عباس،،،رحت لغرفتي وقفلت الباب وشمرت عكالي وغترتي ونمت ع جربايتي احس راسي راح ينفجر ياربي اذا اني بكابوس اكعد منة بأسرع وكت ظليت افكر بحالي شلون شأسوي اني المشيخة مو ثوبي وحمل جبير اني مو كدها ودراستي لازم اكملها وهيلين مستحيل تتقبل وضعي هية اذا تشوفني بهل ملابس تكلب هههههه
وهالبلوة الوكعت فوك راسي شلون اتخلص منها وهية رسميا مرت الشيخ صارت لازم والدتي تتقبل الموضوع لان مو حلوة كدام العالم تنام بغرفة واني بغرفة اووووه
فتحت جهازي وكلبت صوري اني وهيلين حبيبة عمري مشتاكلج شوكت انزل للمدينة واشوفج اشتاكيت لصوتج كلت خلي اتصل بيها اتصلت خطها انتظار كمت غسلت وبدلت ورجعت اتصلت هم انتظار عفتة ونمت
فاطمة،،،خلوني بغرفة عادية بس هم كلش حلوة قفلت الباب علية من الخوف وظليت كاعدة على طارف السرير ولازمة عباتي ومانزعتها جنت خايفة واحس بأي لحظة يدخلون يكتلوني كامت تمر ساعة ورة الثانية حتى اكل ماجابولي نعست ونمت كعدت ثاني يوم كان بيتهم دائما هوسة وناس تفوت وناس تطلع وهم محد اجاني ولا دك الباب ظليت بغرفتي الى الظهر بدون اكل ولا شرب
عباس ،،،،كان بيتنة ميفرغ وناس تجي وناس تروح وكنت منشغل دائما تغديت وصعدت لغرفتي دكيت لهيلين مغلق ظل بالي عليها
باوعت للمزرعة من شباك غرفتي وظليت اتأمل المزرعة اجتي بالي فاطمة لان جنت ناسيها اصلا نزلت لام عدنان كتلها وين خليتيها كالت بغرفة الضيوف بالممر الثالث كتلها زين وديتولها اكل وشرب
كالت لا
عباس ،،،شلون ؟؟ من البارحة ماوديتولها اكل ؟؟
ام عدنان ،،شيخ من بعد الي صار انت شفت الحجية شسوت خفنا نتقرب بعد يمها
عباس ،،،بسرعة صعديلها غدة واطمني عليها ورجعيلي خبر انتظرج هنا كالت شيخ بس ....
عباس ،،،بدون نقاش ام عدنان
ام عدنان ،،،حاضر شيخ خلت اكل وصعدت دكيت الباب
فاطمة،،،فزيت وكمت ع حيلي همست منو ؟؟
ام عدنان ،،اني عيني ام عدنان جبتلج غدة
فاطمة ،،فتحت الباب ورجعت للسرير
ام عدنان ،،،اعذرينا تأخرنا عليج بس انتي لازم تتحملين وتصبرين هالفترة والله الحجية كلبها طيب بس الصار مو هين لا عليها ولا ع الكل
فاطمة ،،،همست الله يكون بعونهم
ام عدنان ،،،تغدي بنتي واقفلي الباب واني العصر امرلج اخذ الصينية واذا احتاجيتي شي كوليلي
فاطمة ،،،ان شاء الله اشكرج
ام عدنان ،،،طلعت ونزلت لشيخ لكتة كاعد بالمطبخ
عباس،،،ها ام عدنان
ام عدنان ،،،خليت الغدة وجيت ومابيها شي غزالة
عباس ،،،جيد بين فترة وفترة مريلها وشوفي شنو طلباتها
عباس ،،،صعدت شفت الحجية والبنات اخواتي اثنين بعدهم بالاعدادية
ورجعت لغرفتي اتصلت بهيلين ورفعت واخيرا هيلين وينج ظل بالي عليج
هيلين ،،،اهلا عباس لا بس جنت بالمحاضرة وغالقة جهازي
عباس،،،هيلين ليش متغيرة علية بأتعس وكت احتاجج بي
هيلين ،،،عباس كل متحاجيني دكلي هالحجاية يعني متعرف دراستنا ووكتنا شلون يعدي
عباس ،،،هيلين شنو الي تغير من قبل كل وكتنة سوة حتى دراستنة جنة ندرس سوة ومن نرجع كل وكتنة ع تلفون يعني قبل جانت دراستنة سهلة وبهل ايام صعبت ؟؟
هيلين ،،،اهوو عباس ترة اني تعبانة ومامتحملة ملامة بعد
عباس ،،،اها يلا براحتج اخذي راحتج ومن ترتاحين انتظر اتصالج
هيلين ،،،اوك إن شاء الله
عباس،،،اكيد تتصلين ترة انتظر اتصالج لان مشتاقلج اريد اعرف اخبارج
هيلين ،،،ضحكت ان شاء الله
عباس،،،سديتة واني مامرتاح لهيلين وجنت اعرف ماراح تتصل بس كلت خلي انتظرها
لاتسو التصويت😍
لاتنسو التعليق😘
لاتنسو تابعو حسابي😍
أنت تقرأ
فصليه وعشق
Romanceعباس طالب جامعي يبلغ من العمر 24سنه فاطمه تبلغ من العمر 18سنه يتعرض والد عباس للقتل من جانب اخو فاطمه لتذهب فاطمه فصليه تابعو قصة فصليه وعشق اثاره غموض وحماس مع عاطفه ماذا سيحصل ل فاطمه تابعو لاحداث مشوقه
