فصليه وعشق

فصليه وعشق الجزء15

عباس ،،،قابلت هيلين بالجامعة بالصدفة دتتمشة مع دكتور نهاد وماخليت الموضوع بالي ولا تأثرت وخلونة كروبات نداوم بالمستشفى وهيلين جانت بكروبي ردت اغير لغير مجموعة مارهمت من داومنة زاد اهمالي الها خاصة من بعد ما شفت شقاها وتصرفاتها مع زملائنة وكان لبسها جدا مخجل بالرغم هي هي ماتغير بيها شي بس مااعرف شلون جنت متقبل هالوضعية ماادري لان شفت حشمة فاطمة وخوفها على سمعتي قبل لا تخاف على نفسها حسيت فعلا هيلين مستحيل تناسبني والحمدلله خلصت منها حاولت اكثر من مرة تتقرب مني واصدها وكان تعاملي جدا جاف معها
بعد مااتحمل حسيت نفسي محتاج لفاطمة كثرة تعرض هيلين وتحرشها الملفت خفت لا اضعف ماحسيت ع نفسي الا ومتصل بفاطمة
فاطمة ،،،،هلا والله شلونك شيخ
عباس،،، مو زين فاطمة
فاطمة ،،،،اسم الله الرحمن الرحيم ليش عباس بيك شي
عباس،،،لا مابية شي بس باجر راح اجي لان مشتاقلكم هواي
فاطمة ،،،امممم مية هلا توصلنا بالسلامة يارب
عباس،،،،نزلت لسوك واشتريت لفاطمة ملابس نوم وبرمودات وحصر وبناطير واشياء راقية وحلوة
كلشي يعجبني اشوفة عليها جبتة الها
فاطمة،،،جنت اتمنى اكدر اطلع لسوك واشتري ملابس جديدة حتى يشوف علية شي جديد
بس مكدرت اطلع كعدت حايرة
جوري ،،،شبيج فطومة حايرة
فاطمة،،،جوري اريد البس شي جديد يعجب الشيخ
جوري ،،،تعاي شوفي ملابسي بلكي يعجبج شي فتحنا كنتور جوري بي كومة ملابس
جوري ،،،والله نصهن مالبستهن امي متقبل نلبس قصير وحصر ولا بنطلون خاف لايحجون ع بنات الشيخ والله وكيلج تروح موديلها ومنلبسها
فاطمة،،،اكلب بيها واكول مكدر البسهن لعد
جوري ليش متلبسيهن انتي مطالعة بيها غير بس يشوفج بيها الشيخ وزوجج بعد
فاطمة،،،بس اني استحي البس هيج ممتعودة اطلع سيقاني
جوري ،،يمعودي دأخذي هذا وجربي وشوفي شلون حيطلع عليج
فاطمة،،،فستان قصير وربع ردن نص ماروني من فوك ونص اسود وبي حزام ع الخصر لبستة فصل جسمي تفصال روووعة طلع علية تعجبوا بية كلهم بالرغم استحيت اطلعلهم بي ومن كد ماعجبهم الحجية كالت متاخذة بعد جوري هذا مفصل ع جسمج تفصال
فاطمة ،،،يمة استحي ايشوفني بي الشيخ
الحجية،،،لا يمة لاتستحين هسة يفرح بيج الشيخ وتعجبينة اكثر من بنات المدينة
فاطمة،،،استكويت بكلامها وسشورولي شعري البنات وشكد مو هو ناعم وحلو صار بعد احلى وخلولي مكياج غامق واول مرة بحياتي اخلي مكياج قوي ع عيوني حسيت عيني ثكيلة ولجن كافي مااحب المكياج كومة
جوري ،،،لا وج لازم تخلين مكياج كومة تغيرين وكسر روتين
فاطمة ،،،استسلمت الهم عجبهم كلش بالرغم حسيت نفسي ع الطبيعة احلى واريح
تانيت الشيخ ع نار ومقبلت البس الكعب الى ان يجي لان مكدر امشي بي شكد ضحكنة وتونسنا اني والبنات بذاك اليوم بسبب الكعب العالي بس جان لازم البسة
عباس وصلت واني متعود وان كانو الكل بأستقبالي فأول مااوصل بوجهي لغرفة الحجية لان اعرف بصعوبة تنزل وتصعد
فاطمة،،،جنت كاعدة يم الحجية لان اعرف اول ميجي عليها راح يكون
عباس ،،،،من الدرج حجية الى متى اظل اركض وراج فد يوم نزليلي واستقبليني مثل الامهات واضحك طبيت الغرفة وطلعت شفت بنية كاعدة يمها
اشرت للبنات منو جوة ؟؟
الحجية ،،طب شيخنا طب ماكو غريب ان شاء الله
عباس طبيت متردد وفاطمة وكفت سلمت ع الحجية وباوعتلها وج فاطمة شمسوية بروحج ماعرفتج صايرة اطول مني وضحكت
فاطمة،،،،الحمد لله على السلامه شيخ
عباس،،،عيوني عليها من فوك ليجوة الله يسلمج خاتونة شطالعة
فاطمة ،،،دنكت وهمست مو حلو شيخ
٠فاطمة ،،،فديت التعبان خسة الجوع هسة ابدل واجيب غدة
نزلت احضر الغدة ونزل عباس مستعجل ويحجي بالتلفون واشرلي اصعد وراه
صعدت وراه جان يكتب بورقة كلي فطومة احزري هذا رقم منو ؟؟
