لنا مااا ردت علي . اتصلت ع روان قلت ليها مبروك النجاح قالت لي نجاح شنو بسمالله . قلت ليها جبتي،جد جدا
-ريما م تهظري معاي بليل ده بسب ليك طوالي
-والله جاده اسي حرسل ليك الصوره كمان
رسلتها ليهاا
ضربت لي تزغررررررررد وضربت لي فيديوووو اشتقت لهبلها يااااخ
قلت ليهاا قلبيي اباكم الاتنين خليتوني كده براي مشرده زي الماعندي اهل
-قالت لي اهل شنوو ي زوله التشرد ده حلو خلاص😂😂😂😂تولدي وتعرسي بدون قوانين ياخ ضحكتني ضحك يلا قالت لي خليك معاي عشان تشوفي الخلعه . جات جاريه وهشت لاهلاااا وبقت تكورررك بابا مامااااا قومي اتهجمو طبعاا قامووو .. فشنو جابت اخواتهاا وقالت ليهم انا جبت جيد جدا يلاا م صدقوها بقو يضحكوة ورتم الصوره . ورجعت فتحت الكاميرا يااخ فرحوو فررررررح امها دي تشيل وتزغرطط واخواتها حضنوهاا .. وهي ترقص حوصت بي قلت ليهااا اقفلي الزفت اكاميرا دي انا حوصتاااا .
-تسلمي لي ياريما الله يخليك لي ما اتحرم منكككك ي #اختي ❤البعشقها😍و ي بتي االبريدا وياا امي الحنينه علي دايما .. ي البنك المتحرك حقي ي الميكب ارتيست المظبطاني ي الوريتيني يعني شنوو اساعد انسان يعني شنو افرح احد بدون مقابل ي القريتيني ودخلتيني مع ناس الجيد جدا يااااخ انا بحبببك شديد ي ريمتي حبييتي انا الليله اسعد انسانه ف الدنياااااا دي .. حصلت نوبه بكا بوراها ابوها زاتو دمعع وامهااا واخواتها اصلن حنيناتت لمن بهناككككك .. يشيلو ويباركو لي انا امتياز وكده .قلت ليهم يلا عزوووها روان دي ي عموو وخالتوو هدايا من النوع الفاخر المتخركك علي الارض وكده ابوها بقا يضححححك غمز لي .. امهاا قلعت غويشه كبيره من ايداا وادتهاااا ليهاااا قالت ليها ي امي والله غويشتك دي تراثث عديل ادوني قرووش براي بعز روحي .. قلت ليها ياروان لو عارفه الغويشه دي اكتر من 12 الف ولا 15 الف م كنتي ابيتيهاا بقت منططه عيونهاا احلفوو لا انتو جادات 😂😂😂 اخواتهاا قالو ليها الهدابه ع مزاجنا بدون شروط .
قبل م اقفل قلت لبها انا بحبك شديد
وبالله هدايا ظابطه للسمستر ي بيبي غمزت لي وقفلت ❤😍
دقيت لي لنا تاني م ردت طوالي اعصابي باظت .. اتزكرت تولين ورتني اعرف ان التلفون ده ف الحته الفلانيه كيف بقيت اطبذ قريب الساعه حتن لقيتوو .. هي في بيت قريب لينا هنا بس م عرفتو حق منو . الساعه كانت 10 ونص قلقت قلق شديد طوالي طلعت لبابا قلت ليهوو لنا قريبه لي هنا حجيبها واجي بسوق مهند م تخااف قال لي م تتاخري دقيت ليهو قال لي راجيك ف الشارع
-مالا اختك
-مابتزد وانا خايفه قلبي بدق شديد يارب متكون في ورطه
