صراع الليوث
البارت الحادي عشر
ثامر طلعت وره رائد لاكيت رافد بلباب
ها ثامر شصاير شو رائد راكب السياره وطاير
ماتدري بيه وين راح
وا ادري بس شحط السياره وطلع
لا ياربي وين الكاه هسه
طلعت المبايل اخابر ويرد عليه
رافد هسه غير تكلي شكو
ثامر خلي ادري اني شكو وبعدين اكلك
جا منو يدري
فيصل بس هو الي يدري شصار
زين هو وين هس
جوه بلحديقه
تعال خلي نساله
يلله تعال
رجعنه لكينه فيصل كاعد ويبجي
لك لا فيصل ليش تبجي صدك جذب
رافد فيصل سولفلنه شنو الي صار
فيصل تعالو يم الوالد ونسولف لازم ابوي يدري بلي صار
يلله تعال
دخلنه يم الوالد بلمضيف
السلام عليكم بويه
هله بويه وعليكم السلام
جا وين رائد
فيصل بويه رائد طلع بلسياره
لا بلله اني مو منبه عليه ما يسوق
بويه لازم اسولفلكم الي صار
خير بويه شكو
اسمعوني كلكم
فيصل بديت اسولفلهم الي صار من شفت طيبه اول مره لليوم
شيخ فاضل
انا خوك رائد هيج يسوي
اي والله بويه واني حته لو ماجانت البت اعرفهه هم عيب الي سوا وياهه
ثامر اسمع خويه صح رائد متهور بس ما اعتقد يسويهه
فيصل شتقصد
اقصد انته متاكد من هاي طيبه متجذب
فيصل وليش تجذب ها بلله كلي شنو مصلحته
رافد والله يخوي ما ادري صح رائد عينه زايغه بس متاكد مايعرف انته تحب هاي البنيه لان مستحيل يخلي عينه عل وحده اخو رايدهه
فيصل اني هم متاكد
ثامر جا انته ليش ماكتله
ولك هو خلاني احجي شو راسن كام يسب ويغلط عل بت
شيخ فاضل اس ولا حجايه فيصل انته حسابك وياي بعدين عل ضربتك لخوك
ونته رافد هاك مبايلي خابرلي عل رائد
اي بويه
دك المبايل مره وثنين ماكو اخر شي رد رائد بتعب
الو
الو هابويه وين انته
هنا بويه كاعد يم الشط
بويه تعال رايدك بلبيت
بويه رحمه عل اهلك خليني اريد ارتاح
ميخالف ارتاح وتعال مو تتاخر بعد ابوك
لا بويه شويه وراجع
فيصل ضلينه منتضرين رائد لحد ما رجع للبيت من دخل كال السلام عليكم رد عليه ابوي
وعليكم السلام هله بويه هله بلشيخ هله برفعت راسي هله بزر الكعده المدلل هله بليصون العرض هله بلي يهاب الجبير ويحترم اخوته ليش بويه ليش اني ماربيتك عل شينه ليش تروح تعتدي عل عرض الناس وتالي تطول عل اخوك مو عيب جم مره عايدهه عليكم كلكم جم مره اكلكم العرض العرض كلشي ولا واحد يندك بيه باجر يطلع بمرتك مو بويه
ابوي يحجي ورائد مدنك والله ما ارضه عليك اذا ما دنكت عل اخوك وبست راسه
فيصل لا بويه اني هم غلطت ويا اني ابوسه
شيخ فاضل لا مستحيل انته ماغلطت انته سويت الي لازم اي واحد يسوي وانا لا بمكانك جا هم سويت مثلك واكثر
شيخ فاضل رائد كوم حب عل راس اخوك وبعدين تعال خلي اسولف وياك
رائد كمت ردة احب عل راس فيصل كام فيصل وحضني
تحاضنه وبجينه ثنينه بعدين كلي ابوي
الله يرضه عليكم بويه ماريد اي شي يفرقكم ابد اني موش دايم الكم ونتو لازم تتعاونون عل هلدنيه تره الناس التكره كلشي تسوي مو صحيح
اي بويه صح كلامك
خوش جا رائد انته من تهجمت عل البت و شككت بيهه تعرف منيه
رائد لا بويه ماعرفه
زين واذا كتلك هاي هيه البت الي راد يخطبه اخوك فيصل