فاطمة ،،،لدكول ابوي شيخ ؟؟
عباس،،،اي والله واخيرا حصلنة مكان ورقم ابوج
فاطمة ،،،حضنتة واني ابجي
عباس ،،،لتبجين اني وعدتج احصل مكانهم واوديج عليهم مااريدج تبجين
فاطمة والله ياشيخ كول وفعل ربي يحفظك ويخليك
فرحت بالرقم كلش وكتلة اني اتصل بيهم ورة الغدة تغديننة وراح الشيخ للمضيف اجوي عليه عمامة واقاربة يسلمون واعرف بي يتأخر
خابرت على الرقم وطلعلي صوت شاب خفت وغلقتة بعدين اكلني الخوف بس لا الي رد علية ،،،،،عزة العزاج فاطمة
رجعت اتصلت الو السلام عليكم منو وياية
وعليكم السلام انتي منو طالبة
فاطمة،،،اني طالبة ابو حسين
ابو حسين موجود منو حضرتج
فاطمة ،،،عزة العزاني حسين انت وين اني فاطمة
غلق التلفون بوجهي كمت ارسلة رسائل ياخوي لتخاف مني اني اختك ومن لحمك ودمك ومستحيل انطي او اغدر بيك ارفع التلفون اريد اعرف اخباركم اني ماصبرت على المر والضيم الي حطيتوني بي الا لخاطركم ومااتخلى عنكم للموت انتو اهلي وسندي بهل حياة
جانت تصلة رسائلي وميرد ولا يرفع خط مليت واني اتصل ماكو
عباس ،،،اشتقت لفاطمة وكلت خلي ابوك نفسي 5 دقائق اشوفها وارجع
عباس ،،،طبيت للغرفة دتكتب بجهازها ومختبصة ومرتبكة وحالتها حالة خوما بيج شي فاطمة
فاطمة ،،،ها لا ياشيخ سلامتك مابية شي
عباس ،،،امممم وضعج مو طبيعي بيهم شي اهلج
فاطمة ،،،،لا مابيهم شي ادك عليهم مغلق يلا الايام طويلة عود اتصل بيهم شنو جنت رايد شيخ
عباس ،،،استغربت من برودها من بعد ماجانت كاتلة نفسها ع اهلها
لاسلامتج مارايد شي بس حبيت اطمن عليج ورايح
فاطمة ،،،نزل عباس والخوف اكل كلبي دزيت رسالة حسين اكسر الخط وبعد لترفع ع اي رقم يتصل بيك ومن تريد تخابرني خلي امي تحاجيني بالاول ديربالك ع نفسك ياخوي
مااجة بالي امسح الرسائل لان اعرف بالشيخ ميفتح جهازي
عباس ،،،نزلت واتصلت بالرقم وطلعلي شاب وغلقتة كلت معقولة هذا حسين وارتباك فاطمة علمودة ظل بالي الموضوع كلت بالليل اخليها تتصل كدامي واشوف ردة فعلها طلعت للمضيف وتعشيت مع الزلم وبالي يم الموضوع تأخرنة بالتعليلة وراحوا الضيوف كعدت بالحديقة واتصلت هم مغلق
فاطمة ،،،تأخر عباس ونزلت اشوفة كالتلي ام عدنان هو بالحديقة طلعت وكعدت يمة عباس شو مصعدت
عباس ،، الرقم حيرني يافاطمة واريد احصلة حتى تحاجين اهلج وتطمنين عليهم
فاطمة،،،ها اي لتشغل بالك بأهلي ياشيخ شسوي هاي هية انت صرت اهلي ودنيتي كلها
عباس ،،،ها شو تغير حجيج فاطمة مو جنتي ذابحة روحي حتى تطمنين عليهم وعيونة صارت تخوف ارتبكت وماعرفت اجاوب
جر تلفوني مني اني خفت ووكفت
عباس،،،كلبت المكالمات والرسائل وعيوني عليها وتجدح نار كل هذا يطلع منج ايا بنت الكلب جريتها من شعرها وسحلتها بأتجاه السرداب كامت ترجع ليورة
فاطمة ،،،الله عليك شيخ لا لااااااااااا
عباس ،،،خيت ايدي ع حلكها وطبينة لسرداب فتحتة وشمرتاها بالارض زحفت ولزمت رجلي وتبجي وتتوسل اطلعها
عباس،،،وينة حسين هسة جاوبيني وركلتها
فاطمة ،،،والله مااعرف وين والله
عباس،،،،نزعت عكالي وكت اضرب بيها بكل قوتي الى ان تعبت ووكعت يمها كامت تون جريتها من شعرها كولي شحجيتو انتي ويا ووين هسة اهلج مكلوعين
فاطمة،،حسيت جسمي خدر وبعد مااحس بشي بجسمي همست والله مااعرف وينهم
عباس وج لتجذبين احجي وينهم ورجع يضرب
عباس ،،،هينة اني اعرف شلون راح تحجين
قفل السرداب وطلع
فاطمة،،ظليت اون من الوجع واسحل بروحي واني اسمع صوت فار يتحرك من يمي والدنيا ظلام دامس خفت وكمت ارجف وابجي واصرخ ع عباس وماكو اي رد حسيت شي كرصني من رجلي وكامت تحركني وسخنت وجسمي عرك والوجع ماتركني
.......................................................................
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم