فاطمة،،،،كام يداوم عباس بالكلية مالتة وكمت اشوفة من يلبس ويكشخ ويتعطر والغيرة تاكلني مجنت هيج اغار عليه قبل بس يمكن لان شفت المدينة وبناتها قررت اهتم بنفسي واسحرة واخلي ميباوع لغيري بس ماعرفت شلون ابلش خابرت جوري وسلمت عليها
جوري اي عمي منو كدج بعد متذكرينة صرتي بالمدينة
فاطمة ،،،بالعكس ضوجة يمكم احسن جنت متونسة وياكم هنا ضوجة
جوري ،،،ادخلي ع نت واتصفحي او اذا تحبين اسويلج حساب فيس وغيري جو
فاطمة،،،ياريت بس مااعرف اخلي عباس يعلمني
كمت ارتب بالبيت واغير ديكورة واطبخ اكلات لان جان عباس يحب الاكلات الدسمة ولان جان عزابي ومتعود ع اكل المطاعم فيعشق اكل البيت
عباس ،، صار البيت الة روح نظافة وترتيب وريحة الاكل الى برة توصل بس بعدنة علاقتنة رسمية وكل واحد شايل خشمة ع الثاني
فاطمة،،،ورة الغدة كعدت يمة مرات يسولفلي شصار وياه بالدوام
فاطمة،، هنيالك تطلع اني راح طك روحي بالبيت ضوجة وجوري كالتلي تصفحي نت بس مااعرف
عباس ،، ،هاي سهلة جيبي جهازج اعلمج
فاطمة،،،سوالي حساب ع فيس وكمت اطب كروبات ميك اب وجمال ووعناية بالبشرة اضافة لكروبات نصاءح عن العلاقات الزوجية حسيت فعلا عباس مظلوم وياية ومشايف شي
كمت البس برمودات وشورتات وكلابيات قصار واعتني بشرتي ومن يجي من الكلية يلكاني مثل اللعابة الترتيب والكشخة والمكياج والعطورات
عباس ،،،تغيرت كلش فاطمة وصارت تخبل وبس تعذبت اكثر ياريت ماجبتها بعد مكدر انزل نفسي الها اخاف تصدني
عباس ،،،،كمت اتقرب منها واظل اشاقيها واحاجيها فاطمة اليوم عازمج ع العشة برة
فاطمة فرحت كلش بس كتلة اريد ملابس ولازمتني اغراض
عباس ،،،اي والله اعرف وجنت ناوي اطلعج لسوك ومناك نروح للمطعم
فاطمة ،،، رحنة لسوك واشتريت ملابس كومة خارجي وداخلي وملابس بيت ومكياج بعدين اخذني ع محل صياغة استغربت كلي طبي
طبيت كلي شنو تريدين ويعجبج اخذي اني مشتريتلج ذهب فاطمة فرحت كلش مو ع ذهب بس فعلا حسيت نفسي متزوجة ورب العالمين عوضني اشتريت ذهب وحلقة حلوة كلش
ومناك رحنة تعشينة وماخلة شي بنفسي تونست كلش من رجعنة بالسيارة كلي ها فاطمة شلون المدينة شفتيها
فاطمة ،،،تخبل والاحلى اني وياك
عباس ،، باوعتلها فاطمة انتي تحبيني ؟؟
فاطمة اموت بيك مو بس احبك ومن اول مرة حبيتك من اول شمة
عباس ،،،اول شمة شنو ؟؟
فاطمة ،،،من ارجع للبيت اشوفك فد شي وانت تفتهم
رجعنة وكعد ع الجرباية طلعت من الكنتور علاكة وكتلة افتحها فتحها وباوعلي هاي شنو
فاطمة ،، غترتك الي شفتك اول مرة لابسها وجنت رابط بيها ايد ابوية الله يذكرة بالخير وادمعت عيني
عباس ،،،،بستها من راسها ن شاء الله تنجمعين بيهم ع خير
بس انتي غير تغسليها متشوفين بيها دم وضحكت
فاطمة ،،، لا شلون اغسلها وبيها ريحتك ودم ابوي هاي الغترة وين مااروح اخذها وياي واحبها كلش
عباس ،،،فاطمة
فاطمة،،،رفعت عيني بعينه ياروح فاطمة
عباس،،،احبج
فاطمة،، شنو كلت !!!
