فصليه وعشق

فصليه وعشق الجزء16

عباس،،،طلعت من السرداب وكل حيلي يرجف فقدت عليها كعدت بالارض بالحديقة وكلشي بية يرعش ظليت مدنك بالارض واتنفس بسرعة
مااعرف شأسوي لا اكدر اطلكها ولا اكدر اردها
سمعت صوت بالمضيف رحت بسرعة
ابو عدنان وابنة عدنان دينظفون بالمضيف وبالمطبخ
عباس،،،صرخت شنو تسون هنا
ابو عدنان ،،،ياشيخ الساعة ب12 بالليل ولازم نظف المضيف قبل لا نام مثل كل يوم
عباس ،،،باوعت لأبنة عدنان جان تقريبا عمرة 18 سنة بس ضخم مااعرف ليش خفت لا يروح لفاطمة لسرداب كتلهم كملو واطلعوا بسرعة
توجهت لسرداب ووكفت ع بابة بس مسمعت اي صوت منه هزيت الباب توقعت راح تحجي بعديت تذكرت من كالت مااصرخ واخلي ناس تجيب معدلك ويكولون ضرب مرتة وحبسها
ناديت بصوت ناصي فاطمة
ماكو حس الها ولا نفس تذكرت هية عدها فوبيا من الظلام بسرعة فتحت الباب توقعت مغمي عليها من الخوف شلتها وطلعت برة بالمطبخ كانت عركانة وصفرة كلش وحرارتها عالية
عباس ،،،ظليت اصحي بيها غسلت وجهة مافاقت صرخت فاطمة شبيج ردي علية اصحي واني اضرب بيها ع وجهة
طلعت صرخت ابو عدنان وعدنان روحوا ناموا
ابو عدنان ،،،سمعت صوت الشيخ ينادي بزوجتة بخوف بس مترد مااعرف شنو الجابها للمضيف اخذت عدنان وطلعنا
عباس،،،رجعت وانتبهت لقدمها بيها دم سايل
اووووووووه ملدوغة فاطمة ياربي ضغطت قدمها وخليت عليها ثلج وشلتها ورحت لغرفتي الى ان انكطع نفسي كمت ادور مضادات الهستامين ابر كمت امشي بلا وعي ولا عقل لكت ابر هايدروكورتيزون وضربتها ابرة وظليت كاعد بصفها واصحي بيها حسيتها بدت تفوق وتون من وجع جسمها جانت اثار الضرب مشطبة ع ايدها ورجلها وظهرها وحتى ع رقبتها 
فاطمة،،،،اممممم اريد امي اهلي
عباس،،،اني اوديج عليهم من تصيرين زينة وداعتج
فاطمة ،،،شفتة ودفعتة خفت منة حيل
عباس ،،،دفعتنة وخافت مني وبدت تصرخ حاولت اسكتها
بعدت عنها وكتلها راح اطلع من الغرفة بس ديري بالج تقفلين الباب حتى اطمن عليج
فاطمة،،،،تبجي وتصرخ مااريد اشوفك بعد عني
عباس ،،،طلعت وسديت الباب ورحت ع غرفتها كعدت ع السرير ياربي شنو هالبلوة النزلت فوك راسي ويلي حسين الي لكنا بعد هالشهور وويلي بفاطمة والي صار بيها
فاطمة ،،،،جنت اريد اكوم اوكف بعد مكدر ورجلي ورمت وجسمي كلة منحول ويوجعني بجيت من كل كلبي وكمت اكره عباس ووحشيتة وابجي ع حالي وافكر بحسين لان اعرف ماراح يسكتون عنة واذا وصلولة يكتلوا
بجيت الى ان ورمت عيوني ومجنت اعرف شأسوي
عباس،،،نمت بدون ماادري كعدت الصبح ع ريحة فاطمة فزيت ادورها مالكتها يمي طلعت ريحتها متغلغلة بالفراش تنهدت وكمت اشوفها شلون صارت
فاطمة،،،جنت نايمة فزيت ع ايدة تلمس جبيني
عباس،،،الحمدلله حرارتج زينة
فاطمة ،،،،بعدت ايدة عني وغطيت راسي
عباس،،،فاطمة اني مو متندم لان كتلتج لان انتي خنتي ثقتي متستاهلين تكونين بيت الشيخ واخوج ذبحة
فاطمة ،،،،اسمعة وابجي جوة الفراش
عباس،،،فاطمة وين حسين ؟؟
فاطمة،،،،مارديت
عباس،،،،شلت الفراش وجريتها من ايدها
خافت وغطت وجهة الموقف المني شكد مو خايفة مني
فاطمة لتخافين مني بعد ماامد ايدي عليج
فاطمة تعذرني ياشيخ بعد مااصدك بكلامك انت وعدتني قبل بعد ماتضربني وكلت الايد الي تنمد عليج اكسرها وبجت
عباس ،،،،اممممم كعدت كبالها وج سوايتج سواة سواة زوجة شيوخ
فاطمة ،،،اي ياشيخ سواتي سواة شيوخ وترباة بنات اصول وحمايل الي تبيع اخوها من لحمها ودمها لتأمنلها ولاتضن توفيلك
وهذا اخوي من لحمي ودمي غلط اي نعم وياك غلط بس ماسألت ياشيخ اخوي ليش جتل الشيخ
عباس ،،،،انصدمت بكلامها عبالك لجمتني براسي
وطلعت من غير مااحاجيها ولا كلمة
فاطمة،،،طلع وتركني بجيت بحسرة وقهر واشوف جسمي شلون مزرك
عباس،،،،رحت لعمي الجبير الي اصغر من الشيخ وهو اعقل عمامي
ياعمي حسين من جتل الشيخ شنو جان بينهم وليش غدر بالشيخ
عمي ،،،انت شذكرك بهل موضوع وليش رجعت فتحتة
عباس ،،،،اريد اعرف قصتهم شنو
والله ياعباس حجيت مع الشيخ اكثر من مرة وجان الل الله يرحمه راسة يابس وعنيد الارض مالتهم قريبة ع الشط ومكانها سياحي جان يريد الشيخ يستثمرها مع شركات اجنبية ويسويها كازينو على الشط لاهل القرية وجان مشروع ناجح ومربح بس موافقوا ابو حسين وابنة لان ارضهم غالية وتوارثوها عن اجدادهم
صارت عداوات بينهم لحد ماالشيخ الله يرحمة كطع الانابيب مشاريع المي عليهم وماتت مزروعاتهم طاش حجرهم واجة حسين حامي ع الشيخ وصار الصار
عباس ،، دنكت راسي وخجلت بفعلة الشيخ الله  يرحمة ورجعت بسيارتي امشي وافكر شنو راح اسوي وشلون اتصرف بالايام الجاية
.......................................................................
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم