عباس،،،ظليت انتظر لليل مااتصلت هيلين وجنت حاس ماراح تتصل طلعت افتر بالمزرعة والملل كتلني وظليت افكر واباوع لسما باوع بالصدفة وشفت فاطمة تباوعلي من شباك غرفتها دنكت ونطيتها ظهري وظليت اتمشى بعدين التفتت ولكتها بعدها تباوع بسرعة درت وجهي هاي شبية اني شكد عيب
فاطمة،،،كتلني الملل حسيت نفسي بسجن طلعت روحي بس اكل وانام والنوب حتى الحمام بداخل الغرفة من دخلت الغرفة ماطلعت ابد مجان كدامي بس الشباك جنت أتأمل المزرعة منظرها روعة وجنت اتمنى لو اهلي موجودين وياية بهيج مكان واتحسر على عيشتنة قبل وبيتنة وشلون جنة مرتاحين
فجأة صار كدامي الشيخ يتمشى وبأيدة تلفون ظليت اتأملة حسيت نفسي مااشبع منة شوف انتبه علية واستحيت ورجعت لسريري
عباس ،،،التفتت عليها اختفت ماكو حسيت رجلي كامت تاخذني الها بدون مااحس دكيت الباب همست منو ؟؟
عباس ،،اني الشيخ فتحي الباب
فاطمة ،،،فتحت الباب واني ارجف كلبي وجسمي ينفظ
عباس ،،،جان شعرها مفلول طويل اسود وناعم كتلها شبيج ترعشين بردانة
حركت راسها لا
لعد شنو خايفة مني ؟؟
فاطمة ،،،لا بس الك هيبة مو شيخ
عباس،،،وهيج الشيوخ يرهبون هههه
فاطمة،،،فجأة انفتح الباب وجانت مرة جبيرة بالعمر وع عكازة اتوقعتها ام الشيخ وخزرتني وكالت عباس شنو تسوي هنا
عباس ،،،حجية اجيت استفسر منها بموضوع
فاطمة،،،شو كامت ترجف ووكعت كمت اصرخ اني كلي ساعديني ننقلها ع غرفتها نقلناها وكام يطلع ادوية وطلع ابر وضربها تحت الجلد اتوقعتها ابر سكر لان جانت عند ابوية منها باوعلي بغضب وكلي روحي لغرفتج مااريد اشوف وجهج بعد
فاطمة ،،،خفت وكمت بسرعة
عباس ،،،ضربتها ابرة وظليت بالغرفة يم راسها دك جهازي صديقي حمزة رفعت التلفون وطلعت بالممر عزاني بوالدي وكلي شوكت راح تجي كتلة ان شاء الله مااطول شنو الاخبار حمزة دتشوف هيلين
حمزة ،،،ها ليش؟؟
عباس،،،حمزة هيلين ماعاجبتني هالفترة اكو شي احجيلي
حمزة والله مااعرف شأكولك بس هيلين متفيدك عباس
عباس ،،،احجي حمزة شصاير
حمزة ماصاير شي بس اتوقع بين هيلين ودكتور نهاد شي لان نص دوامها تكضي بغرفتة
عباس ،،،حمزة انت شتسولف مخبل صاحي
حمزة ،،،والله ياخوي للأسف واقع دأسولفلك
عباس ،،،هينة يصير خير مع السلامة
عباس ،،،فار دمي فور الله لايوفق حسين ويبارك بيكم من عائلة دمرتوني رحتة لغرفتها وجريتها من شعرها وسحلتها من فوك ونزلتها للمزرعة واني اضرب وادفر بيها ووديتها للسرداي الي بالضيف وطبعا جان المضيف مسافة عن البيت بس بوسط المزرعة والطريق كلة اضرب بيها فقدت عليها وطلعت كل قهري دخلت للسرداب وهية تون وتنخاني اتركها كتلها نفس واحد او صوت واحد منج اخلص عليج سكتت وهية تتنهد وتبجي ردت اطلع ولزمتني من رجلي الله يخليك اخاف من الظلام لتتركني هنا دفرتها وطلعت
وسديت الباب وكعدت بالمطبخ مال المضيف وجانت دنيا ليل وهدوء وماكو احد بجيت بحركة واني اسمعها تبجي وتون وتحلفني اطلعها مااعرف منوين جتني هالوحشية وليش هيج دأعاملها وهية ماالها ذنب بس من قهري دأتصرف بلا وعي
فاطمة،،،حسيت بي موجود قريب وسمعتة يبجي خفت لا يسمع صوتي ويرجع يضربني حضنت رجلي وظميت راسي وبجيت بهدوء سمعت صوت فار قريب صرخت
عباس ،،،سمعت صرختها وكمت عليها فتحت الباب اجتي حظنتني الله يخليك فار هنا طلعني لو حتى تشمرني بالشارع بس طلعني منا
عباس ،،،،جريتها من شعرها شنو اشمرج بالشارع انتي صرتي عرضي راح اصعدج لغرفتج بس مااريدج تطلعين منها ولا اشوف وجهج
فاطمة ،،،،همست ان شاء الله
جرني من ايدي وصعدني لغرفتي شمرت نفسي ع جربايتي وكل جسمي يوجعني وبجيت بحركة ع امي وابوية وحتى ع حسين الي منعرف وين شرد وع حالي وعيشتي
عباس،،،ظلت تبجي واني قفلت ع نفسي الباب وكرهت نفسي والي سويتة شنو فرقي عن كرار الي يستكوي على الحريم وعقلة بعضلاتة
ثاني يوم اطمنت على الحجية وكتلهم اني راح انزل للمدينة استأنف دوامي راح تضيع علية السنة شجعوني عمامي وامي كتلهم كل فترة انزل للقرية وانتو انطوني الاخبار اول بأول
حسيت والدتي فرحت بنزولي للمدينة حتى ماالتقي بفاطمة بعد وفعلا نزلت للمدينة وماشفت فاطمة
فاطمة،،،سمعتهم يودعوه وراقبتة من الشباك هو ورايح كان لابس قاط اول مرة اشوفة بغير الدشداشة بالرغم ممتعودة عليه وع وجودة بس حيل ضجت من راح وحسيت البيت اظلم من دونة وانقهرت اكثر لان ماكلف نفسة وسلم علية ولا طيب خاطري
أنت تقرأ
فصليه وعشق
Romanceعباس طالب جامعي يبلغ من العمر 24سنه فاطمه تبلغ من العمر 18سنه يتعرض والد عباس للقتل من جانب اخو فاطمه لتذهب فاطمه فصليه تابعو قصة فصليه وعشق اثاره غموض وحماس مع عاطفه ماذا سيحصل ل فاطمه تابعو لاحداث مشوقه