عباس،،،،احبج والله احبج
فاطمة ،،،كلبي جان راح يوكف حضنتة قوي عباس انت اجمل شي صارلي بحياتي
عباس ،،،وانتي العكس وضحك
فاطمة ،،،ضربتة ع كتفة عباس ،،،ديري بالج تعيديها هاي عليها فصلية
فاطمة ،،، زين وهاي جان اخلي ايدي ورة راسة واجرة علية وبستة بوسة قوية
عباس ،،،لا هاي ثارات مو فصلية ودفعني ع الجرباية وج والله مشتاكلج شنو البرود الي بيج
فاطمة هسة اشوفك البرود شلون وفعلا جنت جريئة وغير عن قبل لان تعلمت هواية حركات واشياء جديدة وصارت عندي معلومات من خلال الكروبات والنت
عباس ،،،،متت بيها وعشقتها عشق تغيرت حياتي وملت علية دنيتي
فاطمة ،،،عشنا احلى ايام الدلع والغزل والدلال ومن اسمع اغنية احمد المصلاوي (اخيرا كالها) احسها تحجي قصتي والي بكلبي
بعدين تخرج عباس وصار يداوم بالمستشفى اقترح علية ادرس خارجي ثالث وشجعني وقدمت ودرسني ونجحت وكنت اتمنى ادرس اعدادية هم خارجي بس لان حملت اجلتها
ورة 4 اشهر اتصلت امي بية وكالت يريدون يشوفوني وكانو بالمدينة ساكنين ببيت حسين وحسين متزوج وابوية طلع مشلول من لحظة الي عقدت وطلع من بيت الشيخ من وكتها واكع ومجلوط ولان جان وضع والدي هيج عباس اتفهم الوضع وكلي اني اوديج عليهم بس ماادخل اظل برة
من وصلنة المنطقة حسيتة ضاج واختنك خليت ايدي ع ايدة وكتلة رجعنة لبيتنة
عباس ،،،لا فاطمة ليش تريدين ترجعين انتي ماصدكتي على الله تلكيهم
فاطمة ،، ماطولهم بخير واطمنت عليهم بالتلفون كافية وبعدين انت صرت امي وابوية ودنيتي كلها مااريدك تنغث بسببي
باس ايدي لا حبي ان شاء الله ماكو مغثة
عباس ،،،فدوة كبرت بعيني وشكد جبيرة عندي انها فضلت متشوف اهلها الي صار اكثر من سنة مشايفتهم على انو تغثني
فاطمة ،،،وصلنة وفتحت باب السيارة واني مترددة واباوعلة فتح الباب مالتة عباس ونزل ونزلني ولزمني من ايدي ودكينة الباب جنت خايفة عليه ومنة بنفس الوكت
فتحت امي الباب وشبكتني وبجينة من كل كلبنة وعباس باس ايد امي وراسها وهم حضنتة وبجت امي وابوية نفس الحالة طلع حسين واني وكفت يم عباس ولزمت ايدة
تقدم حسين ومد ايدة لعباس تأخر عباس مامد ايدة بس من باوعلي وشافني ابجي تقدم مد ايدة وحضنة واعتذر حسين وبجى مثل النسوان
وكل اهلي باسوا عباس من راسة والحمدلله صفت الكلوب من بعد ماجانت مليانة على بعض
الظلم مستحيل يدوم والغلط ميتعالج بغلط والصبر طيب والمسامحة حلوة والاعتراف بالغلط فضيلة
انتهت قصتنة فصلية وعشق اتمنى تكون نالت اعجابكم ورضاكم سامحوني ان قصرت
.......................................................................
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم
أنت تقرأ
فصليه وعشق
Romanceعباس طالب جامعي يبلغ من العمر 24سنه فاطمه تبلغ من العمر 18سنه يتعرض والد عباس للقتل من جانب اخو فاطمه لتذهب فاطمه فصليه تابعو قصة فصليه وعشق اثاره غموض وحماس مع عاطفه ماذا سيحصل ل فاطمه تابعو لاحداث مشوقه
