صراع الليوث
البارت الاول
#طائربلاتغريد#
السلام عليكم اني الشيخ فاضل شيخ ابن شيوخ توارثنه الشيخه من اجدادنه طبعا بزمان جد جدي من سكان محافضة البصره
طبعا من زمان ابو جدي جانت عشيرتنه وحده لاجن بمرور الوكت كبرة العشيره وتمددت فقرر جدي ان يقسمهه الى قسمين قسم يلزمه جدي وقسم ابو
وبعد متوفه ابو جدي رجعت العشيره وحده فكبرة اكثر فقرر جدي يقسمهه مره ثانيه الى ثلاث اقسام وجان جدي يراس العشيره الام الي هيه رايسة العشاير الثلاثه المهم بعد وفات جدي وصلت الشيخه الوالدي شيخ فارس وهم كبرت العشيره اكثر المهم الى ان وصلت الشيخه الي صارن اربع عشاير اني راست راس العشيره وجان ولد عمي راسون باقي العشاير
طبعا اني ماعندي اخوان فابوي زوجني واني عمري 15سنه وره شهر حبلت مرتي جابت ولد سميته فيصل
وره سنه حملت مره ثانيه هم جابت ولد سميته ثامر
وبعد ه جابت رائد ورافد جانو صغار الفرق بينهم سنه
الحمد لله صارو اربعه وراهه توفت زوجتي صارت بيهه حمه النفاس وتوفت شكد حاولو اتزوج بس اني رفضت كلت ربي عوضني باربع ولد ماريد اكسرهم بمرت اب جانت اختي صفيه كاعده وياي بلبيت وهيه الي ربت اولادي
يعني صار عمري 23سنه عندي اربع اولاد
المهم جنت متراس العشاير الاربع محد يتنفس اذا ما ارخصله كبرو اولادي وكبرة العشاير وكبرة المسؤليه واني هم كبرة وبيوم جنت كاعد بوصط الديوان وجان يدخل علينه ابو حسين زلمه من عشيرتنه جانو ولدي الاربعه وياي
تفضل ابو حسين كول شنهي طلابتك
والله ياشيخ اني عندي كاع وعايش منهه وهاذا جاري عنده كاع بصفي بس اني بيتي بنص الكاع مالتي وطريقهه عل كاع جاري لان النهر محاوط بيتي وبيوم لكيت صاحبي كارب الطريج الي افوت منه البيتي لمن رحت كتله ليش كلي بكيفي كاعي وريد استفاد منهه
وهسه اني كلش تاذيت من حرثة الطريج
خوش ونته ابو صالح شتكول
والله ياشيخ كاعي صغيره والطريج الي مسويه ابو حسين جبير وعل طول كاعي يعني اذا زرعته يطلعلي خوش زرع واني عايلتي جبيره وكل جيس حنطه تفيدني
صفنت علربع لكيت ولدي بعيونهم حجي كلت خلي اجربهم صحت
فيصل
ابشر بويه
ثامر
عونك بويه
رائد تامر بويه
رافد
عد عينك بويه
اسمعو يلربع ذوله ولدي همه يحكمون بلقضيه
كلمن يكول رايه
كول فيصل شنهي حكمك
بويه ارخصني
مرخوص
بويه اني اكول لو ابو حسين يقدر شكد يطلع لبو صالح من زراعه الطريج ويطيهيا كل سنه ويفتح طريجه
الكل صاح احسنت خوش حل
ونته ثامر شتكول
والله بويه اني اكول لو ابو حسين يشتري الطريج من ابو صالح ويفتحه.
