فاطمة،،،راح الشيخ وكلبي اخذة ويا حسيت نفسي تعلقت بي وهو اصلا مابدر منة شي ايجابي ومشفت منة شي زين بس روحي تعلقت بي مااعرف يمكن لان اول مرة اشوف رجال وهو مو اي رجال عادي جانت الة هيبة ومعدل والمشيخة لابستة لبس
ظليت حابسة نفسي بغرفتي ومااطلع ولو يتفطنون بية ويجيبولي اكل لو لا
كمت اشتاق لاهلي واكول ياترى وين صفت بيكم الدنيا وليش ابوي ميمر يطمن ع حالي وهو يعرف وين خلاني وعند منو
عباس،،،وصلت المدينة واول شي سويتة اتصلت بهيلين كتلها انتظرج بالمطعم الفلاني لازم تجين
هيلين ،،،،انت هنا؟؟ شوكت جيت ؟؟
عباس،،،اجيت وخلص كتلج منتظرج يلا تعاي وسديتة
تانيتها الى ان اجت وسلمت وكعدت
كنت اخزرها
هيلين ،،،الحمدلله على السلامة ياشيخ
عباس ،،،امممم الله يسلمج
هيلين ،،،مبروك زواجك
عباس،،،عدلت كعدتي وجلست منو كلج اني تزوجت
هيلين ،،،وهي هالامور تنظم ياشيخ
عباس،،،هيلين انتي مو فاهمة الموضوع وماعندج اي اطلاع عليه حجيتلها كل الصار وياية
هيلين ،،،اي وتريدني اصدك هالفلم الهندي
عباس ،،،انتبهي لألفاظج زين اني مامضطر اجذب عليج هيلين
هيلين ،،،لتنسى نفسك انت شيخ ع نفسك وع الهمج الي تشيخ عليهم مو علية
عباس ،،،وكفت احترمي نفسج اني لحد هسة محترمج بالرغم كلشي سمعتة عنج
هيلين ،،،هههههه اي عندك وكالة انباء تنطيك الاخبار اول بأول اي الي سمعتة صحيح دكتور نهاد تقدملي ووافقت عليه يعني تريدني انتظرك وانت تزوجت وحتى ماكلفت نفسك تنطيني خبر
عباس ،،،انتي شدتحجين هيلين وحبنا واحلامنا الي رسمناها وبعدين كتلج اني متزوجت بس كلام ع ورق فصلية عشائر وفك مشكلة لااكثر مسألة وكت وتنتهي
هيلين ،،،وياك عباس خلينة نحجي بالعقل انت صرت شيخ معناتها راح تظل بالقرية ومتكدر تعوفها وتسكن بالمدينة واني من سابع المستحيلات اروح وياك هناك وبعدين اني مااحب اطفالي ينشأون بهيج بيئة
عباس ،،،،هااا!!!! لحد هنا ويكفي هيلين لتجاوزين اكثر كلشي بينا انتهى اتمنالج كل التوفيق وان شاء الله متتندمين ويكون اختيارج صح
هيلين ،،،عباس صدكني حبيتك من كل كلبي بس يمكن اختيارنا لبعض من البداية خطأ
عباس ،،،هههههه ضحكتيني زين تلاحكتي نفسج وصححتي غلطج اترخص
عباس ،،،،مااعرف ليش جان شعوري طبيعي ومنقهرت كلش على هيلين يمكن لان جانت متستحق حتى اني اتأثر عليها وفعلا كلامها واقعي وبي وجهة نظر اني وياها منصلح لبعض وان كنا نحب بعضنا لكن هالحب مراح يستمر ومراح نكدر نندمج ونكمل سوة
ظليت افتر بسيارتي الى الليل ورجعت لبيتي عندي بيت بالمدينة وساكن بي بوحدي من جنت صغير جنت اسكن مع بيت جدي بس من كبرت وصرت جامعة بعد مترهم فالوالد الله يرحمة اشترالي بيت بأسمي جنت قليل ابات بي اغلب اوقاتي مع اصدقائي بالاقسام الداخلية او بيت جدي او عند حمزة
خابرت ع حمزة وكتلة تعال للبيت وجيب عشة بطريقك كلي صار ادلل
عباس ،،،تعشينة وسولفنة ع الصار وياية
حمزة ،،،عباس من البداية جانت هيلين ممناسبة الك ومتأكد جان حتى اهلك ماوافقوا عليها
عباس ،،،صح حمزة بس جنت احبها وماافكر بشي ثاني وجنت احسها حتتأقلم وتغير حياتها لخاطري
حمزة ،،،شنو تغير ياخوي هية تخاف ع اظفرها اكثر منك وترتب بنفسها وتشيل هم لبسها اكثر من اهتمامي بمستقبلي هعهههه
عباس ،،،،ضحكت شو اول مرة تحاجيني هيج عن هيلين حمزة
حمزة ،،،سابقا هية الكبل مالتك مااكدر اجيبها بالطاري بس هسة لا والله اريد احجي الي بكلبي
ياخوي انت اذا تاخذها لقريتكم ببنطلونها الحصر ميخلون عكال ع راسك ههههه
عباس ،،،اعرف لذلك جنت مااريد اخذها للقرية واستقر بالمدينة بس هية الي باعت الله يسهللها
حمزة ،،،ماكتلي شلون عروستك
عباس،،،اي عروس ؟؟ هاا والله ذكرتني جنت ناسيها
حمزة شو ناسيها شنو فلمها ؟؟
عباس،،،هاي مسكينة والله قصتها قصة بعدين احجيلك ياها خليني بالمحاضرات الي فاتتني .......
