عباس،،،عجبني تفكيرها كاعد بالمضيف وافكر بحجيها وبيها وشارد وبغير عالم
فاطمة،،،رجعت لغرفتي وظليت واكفة ع الشباك متانية رجعتة من المضيف
عباس،،،تعذرت واترخصت من الناس الموجودة وطلعت بالحديقة امشي اتصلت بجماعة ثقة من اصدقائي يدورولي ع ابو حسين وكالولي هاليومين يرجعولي خبر
فاطمة ،،شفتة راجع وديحجي بالتلفون وكلبي كل ميشوفة يدك بسرعة
عباس،،باوعت واني دأحجي بالتلفون وشفتها كبالي سديتة وظليت اباوعلها
شنو قصتها هالبنية ليش تراقبني وعيونها تحاوطني بكل مكان صعدت للحجية وكعدت يمها
الحجية ،،،عباس صار لازم تخلي زوجتك معاك بنفس الغرفة
عباس،،،شلون ...شلون هاي حجاية جديدة شو تغير كلامج حجية مو طلبتي مني وعد مااتقربلها ولا اخليها بغرفتي !!!
الحجية ،،،عفا الله عما سلف البنية طلعت بنت اجاويد وخوش بنية اني عاشرتها وعرفت معدنها وان غلط اخوها فهي ماالها ذنب عباس انظلمت هواية هالبنية وبعدين ربك يحاسبك ع الي دتسوي وياها عفتها شهر بدون حتى متسأل عنها ولا تعرف اخبارها
عباس ،،،حجية اني بأيدي قابل الي صار اكبر منا وجان الاتفاق فترة واطلكها وبعدين منو كلج ممكن اتقبلها اني
الحجية ،،،عباس انت اكو وحدة بحياتك؟؟
عباس ،،،لا طبعا
الحجية ،،،اذا انت مفكر تطلكها زين مافكرت اذا طلكتها وتزوجت بعدك واكتشفوا انو طليقة الشيخ عباس المسعود باكر بعد شهرين زواج وطلكها يعني شنو؟؟
عباس ،،،انتي شدتسولفين حجية ؟؟؟
الحجية ،،،دأفكر بيك ليكدام مااريد احد يجيب معدلك وسيرتك تكون على كل لسان واليسوة والميسوة يحجي عنك عباس وايدي هية مرتك على سنة الله ورسوله وبنت حلال وطيبة عاشرها وان شاء الله بمرور الايام تحبها وتتعلق بيها
عباس،،،،حجية كلامج صحيح بس اخاف اظلم البنية وياية ومااكدر احبها واتورط وياها بطفل وانتي تعرفين وضعي ودراستي
الحجية ،،، انت دكتور وتعرف شلون تخليها متحمل منك وبعدين حتى وان سافرت مراح يتغير شي اخليها بعيوني
عباس ،،،،ساكت والحيرة ماخذتني مااعرف شأكولج يلا اني اترخص ومااريد غدة راح انام لحد يكعدني
رحت لغرفتي وقفلت الباب وظليت افكر بحجي الحجية كلامها منطقي بس اني بعدني منسيت هيلين ومو بسهولة تدخل مرة جديدة لحياتي النوب فاطمة شجاب هيلين ع فاطمة ظليت افكر الي ان نمت وماحسيت ع نفسي الا الدنيا المغرب كعدت وراسي يوجعني
نزلت وكانوا ديسون بالعشا شفت فاطمة وياهم وابتسمتلها
فاطمة،،، يا هذا ديبتسملي اويلي راح يوكع الصحن من ايدي
ام عدنان ،،،اصبلك شيخ عشة انت متغديت
عباس ،،،اي صبيلي وخلي فاطمة تجيبها لغرفتي
فاطمة ،،،ها اني ؟؟ اي تامر شيخ
عباس ،،،رحت لغرفتي وانتظرتها تجي دكت الباب وطبت خلت الاكل وكالت تفضل شيخ رادت تطلع كتلها وين تعاي تعشي وياية
فاطمة،،،اني ؟؟
عباس ،،،لعد اكو احد غيرج هنا
فاطمة ،،،بس ،،،،عباس لا بس ولا شي كعدي
فاطمة ،،،كعدت كبالة واني متلبكة كلي اتصلت اليوم بجماعة اعرفهم وكلفتهم يدورولي ع ابوج
فاطمة ،،،صدك والله !! ولزمت ايدي وعيونها لمعت
عباس ،،اي عيني صدك وان شاء الله عن قريب تلتقين بيهم
فاطمة ،،،يارب ان شاء الله ،،،،اشكرك ياشيخ مااعرف شلون اجازيك
عباس ،،،اليجازي الله ،،،بس اني هم عندي طلب منج
فاطمة ،،اتفضل شيخ تأمر امر
عباس ،،،فاطمة الظروف الي جرت علينا استثنائية اكيد بس هذا ميمنع انو احنة متزوجين امام الله والناس وانتي تعرفين اني شيخ والي مكانتي وسمعتي بين العربان
فأتمنى منج تجين تنامين هنا بالغرفة كأي متزوجين
فاطمة ،،،،ردت اطير من مكاني بس مااعرف شلون تماسكت نفسي والله عبالك اني بحلم ماعرفت شنو اجاوب تلبكت وكلت براحتك شيخ الي تشوفة مناسب اني وياك
عباس ،،،يلا اكلي وياية
فاطمة ،،،يبووو اني ظلي نفس بعد اكل فرحت وحسيت الدنيا راح تضحكلي والشيخ راح يكون ملكي كنت كل ماارفع عيني الكاه يباوعلي كلبي جان راح يوكف
.......................................................................
طبعآ لاحظت شغله كل الي يتابعوني يكلولي كملي كملي عاشت ايدج كملي شباب بنااﺕ انه ڜاب مو بنيه حبيت اكلكم😘😍
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم
أنت تقرأ
فصليه وعشق
Romanceعباس طالب جامعي يبلغ من العمر 24سنه فاطمه تبلغ من العمر 18سنه يتعرض والد عباس للقتل من جانب اخو فاطمه لتذهب فاطمه فصليه تابعو قصة فصليه وعشق اثاره غموض وحماس مع عاطفه ماذا سيحصل ل فاطمه تابعو لاحداث مشوقه