وهاذا هم خوش حل
ونته رائد
بويه اني اكول لو ابو حسين يطي ابو صالح وصلت كاع بدال الطريج ويزرعه
احسنت والله هم خوش حل
يلله بويه رافد احجي شتكول الحل شنهي
والله بويه الحل بصيط
ها شنهي بلله الحل برايك
بويه الحل ابو حسين يسويله معبر من عل النهر الي محاوط بيته ويخلص من مشترات الطريق
هههههههههههه هاذا هم خوش حل
التفتت عل الربع ها يخوتي شنهي رايكم بلحلول الي كالوهه ولدي
والله حلول مكانهه بس ياحل نمشي بيه
سمعو يلربع اني ولدي قدمنه حلول لهاي المساله والي يفيدكم امشو بيه شتكولون
اي والله يشيخ مشكورين
ها ابو حسين جدامك اربع حلول شراح تختار
والله يشيخ اني كلهن ما اكدرلهن
ها ليش
شوف يشيخ اني كوه مدبر عيشت جهالي وماكدر اشتري الكاع ولا اكدر اطيه زرع ولا اكدر اكطيه كاع لان كاعي يالله مكفيتني
زين سويلك معبر
عمي المعبر يرادله فلوس واني ماعندي
رافد من رخصتك بويه
مرخوص احجي
اني مثل متعرفون مهندس معماري وهاي اخر سنه الي ويرادلي فد مشروع للتخرج واني كلت اسوي هلمعبر لبو حسين هم افيده وهم مشروع الي اتخرج بيه شتكول
والله بويه عفيه عليك صدك شيخ وبن شيوخ التفتت عل ربع
وهاي هم حليناه بعد شعدكم
هههههه مشكورين عمي الشيخ
فيصل ارخصني بويه
مرخوص يبوك
اني راح اتبرع بفلوس المشروع
كفو والله يبوك
خلصت الكعده فضو الناس ضلو بس كم واحد اخر شي ترخصو الربع ضلينه بس اني وابو مشاري الي هو خويي ورفيجي ومستشاري
والله يخوي اليوم الولد بدعو
اي والله صحيح
زين يخوي بعد عمر طويل شتكول منهو منهم ياخذ شيخة العشاير الاربع
ها والله يخوي ما مفكر بيهه
لا يشيخ لازم تفكرما نريد العشاير تتفكك من بعدك
اي والله يبو مشاري الولد كلهم سباع ونشامه وصعب الاختيار منهم
شوف يشيخ اني راح اكلك فكره
كول يبو مشاري اسمعك
شتكول لو نسويلهم اختبار
اي وشنهي من اختبار
شوف انخلي كل واحد منهم سنه بلشيخه يعني يامر ينهي يحل مشاكل كلشي وكل سنه نغير واحد وبعدهه نشوف منهو يستحق يصير شيخ الشيوخ
والله يخوي خوش فكره
جاخوش اذا عجبتك من باجر نعلن عنهه بين العشاير
هاي هيه باجر نسوي عزيمه ونعلن هلشي
ثاني يوم جان الكل يسولف بعزيمت الشيخ فاضل وشنو السبب حته الولد
اكلك فيصل معرفت شني سبب العزيمه
والله رافد ابوي ميحتاج سبب حته يعزم
رائد لا بس مو يعزم حته شيوخ العشاير
ثامر ولكم سمعت عنده اعلان بس شني ما ادري
فيصل يخبر بفلوس بكره حيبئه بلاش
هههههههههههه لاىبعدالغده
هههههههههههه هههههههههههه
الشيخ فاضل
اسمعوني يهل ربع اليوم جمعتكم حته اعلن عل شي ولازم الكل يشاركني بهل شغله
الكول كول يشيخ امرك عل راس
الشيخ فاضل
والله والنعم منكم
طبعا الكل يعرف اني جبير العشاير الاربع
واني الله رزقني باربع اولاد وهمه كلهم مثقفين وهل نخوه والكل يشهدلهم بس اني لازم اختار واحد منهم يراس العشاير الاربع وطبعا اختياري صعب ومو من حقي اني اختار وحدي فاني وابو مشاري قررنه قرار واذا وافقتو عليه راح نطبقه من باجر
وشنو هاذا القرار يشيخ
راح اخلي كول واحد من ولدي شيخ عل عشاير لمدت سنه وطبعا اله كل الصلاحيات الي الشيخ العشاير الاربعه وبعد وراح نسوي لجنه نختارهه من العشاير الاربعه هيه الي تقيم كل واحد منهم
وبعد اربع سنوات حته لو جنت اني ميت ف ال لجنه هيه الي تنصب الشيخ
طبعا الجميع نصدم وبلخصوص ولد الشيخ الي راح تتعرفون عليهم بلبارت الجاي
وهسه شتكولون عل قراري
شيخ مناف والله قرار زين واني ارحب بيه
شيخ رياض انته شيخنه وكلامك يمشي عل كل وهاذا قرار صحيح
شيخ مضر ابو فيصل انته كلامك ذهب لازم نحدد الشيخ حته نتجنب اي مشاكل بلمستقبل
طبعا اني اتشكر منكم علثقه هاي وهسه نسال الولد
ها يلولد شنهو رايكم بلي كلنا
فيصل عل امرك بويه
رافد تامرني بويه
ثامر عل راسي بويه
رائد بكيفك بويه ما عندي عتراض
شيخ فاضل هاي هيه جا بويه من باجر نسلم الشيخه الفيصل لان هو اكبر خوته وها هاي وصيتي حته لو متت هم تكملون
حاضر بويه
باجر شنهي بليام
شيخنه باجر ٨/٣
خوش سجلو عدكم باجر نسوي عقد لشيخ فيصل لمدة سنه
يبدي من باجر
احبابي هاي القصه وتمنه تشجعوني عل كتابهيعني تعليق وتصويت