فاطمة،،،جنت كاعدة بغرفتي وسمعت صوت شي وكع وام عدنان كامت تصرخ طلعت ع صوتها كانت الحجية واكعة بالكاع رحت ركض وشلناها لغرفتها
ام عدنان ،،،البنات بمدارسهم ومااعرف شلون انطيها الابرة
كتلها اني اعرف لان جنت انطيها لابوي الله يذكرة بالخير
نطيتها الابرة واني ارجف وخايفة منها
كالت ام عدنان هية هيج تخرب وتفقد الوعي وتصحى ورة ساعة او ساعتين زينة
فاطمة ،،،روحي ام عدنان اني ابقى يمها
ام عدنان ،،،متأكدة؟؟
فاطمة،،، اي ان شاء الله ادير بالي عليها
فاطمة ظليت يم راسها كاعدة ساعة ونص كامت تحرك ايدها خفت كلش فتحت عينها واشرت ع المي
جبتة وشربتها واشرت لي حتى اطلع
فاطمة،،،ان شاء الله حأطلع
طلعت وكلت لام عدنان تجي يمها نزلت للحديقة جوة جانت روعة وبيها ورد كومة ومرتبة ونظيفة
شفت البنات اجوي من المدرسة سلمت عليهم ومديت ايدي كتلهم اني فاطمة
الجبيرة صافحتني وكالت اني جوري والصغيرة غزرتني وراحت
جوري ،،،معليج منها جود متعلقة بأبوي الله يرحمة حيل ولان الكعدة مدللة نفسها تحمليهافصليه وعشق
الجزء الثامن
فاطمة ،،،، ان شاء الله
جوري ،،انتي من القرية
فاطمة ،،،اي بس من الصوب الثاني مو بصوبكم
جوري ،،،بأي صف
فاطمة،،،تركت الدراسة ماكملت
جوري ،،،احسلج والله مرتاحة
فاطمة ،،،،بالعكس اتمنى ارجع للدراسة انتي بأي صف ؟؟
جوري سادس علمي الشيخ اصر اني اروح علمي على العلم مستواي مو هالكد هو احنة مافلح بعائلتنة بس الشيخ عباس جان ذكي وشاطر
فاطمة ،،، شدي حيلج وان شاء الله تصيرين مثلة دكتورة
جوري ،،،لا يمعودة شلي بوجع الراس ،،،على فكرة اذا تحبين ترجعين لدراسة ميمانع الشيخ بالعكس يشجعج هو يحب الواحد يتعلم ويساعدج اكيد مو صرتي مرتة
فاطمة ،،،دنكت اي ان شاء الله
جوري ،،،يلا اترخص اشوف امي
فاطمة،،،،كانت جوري حبابة احسن من جود حسيت جود على امها طالعة
العصر طلعت من غرفتي ورحت لغرفة الحجية دكيت الباب واني خايفة كالت منو اتفضل
فاطمة،،،دخلت وشافتني وكالت هلا
فاطمة ،،،، شلون صرتي عمة
الحجية ،،،الحمدلله احسن ،
فاطمة،،ظليت واكفة يم رجلها ومدنكة
كالت اكعدي كعدت بالارض
كالت كومي فاطمة اكعدي واشرت ع كرسة كبالها
كعدت كالت صح اني مو راضية ع زواجج من اكالت كومي فاطمة اكعدي واشرت ع كرسة كبالها
كعدت كالت صح اني مو راضية ع زواجج من الشيخ ومااحب تكونين موجودة بيت الشيخ بس انتي انفرضتي علينا فرض لذلك صرتي امر واقع ومحسوبة علينة
تنتبهين لتصرفاتج ولبسج ولكل عمل تقومين بي انتي محسوبة علينا وعلى الشيخ واي شي تسوي يرجع علينا
فاطمة ،،،ان شاء الله عمة متشوفون مني الا كل خير واني من ايدج هاي لايدج هاي
الحجية ،،،امبين عليج حبابة وتسمعين الكلام منا وجاي من تكعدين تجين يمي بالغرفة تونسيني وتخدميني
فاطمة ،،،ابتسمت وبست ايدها وكتلها تامرين عمة
حسيتها كامت تلين وياية بالتعامل وتفائلت
دك جهازها وتغير لونها كالتلي روحي لغرفتج واني طالعة سمعتها دكول هلا بشيخ الشيوخ فز كلبي جان يتصل بيها دائما ويطمن عليها
............................................................
اسف ع تأخير الي يصير ولله مالحك بس كاعد اعوضكم ولله اعذروني😔
لاتنسو التصويت😍
لاتنسو التعليق😘
لاتنسو تابعو حسابي فديتكم😍
احبكم
أنت تقرأ
فصليه وعشق
Romanceعباس طالب جامعي يبلغ من العمر 24سنه فاطمه تبلغ من العمر 18سنه يتعرض والد عباس للقتل من جانب اخو فاطمه لتذهب فاطمه فصليه تابعو قصة فصليه وعشق اثاره غموض وحماس مع عاطفه ماذا سيحصل ل فاطمه تابعو لاحداث مشوقه
