي بالليل افكر بأمور محلوة صفنت ع روحي اني شديصير وياية وضعي ميطمن التزمت بصلاتي وبدراستي
وحتى فاطمة بعد مااخليها بالي لان اعرف مسألة وقت وتختفي من حياتي
جنت من احجي مع الحجية مرات وفاطمة يمها تنطينياها اسلم عليها ونحجي شوي ونسد
اسبوع على هالحال ومرة كاعد بالليل واتصلت بية هيلين استغربت جنت مااريد افتح ومااعرف شلون فتحت الخط لكن محجيت ولا كلمة
هيلين ،،،الو عباس شلونك
عباس مااكدر اصبر بلياك بعد روحي تعلقت بيك انت تعرف شكد احبك عباس رد الله يخليك
عباس،،،شأرد شأكول هو اني الي بعتج لو انتي البعتيني ؟؟
هيلين،،،عباس اهلي مصرين ع ارتباطي بدكتور نهاد وانت تعرف دكتور نهاد ماكو بنية ترفضة
عباس،،،،ههههه بالعافية عليج لعد ليش متصلة
هيلين،،،،بس اني مااحبة مامتقبلته وفرق السن الي بينة مااعرف اتواصل ويا وتبجي
عباس،،،،وشنو المطلوب مني اعلمج شلون تتواصلين ويا
هيلين ،،،تبجي بحركة
عباس،،،روحي هيلين ترة كلبي مامتحمل وروحي بزعانة من البيها
هيلين ،،،،عباس مشتاقتلك محتاجتك
عباس،،،غمضت وتنهدت هيلين انتي تعبانة امبين روحي ارتاحي بعدين نحجي
هيلين ،،،باجر اريد نكعد بمكان نحجي
عباس ،،،لا مو باجر من يصيرلي مجال احاجيج
هيلين ،،،اوك انتظر منك تلفون
عباس،،،تصبحين ع خيرء
عباس،،،،سديتة مع هيلين وصفنت هاي شرجعها بعد علية صح بعدني احبها بس ماراح نرهم سوة بعد
بهاي الاثناء وصلني مسج من فاطمة كلمات متقطعة واملاء مكسر ضحكت من كل كلبي عليها برغم الي بية ،،،اتصلت بيها ورفعت
فاطمة،،،هلا والله بشيخي ونور عيني
عباس،،،هلا بيج شونج فاطمة
فاطمة،،،الحمدلله شيخ بخير ونعمة انت شلونك شلون دراستك وراحتك
عباس،،الحمدلله زوين ومرتاح هاي انت الي كاتبة المسج وضحكت
فاطمة،،،اي اني مافهمت شي عليه مو
عباس ،،لا فهمتة من بعد الترجمة وضحكنا اثنينة
فاطمة،،،اليوم البنات علموني شلون ارسل رسائل وجربت وياك وطلعت تجربة فاشلة مو
عباس ،،،لا شوي شوي تتعودين ان شاء الله
بس اذا كمتي تهرفين ترسلين وتتصلين ليش متصلتي بية
فاطمة ،،،تمنيت اتصل بس خفت تكون مشغول والهيك عن دراستك وتضوج مني
عباس ،،اممممم لا اتصلي بأي وكت تحتاجيني بي او رمشيلي واني اتصل
انتي وين بغرفتي
فاطمة،،،،لا والله من رحت مادخلت الغرفة مااتحمل ادخللها وانت مابيها
عباس،،،هاا لعد هسة انتي وين بغرفتج
فاطمة،،،اي
عباس،،،اهووو وعلى سريرج ذكرتيني بذيج الليلة
فاطمة،،،شبيها ذيج الليلة مو حلوة
عباس،،،حلوة بس سريرج ضعضعني انتي اريح من السرير لان نصي جان عليج
فاطمة،،،،ظليت ساكتة وتنهدت
عباس،،الوو وياية
فاطمة،،همست اي وياك
عباس ،،،فدوة للتخجل هههه
فاطمة ،،،عباس شوكت تجي اشتاكيتلك كلش شنو مااشتاكيتلي ؟؟
عباس ،،مشتاكلج بس مو كلش من اشتاكلج كلش تلاكيني يمج
فاطمة،،،اممم ان شاء الله ترجعلنا بالسلامة
عباس،،،محتاجة شي يلزمج شي
فاطمة،،،لا سلامتك الحجية ممقصرة علية بشي
روح ارتاح اكيد وراك كعدة من صبح
عباس ،،،ديري بالج ع نفسج وع الحجية والبنات
فاطمة،،،امر بعيوني اخليهم تصبح على خير
عباس،،تلاكين الخير
حجي عباس قهرني واثر بية ليش اني هالكد حبيتة وتعلقت بي وهو لا وشلون يصبر بدوني ومااصبر بليا ابد
رحت للحجية واني مهمومة وضايجة
الحجية،،،دتسبح بالمسبحة هلا فطيمة كعدي
فاطمة،،،كعدت واني مهمومة وضايجة
الحجية،،،شبيج يمة احجيلي
فاطمة،،،مابية شي يمة سلامتج بس اشتاكيت للشيخ
الحجية،،،ضحكت تعدي يمة وتصير سوالف كلنا مرينة بهيج فترة الله يساعدنا احنا قبل رجالنا يرحون للجيش يضلون شهور منعرف عنهم شي لا تلفون ولا خبر وصبرنا والحمدلله
فاطمة،،،،الله يعينكم يمة بس الشيخ مامهتم ويكلي مامشتاكلج كلش من اشتاكلج تلكيني يمج
الحجية ،،،يمة فطومة الشيوخ طبعهم غير وان كان عباس مامتربي تربية شيوخ وما ماخذ من ابوه الشيخ بس يظل شيخ ابن شيوخ ميظهرون عواطفهم والي بداخلهم يمة اني الشيخ الله يرحمة مات وهو ماناطق اسمي ع لسانة وعمري ماسمعت جلمة غزل منة مو الحمدلله عباس مطبع بطبايع اهل المدينة وشوي الين من ابوه الشيخ كان الله يرحمة حامض ومايتعاشر
فاطمة،،،، الله يرحمة
الحجية،،،يرحم واالديج يمة اكسبي الشيخ وانتي تكدرين تخلي يجيج مشتاك وعايف المدينة وبناتها
فاطمة ،،،، الله كريم
يلا يمة تعبتج نامي تصبحين ع خير
طلعت منها والعبرة خانكتني ورحت لغرفتي حضنت مخدتي وبجيت بحركة مشتاكتلة والشوك اذاني
عباس،،،،ظليت اتكلب بالليل واثنينهم ميفاركوني فاطمة وهيلين وظليت اقارن وافارق بينهم والحسبة متخلص
.......................................................................
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم
أنت تقرأ
فصليه وعشق
Romanceعباس طالب جامعي يبلغ من العمر 24سنه فاطمه تبلغ من العمر 18سنه يتعرض والد عباس للقتل من جانب اخو فاطمه لتذهب فاطمه فصليه تابعو قصة فصليه وعشق اثاره غموض وحماس مع عاطفه ماذا سيحصل ل فاطمه تابعو لاحداث مشوقه
